尚海人家 (宏基商業大廈)

Open Now

Now Closed

今日去上環探朋友，行經附近嘅「尚海人家」餐廳，櫥窗外看到小廚製作生煎包，吸引我入去餐廳購買，外賣回家慢慢食。皇牌生煎包 (必食😋)底部煎到金黃色，生煎包外酥內軟，咬一口湯汁澎湃，肉餡鮮味，喺必點之選。排骨蔥油拌麵排骨大塊，拌麵有香濃嘅醬油味道，加上紫菜絲，好美味。上海菜肉雲吞雲吞浸喺上湯，先喝一口湯，湯非常清澈。五粒雲吞，好大粒，雲吞皮有嚼勁，鮮香餡料配上清湯更加美味。低糖豆漿豆味濃郁又清甜，低甜更健康！尚海人家上環摩利臣街10號宏基商業大廈地下8A號舖

😋週末嘆番個正宗上海美食外賣🥢尚海人家既生煎包好吸引，行過鋪頭望到佢地係即煎😍見到餐牌很多野食，叫左幾款返屋企。👑皇牌生煎包6隻$38 生煎包熱辣辣，咬開爆汁💦裏面嘅餡料juicy，個底煎到脆卜卜，好有水準💯🐔雞絲粉皮$30 粉皮滑溜，雞絲嘅份量都幾多，仲有爽脆嘅青瓜絲，配上麻醬，係開胃嘅冷盤😋🐷糖醋小排骨菜飯$42小排骨酸酸甜甜，配上菜飯，美味又飽肚。📍上環摩利臣街10號宏基商業大廈地下8A號舖

🐽生煎包～很爆湯汁，熱辣辣咬下時要小心，湯汁真的會噴出來🤣底部煎得脆卜卜，內裡的豬肉也是塞得滿滿的，加上頂部的香脆芝麻，勁正～🥬炸春卷～內裏餡料有韭黃及木耳絲，素食來的，春卷皮炸得很香脆，拎到返家吃還是脆的，份量亦抵食，有3大條～🐷糖醋小排骨～味道剛剛好，酸酸甜甜，一點也不膩，肉質鬆軟不韌🫔豆沙鍋餅～豆沙多的，很足料，以這個價錢，能吃一大片，感覺很抵食，平日在餐廳吃都要多一倍價錢才能吃到～

上環好少地舖有上海野食，加埋疫情夜晚又無堂食，間間舖頭都閂門，就比個機會試試佢啦！！Order 油炸蔥油酥餅，一碗淨菜飯，4隻生煎包，一份“套餐”1. 套餐套餐係假嘅 圖片顯示有一份炸豬扒 一份擔擔麵 兩粒植物肉春捲 另外加8蚊有飲品 叫完 加錢野飲 可以但要加12蚊春卷有送嫁麻 無禁點解你地仲要放個餐牌比人睇 我可5可以去消費者委員會告佢2. 菜飯一陣睇相28蚊 大大碗一個小女子 一定5夠飽3. 油炸蔥油酥餅睇住係冰格攞出黎炸 炸左15分鐘都未炸完 仲要5係上海蔥油酥餅 一舊圓形空心有d蔥係入面 外面又就硬加油嘅厚皮 睇相啦 ps大舊再一啖都吞到4. 生煎包好食 多汁 一咬仲爆到周圍都係 5洗等 我等嘅同時 前面十幾張單都叫生煎包 所以佢哋買完走埋 我都仲嬲爆爆waiting味道係可以 正常 BUT！！！d野凍嘅5知係等到凍，本身凍呢兩個員工一個阿叔 一個阿嬸 完全唔知自己做啲乜 好心啦！！如果5係依2個員工，明白疫情下，大家都辛苦，工作難求，但都要尊重工作尊重自己！！唉~比錢買難受！

用openrice 外賣自取功能訂購6  隻生煎包，是預備翌日做早餐的，去到舖頭根據號碼取，翌日早上一開，原來只有四隻🥲我取餐時，我自己有double check 個number 冇錯的。我平時都常常用外賣自取功能，或在其他平台叫外賣，第一次這樣比少了，貨不對辦

媽咪打牌唔得閒煮飯 洗衣收工之後就決定去屋企附近買啲外賣同爹哋一齊食晚飯～～～呢間上海店開咗一排 一直都未得閒去光顧 難得今日有機會就決定買嚟試吓 ～～～餐牌選擇幾多 而且好多set 都可以全日供應 價錢都幾抵食～～～最後我就揀咗高湯上海麵套餐同埋上海菜飯套餐 ～～～麵餐方面 裏面配有兩隻皇牌生煎包再加一個麵 我就揀咗涼拌雞絲麵 而揀比daddy嘅飯餐 仲有包左兩隻生煎包同埋糖醋小排骨菜飯～～～皇牌生煎包 叫得皇牌確實係有質素咬落去bit曬汁 d肉亦幾鮮味 ～～～涼拌雞絲麵就凍冰冰幾醒胃 麵條都彈牙 不錯 而糖醋小排骨就比較濃味 配搭清新嘅上海菜飯食就啱啱好整體黎講 味道都唔錯 算係上環幾高質嘅外賣店～～～尚海人家 (宏基商業大廈) (上環)上環摩利臣街10號宏基商業大廈地下8A號舖

上環附近搵外賣，見到呢間新開嘅上海好，突然好想飲酸辣湯決定呢度買晚餐。呢度嘅下午茶好抵食，生煎包加酸辣湯先至$38。另外我哋再揀咗一個全日早餐，就係蔥油雞扒菜飯加生磨蛋白杏仁茶，先$52。酸辣湯真係有驚喜，夠晒酸，料又多，而且個碗大到係一兜飯咁大！完全啱晒我，飲到停不了，下次可以再加啲面落去食。另外生煎包係包汁嘅，一下落去啲肉汁標晒出嚟，外面嘅包皮係脆身，果然係招牌菜。至於蔥油雞扒菜飯，雞扒係隔層咁上，好貼心嘅安排。雞扒都點完身，調味唔會好重。杏仁茶亦都幾順滑，調味亦唔會好甜呀。

我係麵包控，行行下見到有忍唔住買咗超鍾意食生煎包，咬落去爆汁果下好正，但小心熱。排骨開蔥拌麵，自從返個中菜之後食過開蔥拌麵以後覺得好好食，佢呢個開蔥拌麵唔會話好油，而且個排骨係超級香，勁吸引。生煎包加埋個面有套餐都係$49，平咗幾蚊，仲可以加$8要酸梅湯。 蔥油酥餅 $18同我想像有少少出入，但係味道都好好食，唯獨是蔥嘅製成品我先會食蔥🤣豆沙鍋餅 $28超鍾意食豆沙野，個外皮勁脆，啱晒我呢啲鍾意食甜野嘅人。上海野一定要食生煎包，個個嚟到都係買生煎包🤣🤣

我同女朋友星期日都晏起身，之後佢就一直留係屋企煲劇，到夜晚就點我出去買嘢食返去。我唯有只好就範，我見到有間新開嘅外賣店賣上海野，問佢啱唔啱食，好彩佢又ok喎。小店定價都幾平，食物選擇都多，所以等野食期間都不斷見有人嚟買外賣同有步兵嚟拎食物。店外望到廚房，雜物多啲，但都算乾淨。鮮雞湯小雲吞$32小雲吞意外地高質，我地一向都好鍾意食，但多數係食四川辣果種，估唔到清湯都掂。湯底夠清，唔味精，仲加咗蛋絲，而雲吞仔嘅皮就好滑溜。皇牌生煎包$18生煎包亦無負皇牌之名，食落有爆汁嘅肉餡，肉味鮮甜，而包本身都好食，夠軟又唔濕。桂花蜜糖雞翼$18廚房炸嘢都諗唔起係關我事，但原來係炸雞翼。雞翼3隻大大隻，炸得香脆肉嫩，並淋上蜜糖。雞絲粉皮$30呢款就一般，味道唔多夠，偏淡，而且份量相對較少。不過粉皮本身都滑。生磨蛋白杏仁茶$22雖然造型普普通通，但味都還好，杏仁香邊食邊滲透，整體甜度亦適中，平平地可試下。其實餐廳有賣套餐，但我哋唔啱食，如果唔係應該仲可以平多幾蚊。佢算係平靚正嘅外賣選擇啊。

今日經過上環，原來新開左間上海外賣店😎見到價錢又唔貴～一於試吓外賣返屋企佢主要有三個套餐，都係王牌生煎包再加飯或者麵😆叫咗兩個套餐，等咗一陣已經拎得返屋企～第一個係王牌生煎包配上涼拌雞絲冷麵生煎包超級外脆內嫩，食嘅時候要小心啲，勁多肉汁爆出黎！涼拌雞絲冷麵有雞肉丶青瓜絲同蘿蔔絲😄配上非常濃厚嘅麻醬混合一齊食，非常香之餘 麻醬鮮味突出，夏天食呢個超級正！另外一個餐就叫咗生煎包加糖醋小排骨菜飯😆糖醋小排骨分量甚多～酸酸甜甜配上菜飯一齊食好有口感！呢間外賣小店 價錢相當便宜，生煎包有水準，下次嚟試吓其他套餐先！

在8月頭，我經過上環蘇杭街，才發現 <祥興記上海生煎包> 結業！上個月，再經過這裡，竟然開了一間又係賣上海生煎包的外賣店 <尚海人家>！我好奇會不會純粹轉店名呢？於是，走到中環擺花街，那間 <祥興記> 依然是 <祥興記> 無改名呀！估計恰巧有齊相關配套，新店又賣類似食物！自從有政府消費劵後，我會留意上環區哪些餐廳食店可使用八達通 (便可消費劵)！原來這間新店也歡迎使用八達通啊！餐牌上海菜飯套餐：全日供應皇牌生煎包2個 + 上海菜飯1款 $48皇牌生煎包兩個生煎包底部有點燶，而且比較 <祥興記> 的生煎包身的底部還要厚，幸好，都算熟透！香口又內裡多肉汁，熱辣辣的！蘸上店方的醋汁增添風味！醬滷牛肉上海菜飯有4片牛肉，似是五香牛𦟌，略帶醬汁，略嫌不夠，肉質不算乾硬，不過不失！要拌勻生煎包的肉汁及醋汁才夠撈飯；上海菜飯的白菜可說是粗枝大葉！切都唔切開成細粒，也並非飯還飯、菜還菜，是混合煮熟，菜已變黃，整體少油份量充足！整體都好抵食又夠飽肚！質素卻不及祥興記！

公司附近新開嘅上海小店，價錢好抵， 25蚊就有個開陽蔥油拌麵。最出名係佢既生煎包，包得好好，包底亦煎得非常香脆裏面又有湯汁，非常juicy 。而且包皮又夠薄👍🏻另外最食得講嘅就係佢嘅蔥油開陽拌麵，喺出邊幾十蚊一個依度$25就可以食到一份。份量都好祝味道亦都同出邊嘅一樣，最鍾意食硬身又要彈牙既面嘅我，亦都覺得佢啲麵質非常OK。不過值得一提嘅係始終係上海野，有比較多油同汁一齊撈個麵，味係好足，但如果你想減肥就⋯⋯唔好諗，食左先算擺啦😆同場加映，桂花蜜雞中翼，識落係甜甜地嘅咁冇話特別好脆，但係都夠香口。浴室係夠滑，不過有一隻大隻啲既入邊啲肉有少少未夠熟。總括然而，值得推介👍🏻推介道：⭐️⭐️⭐️⭐️⭐️⭐️⭐️⭐️

此家店服務質素堪憂，態度極差，讓人反感。工作日六點半左右到該店點了兩只生煎，一份豆沙煎餅。同一時間有兩三人陸續排隊點單。等了十分鐘後與我差不多時間的點單客人全拿到外賣走了，又等了十幾分鐘，一共等了二十多分鐘，依舊別人的外賣單不斷完成，而我的那份沒好。實在忍不住問多幾句，收銀女士和旁邊做菜的阿姨竟陰陽怪氣外加冷嘲熱諷。首先，沒有提前告知等待時間會過久已是不對。其次，服務態度竟然如此之差，沒有道歉還要還嘴，實在讓人咋舌。衷心祝福這家沒有服務質素的店早日關門大吉。