愷嵐亭 上海雲吞 (Closed)

九龍灣好似無乜上海野食就算有 都係連鎖果幾間 今日意外經過呢間小店 就入去食下因為中午二點 所以就叫個飯食下。其實選擇都幾多。我就叫左個糖醋骨飯 友人食回鍋肉。以四十幾蚊黎講 份量算多 。排骨味道夠酸同甜 好送飯排骨上晒色 亦都夠香。菜飯都好食 飯粒分明 有菜味 但唔知點解覺得碗飯唔夠熱！扣左分友人個回鍋肉 我食左幾啖。有鍋氣 夠辣 濃味 都係好送飯豬肉位唔太肥 易入口 因為本人剛剛去完上海旅行 係香港食既上海菜其實都好似 ，所以今日個晏都諗起去旅行食過既野。呢間小店我會比笑臉

中午時間沒有人龍，但每次都坐滿了人，不是坐門口位，便是坐最入。地方細小，但每日有不同午餐，$45有飯、豆漿同餐湯，價錢算可以接受，也可以選其他上海菜。點了午餐雞排飯，味道也不錯。豆漿味濃，不像其他會加太多水溝淡味道。

食飯時間係正九龍灣，上網睇下有咩好食，因為想食餃子，所以揾到愷嵐亭，係係工業區果邊，離地鐵站都有一段路程。見餐廳名好有詩意，原來係間茶餐廳黎既食飯時間好多人，好彩唔駛等好耐，但啲位好迫，冬天又有大褸又有袋，都唔知點算叫左碗酸辣水餃麵$55,水餃有4隻，呢個價位其實都幾貴，我去八方雲集叫同樣既野都係三十幾蚊水餃都幾大隻，不過皮好厚，太厚啦，影響左個口感，內餡正正常常，係新鮮既麵就好淋身，冇乜彈性，不過我知道本身呢隻麵質係偏淋。而且隻都好索湯，食食下由湯麵變左撈麵酸辣湯夠酸夠辣，好味，但好快比啲麵索走晒應該唔會再去lu

2餸飯@九龍灣愷嵐亭 是日到九龍灣做義工 不用做皇后 都有飯盒的 仲可以自由選擇 吃得飽飽 因為吃飽要用腦 所以多叫一點有何妨 好！就叫一個2餸飯再加香煎餃子(3隻) 2餸飯($42)： 1.栗子炆雞 2.台式滷肉 轉菜飯(+$5) 真心覺得上海菜館有非上海菜已很神奇， 還要有2餸飯，仲要是其他菜系 栗子炆雞(港式吧？) 台式滷肉(一定台式啦~) 栗子炆雞: 栗子夠腍 雞炆得夠時間 有栗子味 台式滷肉: 滷肉夠細夠甜 菜飯: 菜夠新鮮 菜不是隔夜的 香煎餃子(3隻) ($18): 餃子餡料是韭菜豬肉 愛韭菜人士首選 本人雖不討厭韭菜，但也非特喜歡 所以如果有機會，可以是豬肉就好了

平時lunch都去呢間食午餐,午餐有4個餸揀2個連熱飲有湯都係$40通常一個菜一個肉都唔錯。但今日天氣凍凍想試下"上海粗炒",我落左單,侍應姐姐大叫師傅有粗炒,原來粗炒係既炒,碟粗炒一上枱熱烘烘,d菜重好爽無炒過龍,D肉係一條條絲,味道唔錯太重,上海粗炒係正常多油,但食完無口乾算係咁,或覺得價錢偏貴,有個店員姐姐叫我下次試下炸雞肶佢話好大隻好好味可獎配擔擔麵好香架。但呢間除左午餐其他都貴左d。都係出左糧先試其他啦！

公司在九龍灣，有時lunch time都會幫襯一下。今次已經是第三次食上海雲吞麵。雲吞皮夠煙韌，菜肉味道剛好，不會過咸。但最欣賞是它的麵，吃了穆三次，麵身依然彈牙，能維持水準。不過以雲吞麵來說，四十幾蚊一個餐貴了少少。

不知道大家去上海菜館，有無叫上海排骨菜飯呢？我覺得排骨同菜飯是一個好好的配搭。上海菜館的排骨是炸的，菜飯會減低排骨的油膩。睇個格局是京滬菜，點個菜牌上廚師推介的上海排骨菜飯，應該夠穩陣。點知又中伏！賣相完全吾掂，啲飯散晒放系碟底，好似食剩一様，只是和暖不夠熱，飯面只有幾粒菜，拌到飯中，貌合神離。要做得好，菜與飯同煮，在菜色轉老時加入以洋蔥、紅蘿蔔、乾蔥、蒜心熬煮的香油，以補充香氣。而且為免大白菜出水，還要堅持每次只煲小量菜飯，寧可多點功夫，也要菜飯顆粒分明，煙韌有彈性。！主角排骨一定不是即叫即炸，肉質鬆軟和味道尚算可以。果碗例湯吾知系乜，喝了一啖就比番佢。感觉店主完全無心戀戰，吾知想掂！