石磨坊 (Closed)

同男朋友黎左石磨坊就梗係要試下芒果撈河同埋香芒黑糯米芝麻卷!河粉用左椰汁糕代替!味道吾錯架!香芒黑糯米芝麻卷因為係熱食;個人吾太好熱食;又吾會話覺得差!!不過熱O既芒果食落又有D..怪怪地!

好耐之前同朋友一齊去旺角o既石磨坊食過，覺得芝麻糊同湯圓唔錯~今日同屋企人去元朗呢間，叫o左桂花糕、雜果涼粉 (其實我唔記得個全名，總之就係好多芒果、碎冰同埋涼粉o個款) 仲有石磨坊撈河。個桂花糕唔多掂，完全冇桂花味，比起o係外面食到o既桂花糕味道更差!!! 佢面頭o既紅豆茸本來唔錯，但係就遮晒原本已經冇o既桂花味........ 好衰唔衰，糕入面仲要有o的芒果肉，朕濃烈o既芒果味即時令成件事錯晒........ 至於涼粉，本來朕涼粉味都唔錯，而且夠滑夠彈牙，但係堆加o左花奶o既碎冰冇乜味，再加上太實淨成座冰山咁，搞到食得好論盡。 個撈河反而唔錯，椰汁做o既河粉幾香幾彈牙，不過個芒果汁底淡o左o的....... 同埋$20o黎講細碟o左少少，去b仔食抵o的!!!! 總括o黎講今次比較失望，可能下次叫返o的傳統o野會好o的........ 算啦，都未必會再幫襯~

吃完谷川幾款炸物，即時心火盛想找冰凍甜品。反正離開場尚有半小時，兩口子決定「減肥」行過幾條街，到石磨城食冰! 　與豬手人在滿記吃過西瓜冰及西米芋蓉焗布甸後，驚覺這一冷一熱甜品實為中式甜品店的最佳配搭，是晚又照樣畫葫蘆：　冰=西瓜椰汁刨冰($24)-年多沒幫襯，是心理作用嗎，感覺刨冰比以前大幅縮水了；不過這家刨冰從來是既冰且硬，所以追求大大份也真無謂，這樣份量正適合了。石同上很清甜紅潤的西瓜，刨冰中又加上不少煉奶提昇甜蜜感，口味不俗，的確是夏日涼透心之選~　火=西米芋蓉焗布甸($20)-這個份量真是過份的袖珍細小了，而無論外層的西米糕，或裡內的芋蓉餡，都不夠滿記的香滑甜美，水準只是正常。不過在吃冰吃到發抖之際，這個平平的甜品卻能帶來溫熱的甜美感，化學作用可加分、生色不少! 　冰火口感的甜品遠不止心太軟配雪糕，特意推介這項新配搭給大家；又，石磨坊還推出幾款頗吸引的新甜品，那天又忍不住破戒試食後，再介紹給大家吧~

芒果西米露 $26 ~ 炎熱既夏天開始到黎 , 行街行到就黎溶既時候最好消暑方法就係去食冰 , 所以入左黎食返碗糖水 , 由於時間尚早 , 所以舖入面冇咩人 , 服務生態度都比較輕鬆 , 話咁快就送上一碗冰凍既芒果西米露 , 份量大好多芒果又甜 , 加埋清香椰汁底西米露冰 , 食完之後真係暑氣全消呀。

石磨坊的甜品賣相一流, 可是吃過兩次都係覺得好睇唔好食, 上次食過芒果涼粉, 覺得涼粉太多, 刨冰太少, 所以估佢啲刨冰應該會唔錯。點知今次點芋泥刨冰就出事了, 冰砌得好高已經食得幾狼狽吓, 而且刨冰無味道, 又雪得硬, 用匙用叉都好難"筆", 要不停鏟不停鑿, 有啲仲鑿極都鑿唔開, 食到尾仍然係雪到一大舊, 叫人點食呀???而且舊冰又不斷出水, 溝埋落漿糊狀芋泥望見都幾倒胃, 好彩反轉舊冰發現底層有少許涼粉, 如果唔係就真係跌晒廿六蚊。我覺得佢啲刨冰同涼粉比例真係有啲問題, 兩款種類的甜品都唔好食, 尤其刨冰, 肯定無下次。

又想食芋泥涼粉了，所以又光顧石磨坊，今次仲叫埋雪白甜如筒！其實係芒果河粉的河粉包住紅豆蓉，上面有Ｄ芝麻，伴住花奶食～本來唔太鐘意河粉的味道，但係因為紅豆多，所以蓋過晒河粉味，只感受到河粉的texture，所以好好味！不過$13得兩件實在好少啊！都芋泥涼粉抵Ｄ！

食完譚仔之後就去呢度食甜品，我地叫左芒果西米露、芒果撈河、奶皇燉奶同紅豆卷。呢度星期日都幾多人食甜品，好多都係一家大細。芒果西米露芒果既份量好多，而西米既軟硬適中，彈牙爽口。芒果撈河呢個就無咁好，河粉又無咩味，而芒果汁又唔算多。我覺得好似齋食河粉咁無好好食，下次應該唔會再叫奶皇燉奶呢個係燉奶再係面頭加上奶皇既甜品，雖然奶皇只係面頭加上去，但我覺得奶皇撈落燉奶到都幾好食。燉奶又夠奶味同夠滑，正。紅豆卷用撈河既皮包住紅豆既甜品。呢個都唔錯，紅豆又唔算太甜，伴著花奶食真係唔錯。但13元四小舊就唔多抵。實有下次既，不過下次試下燉奶佬既甜品。

每次行過都見佢剛剛開舖, 未準備好做生意, 今日終於碰對時間和心情, 入去幫襯碗糖水我要了芒果涼粉, 外觀幾靚, 芒果好甜, 涼粉太多喇, 食極都食唔晒 除此之外, 此甜品無咩特別之處, 下次一定唔會再幫襯凍嘅甜品雖然份量好多, 但係我覺得唔好味, 所以覺得唔值$26 我估熱糖水會好啲掛?! 如果下次再嚟, 我諗我想試吓熱糖水, 例如芝麻糊, 栗子糊之類啦

好耐之前同朋友去試過黑糯米芝麻卷,熱食,個人唔好鍾意;話係甜品不如話係主食,食得飽人law蕃薯糖水:一樣唔好鍾意啦,薑味太重,完全食唔到蕃薯味... ...西瓜刨冰:呢個唔錯,又水果又有冰,夏天食會開心d^^

我愛甜品。說到甜品和元朗，你一定聯想到…對不起，我已很久沒有光顧字母涼粉，就是因為收銀員的傲漫態度。天外有天，好的甜品處處可尋。今天試了石磨坊的冰冰甜品，味道屬平平，款式也算特別，份量也很大，對我來說，一個人絕對吃不完，和老公分享一個甜品，兩個人的味道，特別甜美，情侶談情的經濟之選。

經過元朗千色廣場, 見到個石磨坊的廣告拉架, 先知道原來佢都係元朗開左一間分店石磨坊就係千色廣場後面, 好易搵去到個時店內已經全滿, 仲係門口開左好多張台添點了一個熱的合桃糊, 賣晒喎,只有凍的, 個時十點都未到, 結果取消招牌奶黃蛋香燉鮮奶 $17未食之前我都幾有期望的, 以為好似奶黃包甘樣, 個燉奶有奶黃夾心點知, 原來只不過係燉奶上面唧左一堆奶黃而已蛋白燉鮮奶, 夠香夠熱, 但望真d, 原來係用個膠兜裝的, 有order個時先放入個盅度, 好感即時大打折扣個堆奶黃, 味道只係一般, 無乜特別

食完晚飯後四圍散步!經過石磨坊咪入去試吓囉,或者真係唔及旺角舖,不過我覺得比同區佳記嘅好!點咗合桃糊+芝麻糊,秘製奶皇燉蛋白!整體嚟講兩種甜品都算滑,亦唔太甜,ok啦!可惜試唔倒栗子糊!我就嫌啲位太窄坐得唔舒服!都可以再試嘅!

食完串皇黎左食石磨坊,,點左腰果糊同鮮果紅豆粉圓本身想點腰果糊+栗子糊,, $16但佢話夏天冇..唔緊要喇,,仲好可以試真d,,腰果味都算膿,,甜度適中,,唔似係開粉可以因為我中意食甜既關係,,覺得幾好食,之後食鮮果紅豆粉圓,, $38但竟然冇粉圓而係轉左做水晶x真係有d失望,,最主要係未食過粉圓所以先叫架ma..雖然有紅豆係度,,但d紅豆唔係好甜,,反而係加左糖水同椰汁係入面所以搞到呢個甜品甜,,fruit其實係只有mango,peach,草莓仲有哈蜜gua全部都係細細粒咁,peach同mango個樣大細差唔多,,分唔出,,但食得出peach係罐頭,,草莓酸,,哈蜜gua冇乜味,,但d水晶粒都幾得意,,幾彈牙,,整到個甜品有咬口,仲有d沙冰係個底度tim..但總括黎講我對呢個甜品有d失望,,應該唔會再叫架喇..btw,,個腰果糊都幾好食,,

下午五、六點，想食吓糖水，踫巧見到這間旺角有名的糖水鋪，便入內試試芝麻糊其實很久之前在旺角也試過一次，還記得那芝麻糊稀得像水般後來聽說即磨芝麻糊便是這樣，平時黏糊糊的是沖水開可是這次的芝麻糊也是黏糊糊的.....究竟是沖水開還是即磨的?不管如何，這碗芝麻糊也沒有什麼特別，如果這是招牌糖水，可謂名不附實

夜宵時間,今次就試試這間在旺角有名的糖水店!2人分別點了水蜜桃刨冰,朱古力燉鮮奶水蜜桃刨冰用的是罐頭水蜜桃,刨冰只是加上橙色糖漿,底下有點涼粉和椰汁,很普通的貨色.朱古力燉鮮奶非常熱,燉鮮奶頗滑,有淡淡的朱古力味,都是試過就算了....