Video
Read full review
2022-04-03
749 views
我最鍾意食生煎包，亦有少許要求，要啱啱煎起熱辣辣，個底要超脆，皮要煙靭，豬肉要有咬口，重點要爆汁，今日就嚟到灣仔嘅尚海人家，試吓佢哋標榜最有名嘅生煎包先😋原來尚海人家係由前米芝蓮小食店總廚處理，每日用新鮮豬肉製作出皇牌生煎包，另外仲有多款好地道既上海美食，我相信質素一定有保證，啱晒好鍾意食上海嘢既我👍🏻🥢▪️皇牌生煎包六隻 $ 42皮煙靭，個底超脆，而且我喜歡個面有咁多黑白芝麻更加香，一咬落去完全係爆汁，好正，豬肉好鬆化而且有咬口，好好味嘅一個生煎包，完全上海風味，另我又想起上海嘅小楊生煎🍲▪️雞絲酸辣湯 $ 30雞絲，木耳絲，冬菇絲，荀絲份量好多，非常足料，而且湯做得夠濃調，好怕食到係水汪汪嘅質感，調味夠酸帶微辣，唔需要額外加醋已經好夠味🐽▪️上海炸排骨一件 $ 20上海炸排骨即是等於炸豬扒，豬扒夠鬆化，每件豬扒都帶肥邊，最鍾意有少少肥，而且醃得好入味，配菜飯食簡直係一流🐔▪️雞絲粉皮 $ 30雞絲，青瓜絲，麻醬份量好慷慨，面又加咗好多芝麻，最鍾意，特別想一提係佢哋嘅粉皮，比坊間嘅做得比較濶同厚，好煙靭彈牙，因為食過好多間雞絲粉皮，好多一夾就散開，所以呢度做得好好，雞絲切得大大件，而且肉幾滑
我最鍾意食生煎包，亦有少許要求，要啱啱煎起熱辣辣，個底要超脆，皮要煙靭，豬肉要有咬口，重點要爆汁，今日就嚟到灣仔嘅尚海人家，試吓佢哋標榜最有名嘅生煎包先😋
原來尚海人家係由前米芝蓮小食店總廚處理，每日用新鮮豬肉製作出皇牌生煎包，另外仲有多款好地道既上海美食，我相信質素一定有保證，啱晒好鍾意食上海嘢既我👍🏻
🥢▪️皇牌生煎包六隻 $ 42
皮煙靭，個底超脆，而且我喜歡個面有咁多黑白芝麻更加香，一咬落去完全係爆汁，好正，豬肉好鬆化而且有咬口，好好味嘅一個生煎包，完全上海風味，另我又想起上海嘅小楊生煎
🍲▪️雞絲酸辣湯 $ 30
雞絲，木耳絲，冬菇絲，荀絲份量好多，非常足料，而且湯做得夠濃調，好怕食到係水汪汪嘅質感，調味夠酸帶微辣，唔需要額外加醋已經好夠味
🐽▪️上海炸排骨一件 $ 20
上海炸排骨即是等於炸豬扒，豬扒夠鬆化，每件豬扒都帶肥邊，最鍾意有少少肥，而且醃得好入味，配菜飯食簡直係一流
🐔▪️雞絲粉皮 $ 30
雞絲，青瓜絲，麻醬份量好慷慨，面又加咗好多芝麻，最鍾意，特別想一提係佢哋嘅粉皮，比坊間嘅做得比較濶同厚，好煙靭彈牙，因為食過好多間雞絲粉皮，好多一夾就散開，所以呢度做得好好，雞絲切得大大件，而且肉幾滑，麻醬做得夠香濃充滿花生香，所有材料撈埋一齊食，正
🥬🍚▪️上海鹹肉菜飯 $ 32
估唔到可以有食到鹹肉菜飯，兩樣都係我好鍾意食嘅嘢，首先鹹肉7分肥3分瘦，夠正宗，而且非常鹹香，菜飯蔬菜份量適中，菜仍然係爽口既，鹹肉既肉汁流落啲菜飯嗰度，令到本身比較清嘅菜飯吸晒啲鹹肉汁，好好食，呢個配搭真係好鍾意，必食推介
✨必須回訪的小店，食物質素夠正宗好有上海風味，而且價錢非常相宜，我食咗咁多嘢都係百幾蚊，真係性價比超高，我嘅必食推介一定要食生煎包同埋鹹肉菜飯，下次我會再食豬扒蔥油拌麵同埋佢哋最新推出嘅上海紅燒肉！
Post
