蛇王善 (Closed)

「秋風起，三蛇肥」天氣轉涼，梗係要去蛇鋪幫襯，補一補吓啦。咁啱睇到今期飲食男女介紹蛇王善，所以就去試吓喇。果然好似d其他食評咁, 有讚冇歎，我去到同兩個朋友share左個大蛇羹同糯米飯先，真材實料，食到好多蛇肉，YUMMY! YUMMY! 再嚟仲飲埋碗清熱解毒既龜湯，本來其中一個朋友見到全碗都係黑色唔想飲，但見我地飲得咁好味，佢都不坊試試，之後仲話好好味，好彩冇走寶。一句講哂，好食過哂我之前幫襯過d蛇鋪呀!!!

我進去坐下後，問老闆娘可不可以吃飯了，她說要再等三個字。我說沒問題，又問可不可以照相，老闆娘爽快地答應了。這時，老闆正在準備蛇肉，一桌子都是一條條的蛇絲。老闆用手把一條條的蛇肉撕成一釐米不到的細絲，然後再用刀斬成段。老闆娘說這裏有好多種蛇，是用來燉蛇羹的。想必是明天的蛇羹了吧？看到我舉起相機，老闆便誇張地把胳膊抬的高高地，“落力”地剁，老闆娘更在一旁打趣地說：靚唔靚仔啊~~~我看到了食午飯的時間，就要了一份小份的蛇羹套餐（細40/中53/大65），包括一小碗蛇羹和一碗糯米飯。快到十二點時，蛇羹先端上來了，一看，果然落足了料！一碗羹有半碗都是蛇肉。同燉的還有香菇及各種藥材。其實蛇肉無油，纖維多，所以不是很鮮嫩的，但是大補嘛，味道還是可以的。不一會兒臘味糯米飯也端上來了，稍有一點點油，但味道不錯，對我來說臘味也算夠了。最糗的是我食完出門，竟然忘了付錢！老闆娘追出來說小姐你忘了給錢，我趕快道歉，然後返回去付錢。老闆和老闆娘都笑言“唔緊要唔緊要”，真是十分nice呢~

雖然依家冬天無以前咁凍，但都有好多人喜歡食蛇，我是其中一個super fans. 呢排有點時間再去搵蛇食,見好多呢度板友都覺得呢間蛇王善唔錯，就渣車去深水步食，舖前有入咪錶車位可以比我泊半小時食野。佢地有分大中細,我就叫左mid size既腊味飯+蛇羹，好正架,腊味飯好香，蛇羹又真係好似板友所講真係幾多幾足料，所以我都比個"好"字佢!環境：以一間做蛇生意既地舖，裝修左之后好左,清潔左味道：我覺得好好味呀服務：o係得SSP既,無話好唔好service既，佢唔係用唔禮貌態度同我講野都ok ga抵食：我未黎ssp之前，係o係大埔食蛇，個度佢地一細蛇賣25足料的，仲要送蛇湯(諗起都流口水),但呢度細蛇賣27無湯送，所以我覺得唔係話太過十分抵,中等啦乾淨：都幾好

在劉森記吃完撈麵，見凍凍地，就走過隔離吃蛇。之前都看過食評，對這裡是清一色有讚無彈，就試下。呢度係典型的舊蛇舖格局，仲有一個二個蛇籠，不過就好似無蛇在內。四點幾都仲有幾個客，眼見應是街坊居多。吃不了這麼多，就叫了個細蛇羹。細蛇羹也有小飯碗的一碗滿，不算很少。檯面有薄脆及檸檬葉，可以自行加入。蛇羹不算很杰，配料很足，除了蛇肉，還有廋肉、木耳絲、冬菇絲等，味道不錯，味精不敢說沒有，不過就不太過份。同檯的阿叔吃中蛇羹，份量不少。埋單27蚊，都算唔太貴，起碼料足味道又不錯。

2月1日，19:30，又凍又有雨粉。買完防潮箱後，本想到南昌街吃樓梯底蛇羹，原來已不存在。便到這裡吃蛇羹+糯米飯。蛇羹：不太杰，有很多蛇絲、冬菇絲和肉絲，幾足料。糯米飯：香而有咬口，有點點臘味，花生香脆。份量不算多，我來說剛好。店內當眼處放有大大包安記冬菇！

天氣凍，又係食蛇的時候，今日去左黃金買野，搵到蛇王善．都係一般舊式蛇店，出面有ｄ可愛蛇．．眼仔碌碌好滿足小蛇羹　廿七個大洋，唔算平，唔算貴蛇肉唔鞋，比例亦多另外仲有豬肉，冬菇而我亦狂加”脆脆”，檸檬葉，好香，唔錯我幾鐘意佢唔太杰，唔會似豆粉湯．正!

星期日悶悶地同男友行左去深水步搵食，經過蛇王善，聞到好香咁，就入左去試下。一入去叫左個蛇羹，真係唔錯。啖啖蛇肉，唔係雞絲，個湯底仲好清甜，正到不得了。同個老闆娘傾左兩句，佢推介左個龜湯。飲落都唔苦，都值得一試。不過地方始終係細左ｄ，人多就要同人搭檯，唔係咁方便啦。下次搵個人少ｄ既時間再食過，補一補先。

今次專程來食個蛇羹，由於怕唔飽，所以叫左個40蚊蛇羹＋糯米飯套餐。個蛇羹都好夠味亦足料，個「汁」同蛇湯的味道亦一致，但如果蛇肉絲改做厚切就perfect喇！D薄脆真係好脆又唔油而且會不斷添，糯米飯味道同上次一樣。今年的平安夜氣溫和暖。糯米飯的暖胃，加蛇羹的行氣活血再加薄脆的熱氣三大集成，吃後全身也熱得冒汗，不失為火鍋之外的另一熱身選擇。見聞：來呢度的有男有女，有高貴亦有街坊，有眼啤啤亦有怕事的人，真係可謂龍蛇混雜，算是無本生意罷？！

小弟十幾年來也間歇性來深水Po蒲，但次次經間呢間野都過門不入，主要是擔心衛生問題和對蛇呢家野興趣不大。今次真係慕名而入，見到還境都幾乾淨。試左糯米飯同蛇湯，糯米飯足料顏色亦吸引，唯稍乾身，可能是我四點鐘去Ｄ飯係午市剩下來水份蒸發了不少。個蛇湯乜料都見唔倒但又真係好清好潤。太飽。下次試埋個蛇羹。同場見聞：同桌有位八股老豆帶埋個幾歲大的小男孩來食蛇，個男孩好唔願意咁問呢Ｄ係咪蛇，個老豆就話唔係係豬肉，我眼見個細路好明顯係唔信囉，佢面部表面話我知佢老豆係當佢白痴。之後個老豆就用D薄脆利誘個細路，又謊言又利誘真係好家教。話時話個細路咁細，駛唔駛攪呢家野呀？（期間個老豆仲好「煨鎖」咁對我笑一笑，我收到晒囉）

上星期六11/12去光顧深水福華街蛇王善，地方好乾淨好光猛，大概放左6張，我和2位朋友一坐低就叫左碗大蛇羹食，好好味，好多蛇肉(一定不是瘦肉)，真材實料，之後我地唔夠食，仲叫多一大碗蛇羹食呢。值得一提就係要黎送蛇羹的脆脆，好鬆化，唔會油林林，。我地好唔好意思食左2兜。至於價錢方面，也十分合理。跟住我地叫左糯米飯食，聽講話最近先推出，好味道，仲有做埋套餐：細蛇羹+ 糯米飯= 40元。然後我地飲蛇湯和龜湯，味道相當好，好夠火喉，我地飲左好幾碗，聽講龜湯仲會好快賣完。我地食到捧住個吐，好飽，仲想叫多碗龜湯飲，可惜老闆娘話已經賣晒。講開老闆娘，佢好好人，好好招呼我地，成日走黎問我地夠唔夠食，VERY NICE。跟住見到老闆，即蛇王善，聞名不如見面，好勇猛，好威風，(正如掛滿在舖頭相片的樣子)，他仲即場依我地要求，左條眼鏡蛇出來拍照，他真是十分好人。差不多11 時，我地便準備走，我地仲叫埋外賣呢。

雖然未到寒冬,但急不及待要去食蛇羹.水準保持得非常好,足料不在話下,湯又唔會太稀又唔會太杰,入口唔會有腥味,只有鮮味!值得一提,佢地薄脆好正,香脆得你發覺唔會好油,加埋落蛇羹到,一絕!今年重有新發現,舖頭重供應埋臘味糯米飯,食埋蛇羹,滿足得很!無得傾,食蛇一定要落"蛇王善" - 因為除好食,老板及老板娘重好好人, 你有唔明,佢地會好細心解釋俾你聽!

今晚帶兩個朋友去呢蛇王善到食蛇，已經冇差不多有一年，蛇依然仲係好好味，足夠蛇肉仲有勁多薄脆任食；仲有一個驚喜就係今年有埋腊味糯米飯，梗係叫埋同朋友一齊食啦，嘩！估唔到連飯都係咁好食，差想再叫多一碗但係我已經食兩碗大蛇，仲叫兩碗龜湯一碗蛇湯飲，食到我飽哂，唯有下次再食過，實在太好食了，以後去食蛇一定只呢間蛇王善！

因為喺深水埗大, 全家人都好鐘意去蛇王善食蛇羹、飲龜湯, 梗係好食又抵啦, 多蛇肉又有大量免費薄脆, 我仲成日介紹d朋友去食, 上個禮拜同朋友去, 有埋糯米飯供應忝, 好香, 唔會好粘, 正!

曾經食過啲 蛇羮味道不太好，仲有啲 腥，所以有段時間對食蛇羮沒有什麼興趣；但有一次朋友叫到蛇王善食蛇羮，發覺原來蛇羮 是可以好好味的，蛇肉足料之如又唔會腥！就連那些薄脆同檸檬葉都好好味同新鮮tim！！而且價棧又唔係好貴．除咗 蛇羮，仲有其他正嘢 架，例如浸酒啦！

呢間蛇王善,由細細個已經開始食.佢d蛇羹好正, 好足料.又唔會杰達達.另外,佢o既蛇湯都值得一試~