金滬庭京川滬菜館 (Closed)

今晚提早做節, 屋企人鍾意嚟呢度, 貪佢近同埋啲野食唔錯!今次無叫BB 鴨, 五人叫左以下數樣食物!1. 雞絲粉皮, $40, 冬天食真係無咁好食!2. 招牌生煎包, $35, 一人一個, 唔係我食過最好食既, 不過, 都過得去! 個皮可以再香脆啲!3. 蒸銀絲卷, $12, 我無食, 不過見裡面包住既係一條條既麵條, 一夾會散, 幾特別!4. 酸辣湯, $50, 叫左一窩, 呢樣冬天食又好食啲wor! 大家應該明啦!5. 黑醋排骨, $66, 類似甜酸骨, 啲肉係半肥瘦, 唔錯, 好腍!6. 擔擔麵, $29, 啲湯幾"傑", 個人認為西門町好食啲!7. 蝦子花膠海參, $98, 幾貴, 不過花膠海參大大舊, 好腍入味!8. 冬筍豆苗, $ 45, 偏油, 但明白豆苗要油先炒得起, 冬筍幾爽口!9. 茶錢幾貴, 每人叫$9...今次個酸菜加左辣椒, 媽咪食唔到!整體唔錯, 不過假日做節人太多, 唔太兼顧到!

一家sunday又出去覓食~~涼拌青瓜- 原來是青瓜皮,好夠凍,酸酸地..好開胃!!鮑片- 一向的好味,拌芥辣食,芥辣上腦!咸肉津白- 好大碟,津白好嫩!醉雞- 分量夠多, 雞肉不會昧.毛豆雪菜百頁- 雪菜&毛豆分量多,一向有水準.小籠包- 細細粒,食多几粒都不會過膩.有肉汁.好味!生煎包- 招牌菜, 包身真的好滑,好軟綿綿.肉香,肉汁多!正!!擔擔麵- 微辣,一般味道.嫩雞'wui'麵- 麵滑,雞湯味濃.但亦較喜歡彈牙一點的麵質.紅肉方塊- 自助包餡形式.一塊塊的饅頭皮,包入一塊炸腐皮,再方上一塊燒紅肉. 饅頭皮質地好細密,燒紅肉有moisture,適量的燒肉汁,再配上脆脆的腐皮,口感豐富. 味道甜甜的.好好味!!上海炒年糕- 不油膩,味道不錯.但顏色過深.煎素菜窩貼- 這個比豬肉窩貼好得多!皮薄,煎得夠脆,不油膩.素菜食落好light.味道好好!這裡好忙,但一般都keep到好好的水準.所以都keep住回來.侍應們都好busy,但亦是笑容滿面的. 唯一不可取的就是這裡晚飯時間太忙,不能坐太久!這次吃得好飽,所以沒點甜點~

10人家庭晚飯,食得好飽,都算几抵食!叫了好多..醉雞-几大碟,雞肉爽.酒味不太濃.炸魚條(甜)(忘了名字)-略甜,比較油.皮蛋豆腐-好香麻油味,皮蛋靚,有少許肉鬆,甜醬.炒津白-大碟,加了少許蘑菇片,金華火腿一起炒,好好味!百頁毛豆-雪菜未經醃製,較健康,又夠多.但百頁不是正中上海菜的那種.過硬.炸糖醋松子魚-炸得脆而不膩.醬汁好開胃!送飯一流(可惜無飯...haha)小籠包-細細粒,肉略肥,多汁,皮很薄.生煎包-招牌菜,包身好軟熟!!肉少但多汁.好味!!窩貼-唔特別,肉太肥/多.下次叫菜餡較好.砂鍋雲吞雞-不夠熱!ok.酸辣湯-好味!足料,又酸又辣..好開胃~嫩雞"wui"面-面太淋.ok.酒釀丸子-好喜歡這個!!糖水好香酒糙味,有桂花香!丸子細細粒,夠煙韌!喝下糖水好潤.豆沙窩餅-不夠豆沙.不會太焦,不油不膩.皮是脆的.高力豆沙-好正!多豆沙餡~蛋白外皮好軟,不油不膩!服務ok,不是沒禮貌,只是太忙吧.有9折咭更抵食.

好耐無去東港城的金滬庭, 因為無乜錢, 但係佢d 小籠包及鍋貼都幾ok, 而我又好鐘意食上海菜, 上個星期終於忍唔住去食, 點知中左招.....兩個人點左兩籠小籠包, 一碟鍋貼, 蔥油淋雞(個名應該係咁上下), 酸辣湯麵及排骨湯麵, 一開始黎左碟鍋貼, 已經覺得有d 唔妥, d 鍋貼好似細隻左咁多, 但算了吧, 可能太耐無去, 記錯左, 水準都仲keep 到, 皮煎得夠脆及肉汁都夠, 但一上小籠包就清楚自己無記錯了, d 小籠包好似中左叮噹的縮細光咁, 直徑比一個一蚊銀還小.......天呀!! 一籠似然係五隻, 但係食完好似無食過咁, 我都知正宗的上海小籠包係細隻的, 但係要成二三十蚊(未計加一)一籠就真係唔多值了........其他野食味道都ok, 但係排骨湯麵件豬排......又係好細.......................佢其他分店d 野食唔知又係唔係中左縮細光? 定係加租加得太勁呢, 咁就不得而知了, 但我可以肯定的係, 我以後都唔會去再光顧.....

我因為住係附近，所以都有去開呢間食館食，但最近開始發覺佢鍋貼同生煎包都好似縮水，開頭都唔係好留意，但當我叫了一客小籠包後就確定我冇錯了。原本小籠包一籠有5隻，都幾好食，但最近竟然變6隻，大家唔好誤會以為著數呀！其實係細隻好多，好似6粒小湯丸咁，又唔好食，變相縮水搵笨，唔知點解好地地將本來幾好食的包點搞到咁，係唔係真係會賺多好多呀！我諗未賺到已經流失好多熟客啦！

呢度冇得俾負分／零分，如果唔係服務o個欄我已經俾o左！話說我o地去拎位啦，籌只係叫到30 …佢o地俾張103 號o既籌我o地。咁呢，個女侍應居然可以晌幾分鐘內，十個十個號碼咁連續叫…「有冇30-40 ？有冇40-50？」咁如是者，好快就叫到90 號啦…咁之但係，手持40-80 號o既人，宜家先陸續返o黎…個女侍應竟然每人再發一張102 號俾佢o地，俾呢班人直接入去…咁我o地103 號籌o家嘛，見到遲晒幾十個號碼o個o的人，都可以全部改做102 打我o地尖，咁就梗係火滾啦！因為張飛寫明過o左十個號碼，要再輪過o家嘛！邊個叫個侍應十個十個咁嗌先！？點知，有個部長企出來，話佢o地咁樣做沒有問題，仲解釋一大輪佢o地係點嗌號碼o既…咁我o地冇個人聽得明佢講乜，咁就彩佢都傻啦…於是就直接要求佢俾卡片，話要寫信投訴佢。點知，個部長聲大夾惡咁兇我o地：「o拿！卡片呀！我係呢間店o既店長，我叫林XX，你鍾意就投訴到夠！」之後佢仲勁寸，當著我們面前向一位熟客宣洩不滿，大大聲咁呻：「哎！父親節喎！我又俾人投訴喇！」如果唔係o的o野食ok，我o地真係會拉大隊走呀！>__<

昨日去食Lunch, 都唔係十分多人, 叫咗d普通嘢食, 素鵝,醉雞,鍋貼等, 食物就真係一般, 但d女部長(因為着黑色西裝)d態度就勁差, 問佢食幾多錢先有停車場優惠, 佢居然望下我張枱, 好冷淡咁話"你食唔夠錢喎, 應該俾唔到優惠你", 就算想食到夠錢都唔食啦, 睇過之前有食家都投訴部長態度差, 原來係真嘅

1. 擔擔麵: 實在太好味啦, 好有花生味~2. 蒸素餃: 有5隻, 好好味, 唔會好淡, 好有菜香味~3. 雷沙湯圓: 一定要叫呀! 做得好靚,d餡唔會好甜~

- 女部長態度差- 食物好咸- D部長(女)唔知乜野叫待客之道- 話個以後唔幫襯- 由於係TKO返工, 所以好多時都同D同事揸車去食飯, 間間食店叫佢\地俾多張單做停車優恵, 佢\地都冇問題, 唯獨是金滬庭唔得

呢間舖, 我平時好去, 通常是其他酒家冇位才去。因為食物價錢與味道不相稱, 食物價錢不平宜, 5 個小籠包25元左右, 味道不太差, 但也不算好。其他食物款式不多, 食物味道樣樣唔多, 不是太淡就是太咸。普通侍應服務都ok, 但部長態度就很差。不過你叫貴d, 態度就好d。裝俢表面ok, 但近位非常, 所以長期舖上3M 防滑膠, 好難看, 搞到cheap 曬咁。2人行最好不要去, 因為座位在濕滑的走廊上, 好似食大排檔咁。上次和朋友2人去12時去食, 因為其他酒家都爆滿, 當時裏面重有大把位, 故選了3-4人座位。但一坐低就有3、4個人走來, 神情緊張地要求我們到2人位坐。雖然我們說會好快走及願意給3 人的茶錢, 但仍然心心不忿地說: “我地好好生意嫁”。超! 好生意又咁多位, 家我地冇俾生意你做咩?

2006年1月27日雞年最後一個工作天，和同事逃離canteen到此吃團年午飯。在這兒工作差不多六年(光陰似箭，日月如梳)，多得各位同事的關照和提點，我的同事都好好人，返工很愉快。小籠包- 皮薄，湯汁不算多但味道不錯。雜菇兩面黃- 好似廣東炒麵，把麵條炸一炸鋪底，雜菇茨汁淋面。味道和賣相俱麻麻，麵多油嫌肥膩，雜菇茨很快把麵浸淋了。蔥油餅- 又係麻麻，太硬身不夠脆。蘿蔔絲酥餅- 幾好，蘿蔔絲味香，皮又鬆脆。四喜烤麩- 味道一般，烤麩多但"四喜"難尋，只有一塊香菇幾條荀絲數粒花生。素菜窩貼- 幾好，皮薄些更好。素鵝- 幾好，腐皮香咬落煙，香菇餡都好味。人參烏龍茶味甘香好飲。四位女士叫這許多菜，我們都幾有食力。新年祝大家身體健康，工作愉快，各方面都進步。

早幾日出camp, 30 個人0係西貢出0黎本來想去坑口稻香飲茶, 但book 唔到檯又搵唔到位, 結果走0左0黎呢間京川滬菜館叫餸食飯.15 個人一檯, 坐得實迫0架喇, 但無辦法, 鬼叫我0地0岩0岩去完camp 咩.叫到一檯0野食0黎share. 醉轉彎味道幾好, 酒味0岩0岩好, 但同好多同類型菜館一樣, 又係衰唔係件件都係雞翼轉彎位置. 計我話, 既然咁唔authentic, 不如佢改menu 叫'醉雞翼' 好過.獅子頭d 芡汁好多, 多到湯一樣@_@ 味道ok, 但d 肉口感太一pat 糊了, 有d 恐怖.干'been' 四季豆... 有d 失望, 肉碎好多, 但唔夠脆口, 又唔夠辣.黑醋排骨個汁酸酸甜甜的, 好開胃好好食!另外有碟類似東坡肉的肥豬肉, 好香, 熱辣辣時撈飯好好食, 但我幾怕肥, 食得唔多.賽螃蟹... 撈飯又係好好食, 但偏watery, 有d 似蛋花湯@_@ 唔明點解咁多雜豆, 我寧願佢落多d 蛋白!無食飯的朋友叫了嫩雞燴麵, 我'畢' 0左少少試, 嘩... 唔鍾意, 湯底太鹹, 食完好口渴, 雞亦唔夠嫩.Total 有> 10 樣0野

一向都係呢間野既常客, 佢地既川菜水準都不過不失; 見佢地近來推晒大閘蟹宴, 姑且一試...可惜: 1. 蟹粉小籠包(HKD38.00/ 4 pcs) : 唔得, 完成食唔出有任何既蟹粉/膏味, 只有好多黃油在內, 好腥好腥，好難食；2. 蟹粉西施(HKD78.00) : 即係蒸蛋白上面再鋪上一層蟹肉，蟹粉，都ok, 不過冇咩味，配炸既餅一起食，小小特別，不過塊野炸得太油；3. 水煮蝦球：蝦好彈口，幾大隻，一大碗有六隻左右，配上青紅黃燈籠椒，牙菜，都幾好．．不過，真係太spicy.好難入口；4. 菜飯．．．係最好既一野食品．．唉．．．5. 銀絲卷：冇感覺．．好失望囉，對佢地既大閘蟹!

下午茶時間去試了招牌的擔擔麵和小籠包。小籠包麻麻，擔擔麵就還沒有麵館皇的好吃。環境裝修好俗。

補回食評:今年2月13日(年初五)女朋友到我家拜年,夜晚到我家樓下商場食晚飯,平時都見這店都幾多人食,但無機會食,就襯這次機會到這裡試下;三個人叫左五個餸:炒鱔最欣賞,好香好食;糖醋骨d汁酸甜適中,但要襯熱食,凍左肉質變實:砂鍋雲吞雞正常ok;大班炒飯太乾,下次會轉食麵;小龍飽不錯,皮薄多汁,肉味稍不夠;環境幾好,卡位舒服,服務滿意,京川滬菜館越開越多,但好多都係混水摸魚,這店卻很不錯;埋單大約380.價錢ok.