上海廳1930 (Closed)

同朋友想去黃大仙拜神，所以就順道係黃大仙食嘢啦，因為打算食餐好啲，就去左食係地鐵一出個層的上海廳，主要因為見到裝潢都幾靚，所以揀佢。因為時間早，所以都唔駛點等位，我就叫左左排骨擔擔麵，再叫多個小籠包share食。先講排骨擔擔麵，即係炸豬扒加擔擔麵，我個日食個個擔擔麵都幾好食，有啲辣，幾惹味，至於豬扒都炸得幾香脆，又不會太硬，都幾鬆化，而且豬扒切開左幾件，方便進食，加上同麵分開上，無咁易淋，我個人比較鍾意一啖麵才咬豬扒，好過浸住來食。至於小籠包，就皮厚左啲，雖然無咁易穿，個就無左種皮薄餡靚的感覺，而且餡料屬正常，無話特別好味，只係價錢唔叫太貴，夾份食下過口癮係ok ge，但不要有太大預期。

【砂鍋醃篤鮮】清清淡淡，有豆腐，筍，百葉結，五花肉等食材。【鱔糊撈麵】食果時有少少糊味，我地就當係特色。【上海小籠包】我覺得皮厚咗少少，肉汁都唔夠鮮甜【菠蘿黑醋排骨】酸酸甜甜幾好食，配飯食最啱！整體來說，裝修幾靚，環境舒適，食物質素中等，住附近嘅可以試下嘅。

星期四的晚上，約了爸媽去黃大仙食晚飯，因為媽媽喜歡上海菜，所以去左上海廳，順便當慶祝母親節。響上海聽等左一陣已經有位, 我地點左媽媽最喜歡的是鱔糊，青菜煨面，小籠包，青瓜海哲,素菜花卷，青菜豆腐湯。青瓜海哲，開胃前菜，海哲好彈牙。小籠包賣相唔錯，皮又好薄，有好多肉汁鱔糊真係好好味，用料十足，推介之選，用黎配埋個素菜花卷真係一絕！青菜煨面同青菜豆腐湯亦不錯，湯底清清地，感覺無乜味精，健康之選簡簡單單不錯的一餐晚飯，價錢亦合理

上海小籠包係我必點，因為個皮厚度適中，同埋個皮好柔軟而易食! 平時好鐘意食排骨擔擔麵，但呢間d 排骨整得好似咸左d,只係本身個麵同湯底係我最滿意既地方: 我鐘意花生同個擔擔麵醬既辣度夠平均同個麵質都好滑!

最近係黃大仙區試試門面好靚既上海菜☝️午市既時候見到呢個麵食套餐二話不說咁叫左紅油牛展麵同生煎包🥟.試完有啲失望🙍事關紅油牛展麵只有紅油既味道無其他層次既香辣而且湯底比較清令到成碗麵真係得紅油既味道😖.生煎包係普通肉包煎過完全無肉汁可言😢生煎包既靈魂已經死掉☠️.同行既朋友仔試既上海小炒客飯賣相色香味俱全好多✨想試下呢間餐廳既午市既你推介麵餐呢兩樣選擇以外既野除非你地想試伏🤭.人均消費：$64

今晚同屋企人去食,叫咗一杯豆漿。食到一半仲未嚟就叫個待應追一追單啦,過咗一陣佢黎咗3杯咁我話叫左一杯。之後個女侍應就喺我後面講咗句(又話3杯?)。。。。哇!係佢同我落單嘅,漏單仲要之後咁差。比説話我聽,我望住佢佢仲同另外一個女侍應細聲講。咩服務態度呀大姐。我唔會再去囉!

早前間接得到一張禮券，可在指定飲食集團旗下餐廳用膳，堂食可作現金券使用。由於現金券即將在月底到期，這晚放工就襯有優惠，選了一家從未食過的「上海廳」一試！餐廳鄰近港鐵站，半開放式設計，感覺摩登。這晚點了兩項餐廳「推介」菜式，「金絲蝦燒賣」及「擔擔麵」。先講點心，$37元5粒的燒賣，並不是豬肉做，而是糯米。熱騰騰的糯米，上面舖上一條條金絲，並有一隻迷你蝦毛仔，包裝成燒賣造型，相當有趣。味道清淡，可惜糯米太多料太少，因此每一口都只吃到糯米😑。再來$50一碗的一擔擔麵（走辣），湯底不夠糊，但勝在有很多花生，很香！麵煙軔不俗。整體感覺，價錢平民化，但味道一般，即使推介菜式亦未見味道突出。

天氣無啦啦凍返，所以中午突然間好想食酸辣湯麵！黃大仙區食酸辣湯麵我通常都會嚟上海廳，因為佢中午嘅拉麵套餐都幾抵食，$64就有一大碗拉麵加埋小食！咁我同同事兩個都叫咗酸辣湯麵，小食就要咗小籠包同埋生煎包！酸辣湯麵好快就送到，以小籠包同生煎包因為要即叫即整，所以都要等一陣！酸辣湯麵佢一向有水準嘅，而且超級大碗識落好飽！小籠包係即蒸嘅，皮好薄而且入面多汁，熱辣辣咁好好味！生煎包都係即叫即煎，所以都係熱辣辣嘅，而且個底煎到脆卜卜咁，好好味！

每次去完黃大仙 都心思思想去食小籠包 今日都唔例外 地點好就腳 一出地鐵站入商場就見到 由於太肚餓 今次點左 1）小籠包 2）素菜叉子 3）甜酸魚塊 4）素蒸餃 5）清炒白菜6）凍豆漿 上菜時間好快 小籠包 賣相唔錯 皮夠薄 夾起冇穿 肉汁夠熱 美中不足 今次覺得 肉feel到有穌味 素菜叉子 叉子好夠熱 冇影相 甜酸魚塊有驚喜 平時食開 係微暖 今次煮起好夠熱 脆脆地 甜酸程度 剛剛好 素蒸餃 食落唔覺得干 蒸餃黎講算係唔錯 清炒白菜 食落有d 苦 豆漿正常員工態度友善 上菜時間快 下次都會再黎

之前幾次經過龍翔中心，見到上海廳外都有人排隊等位。今天排隊等位的人不太多，兩兩三三的，我就試試這食店吧。Honey點了小籠包、上海粗炒、酸辣湯雲呑和高力豆沙。侍應嘛……Honey説｢高力豆沙香蕉｣，侍應｢更正｣説：｢叫高力豆沙咪得囉，唔使講香蕉！｣我問，酸辣湯的辣，能不能分開上？侍應説：｢分唔到！｣食物方面，中規中矩。小籠包，皮厚了一點，但肉湯還不錯。酸辣湯雲呑，酸辣湯確實辣，但材料豐富，濃稠度也適中。雲呑大大粒，菜肉餡料足。主食是上海粗炒，忘了拍照。一般。幾款食物，高力豆沙香蕉最好。外皮薄而且鬆軟，蛋白和麵粉的調配恰當。裡面的豆沙不太多，正好，那就不太甜，也不蓋過香蕉的香甜。環境、食物、服務…～都中規中矩，但不值得要排隊久等。

今日係黃大仙見到E間好多人排隊所以又跟住排隊，咁多人排應該唔錯的6個人叫左都幾多野食，好飽，好滿足雞絲粉皮：醬好多，佢係用花生醬，而唔係平時的胡麻醬，所以味道比較重雞絲，粉皮，青瓜絲都切得好幼擔擔麵我地揀左唔辣，唔辣都好食，花生味好香好重份量都好大，夠6個人食酸辣湯，好細碗，應該只係夠3-4個人飲，每人只可以飲一碗唔食得辣的人會覺得好辣，要小心小籠包，好夠熱，好多汁，皮有少少厚上海粗炒，少鹹，好油，老人家唔好食太多不過份量係大上海年糕，非一般的份量，好大碟年糕好軟身好薄，又唔會好鹹，老少咸宜雷沙湯圓：好細粒，而且皮布少少濕，黏唔足D粉

一切事物恆常在變🌏，要永恆擁有就要不斷轉變🌪。事物如是愛情如是，歷經互相扶持、互相激勵、彼此印證。曾經的角色轉變、成長階段的昇華、一重一重的自我肯定都成就著那密不可分的關係。☀️路過#上海廳 ，頓時勾起上海菜那股令人愛不釋手的魅力💃🏻。把淡淡的農家味道發揮到有如小炒般味道鮮明，帶🍖肉香的菜餚在烹煮後又不覺油膩。對最近小接觸調味料又偏吃日菜的我😌自然吸引力大增❤️。《上海小籠包》🥟皮薄過軟、一夾即散🥢為普遍餃皮的通病。今次的小籠包口感煙韌，皮薄之餘仍足夠保持外型🥫，不至於一夾即散，終歸品嚐肉湯是小籠包的精神所在😌。內層餡料選用較瘦的免治豬肉，致肉湯不會過份油膩，影響口感。《蝦仁雞粒炒飯》🐚推介喜歡菜香🌱的你一定不能錯過。定價66元的炒飯價錢平平無奇，實際心思思滿檔。炒飯擁有濃烈的菜香味☘️，單是拍照時🕶已經被深深吸引。其選用濃濃的菜汁作為高湯炒熟飯粒，再以調味料及其他配料混合而成。每飯粒都炒得金光滿滿💫，吃下感覺軟硬適中又不帶油膩感。滿足果腹感及咬感的飯粒再加上蝦仁🦐及雞粒🐓的鮮味，成功塑造各種飲食感覺。平民餐店竟擁有如此水準，值得點名一試👍🏻。《雪菜肉絲炒年糕》🌼推介心思及誠意跟炒飯一樣。年

星期六晚既上海廳,輪候需要大概20分鐘 見到整間鋪頭都滿曬人,所有店員都好忙,而喺咁嘅情況下,整體店員服務都算okay,呢樣係值得一讚!兩個女仔叫左一個炒飯,雞絲海蜇,一客四隻小籠包。個炒飯有啲辣辣地已經叫咗少辣,唔食得辣既注意一下,有比較多辣椒絲係裡面。小籠包熱辣辣,皮唔算薄,裏面就有好多湯,肉有少少鞋。至於海蜇,呢間有兩款海蜇,一種係黃瓜,一種係雞絲,menu上面有兩幅圖,我哋揀咗雞絲,原來呢款就係將雞絲,海蜇同青瓜切到細細條,冇咩特別。 順帶一提呢度嘅茶錢係每位$5,佢會寫明係餐牌上面,不過就唔係一壺嗰啲,而係侍應拎個熱水壺出嚟幫你斟落杯嗰種。

今日年初二，好多小店都唔開，唯有去商場舖食8點幾先去到，兩個人唔駛等位一人叫左一個主食醫肚就算，我叫左鱔糊炒年糕，朋友叫左酸辣湯拉麵鱔糊炒年糕都幾多，鱔糊份量絕不手軟，偏淺色既鱔糊偏脆口，深色果啲肉質較硬，芽菜爽口，年糕煙韌，趙到好攰。。。唔會太油或太咸，整體ok朋友話酸酸湯拉麵偏酸，辣度適中，材料都係一般木耳，冬菇，荀等等，木耳同荀都爽口，冬菇正常，麵唔會煮得太淋，整體都係正正常常新春都係另收加一，acceptable，店員服務都ok，坐得舒服，不過環境偏嘈，overall不過不失

聖誕打算成家人食餐飯，家姐就一早BOOK 左呢間餐廳，貪佢夠就腳，食物價值合理。雖然唔係極級好食，但係以上海菜來講，都算係咁。我地今次就點左小籠包、前菜凍盤四小拼、蟹粉扒豆苗、銀芽炒鱔糊凍盤4小併入面呢有：肴肉，烤夫，小排骨同燻魚肴肉即係肉凍，烤夫就係麵根，烤夫個醬汁正正常常，燻魚縑佢硬左少少，味道中規中矩。鱔糊炒得好爽，芽菜撈埋Ｄ菜又好好食，送飯一流！但我地無點飯HAHA小籠飽皮薄，入面都有湯汁，唔錯唔錯。而蟹粉扒豆苗，豆苗本身夠清甜已經好好食，但係蟹粉方面就溝左好多粉，而蟹肉為主，無咩蟹粉味。但９６粉就唔敢咁高要求啦～