上海婆婆 (東港城)

Open Now

Now Closed

最近將軍澳新開左間上海婆婆，以前係黃大仙都成日會食，估唔到黎到呢度都開左，緊係要試下啦！蟹粉小籠包 (4隻) $88小籠包皮薄細滑，湯汁非常多，入面蟹粉十分鮮甜，仲要即叫即蒸，熱辣辣上碟好好食。鱔糊炒年糕 $98鱔絲切身夠粗得黎，味道濃郁，配埋年糕煙韌既口感，係經典上海菜既味道。燻香樟茶鴨 (半隻) $148樟茶鴨煙燻味同茶味勁香，外酥內嫩，味道非常吸引。黑糖冰粉 $28黑糖冰粉入面有芋圓同蜜豆，色彩繽紛之餘口感豐富，味道微甜，解膩之選。

放工梗係喺將軍澳附近食嘢算啦，見到呢間裝修幾舒服嘅新餐廳，價錢都幾親民，一於試吓！一口小饅頭（炸） $25小饅頭炸到金黃色，賣相已經好吸引。炸饅頭外脆內軟，加埋煉奶冇得輸，因為揸得趣，所以唔會食到好口乾🤤蒸銀絲卷 $32銀絲卷好軟熟，內餡有一條條絲咁，增加咗個口感，都係有得配煉奶，無敵，佢仲有得揀炸銀絲卷，好多選擇，唔係間間有😚腰果雞丁 $85腰果好香脆，雞肉鮮嫩，加上有好爽口既薯仔粒定紅蘿蔔粒，令到個口感好豐富！味道同埋份量亦都調得好同埋好多，三個人食都夠🫰農家小炒肉（辣） $88辣味十足，岩重口味朋友。肉片炒得好惹味，又唔會有太多嘅肥豬肉，送飯或者烏冬簡直一流😋婆婆粗炒 $82份量又係超多！粗炒好足料，又唔同嘅蔬菜配上肉類，加埋佢嘅色澤，唔會有伏！如果就咁食，佢對比上面兩款肉，味道會好似較淡，但係佢有配埋豆瓣醬，加埋上去就會濃味加惹味啲，不過我自己撈埋小炒肉同埋雞丁食就已經好夠味，所以我覺得配搭得幾好！😆結論🫰味道有水準，選擇款式多🫰店員好友善🫰餐廳環境裝修同坐得好舒服🫰上菜速度快，啱晒打工仔🥲🤣食完會有少少口渴，但接受範圍內😙好味度：8.5/10回頭度：9/10🎡餐廳資料餐廳名稱

今日約咗朋友將軍澳食飯， 好耐冇食過上海嘢， 行到東港城見到上海婆婆有分店， 即刻入去試下， 啱啱下午茶時間，仲有午餐同下午茶可選擇， 好抵食😂， 我哋叫咗個午市套餐黃金大蝦球， 下午茶上海粗炒， 蟹粉小籠包， 黑糖冰粉， 套餐仲可以加十幾蚊就有小食， 小食我哋揀咗雞絲粉皮同水晶餚肉。黃金大蝦球：一道金碧輝煌嘅菜式 ，蝦球新鮮爽甜彈牙， 用上鹹蛋黃落去炒鹹香惹味， 送飯一流。上海粗炒： 粗炒炒得有鑊氣, 麵條煙韌 配料豐富, 醬汁調教得啱啱好唔會太鹹。蟹粉小籠包： 小籠包 入面包住味道濃郁嘅蟹粉， 輕輕咬啖， 蟹汁漸漸溢出， 餡香湯鮮。嚟到上海婆婆最後一定要食返個甜品黑糖冰粉， 冰粉滑嫩 ，芋圓Q彈有嚼勁， 夏日炎炎食返碗透心涼👍

最近新開既上海婆婆，平日晚餐都好多人黎食，我當然要黎湊下熱鬧🤭🧆酸菜福花菜炒牛仔肉 $92酸菜酸得黎又脆口，食唔停口🤤福花就吸晒牛肉同酸菜既味。牛肉滑得黎又大片🥢川辣肉末炒薯粉 $82估唔到炒薯粉一樣可以做到煙煙韌韌嘅效果，加上碎肉同椰菜絲增加口感，味道酸酸辣辣唔錯🥟上海小籠包 $45皮薄晶瑩通透，湯汁都鎖住係皮入面🥟酸辣湯雲吞（5粒）$68味道有啲似碗仔翅，雲吞大大粒🍞高力豆沙（4件）$58卜表面炸到鮮黃色，入口柔軟，豆沙溶唔會好甜，加上糖霜一齊食都唔會話好甜茗茶(每位）$6餐廳唔係好大間，坐位數量都多，地方乾淨俐落。裝潢有中國特色，店員服務態度幾好，上甜品時會換新餐具比你👏🏻

💡 好味的上海菜🌶今日約左屋企人食飯，知道佢地鍾意食上海菜，而屋企附近開左上海婆婆，一於就去食🥰🍍菠蘿黑醋排骨配白飯 🍖搭配菠蘿同黑醋的獨特調味。菠蘿的酸甜與黑醋的濃郁好夾，令排骨的味道更加豐富。午市配埋白飯，能夠吸收排骨的醬汁，撈飯食一流。🐔麻辣口水雞（半隻） 🌶️口水雞份量好多，仲要大件得黎啖啖肉，淋上香辣的調味醬，帶有麻辣的香氣和微微的花椒麻感，配上香香的芝麻碎和香菜，好滋味。🦀蟹粉小籠包（4隻） 🥟入面係鮮美的蟹肉和湯汁。外皮薄透，內餡鮮香多汁，咬下去時湯汁會瞬間流出，令人感受到濃郁的蟹香，非常美味。🍜雞絲拌粉皮 雞絲拌粉皮好清爽的涼菜，口感清脆，可以作為開胃菜，好岩夏天食用。

東港城上海婆婆岩岩裝修完，入邊都很明亮光潔，顧客幫襯也多了。我食開的獅子球卻沒有了，酸辣湯也沒有了。非可惜了。我時常幫襯的，希望能回復以上食譜。餸菜也比以前大碟了很多，炒飯也不很油。

📍上海婆婆#5🫶🏻係最高環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-蟹粉炒粉皮 -$118上菜嘅時候已經覺得顏色好靚 而且聞到好香蟹味 輕輕一夾就有蟹肉同蟹膏 就算食到底都仲有 份量一啲都唔少 食完唔會覺得好油 碟底都唔會見到油淋淋 江南三小拼 -$98味道都唔錯 排骨數量都多 但骨頭都佔唔少排骨擔擔麵 -$72排骨好脆卜卜 炸粉一啲都唔厚 擔擔麵好香花生味 食完會好濟 有微微辣 食落都幾開胃綠茶芋泥餅 -$28好香綠茶味 但唔會有苦味 甜度岩岩好 芋泥份量岩岩好 配埋芝麻 食苦好香口黑糖冰粉 -$28冰粉好滑 黑糖唔會太甜 芋圓太淋 食落唔彈牙

發覺年紀大咗都真係開始幾鍾意食中菜😂出去食嘅話，一般都會揀食中菜咁啱見到東港城新開上海婆婆裝修都幾唔錯 原木同埋植物裝飾感覺都幾舒服估唔到喺上海餐廳都有得叫水煮牛肉無辣不歡嘅dradra 梗係即刻叫$148份量，超多超足有好多新鮮嘅牛肉，另外入邊都有好多配菜仲有粉條 食材索曬啲紅油同埋麻椒 辣得過癮麻得香另外梗係唔少得叫返小籠包小籠包一籠四個皮薄餡靚又多汁Juicy 配埋啲黑醋一流銀芽炒鱔糊鹹鹹地配埋銀芽 鱔肉都算彈牙新鮮唔梅唔小心又扒多幾啖飯水煮牛肉辣得滯即刻叫咗個黑糖冰粉$28抵食一定要叫冰粉凍冰冰，配埋黑糖 即刻解辣解膩另外結尾叫多個高力豆沙大推 即叫，即整熱辣辣好香蛋香又疏乎入邊嘅豆沙餡唔會太甜 食落一啲都唔Heavy 人均都係$200左右晚餐嚟講算係幾抵食，環境又唔錯，會再嚟多次。

{上海婆婆 - $391}呢排東港城進注咗兩個婆婆！一個叫泰國婆，一個叫上海婆婆！泰國婆行得慢啲要下個月先開張，上海婆婆快手先開，正所謂阿婆走得快，一定要試下！♦️江南三小拼江南三小拼由三喜烤夫，水晶肴肉，江南小排骨組成之冷盤菜式，在夏天的尾巴先帶來一點涼快開胃嘅美味前菜！♦️傳統小籠包來食上海嘢，小籠包確係不二之選，呢度小籠包雖然外皮唔薄，但不會成口粉，而且肉汁鮮甜，做得唔錯！♦️砂鍋雲吞雞熱辣辣砂鍋，滾住咁呈上嘅鮮雞雲吞，鮮雞滑滑，雲吞飽滿，連湯都有香濃雞味，實在係好味之選！♦️鱔糊炒年糕鱔糊又係上海菜考牌之選，呢度鱔糊切得厚度適宜，保持鱔肉爽彈又有咬應，配埋粗身牙菜一流！加埋炒年糕，實在係大滿足！美味程度：😋😋😋😋😋環境指數：🎇🎇🎇🎇番食機會：🦍🦍🦍🦍🦍📍 #上海婆婆 (東港城) (將軍澳)將軍澳坑口重華路8號東港城1樓195號舖

係將軍澳附近做完嘢，太多餐廳選擇，最終去咗上海婆婆，叫咗個麵點套餐（擔擔麵+上海小籠包），麵質啱啱好，湯底好香濃，對於我黎講有啲辣，係好飲嘅！小籠包食落好多汁，皮都ok薄。