深仔記

Open Now

Now Closed

深仔記開業於1983年,店內裝修十分懷舊,有舊香港特色深仔記招牌菜係鮮蝦雲吞麵老闆提醒食雲吞麵 1要先食口麵 2再食雲吞  3然後飲湯,錦就完美拿招牌鮮蝦雲吞麵$36這家店的招牌鮮蝦雲吞麵，是我個人相當推薦的一道菜！湯底用大地魚去熬鮮味十足麵條非常彈牙，而且吃起來非常鮮甜，蝦肉也很新鮮，食到加左D豬肉和大地魚粉提升鮮味整體的口感相當流暢，是一道非常值得嘗試的菜色！深仔記地址 :香港尖沙咀赫德道5-9號德裕中心地下4號舖電話號碼:23667778營業時間星期一至六11:00 - 03:00 / 星期日11:00 - 00:00#濠愛美食 #hkfood #Hkfoodblog #Food #food blog #香港美食 #香港美食指南 #相機食先 #尖沙咀美食 #午餐 #午市套餐 #性價比 #上班一族恩物 #深仔記 #招牌鮮蝦雲吞麵  #大地魚湯 #雲吞麵 

同班friend去食宵夜，店內食客都唔係幾多啫，唔知點解遲遲唔俾我地點單，手腳真是好慢，食完之後埋單嗰陣，我啱啱攞緊銀包，個老細就話，你快點喇！！咩事？你頭先叫我地等咗咁耐我地都未出聲喔？佢就話喇，咁你地下次唔好再來嘍。係㖞，成世人我地都絕對唔會再來呢家店鋪嘍同班friend去食宵夜，店內食客都唔係幾多啫，唔知點解遲遲唔俾我地點單，手腳真是好慢，食完之後埋單嗰陣，我啱啱攞緊銀包，個老細就話，你快點喇！！咩事？你頭先叫我地等咗咁耐我地都未出聲喔？佢就話喇，咁你地下次唔好再來嘍。係㖞，成世人我地都絕對唔會再來呢家店鋪嘍

早上去tst 做facial , 點知上到去先話尋日打完斑, 今日唔可以做facial, 白行一次, anyway 唔緊要啦, 假日好少咁早起身, 趁機食個靚早餐先。黎到亞士厘道, 其實都有間叫旺記的茶餐廳, 不過早餐都要$50-60, 貴左少少, 所以我食深仔記, 叫了個雞扒沙律早餐, 都係$40幾, 仲有我最愛的茄汁豆, 雞扒煎得好香, 肉又淋, 成個餐我食哂, 只係冷氣較凍, TST黎講十分抵食~

鐵板肉眼扒跟薯菜配黑椒汁🥩附送餐湯🥣$88 好味指數：7/10份量好大份，肉眼🥩本身好淋，而且冇乜筋，啖啖肉。配上大芝士🧀蕃茄🍅，仲有配菜西蘭花🥦椰菜，而薯菜🍟係薯角嚟，每一塊都好大塊，而我選擇咗黑椒汁，唔夠汁問店員拎多一兜都冇問題，絕對唔會黑面。

本來想去隔離食叉燒炒蛋午餐，但係實在太多人排緊隊，唔知要等幾耐，所以放棄，行過隔離呢間冇乜人排隊。原來冇乜人排隊都係麻麻地。入到去近門口有位就坐低，冇睇到咩嘢多人食緊。求其叫咗個B餐，紅咖哩煎蛋豬頸肉，跟熱央。個飯一般一般，但係唔睇番個餐牌真係唔知食緊乜！咖哩完全沒有咖哩未，無論係黃、白、紅、黃咖哩都唔似，只係一個杰杰地的芡汁；豬頸肉一般都係燒或炒，都應該有少少咬口，呢度就似白洽肉片咁。個飯唔好食，但係都唔算得難食！唯一最對版的是隻煎蛋，一隻溏心嘅煎蛋，唔錯。鴛鴦中規中矩，冇咩香味，亦都不滑，又不夠熱。

見到有人介紹深仔記蛋治出名 所以吸引左我去 環境設計以藍色做主題🔵都幾特別 食物方面就非常非常普通了〰️🧐▫️下午茶 - 招牌鮮蝦雲吞麵🍜 $40非常normal 雲吞麵鹼水味重 真係少失望😓而且麵質超淋 鮮蝦雲吞都ok 幾大隻 入面既蝦都幾鮮甜既 但係鹼水味實在太重了〰️沒有很喜歡▫️下午茶 - 雙併三文治 招牌炒蛋🍳 $32我無打錯 我只係嗌招牌炒蛋 但佢打單打雙併 我都唔係好知自己雙併咗啲咩☺️不過都唔緊要 我最期待都係食個厚蛋 一上枱⋯嗯 就係蛋治🤣！蛋治雖然望落少厚 但份量唔多 咬落得個蛋只佔半塊麵包 蛋味唔算香濃 就係一般蛋治既味道〰️😣

在尖沙咀逛街逛到六時許，就在附近隨便找食店作晚膳，很久沒有探訪深仔記，就走進坐下選了廣東雲吞幼麵，蝦夠鮮甜肉又滑且彈牙，幼麵很嫩滑有口感丶廣東雲吞粗麵，粗麵爽口有嚼感 、灼油菜清甜爽脆。簡簡單單的一餐，回家後又輕輕鬆鬆🤗🤗

廣東雲吞麵是一種不單是食文化更是生活的傳承😀我一向比較喜愛兒時街檔的味道，這小店外貌不揚，隱在尖沙咀鬧市的小街舖位，但是我愛光顧的其中一店😋今晚正好在附近看七點半電影，趁前短時間來尋找兒時味道🤗分別點了雲吞麵，粗细各一及灼油菜，水準頗高，湯底好足味，大地魚及蝦殼想必加入来令湯底香氣更濃，麵條軟硬適中，有口感兼彈牙😋😋尋找傳統味道的好地方

傳統正宗手藝麵店,現有5間分店, 價錢上走平民路線,一碗麵$30起有交易南乳滷豬手麵  色澤比較深,豬手滷到好入味好軟淋,咬開就骨肉分離!個皮厚身彈牙,相比其他麵店呢度南乳汁係比較濃,用得重手好多鐘意食濃味既朋友就好岩食,個皮好重骨膠原,爽中帶彈性,幾好食京都肉醬撈麵 ,因為肉醬有汁,必須每天現炒,肉絲炒到每條都入味份量幾乎能蓋滿麵條,好足料,酸中帶辣,拌麵條食好惹味灼牛肉 灼鮮魷魚麵 呢度比較特別食到現灼鮮魷魚蔥薑輕灼,十分鮮味,魷魚彈牙鮮甜 份量足一隻,仲有嫩滑牛肉片鮮灼鵝腸 估唔到係仲有灼鵝腸,夠肥嫩,煙煙韌口感幾好食消費$200尖沙咀赫德道5-9號德裕中心地下4號舖

入左社交平台雲吞麵關注組，見到好多人介紹唔同嘅麵，幼麵的種類有好多款，有蛋麵、生麵及麵餅等，每種的成分都不同，煮法亦都不一樣。以蛋麵為例，成分主要是雞蛋、麵粉及梘水，煮法是先要將麵在滾水中煮至軟身，然後沖水過冷河，再加湯或配料去煮，質感軟滑、富有蛋香。其他幼麵仲有生麵，通常用來做雲吞麵，保存期比較短。存放時間比較長的的麵餅，就可加入不同食材，好像菠菜麵、魚蓉麵、蝦籽麵等，令口感更加豐富。好食嘅生麪麵唔多，呢個我覺得都可以試一試！

今日一個人喺尖沙咀，想食中式麵。上次試咗麥@@，終於去今次去咗深仔記，諗左好耐食唔食雲吞好，最後決定食鵝腸水餃撈。首先上咗個上湯同豉油。一睇原來有幾粒紅椒的辣豉油。D湯都好清，麵末到就試咗湯，幾好。唔知人哋點食，我食撈麵鍾意一啖湯之後一啖麵😂。水餃一睇已經知夠多荀絲同木耳絲，先試鵝腸，雖然唔係有肥，但好爽，白焯仍然無乜其他雜味！我覺得好食過深水埗劉*記。水餃2粒，好香好脆。 加咗個油菜，唔知菜面D油有冇加工過，定唔係普通油，好香！腐乳普通，但通菜點辣豉油非常㚒！今餐非常滿意！

這一天簡單的吃快餐。常常看到這間店排長龍，不知道為什麼，就試試看。店子的座位排得滿滿的，全店滿座。主力推招牌雲吞麵，還有各款港式午餐，價格是正常茶餐廳價位。紅油炒手：這紅油炒手一客有六粒，其實就係雲吞加辣油。而雲吞以蝦肉為主，味道是對板的。淨水餃：水餃是廣東水餃，餃子皮很薄，餡料以蝦肉為主，有少少木耳，味道比較清淡，沒有太多油份，作為輕午餐是ok的奶茶茶味濃，沒有澀口的味道，但又不是極之滑溜的那一種，是正常水平。檸水是健康的選擇，檸檬不澀口，也是正常水平。

早排上網見到報道話深仔記係由前澳牛大廚坐鎮，甘自然會對佢嘅滑蛋抱有一定期望，所以今晚收工去開尖沙咀時特登走過去試下。.蝦仁葱花滑蛋飯 ($54)滑蛋飯系列有三個選擇：叉燒、牛肉、蝦仁，而今次我就揀左平時經常叫嘅蝦仁。餐廳人唔特別多，所以等左一陣就已經有得食，嚟到見到成隻碟舖到好滿，蛋望落去嫩滑而且有唔少蛋汁，蝦仁份量非常horn koi，加埋豉油汁同埋一定嘅葱花，成件事上枱時好吸引！😍😍.影完張相已經急不及待開始食！如期望一樣蛋的確非常嫩滑，蛋味唔算好重但依然好食。蝦仁相對嚟講比較細隻亦唔算非常爽口彈牙，同埋食食下見到佢哋唔係每隻都有挑哂蝦腸😞😞 呢類滑蛋飯對於我嚟講另一個精粹就喺豉油汁度，但好可惜地呢度嘅顏色好夠但食落就冇乜味... 而且個底豉油實在太多了吧...整體嚟講呢度嘅滑蛋飯其實頗為普通，由於價錢差唔多，下次都係會揀行多幾步去隔離食番旺記🤭🤭

而家喺尖沙咀揾間好食啲茶記都唔係咁易，路經望到餐牌，就係我想食既港式茶記，下午茶時間都座無虛席，店內都算大，等咗幾分鐘就有卡位。點了乾炒牛河同星洲炒米，賣相不錯，份量以下午茶來說，都算大碟，味道也不俗。 蝦仁都算大隻，好爽口，辣多少少🌶應該會仲野味。 干炒牛河不算肥膩，牛肉也不靭，起碼不會食到滿咀都是油。🥤奶茶永遠是茶餐廳的靈魂，一日都要飲一杯的我，一定會叫，都幾好飲。聞說雲吞，水餃是招牌菜，但今次沒有試，下次再去就要試試看。

原本打算去甄記食早餐，望到對面有間深仔記未試過，諗住甄記食過好幾次，不如試吓其他。早餐都算多選擇，做緊優惠平日早餐減$3，揀咗個歐陸早餐豬扒火腿炒蛋，走咗茄汁豆，好開心唔使食多士，佢本身冇嘅，佢個歐陸早餐價錢相對較便宜，正合我心意，反正收我40幾蚊俾埋多士薯餅我都會走，依家興食少啲澱粉質嘛。豬扒都幾大塊，炒蛋好滑，仲送咗幾條沙律菜，影相都靚啲。而家好少茶餐廳冇即磨咖啡，佢偏偏就係冇，所以飲咗杯熱檸檬茶，有成四片檸檬，都算係咁，不過杯茶好細杯。折咗$32 咋。好食又抵食！留意返：冇即磨咖啡，冇即磨咖啡，冇即磨咖啡，重要嘅事要講三次。～報告完畢～