歇腳亭 (柴灣道) (Closed)

真心飲咁多間茶飲店其實無咩邊幾間嘅珍珠奶茶真係好味一係就少甜都甜到癲一係就成杯好稀唔知做緊咩但我飲左呢間覺得唔錯起碼成杯overall都合格價錢都公道750ml 先25蚊今日細珍珠賣曬無得叫混珠奶味夠濃成杯嘢都唔會太稀叫少甜唔會成杯無曬味茶味較淡另一杯係無糖綠茶加蘆薈其實我本身係叫烏龍茶佢俾錯左我味道正正常常解到下渴咁但佢alipay又出問題第一次收唔到錢之後又要我再俾一次不錯職員態度ok星期六晚上7點左右都唔會太多人總括係會再買

一杯普通百香果茶$26，我比多$4買杯百香綠茶益力多，點知飲到最尾都係冇益力多味，剩係得百香果味，咁就收到我$4，諗吓個個收多$4😏😏今時今日咁樣做生意真係冇得輸👍🏻👍🏻所以大家要認住佢，我指嘅唔單只係呢款嘢飲，仲係呢個share tea品牌👈🏻

😒唔惦。貨不對版得好緊要，$36都唔係少，點解比杯「水」當交貨.... 無笑容唔緊要，都唔好黑面，係gimmick? 唔需要喎，唔係第一次亦唔係第一個我話少甜少冰，店員話係「沙冰」無得少，亦唔可以少甜，ok原味啦咁，結果拎左杯「水」走...奶蓋係稀薄淡味，菠蘿只有少少少！其實為此而來買，真係好唔滿意右面係檸檬加寒天，正常嘅，但之前試過冬瓜茶、波霸等等，都係馬馬地，share tea咁多分店，估唔到咁差😫黑髮同灰髮嘅女店員態度亦馬馬！ 下次唔會再就腳而買竟然茶飲都激親，多過200字😫

通常都係平日放工過嚟買朱古力鮮奶，無論有冇加料有半杯都係奶，係幾好飲，黑糖珍珠鮮奶都比其他分店多少少奶味，亦都唔會太多冰，收工過嚟都會買反屋企同仔女飲，有時放工時間買係會等耐少少，不過都值得既👍👍👍👍有次係公司有同事想叫呢間外賣大家一齊飲，呢間外賣服務都唔錯，可以打電話叫外賣，亦都可以外賣自取又得，而員工送外賣好凖時，同事飲既芝士芒果既芝士都好足料，個次叫十五杯仲送多杯珍珠奶茶，結果俾左老細飲左🤣🤣🤣