歇腳亭 (富嘉花園)

Open Now

Now Closed

今次飲咗佢嘅珍珠奶茶正常甜正常冰但係個人覺得就算我今次係嗌正常甜但佢嘅味道都比較偏淡🥹可能係因為落得太多冰當啲泳溶晒之後就成杯珍珠奶茶都變得好淡而旦佢茶味同奶味都唔突出的珍珠煮得偏硬，珍珠入面好似有啲唔太熟咁 。其實＄30左右嘅價錢可以有更多更高質嘅台式飲品店選擇🤔諗翻起佢啱啱開嘅時間佢嘅品質其實係有水準嘅但可能愈開愈多分店嘅時候水準就好似下降咗好多咁🥹同埋依家台式飲品店競爭咁大希望佢可以提高翻自己水準啦🫣

一心諗住去飲珍珠奶茶，叫咗個紅茶拿鐵加細珍珠，收銀肥肥哋個姐姐已經態度唔係咁好，我見到佢張單寫住大珍珠，不過聽到佢同員工講係細珍珠，所以我都冇再問拎咗奶茶之後嘗試倒轉睇吓啲珍珠係大定係細，不過睇唔到，算啦如果係大珍珠我都會照飲，一督落去係飲唔到珍珠，於是我再搞兩搞，發現成個底一pat嘢癡住咗我啲珍珠應該係雪咗好耐？因為佢外面已經發脹晒，然後個心係硬咗…🤮超級用力啜上嚟，佢就卡住係飲筒最後我淨係飲咗啲奶茶，所有嘅珍珠都痴晒喺底…

經過大圍諗住嗌返杯益力多綠茶飲 呢排天氣又熱有焗 諗住買杯嘢消暑 結果被嘢飲一啲甜味都無 擺明係漏左落糖 搞到成杯嘢勁難飲倒曬 唔知點解可以咁甩漏 本身已經攰再飲到杯唔甜嘅益力多更加係躁上加躁

日日返工放工經過,好想飲,又唔想排隊....可能比較早,食完野想飲珍珠奶茶,就去買,真係好吸引,不用排隊,買左一杯$25大杯珍珠奶茶走冰,幾好飲,口感非常不錯,幾滑,下次再買

夜晚食完飯，諗住近近地買個糖水食下。簡咗個熱嘅仙草芋圓。第二度都食過熱仙草，都係會一條條固體嘅。但係呢度真係好失望，首先碗嘢係唔熱，啲仙草係水咁，完全食唔到。最離譜係芋圓係未煮熟煮透，咬落去個心係硬架。好失望，好難食。

这家店在，大围烤冷面手抓饼店旁边，上次只吃了烤冷面没喝饮料，这次就决定，来这里买个饮料弥补下，我点的是乐活水果茶，两个朋友一人点了香浓咖啡，一人点了珍珠奶茶，大家都觉得各自的饮品味道不错，我们这几个，我没记错都是30多hkd，中杯。

食完野行過見到珍珠奶茶真係好吸引，所以停低嗌左杯嘢飲，幫屋企人叫咗杯香芋珍珠奶茶，因為之前飲過佢啲杯香芋珍珠奶茶幾好飲，而且入面啲珍珠係大細珍珠😁口感非常不錯。而我自己就叫咗以前最鍾意飲嘅咖啡凍奶茶，其實佢係咖啡凍加奶茶，咖啡當係好似一啲咖啡整成嘅啫喱咁，不過我自從飲咗細珍珠之後去到每一間珍珠奶茶舖頭我都想叫細珍珠，咁我就去問店務員..咖啡凍奶茶可唔可以加細珍珠，其實我都幾驚問店務員，因為珍珠奶茶嘅店務員都特別惡唔知點解，今日竟然就遇到一個好嘅店務員，佢帶着笑容答案當然可以啦💗跟住我就拎咗返屋企飲啦💓咖啡凍加細珍珠奶茶走甜💓好好飲又唔會太甜😘好正！會返去再買

芝士鐵觀音，以前飲幾次覺得幾好，後面幾次冇晒芝士味，仲要一舊一舊，攪拌都攪唔開，是否隔夜？以次充好？呢啲質素都可以賣俾客人咩？賣之前有冇自己試過？ 越做越差，令人失望！

今日過嚟大圍呢一邊同同事食完飯之後,就過嚟買咗杯嘢飲，我就梗係點左個肥仔水啦！今次叫咗嘅係芝士奶蓋抹茶！個芝士係蓋香濃而且又滑，如果抹茶亦都做得非常之出色！對於我呢一啲小宅男來講真係一個好幸福嘅事！特別係食完一個麻甩佬飯，食再試一個香濃二誘惑嘅抹茶，真係人間極品！但好可惜又要返去開工啊！做嘢辛苦冇辦法啦，最重要賺完錢要食晒，仲要食得好啲，免得自己一直係做一個奴隸，忠告大家食嘢嘅時候亦都記住10怪我啦！

食完野有d口渴，經過見有奶茶鋪諗住幫襯，反正又耐無飲珍珠奶茶。叫左一杯普通珍珠奶茶少甜，但叫左少甜都仲係甜，珍珠過硬無趙口，唔係普通珍珠既咬口，唔知係咪過左期? 質素差過其它奶茶連鎖店好多，味道、賣相、口感都明顯麻麻地。店員面黑黑服務一般，無笑容同無眼神接觸，收錢又無講多謝，好似唔休做我一單生意咁。唔會再幫襯，未試過一間奶茶鋪都可以食物差服務又差，貼錢買難受，行多幾步有另一個連鎖奶茶鋪，實在無謂哂錢幫襯佢

我本身係share嘅die hard fans但大圍呢間真係好差 令人好唔願意去幫襯其實呢間價錢本身比起其他share tea已經算係貴嗰堆無啦啦又要加價 雖然1 2蚊唔多 但好似佢話加就加咁服務態度何其差 好似全世界欠咗佢咁珍珠成日都好似煲唔熟咁樣 個心硬咖！ ！ ！而且份量好似唔跟食譜咁 同一杯野飲有時少甜就好甜又時又好淡 好冇標準 做衰晒share tea個brand仲要有人帶口罩去幫襯都比佢鬧比佢趕香港飲食業真係比佢影衰晒

大圍現時有好多間手搖店，在車站附近最少都有三間了.......千揀萬揀之下，去左歇腳亭，買左杯荔枝椰果西柚茶，一入口失望到我呢⋯⋯明明叫左少甜唔明點解都甜到爆！以為收銀聽唔到，所以無幫我少甜到，但睇返張sticker唔係喎，有叫到少甜都可以咁甜，有無搞錯！甜的程度係我要返屋企加左足足一杯水先飲得落口！但加左水之後又好難飲！勉強飲了半杯就掉左了，咁就浪費左我$28！呢杯野飲真係令我好失望......

叫左杯芝士草莓, 單飲草莓茶, 幾香草莓味, 仲以為好甜, 原來酸酸味味的,幾好。未將芝士溝埋一齊前單試芝士, 嘩, 好咸!!! 溝埋之後, 酸甜中少少咸味, 都OK, 但溝埋左就5係好食到芝士味了

歇腳亭都加入了黑糖戰爭今次改用左子彈杯 但變相其實係貴左又細杯左😭可以揀普通厚奶或者濃乳霜(加cream) 一樣價錢。即使加左cream大家唔好expect佢有幾濃乳 第一啖飲落去係好淡 奶水味⋯一定要連埋底嘅黑糖珍珠飲埋先可以平衡返 整體都唔算太甜🤣杯邊黑糖紋係幾靚 不過唔係好重黑糖味 值得一讚嘅係大圍店嘅珍珠真係加分 重黑糖味 唔會好腍 煙韌有咬口👍🏻建議大家第一次飲可以唔洗少糖少冰。唔好期望太高 但唔洗排勁耐就飲到 一試無妨👌🏻

厚黑糖珍珠鮮奶 ($30)Brown Sugar Boba Milk.黑糖珍奶風吹到全港都係，真係隨時去屋企樓下都飲到，唔使排成粒鐘💩不過質素當然差好遠，歇腳亭嘅黑糖珍奶有好靚嘅黑糖掛杯，不過因為杯嘅設計冇得上下搖勻，所以黑糖嘅味道唔勻循，珍珠口感其實唔錯，可惜最重要嘅奶味同黑糖味都不夠濃，大大扣分，以咁嘅價錢實在不太值得