錫記雲吞麵食

Open Now

Now Closed

地址－尖沙咀亞士厘道附近店舖名稱—錫記招牌雲吞環境／設施－大約六張至八張枱特色－雲吞和手包水餃人均價格－$40-50評分－8/10今日冇乜胃口想食飯，就去附近搵碗粉食下，同事介紹，呢份大碗抵食，不妨一試，去到坐低，唔需要落單，直接同老闆娘講一聲，老闆娘已經記得全場所有人食過啲乜，我叫咗個雲吞河粉，都諗住想叫個手包水餃，但係驚自己食唔晒，唯有留待下一次，雲吞大隻飽滿，有蝦肉，鄙薄餡靚唔會穿，河粉係屬於比較粗厚的一種，湯頭比較清淡，我喜歡佢多重，如果你們都喜愛吃雲吞的話，不妨一試 #foodie #香港好去處 #夏日搵食推介 #hkfoodie #hkfood #香港美食

第一次幫襯此店，中午諗住是但一間醫肚，就入左去叫左碗雲吞麵加油菜，但啲雲吞真係超級難食，比啲唔新鮮過期味既雲吞，真係好冇良心，好彩油菜正常，唔係真係想即刻走人。

大大粒雲吞，牛肉超級嫩！雲吞，牛肉麵 $50 價錢雖然比起其他雲吞麵店貴但係佢嘅雲吞超大粒 真材實料入面食到好有蝦味 牛肉超級嫩，必叫！麵質，湯底就正正常常招牌雲吞 $40因為雲吞太好食所以叫多一碗淨雲吞地方都算寬敞整潔牆上面貼咗好多老闆娘同明星嘅合照 證明明星都嚟食

每次在這裏食雲吞，都有種家的感覺。特別是鯪魚球，沒有出邊的大量味精以及粉。強烈推薦它家的辣椒醬。夠香、夠辣，最重要的是沒有額外的防腐劑及添加劑。完全不像其他餐廳返炸的辣椒油。喜歡食辣的，可以買一瓶試試，會㗎食到成頭汗

今日我哋專程走入東涌 @citygateoutlets shopping，可惜行咗大半日，最後都係得個桔😅 本來大條道理逃學嘅我，最後都係乖乖地準時喺泳池邊出現🏊🏻‍♀️ 雖然表現有啲失準，但總算完成到今日嘅target😅 為咗獎勵吓自己，今晚又再一次破戒（藉口呀🙈），跟大隊去附近嘅 #錫記 食咗碗 #雲吞麵 先返屋企🤤無嚟 #錫記 幾年，裡面嘅裝修似乎冇咩改變，牆上依然係掛滿紅紅綠綠嘅食物餐牌，同埋一排明星合照😙 不過唯一變嘅，係食物質素似乎比以前差咗啲😅 我點嘅 #雲吞麵 好快就送到我面前，第一啖咬落粒 #雲吞，已經覺得好大浸雪蝦嘅味道，再細心望吓，粒 #雲吞 都未煮得熟透，#雲吞皮 好明顯仲有啲生生地😅 好彩個 #湯底 同 #麵條 總算正常😙 不過以$40呢個價錢，我覺得應該可以更好囉😅

第一次嚟呢一間雲吞麵，舖頭裝修就好似普通茶記咁。叫完粉面之後加$10可以有汽水。呢一晚我總共食咗一個麵加一支檸檬茶。呢碗雲吞麵我揀咗幼麵，碗入面一共有四粒雲吞。食落去嗰陣時啖啖都係肉，內裏好似包咗兩隻蝦以上。我未見過有一間雲吞麵店碗中會包埋青菜俾人食。青菜冇幾多鮮嫩嘅菜葉，大部份都係菜骨。湯底有少少油鏡，整體來講仲可以接受。一碗粉面本身係冇包嘢飲，所以我額外叫多咗一支檸檬茶。枱面上有醋、辣椒油同埋豉油可以比客人隨意添加落自己碗面度。整體來講算係不過不失，只係價錢有少少偏貴。呢一餐差唔多食咗成$50

係公司附近間唔中都去買外賣食，個雲吞係幾出色既，同埋份量係夠哂多既。但有位亞姐超級勁無禮貌，因為幫同事叫埋，所以外賣有2大袋，佢整好左一袋，唔知做咩唔放低係枱先，大大聲叫我收埋個電話，拎住袋野企係度等🤢咁我放低係枱等啦，無理由拎住架？咁佢整好第二袋，佢放出門口喎🤣我話我企係度你放出門口？佢完全黑哂面無應我，我同第二個姐姐叫野食，無同佢講過一句。唔知邊度得罪左佢。真係唔會再去，癈事激親自己，貼錢買難受。

今日去尖沙咀staycation ，不包晚餐要出外搵食，吾想食太飽，就上網搵雲吞麵食，發現酒店附近位於巷子裏有「錫記招牌雲吞」。甫踏進門，地方不大，主要用多張圓檯組成，牆上貼有老闆娘同明星們的合照，感覺很可靠人氣好高。裝潢光猛明亮，感覺乾淨衞生，牆上仲用上瑩光紙手寫字餐牌，十分懷舊😎四寶河（HKD 70):大大粒乒乓波雲吞，一粒雲吞最少搵到兩隻爽彈鮮蝦，呷一口湯頭，充滿大地魚香，不會死店廿，蔥花提升層次。牛肉份量不少，有數十片，超級嫩，而且一定沒有用鬆肉粉，還呈淺粉紅色，入口即化。鯪魚球略為遜色，食得出非整粒都是魚肉，落左魚膠，但都情有可原，因為份量大。最意想不到是自家製水餃🥟胡椒味香濃的豬肉仲有椰菜做中和，好有家鄉味。仲附送兩條菜心。總結：店員服務態度好大地魚湯頭出色 四寶河性價比高

睇完聖誕燈飾，行去地鐵途中見道哩間有20幾年歷史的雲吞麵鋪，又有D明星相，個肚又餓，吾搵啦，就哩間，食完就中曬伏，最激氣系食完行過一條街就見到比較出名的池記，價錢居然一樣系同哩間一樣系40蚊一碗雲吞麵。改善點-最好提醒顧客掃安心出行，大部分客人都無。-吾好一早煮定曬鯪魚球-鯪魚球同雲吞，或者考慮做細D比多D，會解決到表面同涵的均勻生熟。-價錢太貴雲吞麵（$40）2分-雲吞系好大粒，裡面蝦就好細粒，但味道OK，尤其是個湯，可惜個雲吞埋口果部分，一大堆皮抓埋一舊，個涵熟曬，果部分皮仲生硬（有照片為證），鯪魚球河粉（$40）2分-鯪魚球又系好大舊，但又系同樣問題，外面已經煮到透明好似粉漿口感，真系從來未見過（有照片未證），裡面就剛剛好，味道仲幾好。另外河粉真系非常”林”蠔油韭菜花（$30）3分-韭菜花好細碟，有小小老，蠔油系幾好味。

🥢上湯淨三寶🥢推介指數 ❤️❤️❤️❤️🤍有時候lunch想食少少嘢，食個輕食除咗三文治、食碗港式淨餸都係個選擇。好多時來都見到生客一入嚟完全無視menu就點雲吞牛腩河😂男店員每次都好好禮貌答只有4樣餸，雲吞、鯪魚球、牛肉同菜肉餃。😊🥢上湯淨3寶HKD55✨好幾次見到人點淨3寶，今次唔食澱粉質食淨3寶，有鯪魚球、雲吞同滑牛。鯪魚係每次必食，食落有清香甘甜嘅陳皮味道！大大粒嘅蝦肉豬肉雲吞，份量十足！滑牛熟成度剛好～蘸上自家製辣椒醬更惹味😋總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️❤️.··餐廳：錫記雲吞麵食 (尖沙咀)地址：尖沙咀宜昌街5號B舖

係尖沙咀開立佐好耐既錫記耐唔耐經過個頭就想整返碗❣️ 佢既雲吞價錢其實比四圍粥粉麵鋪茶餐廳仲要平👍🏻好中意食佢地既雲吞鯪魚球麵對我黎講係完美雙拼！大大粒雲吞多餡，仲會見到姐姐係鋪頭一路包雲吞備用呢到既鯪魚球要一讚，好有咬口彈牙！🥰好香鯪魚味，超中意👍🏻湯底我覺得呢到比一般麵鋪湯底濃，我會忍唔住飲埋小小湯😋 如果唔中意食鯪魚球，就當然嗌招牌雲吞麵四大粒雲吞，影相雖然細細碗，其實食完都好飽肚架！☺️

🐟港式鯪魚球🐟推介指數 ❤️❤️❤️❤️🤍亞士厘道直行多嘢食，轉個灣橫街宜昌街都有㗎。可能最近天氣太濕又焗又熱，影響哂食慾！三間濕口嘢，日式拉麵、台式牛肉麵、港式雲吞麵，投咗港式粉麵一票，食清啲嘛！錫記屬舊式粉麵鋪，賣嘅只有簡簡單單幾款食物，雲吞、菜肉餃、鯪魚球同鮮牛肉！不過無食招牌乒乓雲吞，而選擇咗鯪魚球，而家少咗地方有得食嘛！✨粉麵配汽水餐乒乓鯪魚球食落質牙，真材實料無縮水，仲有清香陳皮味！陳皮清香甘甜，好好味！再點吓佢哋嘅辣椒醬，更加惹味。✨汽水係枝裝㗎，夠凍又夠汽～ 爽！老店鋪沒有新裝修，感覺反而帶點懷舊。短短半個鐘，熟客不斷，甚至有熟客唔記得帶銀包，店員話食咗先下次俾啦～ 係久違嘅人情味！總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️❤️.··餐廳：錫記雲吞麵食 (尖沙咀)地址：尖沙咀宜昌街5號B舖

久唔久就掛住佢嘅雲吞，附近都要一兩間‘名牌’雲吞麵店，但呢一間仍然保留返本土嘅風味。唔使豪華裝修就夠地道。佢嘅雲吞大大粒，餡料足。幼麵都唔錯，唔會太‘林’。份量好似比之前多。今次仲試埋鯪魚球，都唔錯呀。一啲都唔腥，又係大大粒。咁除咗雲吞之外，有多一兩個選擇。

今天午餐去左錫記食雲吞麵，鋪頭職員不多但效率很高的。我點了碗麵，轉過頭就食得。其實距離今次食都超過一年了，水準依舊，看到內裡既蝦肉挺彈牙又新鮮，價錢實惠，$35單併面。間中都會再去食下

終於放假有時間整理資料寫食評。第一篇想介紹小店。有次下晝去尖沙咀做野，想食小小野，路經呢間雲吞麵店，見唔少名人合照，又見到阿姐即場包雲吞，入去試試。$45 雲吞魚肉米，尖沙咀區好抵食。呢間賣大，雲吞魚肉都大大粒，新鮮。如果你只係食永華同麥奀記，呢度唔岩你。下次經過呢邊會再幫襯