歇腳亭 (啟田商場) (Closed)

呢幾日太陽好猛，天氣又焗又熱，帶小朋友去公園玩，真係好辛苦喺公園望到歇腳亭，真係忍唔住入去買返杯嘢飲，慰勞吓辛苦嘅自己其實已經好耐冇幫襯過歇腳亭，飲品花多眼亂都唔知揀邊杯好，最終見到店內廣告Sell緊仙草凍鮮奶，就決定買杯試吓平時我就會揀半糖，但今次第一次試仙草凍鮮奶，決定品嚐最Original嘅版本，即係正常冰+全糖仙草凍鮮奶 一飲落口，就充滿鮮奶嘅香滑；仙草份量都幾多，但係冇乜仙草香；而且正常冰冰原來好多，所以好快鮮奶就變得好淡味，所以建議大家如果order呢杯嘢飲，最好叫少冰

仙草凍楊枝甘露沙冰這間舖頭好似原先係匯景廣場。因為天氣好熱，又見不斷有人等同買嘢飲，於是試下第一次幫襯，發覺畀咗$42很不值，個男仔先落半碗都沙冰（見佢先攪碎冰和一d唔知乜嘢），跟住攞個罐頭出嚟「畢」咗一啲嘢，以為會落多些料，但係落咗非常之少「楊枝甘露」、柚子幼細到幾乎睇唔到，後來發現落咗好少好少杧果（另外加冰打碎一啲乜嘢），見到係有一粒粒嘅寒天晶球(??)、仙草是最明顯最多。我以後都唔會再幫襯😤！《鮮芋鮮》雖貴啲，但係值得同好味。後來仲要收我一蚊交袋費用，佢話係公司話要收！我以為唔係密封嘅食物會免費，我喺7–11買一杯奶茶$13都俾個細膠袋我，當然畀$1。我唔記得帶個細膠袋，平日好環保嘅。