上海廳1930 (Closed)

今晚男朋友提議食上海菜，就去左黃大仙間上海廳。講起來這間我們由年頭話去食，終於趕上年尾去幫襯！原來上海廳係上海婆婆個朋友，最揚眼係面頭果張menu，蟹粉系列喎！真係好多樣都想try！四川怪味雞雖然舖裡坐滿7成人，但上菜速度好快，落單之後幾分鐘已經來了3個菜！先來一個怪味雞，是一個凍食前菜，味道微辣，份量亦算多，略嫌肉質唔夠嫩喇。糖醋魚塊超開胃醒神的一道菜，甜酸度剛剛好，鑊氣十足，而且魚塊亦大大舊！蟹粉小籠包全晚最期待的蟹粉小籠包，小籠包皮是做得好，皮薄而夾起時又唔會穿，可惜個餡蟹粉味唔重，有點失望啦。葱油開揚拌麵聞落係好香，但入口味道好淡，食落仲覺得好油。砂鍋醃篤鮮醃篤鮮其實是上海一款很經典的名湯，鍋裡面有金華火腿、五花肉、百頁結、冬筍和菜，入口湯濃味鮮，尤其是百頁結，完全吸收哂個湯！

之前試過食下午茶好抵食，今次就黎試吓個晚飯，都係最鍾意佢嘅酸辣湯，真係好好味！個雞絲粉皮都好有水準，今次仲叫左醉雞醉雞都幾好味，好濃既酒味，但個甜品就真係麻麻地，個雷沙湯丸唔好味，個豆沙鍋餅非常之硬，而且個餡十分少，另外仲有個香蕉高力豆沙都係超級唔好味，好冇水準，下次都只會食返中菜就算

味道不錯 價錢算ok 食物不夠熱好少黎黃大仙呢頭食嘢 一出地鐵站 就見到呢一間同埋翠華 呢間上海嘢望落有特色 而且感覺上應該好過連鎖店翠華 所以就入咗嚟我叫了午市套餐 葱爆炒羊肉 有湯有飯 而且加了15元有雞絲粉皮 加多5蚊有得送豆漿 但我沒有加整體來說也很好 環境乾淨 裝修美觀 而呢個格局七十幾蚊一個午市套餐 主菜 飯 湯 和小食 算是合理

好耐未去過黃大仙食晏晝，今日唔知食乜嘢，地鐵一出就見到有間叫上海廳嘅餐廳，好似好高級咁，跟住望望價錢亦都幾平喎！跟住就入咗去叫嘢食，我本身好鍾意食酸辣湯麵，咁就叫咗個酸辣湯麵，都幾抵食，個酸辣湯係用黑醋比較正宗嘅酸辣湯，唔似街邊平價野都幾好味，當我食完啲麵仲有湯剩

踩單去黃大仙中心但係要小心泊車優惠 得一個鐘算但去到呢間上海餐廳裝修其實幾高級但估唔到價錢便宜今日主要講雞絲粉皮.醉雞.酸辣湯係我極力推介嘅嘢食所以大家可以去試下

今晚屋企無煮飯，去左食上海廳～ 先來一個醉雞，大肚婆無份咖，知我中意吃，特意叫俾我吃咖，好感動呢！雞肉很嫩，很濃烈的酒味，我最喜歡這般味道，一個人吃曬全部，聽起來都覺得太過分，沒有辦法，實在是我的最愛！酒也喝了光了！ 

失望! 叫左糖醋小排骨，肉好實，好難咬。明明應該係冷盤，但感覺唔冷唔暖咁。叫左醉雞，勁厚肉，d 雞肉入唔到酒味，淨係得最底浸住果幾舊入味(要知道只係入味，唔係好味)。 睇下張相就係我食淨的雞... 仲有一大碟。叫左紅燒獅子頭，終於有好味嘅感覺。但一大碟只有兩舊4至5cm 直徑的獅子波，之後成個碟都係菜... 肉嘅分量太少了吧！雖然我住得好近，但應該無下次。食格黎間翠華都無咁嬲。起碼翠華都叫平d吖, 而且都真係好味d.

這間上海食店，座位寬敞、環境乾淨，不過食物距離好味嘅水準相差好遠！酸辣湯雲吞～酸辣湯杰撻撻、雲吞皮太厚上海粗炒～味道還可以四色拼盆～肴肉(鞋、硬)、熏魚(多碎骨，而且只有甜味冇魚香)、烤麩(唔正宗)、小排骨一般如果只作為簡單嘅午餐去填飽個肚，冇要求嘅話是合格嘅.....

契爺住黃大仙為了近他選來了黃大仙南館「上海廳」。還記得去年曾到此食過，今次回味一下也不錯啊！話梅花雕醉雞 $76無話梅味有濃濃花雕酒香，雞件入味就是脂肪多了點！上海小籠包 $38皮一般不算薄，餡料頗為鬆散，只可以話抵食。紅袍辣子雞 $75川味香濃辣辣地超醒胃。素菜包 $37香軟幼滑😋生煎鍋貼 $37皮太厚，肉欠汁，煎得不夠香脆。上海大雲吞 $48雲吞只是大大粒，沒有特別！素什錦炒年糕 $68醬油味剛好！豆沙鍋餅 $48這個做得不錯，脆口不太多油！款式算多選擇，不過我比較欣賞店內設計多點。

因工作要四處走的關係，今次來到了黄大仙。一出地鐵站，就見到呢間餐廳，因為想食家常小菜，而且見入面坐得幾舒服，就入左去了。午餐時間有幾個套餐，都係五六十蚊一個，我叫左糖醋排骨，有湯。個湯幾好飲，感覺都足料個白飯凍左少少至於個餸就比較濃味個餐份量都幾大，一個普通女仔未必食得哂

平日夜晚黎唔駛等有得入，環境幾舒服ge，上菜好快兩個人叫左個小食併盤$98，有四款都幾抵食，推介個肴肉，其他三樣中規中矩。Main 叫左個上海粗炒、蘋果泥蒜蓉涼拌麵。上海粗炒普通，份量夠兩個女士既，不過味道一般，$72覺得唔太值。個涼拌麵係貪新鮮試下，蘋果同蒜蓉都食到，又唔會搶左對方既味，幾得意但個人覺得唔係好夾既味。推介黃金荳角，聞落好香咸蛋黃味， 熱辣辣上，豆角漲卜卜煮到軟硬適中，好好味。淨係呢個餸送飯都夠!整體黎講不過不失，幾個人食個便飯係唔錯既選擇

午飯前突然好想食酸辣湯麵，咁我就同同事嚟上海廳食lunch啦！其實一向都少嚟呢間食，因為以午飯嚟講佢的價錢係比較貴，不過為咗食好味酸辣湯麵，貴d都要嚟！唔知點算唔係等位，以前嚟通常都要等位的！我哋兩個都叫咗酸辣湯麵，咁午市湯麵餐會送個小食，我哋就叫咗小籠包同肉鬆燒餅。酸辣湯麵味度正常，唔會太酸又唔會太辣，而且十分大碗，所以我最後係沒有食完的。小籠包都在水準，好味！佢係即叫即蒸，所以上枱時仲好熱。肉鬆燒餅真係超級好味，我次次嚟都一定會叫，真係不容錯失！

夠朋友飯聚，不幸地我又係最遲收工的一位，但幸運地我又唔使動腦筋點菜，而到達時剛剛好係全枱擺滿食物的時候。先先見到我最愛的涼拌海蜇，朋友仔真知道我心思。爽脆而且酸酸甜甜的海蜇實在開胃。至於小店的點心，賣相亦唔錯，而且夠晒熱辣辣。我比較鍾意小籠包，輕輕咬開就有滿滿的湯汁流出。口水雞帶點微辣，而且雞肉都幾嫩滑。呢個四小碟就可以一次過滿足晒我哋四個女人的願望，每一款都好精緻。糖醋魚塊就好適合餸飯，魚肉分明而且軟滑，表面的醬汁甜甜地，夠晒開胃。朋友仔亦介紹咗我哋食一款上海傳統美食，充滿鹹香的金華火腿沾上甜絲絲的蜜糖，別有一番風味。上海粗炒味道唔算好出色，但份量就非常驚人，四個人share都食唔晒。

點左份生煎包，賣相同蒸出嚟嘅豬肉包一樣，唯一不同係個底煎左一陣，上面掉左啲蔥花，一口咬落去口感同食豬肉包完全一模一樣，生煎包咬開無湯汁皮厚如饅頭，建議佢請唔到識做生煎包嘅師傅，不如改名做豬肉包煎底好了

午飯時段起黃大仙中心奇華還左過大禮禮盒，就搵地方醫肚。離開中心時見到上海廳都幾多人食，鋪面裝修又幾特別，於是就入去食lunch。侍應安排我坐2人枱，周圍望下，餐廳環境舒適，間隔闊落，適合一班人黎食。見到有lunch menu，打開睇有套餐，有好多選擇，我就揀左麵點套餐，點左擔擔麵配小籠包。等一陣好快就上擔擔麵，一放入口，味道不錯，個辣湯底配合埋花生醬，差d比我飲晒咁滯，唯一挑剔係個麵淋左少少，不過我都已很滿意。而小籠包個皮搓得岩岩好，厚薄適中，個皮鎖住d肉汁。個size亦岩岩好，一啖可以放入口，最細心係小籠包底有塊好薄的瓜片隔住，不黏紙同時味道又幾夾個包，好味。埋單$64唔使加一，下次經過可以再來。