Video
Introduction
主打鮑參翅肚，亦提供中式點心、京川粵菜式。
continue reading
Opening Hours
Mon - Sat
11:00 - 15:30
18:00 - 23:00
Sun
Closed
Public Holiday
Closed
Above information is for reference only. Please check details with the restaurant.
Signature Dishes
今晚幫朋友慶祝生日,所以豪一豪,食餐好既.7:00pm到達,可能尚早人客都唔算太多.環境都唔錯,而且吉品鮑魚仲有半價優惠.揀個全包既套餐食,仲加一隻鮑魚.雞湯中鮑翅:雞湯比較淡,近乎冇味,但D翅好多,全部都係一梳梳,細細塊.上湯龍蝦:每位半隻,雖然係細細隻,但味道幾鮮甜,個汁又做得好味.海參扣花菇:其實第一次食海參.覺得個樣怪怪.平時見到多數都係長形,但竟然係...又肥又短,個花菇係好大隻,但一D味道都冇,而個獻汁,就仲失望,似水多D,又(浠)又冇味.鮑汁鵝掌伴伊麵:呢個汁好味好多,甜甜地.隻鵝掌又煮得夠淋,D麵就麻麻,太碎又太淋.38頭吉品鮑:唔識點分size,只覺得細細隻.冇乜味道,但覺得個汁幾好味.另加2款小食涼拌魚唇:賣相都幾靚,但都頗辣.不過D魚唇...好似海踅多D.素鵝:味道麻麻,同其它公司做法唔同.套餐仲送一杯鮮榨橙汁&甜品.
continue reading
I have been to all of the four Shark's fin city restaurant in Hong Kong and the managers/ waiters know me by name. Whenever I have tea with my family and girl friend, I would go to Shark's Fin city because of the foods and services. I would say the one at New World Centre has the best service follow by Miramar's Shark Fin City. The service at Olympian City and Time Square are just so so.I order the following dishes whenever I have tea at Shark's Fin city. Absolutely tasty and not oily!雞湯煲仔翅蝦餃鮮蝦腐皮卷鮑汁叉燒飽帶子腸粉椰菜炒拉麵炸子雞沙律蝦春捲杏汁官燕
continue reading
有個魚翅撈飯餐, 一個雞湯煲仔翅+一個燒味飯+一個甜品(蛋散), $100有找。不過湯翅唔夠濃但係幾多翅, 蛋散好脆幾好味。點了其他點心, 菠蘿飽有菠蘿做餡幾軟熟暖暖地唔錯。帶子腸粉, 用鮮帶子做餡幾鮮甜。蝦餃皮薄餡靚。推介點心"蘿蔔糕", 一條條的蘿蔔, 當食時啖啖都係蘿蔔, 正。
continue reading
唔知點解我老細好鐘意去e間茶樓飲茶,今日阿姐就同我,我同事用埋個外國同事一齊去魚翅城個度食晏.因為個同事係由外國office嚟的,所以阿姐就諗住叫豪d,於是叫左:1.豬頸肉-d汁辣辣地加埋d肉都幾爽口,唔錯2.豉油王炒腸粉-d腸粉都炒得幾香幾入味,唔會有d腸粉 有味有d無味咁,加上唔會太油膩,e個好味3.小籠包-個樣包得唔太靚,個侍應攞嚟的時候剛蒸好, 但係個皮睇落皺皺咁,賣相唔多好,不過因為佢有塊紅 蘿蔔係底,所以夾的時候個底唔會咁易穿.裏面有汁但 又唔會油淋淋咁,都ok.不過裏面d肉就好散,唔係一粒 過,所以冇乜口感4.上湯魚翅-佢係即煲魚翅用個煲仔煑完即上,上碟的時 候好滾,d湯ok,唔會"傑tartar"咁,d翅係一梳梳,都有 三份一煲,食落都ok,有d咬口,唔錯5.蝦餃-ok,d蝦肉幾爽,唔太油6.叉燒飽-好味,因為裏面d叉燒醬唔太甜,個皮都幾軟熟7.蛋散-新鮮炸好,好味,但嫌d糖漿太甜埋單的時候個鬼佬搶左張單,俾錢不過就唔係好認得港幣個樣,要阿姐出手相助,好攪笑,埋單500幾
continue reading
尋日(3-9-2007 Mon)因應一個由日本過o黎開會o既老闆要求食魚翅同飽魚,於是連同呢邊日本老闆6:45pm o黎到呢o度食飯.開頭侍應們都忙,冇人招呼,一會兒後就發現我o地喇,佢o地一律以中文招呼,於是我話佢知佢o地係日本人,到當問我o地要咩飲,佢o地要啤酒,waitress A都係以中文話畀佢o地知有咩啤酒,呢邊o既老闆係聽得明廣東話,但另一個唔識o架嘛,講o左佢知佢o地係日本人都重要講中文o既?唉!最後老闆決定o左要生力,我就飲熱茶.老闆決定叫三個每位$688.00名為’鮑翅吉品餐’,包括有:1.招牌大鮑翅先上一碟芽菜同小量唔太靚o既金華火腿絲,我都係第一次o係專食翅o既地方食o野,所以唔知係咁樣食,翅都o黎o左喇,冇醋伴上o既.我問waitress B係咪加入去食,佢答係,於是告訴老闆們.食落….唔覺有咩特別,只係啲翅唔係散開o左,係一排排,有一排半,感覺似好豪咁囉,湯汁比普通去飲宴o既杰啲.2.28頭吉品鮑魚鵝掌老闆問香港人係咪好鍾意食鵝掌,鳳爪咁,我答一啲啲啦,佢o地可能覺得核突,不過都試試,好彩鵝掌都炆得好淋,用刀一切都可以甩出o黎,唔會食得論論盡盡咁,佢o地都食得晒.而鮑魚….我覺得有啲腥.3.杏汁撞蛋白最後上o既甜品,可能waitress B見我o地樣樣餸都攤到凍晒至食,所以放低時都叫我o地趁熱食.打開蓋,一碗純白色o既甜品,冇咩香味,不過一食落口就好香杏仁味,而蛋白就係一舊舊咁,被杏仁味蓋過晒.每個套餐重包括同自選小菜一款,價值大約$80.00-$110.00,如冇記錯,我o地不約而同地揀o既小菜都係$80.00,有:4.五香南乳雞嘩!炸到好乾身,冇汁伴上,細細件又細碟,食落有啲好鞋,有啲裡面又乾唔晒o既,而南乳味都幾濃,我自己覺得鹹o左小小.不過就唔係油淋池,重有張牛油紙墊底添..5.花膠絲扖時蔬時蔬係小棠菜,花膠絲竟然唔得,又係好腥呀!我老闆都唔食添啊.真係唔好意思.6.XO醬肉碎西蘭花呢個冇咩特別,唔太辣.7.另外叫o左個楊州炒飯Waitress B幫我o地分三碗上,我o個碗有好多蝦,飯炒得算OK,佢o地都食得好滿足.服務:1.溝通佢o地知道要用英文溝通後,就調o左另一個後生少少o既waitress C o黎serve我o地,唔知係咪得佢一個識英文,但佢都唔係好流利o個隻,當上第一道菜時,佢問我o地要唔要飯(又係中文),於是我要翻譯,老闆問係咩飯,我同waitress直覺係一碗碗o既白飯就照同佢講,點知老闆話要一碟碟o既炒飯,於是又問佢有咩炒飯,佢又係用中文講o左好多種,呢啲老闆更加唔知係咩,亦都唔好旨意我翻譯,大家一頭霧水時,我就叫佢攞menu畀佢o地睇,點知佢話menu冇寫炒飯類,我真係呆o左一呆,點算?我話咁你同佢講啦,最後我老闆求祈話要ordinary炒飯,我估係楊州炒飯o掛,就咁決定啦.唉!!!講真,o係遊客區,都擺明要做遊客生意,點會一個大約30歲o既waitress(雖然應該唔係好高級,但應該係senior)都可以唔識講?2.態度waitress C應該係我o係o度接觸過態度最差o既,我見佢笑笑口應我老闆後,一轉頭未離開我o既視線時,佢已經即刻變臉,唔單止冇晒笑容,並且黑面.日本人出名有禮貌,何況我呢兩個老闆真係好nice,好冇所謂,而且我亦睇唔到老闆有咩o野特別麻煩o野.除o左呢位略懂英文o既waitress C外,其他都冇咩問題.環境:冷氣稍為凍o左啲,唔知係咪人少關係.呢o度都好闊落好舒服其他:正如上面提過,Menu唔係有齊所有食物,令遊客們唔識點餸 / 飯,要問至知,但問時,連侍應自己都唔識講,點算?而枱上面有啲簡單寫上一兩樣甜品作為推介o既紙牌,都只得中文冇英文,佢o地要問我係咩o黎,對於我呢啲英文唔掂o既人就真係企o左o係o度.最慘係有句:’能人所不能,我們堅持下去’,叫我點譯啊?而且我又唔覺佢o地有咩好o野係’能人所不能’喎. @.@”老闆們大概飲o左6,7罐啤酒,埋單(今次我’目及’到喇)好似係$2,568.00,好貴.不過多謝老闆,老闆萬歲!在此特別嗚謝尋日o係o度咁熱心幫我手諗邊間食肆o既食家們.我o地最後都冇去到你o地推介o既酒樓,真係過意唔去.
continue reading