尚海人家 (譚臣道) (Closed)

最近返工經過灣仔見到有間新嘅上海外賣小店新開張，聽講呢間餐廳仲要係前米芝蓮小食店總廚主理，價錢都好抵食所以就去試吓！呢間餐廳聽講最出名就係佢嘅生煎包，我去買嗰陣都淨返最後兩個，咁當然就唔好執輸全部都買返屋企。估唔到呢個生煎包真係有驚喜。一入口生煎包好多汁爆出黎，而且裏面嘅肥豬肉唔算好多唔會食到一口油，亦都唔會有豬肉嘅騷味，最估唔到係搭左一程車返屋企先至食都仲可以keep到面頭嘅脆皮，絕對係必食推介 ！上海排骨菜飯嘅菜飯都有唔少嘅蔬菜喺裏面，蔬菜入口都好爽脆，食得出唔係放隔夜，另外佢嘅豬扒亦都調味十足，配返菜飯食啱啱好。涼拌小木耳入口好爽口，麻油香味十足，微微滲岀少少嘅麻辣風味。桂花蜜糖雞翼好香甜，雞翼炸到好香脆，加埋香口嘅芝麻令到口感更加有層次，我個人都覺得不錯吃。總括嚟講我覺得呢間餐廳CP值好高，價錢亦都唔貴，大家如果喺附近嘅話記得買黎試吓！

我最鍾意食生煎包，亦有少許要求，要啱啱煎起熱辣辣，個底要超脆，皮要煙靭，豬肉要有咬口，重點要爆汁，今日就嚟到灣仔嘅尚海人家，試吓佢哋標榜最有名嘅生煎包先😋原來尚海人家係由前米芝蓮小食店總廚處理，每日用新鮮豬肉製作出皇牌生煎包，另外仲有多款好地道既上海美食，我相信質素一定有保證，啱晒好鍾意食上海嘢既我👍🏻🥢▪️皇牌生煎包六隻 $ 42皮煙靭，個底超脆，而且我喜歡個面有咁多黑白芝麻更加香，一咬落去完全係爆汁，好正，豬肉好鬆化而且有咬口，好好味嘅一個生煎包，完全上海風味，另我又想起上海嘅小楊生煎🍲▪️雞絲酸辣湯 $ 30雞絲，木耳絲，冬菇絲，荀絲份量好多，非常足料，而且湯做得夠濃調，好怕食到係水汪汪嘅質感，調味夠酸帶微辣，唔需要額外加醋已經好夠味🐽▪️上海炸排骨一件 $ 20上海炸排骨即是等於炸豬扒，豬扒夠鬆化，每件豬扒都帶肥邊，最鍾意有少少肥，而且醃得好入味，配菜飯食簡直係一流🐔▪️雞絲粉皮 $ 30雞絲，青瓜絲，麻醬份量好慷慨，面又加咗好多芝麻，最鍾意，特別想一提係佢哋嘅粉皮，比坊間嘅做得比較濶同厚，好煙靭彈牙，因為食過好多間雞絲粉皮，好多一夾就散開，所以呢度做得好好，雞絲切得大大件，而且肉幾滑

同事喺ig碌到介紹呢間上海菜，所以捉左我去一齊試😂。舖頭得4個堂食位都頗逼，同埋唔想俾人望住食，所以叫外賣返去。Lunch hour去到前面有幾個人，等緊嗰時愈黎愈多人，心諗可能呢間幾正喎又唔算太貴，點知…🔅上海排骨擔擔麵餐 ($59)拎到返公司都仲熱熱地，有分湯都貼心。麵份量都幾多，男士們應該都夠食。擔擔麵有肉碎、蝦乾等等，少辣但太鹹☹️，平時食開重口味既我都頂唔順無食晒😥。豬扒就一般，少少乾，浸左湯都還可以，但應該唔係即叫即炸，見到staff喺保溫櫃拎出黎，所以又扣左啲分。🔅生煎包2隻 (跟餐)生煎包皮唔算好薄，一咬就爆晒汁，個底煎到仲好香脆👍🏻。💬整體真係麻麻，可能叫飯會好啲，生煎包都ok，不過同事comment仲衰過我，所以未必有下次😂。

生煎包4隻$32雞絲酸辣湯$30桂花蜜糖雞翼$22生磨杏仁茶$22好味指數：😋😋😋😋😋抵食指數：💲💲💲💲💲環境舒適：😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：來到4月份，沒想過溫度仍會突然驟降。濕濕凍凍的天氣，特別想吃點熱熱的食物，又想吃點脆口的東西。經過灣仔一間上海菜外賣店，見到門外放著推介食物的牌。有生煎包！又有酸辣湯，正正可以滿足我想吃熱和脆口食物的慾望！試了幾款推介食物。生煎包底部煎得金黃色，真的好脆口。包內極多湯，一咬下去，湯就爆得整副眼鏡也有湯汁😆。肉的味頗鮮。酸辣湯夠酸夠辣🌶，筍味夠濃。喝完一整碗，整個人馬上感到十分溫暖。桂花蜜糖雞翼脹卜卜。炸得脆脆。甜甜的蜜糖🍯再配上芝麻的香味，實在想多吃幾隻。最後來碗我最愛的中式糖水🥣。杏仁茶夠滑又杰身。就連不多愛杏仁茶的朋友，也忍不住吃了幾啖。此上海外賣店除灣仔店，亦有炮台山店、上環店、將軍澳店。在中環上班的我，可考慮午飯時間去上環店買抵食套餐呀😁。

好多人話我生得咁高大,好似上海人!雖然不是上海人,但我很愛吃上海美食!好耐無出街外賣…今日就來「尚海人家」尋回上海的味道!我見鋪頭既餐牌價錢都好抵,又多選擇…都幾吸引!!!最後我揀左…生煎包兩隻$18咬第一啖裡面既湯噴曬出黎,我心諗,好似食緊小籠包,隔一陣..咬第二啖,都係噴曬d湯出黎..感覺超正!夠足料…好後悔只order兩隻…😂酸辣湯麵$32岩曬最近熱左好多既日子啦!酸辣程度平均,最適合我想食辣但係又怕太辣人士食用!酸酸辣辣,刺激味蕾,增加食慾!上海排骨湯麵$38排骨幾脆,但又唔乾…能夠鎖住肉汁!分量都唔少!食到好飽飽鮮雞湯小雲吞(10隻)$32雖然係小雲吞,一啖一粒雲吞,皮薄多肉!啖啖肉!食咗四五隻已經覺得好飽啦😂!配上鮮雞湯,令雲吞嘅味道更加入味!鍾意食雲吞嘅你非叫不可!尚海人家@shanghaihomehk #shanghaihomehk #hkfood #hkfoodie #hongkongfoodie #foodie #hkblogger #blogger #尚海人家 #上海美食 #外賣 #灣仔

尋找最美味的生煎包！灣仔有一間上海菜外賣店，幾乎每一個來到這家店的食客也會點這道菜！為食我當然唔執輸！就係我下單之後，聽到之後嘅客人話要晒餘下的生煎包😱😱😱令我超期待，當然食完之後都完全冇失望，屋企人都讚好好食，好推介俾大家。🌸🌸🌸🌸🌸🌸🌸🌸🌸🌸🌸🌸🌸🍀皇牌生煎包 六隻 $42👍必食好多人讚呢一間嘅生煎包好食，本身小編唔係太鍾意食，但係都比佢個質素震撼左！因為一咬落去真係爆汁，湯汁仲要好濃郁而且熱辣辣， 生煎包外皮香脆，但係唔會硬，肉餡香嫩味濃且大件！即叫即整，難怪咁好食。🍀桂花蜜雞翼👍$18員工推介呢個口味既雞翼！雞翼炸得好香脆，加上桂花蜜係一個新鮮嘅配搭。個人覺得比蜜糖燒雞翼更加出色，帶點小清新嘅感覺。🍀 擔擔麵$38講起上海菜一定唔少得擔擔麵，芝麻醬味道好出，麵質彈牙，切碎豬肉、伴櫻花蝦及味菜等，口感豊富。食得辣嘅朋友一定要叫。🍀 生磨蛋白杏仁茶$22杏仁味濃郁，濃淡適中！口感幼滑，如果啱啱食完擔擔面覺得好辣，不妨來一客蛋白杏仁茶，解辣又滿足。

係灣仔俾我搵到間平靚正嘅上海餐廳～ 尚海人家。.必試推介💁🏻‍♀️🌟皇牌生煎包🌟有得揀要兩個、四個定六個，岩哂唔同肚餓程度🤭。生煎包即叫即煎，夠哂新鮮香脆👍，上層撒滿芝麻，香蔥，底層煎成金黄色，一咬落去成口都係濃郁嘅湯汁，而肉餡鮮嫩可口，令人食到舔舔脷😋。.🍜蔥油雞扒湯麵🍜蔥油炸得香香，香氣溢出，雞扒切成一粒粒方便進食，加埋蔥油嘅雞扒齒頰留香。.我地仲買皇牌生煎包外賣返屋企🥡，屋企人食完都贊不絕口👍。下次試下擔擔麵同菜飯先🤤。.好味指數：😋😋😋😋😋5/5推介指數：😋😋😋😋😋5/5抵食指數：😋😋😋😋😋5/5.🍽尚海人家 📍灣仔譚臣道8號威利商業大廈地下E號舖

位於灣仔譚臣道的【尚海人家】有著傳統的上海口味 而且價錢相當親民全日套餐有上海麵及飯 價錢$49及$52另外下午茶就有輕食套餐 價錢都只是$38今次點選了⭐️上海麵套餐-皇牌生煎包兩隻-排骨蔥油拌麵⭐️下午茶輕食套餐-桂花酒釀小丸子-鮮雞湯小雲吞 (8粒)- (+8)配豆漿 ・生煎包手工感重 爆汁脆底 排骨蔥油拌麵 排骨炸得香口 蔥油拌上麵線香口惹味 很合我口味 鮮雞湯小雲吞 一口一粒 作為一個輕食很不錯桂花酒釀小丸子 桂花酒釀夠香濃 甜度適中小丸子煮得煙煙韌韌 口感相當不錯 很佳的甜品首選❤

買個外賣食先😋去上海店最仲意食生煎包，尚海人家既生煎包仲要爆曬汁添😍我一咬噴到周圍都係😂所以大家食生煎包時要小心😂~高湯上海麵套餐🍜 $49依個套餐揀左排骨蔥油拌麵加一個甜品桂花酒釀小丸子🤤排骨炸得香脆又入味，蔥油拌麵有有滿滿蝦籽同乾蔥拌上香濃麵條，麵質好有彈性😍桂花酒釀小丸子甜甜香香帶有微微酒味，小九子煙煙韌韌😋~上海菜飯套餐🍚 $52依個套餐揀左糖醋小排骨菜飯加一個甜品生磨蛋白杏仁茶🍵糖醋小排骨甜甜的而且肉味香濃，糖醋汁淋上菜飯好好味又開胃😉生磨蛋白杏仁茶好香杏仁味又好傑身濃郁，面頭好滑好似布甸咁，好好味既一個甜品🤤~皇牌生煎包2隻🥟 $18大大隻生煎包，一咬汁湧出黎，鮮味肉汁好香，肉餡香濃，必食啊🤤

今日心血來潮想食上海野就search吓到底灣仔有咩選擇之後發現咗新開嘅尚海人家價錢都幾抵食👍🏻😉✨糖醋小排骨菜飯✨糖醋排骨幾香酸酸甜甜送飯一流😊💥皇牌生煎包💥我覺得應該叫爆汁生煎包先啱😆一咬落去啲肉汁會爆出嚟個生煎包漲卜卜個底煎得金金黃黃夠脆口真係不錯👍🏻✨擔擔麵✨花生醬味非常香濃麵煮得煙煙韌韌仲有加咗肉碎同櫻花蝦口感唔錯😋😋✨尚海人家 (譚臣道)📍灣仔譚臣道8號威利商業大廈地下E號舖#heacookmama@shanghaihomehk

星期五又到左外賣食豐富啲嘅時間，近排網上見到有人介紹呢間 尚海人家嘅外賣小店!尚海人家總共有4間分店，既然出開灣仔，就幫襯下先～餐牌不論款式或價錢都非常吸引，眼見收工時間都好多住附近街坊幫襯!小店提供菜飯、上海麵食套餐價錢$49-$52 仲包生煎包兩隻真係超抵食～仲可揀涼拌小食/甜品涼拌木耳份量都唔少，調味再辣d 會再正d!皇牌生煎包 （每個套餐有2隻）咬落完全感受到生煎包真係會噴汁，肉餡調味剛好唔鬆散！包底層唔會煎到燶晒但好夠脆！排骨蔥油拌麵上海排骨幾惹味，蔥油加埋櫻花蝦拌勻真係超香，麵條即使外賣都仍做到條條分明！蔥油雞扒菜飯 雞扒金黃夠juicy切成方塊形狀方便食，蔥油撈飯真係好香 好邪惡～蛋白杏仁茶杏仁味濃都順滑唔會好甜！雞絲粉皮$30 粉皮質地爽滑，麻醬超多帶甜好好食！

又一外賣推介 有質生煎包經過灣仔平日食開個間上海野close左Search到依間尚海人家都幾多好評 所以決定試一試❤️必點生煎包雖然我外賣番屋企食 味道依然良好咬落去爆曬啲汁 每一口都啖啖肉餡料好足 唔會俾你有機會淨係食到外皮個包唔會有粉感 煎得好脆 絕對係好食既生煎包❤️糖醋排骨菜飯酸甜酸甜 排骨份量足❤️桂花蜜糖雞翼雞翼炸得香脆 加埋桂花蜜糖 正❤️酒釀小丸子尚海人家 (譚臣道) (灣仔)灣仔譚臣道8號威利商業大廈地下E號舖

呢間上海菜小店係由前米芝蓮小食店總廚主理, 必試皇牌生煎包🤤❗️小店裏面有少量座位, 我就外賣咗、生煎包、紅油抄手、上海麵套餐生煎包 - 外皮煎至金黃色, 配上黑白芝麻粒同香蔥, 包底煎得乾脆, 好香口! 皮薄餡靚, 皮與肉嘅比例適中, 內餡富豬肉鮮味, 調味剛好, 食落好juicy~《高湯上海麵套餐》皇牌生煎包兩隻/精選迷你涼拌/甜品一款 ➕ 自選上海麵𓌈˒˒ 涼拌雞絲冷麵 - 冷麵加入鮮嫩雞絲、蛋絲、青瓜絲、紅蘿蔔, 再淋上大量麻醬。味道鹹鹹甜甜, 充滿芝麻香氣, 搭配清爽嘅配料, 越食越開胃!

呢排都叫多咗外賣，喺灣仔經過店舖，香味撲鼻😌，望入去見到一個個漲卜卜嘅生煎包佈滿成個鑊，真係好震撼🤩餐廳有堂食有外賣，主打上海菜，有擔擔麵、排骨菜飯、酸辣湯、生煎包、雲吞等～～選擇種類多擔擔麵+生磨蛋白杏仁茶 $49最賣得嘅擔擔麵，果然正👍🏻 芝麻醬味道濃郁，麵質煙韌細滑，而且有加咗豬肉肉碎、櫻花🌸蝦、味菜等，每啖食落，口感豐富。跟餐可揀甜品～杏仁茶濃稠度適中，香氣滿溢，入口滑溜，甜中帶少少甘味，好有層次。糖醋小排骨菜飯+生煎包 $52漲卜卜生煎包，有一邊煎得金黃色，厚實有嚼勁，底層仲好脆口，入面有滿滿嘅湯汁，一啖，湯汁吱出嚟💦 糖醋小排骨煮得入口味，酸酸甜甜好開胃，肉質仲好軟腍，配菜飯食特別夾

2022.03.12今日去左探住係灣仔區既朋友仔順手睇下附近有咩好食🤤見到呢間餐廳多款色而且價錢實惠就試試去😬排骨蔥油拌麵 排骨炸到金黃色，沾上豆板醬後更香口！而拌麵份量多，醬油味足，加上香脆蝦米🦐與紫菜絲！糖醋小排骨菜飯 糖醋味酸甜適中，而切到一粒粒既小排骨方便食用！菜飯如果菜既比例可以多番點會更好！上海菜肉雲吞 一碗有五大粒，雲吞外皮滑溜，餡料新鮮配上清湯美味可口皇牌生煎包食上海野必點菜色之一！要小心食用因為一咬就會爆出肉汁😆生磨蛋白杏仁茶飲落好順滑而且好香濃既杏仁味！飲完覺得好滋潤🥰桂花酒釀小丸子清香既桂花酒味加上超多煙韌既小丸子😙豆漿係低糖，所以相對無咁甜但就健康啲！酸梅湯加上柑桔🍊酸酸甜甜好開胃！咁多野食三個人都只係$200有找，下次再試埋其他美食先🤩