金滬庭京川滬菜館 (Closed)

一行四人, 都叫o左好多野食, 有干燒黃魚, 鎮江肴肉, 窩貼, 排骨麵, 怪味雞, 銀絲卷, 鴨舌, 最好食係干燒黃魚同怪味雞, 兩個都有少少辣, 唔好辣o既朋友都可以一試, 排骨麵就普通o左o的, 埋單共$341, 坐得都好舒服, 都幾抵食.....

8/Oct/04 再一次去食，之前食過一次，都覺得ok架，不過今次再去，發誓以後都唔去啦！叫左:1. 生根扒雜菌-即係幾舊生根&竹笙連埋d冬菇,磨菇炒埋一碟打個芡囉~ 淡而冇味又油，生根又怪怪的2. 和菜戴帽-即係蘿蔔絲之類炒粉絲，再係上面鋪一塊炒蛋。全晚算最好食係呢個啦~ 不過其實都係普通o既炒粉絲囉3. 擔擔麵-唔多熱o既擔擔麵，上檯時表面仲有層油"瓊瓊"地...可想而知佢有幾好味4. 蟹粉水餃-諗住上次黎食過小籠包，今次就叫下其他啦~ 點知味道令人驚驚啦！餃同湯係分開上檯，因為蟹粉o既關係，食落好腥！仲隻隻都食到蟹殼！唉~ 令人好失望啦。環境係唔錯，都係市面個d京川滬格局咁囉~ 不過食過今次，就唔會再去食！

可能真係近排介紹好多京川滬菜館，所以我也深受影響，常試這類菜系的食店。先講環境，很光猛闊落，但冷氣太勁，端來還是熱騰騰的菜下子都吹涼。食物方面，水準不錯。推介紅燒魚唇，很正，若芡汁不那麼杰和多會更好；麵真係幾糊o下，搞到麵條腍pat pat；賽螃蟹就口了一點，味道都幾清，起碼沒太多味精；酸辣湯不夠辣但足料；其餘飽點不過不失，可以試下做緊推廣菜的野菌素餃和瑤柱小籠包，味道不俗，包皮也夠薄。服務方面都幾好，有問必答，侍應也很有禮貌。

星期三晚九點左右黎到﹐仍要等三張檯﹐幾好生意咁。由於得兩公婆﹐所以唔叫得好多野食。試左“招牌”擔擔面($15/碗)同小籠包($25/5隻)﹐四喜烤夫($35)﹐腌篤鮮($70)擔擔面- 好“笠”口﹐D湯好似糊仔咁﹐太多麻醬啦﹐味道都係太麻醬﹗小籠包- 幾好味﹐D肉好鬆﹐有汁。不過碟薑絲就好少﹐得三四條四喜烤夫- 一般﹐有烤夫﹐花生粒﹐雲耳同荀。烤夫唔太入味腌篤鮮- 一般﹐有荀﹐小唐菜﹐腩肉粒﹐腐皮。啖湯初初入口有D啖﹐越飲越咸﹐怪﹗埋單$210﹐叫做試過﹐短期內都唔會有下次

我係將軍澳金滬庭的常客,每月一出糧就會去一次,將軍澳分店從未令失望過!!不過有一次窩貼煎得不夠!!而另一次就係等位問題!!希望以後唔好再發生!!同keep 到水準!!因為好多餐廳/酒家一耐左就keep 唔到水準!!!KEEP GOING!!!

今天跟家人一行六人食晚飯, 叫了擔擔麵, 生煎包, 小籠包, 蔥油餅, BB 片皮鴨, 百葉烤肉, 砂鍋津白, 雞絲冷麵! 樣樣都ok la! 不過...好奇怪冷麵是帶辛辣的, 不知是否太耐無食鴨, 隻鴨都幾好食, 連茶加餐前小碟一共$ 450, 服務, 清潔都幾好!

金滬庭最大特色，就係有好多的茶款俾你選擇，有人參烏龍、龍井等等……各色其色。至於佢所做的麵更是一流，湯底較濃郁，麵較彈牙，總之就係現今酒樓不能比美，雖然價錢係貴d，但值得一試。

金滬庭地址：坑口重華路8號東港城1樓160-161號電話：2625 9889 唔錯唔錯,朋友真西無介紹錯,這間金滬庭真系好好,服務一流,食物都唔錯,由其系小籠包多汁皮薄!!蟹殼王、富貴乳鴿都好好食!

Editor, please correct address, it should be 將軍澳東港城not 荔枝角東港城. Thanks!