歇腳亭 (欽州街)

Open Now

Now Closed

拍拖到西九龍中心food court飲番杯🥤🧋，平日唔駛等感覺爽YY🥰大大杯可以慢慢飲🧋紅豆奶茶粒粒🫘紅豆好Creamy好sweet，奶香醇厚，不過較甜🍃 樂活水果茶+$6寒天晶球粒粒🍊橙肉及百香果極杯茶好香好清新🌿加寒天晶球Q煙煙韌韌有口感

珍珠奶茶不嬲都係好多香港人都鍾意飲嘅嘢，我都唔例外哈哈😋，今日就同朋友飲咗一間台灣珍珠奶茶老字號 — 歇腳亭，梗有一間係你左近我叫咗凍嘅烏龍茶加珍珠，健康得來又有啲嘢咬下🤤，而我個朋友嗌咗典型嘅凍珍珠奶茶少甜🧋，雖然而家好多人都飲其他新式嘅珍珠奶茶舖頭，但係我覺得歇腳亭性價比依然高，20幾蚊已經有大大杯👍🏻，珍珠嘅口感又夠彈牙份量多，性價比確實幾高㗎因為比較少人等嘅關係，輪候時間都只係5分鐘到，啱晒任何時候都好講嘅香港人！

掛住double全家qq奶茶所以先幫襯share tea，係咩配料都有嘅奶茶，但係嗰日員工話唔齊配料，所以嗰日呢款就暫時售罄。就揀咗烏龍珍珠奶茶，飲開走甜係因為本身個奶茶底同埋珍珠都有甜味，所以就要走甜。烏龍茶底都幾好有烏龍嘅清香，在配珍珠奶茶呢個組合我覺得就係幾好嘅。但係敗筆之處就係個珍珠實在十分之林身唔夠彈口，或者細珍珠會更加好，但佢係一向用開較傳統嘅大珍珠。總括黎講唔掂，去7-11買些罐裝飲品好過。

今日行過買咗2杯莓莓芝芝，竟然裡面無莓果，淨係用粉溝出來嘅莓果汁，仲要半杯都係冰，勁難飲勁失望，都唔係嗰樣嘢嚟嘅以前飲過奶蓋烏龍茶，又平又好飲，點解依家變咗咁嘅質素，應該無下次了

Share tea隔離，以前有另一間台茶我一直幫襯隔離但隔離執咗後，我唯有幫襯呢間我少幫襯呢間係因為一直覺得呢間嘢啲出品平平無奇唔係難飲但又唔係特別好飲頂癮可試點了蜂蜜蘆薈冰茶（加珍珠）叫了半糖少冰都好甜返家飲時，我自行加了半杯水落去溝淡佢我比呢杯嘢4星唔係味道係佢好足料本身蜂蜜蘆薈冰茶$18我再加珍珠$4啲料勁多，可當一餐半杯都係料啱晒我呢啲鐘意有啲煙煙un un嘢咬吓嘅人啲料係每啖吸啜時都食到之餘飲完都仲有得食呢隻$4珍冇黑糖味嘅因為如果要黑糖珍珠係加$6蘆薈都爽口，份量好多反而茶味唔太出但$22算係咁超級多料飲完好飽抵飲之選

黑糖鮮奶仲hit緊，個人又好喜歡cream+ 黑糖等heavy既選擇！因為侍住自己有quota，hehe叫左杯黑糖鮮奶，男友叫左杯水果茶，份量雖然少左D，但都做到黑糖鮮奶既水準，因為糖同冰既份量不嬲都冇得揀，但佢又唔係好多冰，算係唔差男友果杯波蘿茶佢好鐘意，純粹佢係陪我飲，佢鐘意食波蘿，所以覺得唔錯，最後大家都飲得晒，飲完仲有D飽，晚餐可以食少D la因為大家都飽飽地！講返杯黑糖珍珠鮮奶，珍珠煙軔，黑糖味尚可，配埋個cream真心不錯！

陪朋友出深水埗買呢期最hit嘅FIFA, 就緊係順便去埋鴨寮街逛吓喇行到咁上下，熱辣辣，俾我見到呢間sharetea, 諗都唔駛諗就衝左去排隊先呢間sharetea係西九龍中心對面，地點真係好方便！所以人流都特別多！好多人等緊拎野飲嘅同時買飲品條龍都好多人。今次點左我最愛嘅綠茶益力多同埋朋友必點嘅芒果沙冰綠茶益力多中杯$22，大杯$24每次點綠茶益力多都會點少冰同少甜因為飲開sharetea都知佢地會用好多冰，如果點少冰茶味就會濃多d，益力多又會濃多dd本身益力多有甜味，所以少甜就perfect喇我仲留意到佢地中杯會用一枝益力多，而大杯就會用兩枝，大杯都只係多$2咋，識飲嘅一定揀大杯喇芒果沙冰杯底會有紅豆同啫厘，視覺上會覺得好唔match，但朋友話好正P.S. 圖中沙冰係走左cream㗎

夏日炎炎 正好搵d凍野消消暑Share tea 係我一直有飲開ge台式飲品價錢其實唔係特別好平今日又飲呢個大ge仙草凍鮮奶($24)呢杯係用鮮奶整 其他我見都係用奶精沖用鮮奶整感覺上健康d仙草凍鮮奶（大）😐甜度同冰同樣地都係因應自己喜好去選擇 我就揀左少冰 微糖（3分糖）微糖其實都係有d甜 因為本身杯奶（呢度係用明治奶）都係甜甜地 仙草加左糖水浸 所以有一定ge甜度係度 仙草份量多 口感奶滑 但就係同奶唔係太夾到ge感覺呢度太多人 店員好忙 出飲品同落單都要等一陣仔

深水埗響政府合署對面，好近地鐵站既台式飲品店！突然想飲珍珠奶茶，香港有好多間，不過唔係間間新年有開！搵到間歇腳下鮮奶茶同奶茶分別應該就係鮮奶同奶精的分別吧 味道的確不同的，比較滑！可選紅茶/綠茶，始終紅茶底會較合適配合奶！少冰/去冰，半糖/少糖！我點了半糖少冰，甜味剛好！滿足珍珠控，有三份一珍珠，非常足夠！而家珍珠款式太多，有軟身，細粒大粒，都係較喜歡大粒又堅韌呢種！呢間既手感芋頭奶茶都不錯，原粒芋頭，會偏飽肚！

歇腳亭係我中學既回憶， 以前藍田分店果間歇腳亭真係好好飲， 排隊要排十五分鐘以上， 又可以簡混珠，都係十六定唔知十四蚊。今日專登去左深水涉間鋪飲珍珠奶茶，見到佢新推出左個珍珠鮮奶茶， 但冇寫幾錢， 咁天茗都有出， 人地都係$22蚊， 我諗呢個都差唔多掛，點知成26 蚊， 咁都叫左， 就試試26 蚊既質素， 一飲， 我大嗌左出尼， 哇 咁水既， 個店員明明聽到扮聽唔到， 本身打算叫佢換過杯尼，佢好似有意避開視線唔望我，忙就唔顧服務質素啦。 真係好失望，比左26 蚊，買左杯我自己沖仲好飲既奶茶， 真係好嬲， 水到咁，成本5 蚊都唔知洗唔洗。依家飲品店愈尼愈多， 顧客選擇多左，自自然然就唔一定要簡你， 價格又加左咁多， 質素又唔好好控制， 搵鬼幫襯呢？！

呢日下午同朋友去深水埗買電腦用品，行到又熱又攰，見到有野飲，即刻叫返杯飲下揀左最普通既珍珠奶茶，少甜，等左大約7分鐘就有得飲喇。飲落凍冰冰，涼浸浸。但原來少甜都幾甜！下次要50%或者30%糖先得喇。

冬瓜茶不是太甜，平時買開加小珍珠和地瓜圓，但5月已停售芋圓和地瓜圓。小珍珠會痴埋一堆但容易入口，但今天賣哂，唯有加大珍珠。PS：7時09分買的時候那女員工態度不太好，掉張單比我，結果掉左係地下，連道歉都無，公司用人真的要請一些起碼有基本禮貌，雖然飲食行業是辛苦但基本禮貌屬個人修養，老闆都不想因員工工作態度而趕客吧。

布丁奶茶$16 加珍珠$4好味指數: 4/10行到又熱又餓，於是去買杯飲品頂頂肚。今次忘記了要少甜，一飲之下就覺得中伏。奶茶太過甜，好像在飲糖水一樣，完全没有奶茶的茶香。至於布丁，因為杯飲品太甜，所以都食不出布丁本身的味道，只是飲到滑滑地的口感。另外加的細珍珠亦是敗筆，珍珠都痴埋一舊，食不到粒粒的口感。朋友叫的大珍珠就無痴埋一堆。建議買的話要少甜和大珍珠。

服務好 有禮貌 燒鮮草幾好味 真係好重料 食到好飽 珍珠好食 粉條煙煙unun 花生分開擺幾驚喜 飲筒任攞 比岩岩開舖時真係好好多 無論係野飲質素定員工 但嚴個燒鮮草太甜 可以走甜的嗎？