石磨坊 (Closed)

本是旺角店的fans, 見它在元朗開了分店就去幫襯下, 叫了杏仁糊+栗子糊($17), 個糊又滑又香, 好好味. 不過服務就好差了, 店員都是黑面兼不想做似的, 服務失敗了.

早幾日食完晚飯, 滿心歡喜咁去呢食店食糖水, 見佢d相影出黎幾靚, 咪各自揀左自已既心水, 我揀左"秘制奶皇鮮奶燉蛋白", 過左唔夠兩分鐘, 一碗只得半滿的燉蛋白就送過黎, 眼見只得半碗已經唔係好開心, 好似俾人食左半碗咁....除此之外, 個賣相同影出黎果張相仲有一個好大的距離, 張相明明有pat奶皇係上面, 我手上果碗係無, 我就以為佢pat奶皇放左入蛋白入面一齊燉, 結果我一匙"筆"落去, 只係一碗普通的燉蛋白, 於是我就問落單果個哥哥, 點解會無奶皇? 佢竟然話係我地明明係同佢講要"鮮奶燉蛋白"唔係"秘制奶皇鮮奶燉蛋白", 我同佢講我明明指住個餐牌同你講, 你而家話係我叫錯? 佢堅持話係我既問題, 結果我地最後cancell晒所有order, 食埋碗唔係太好食既"鮮奶燉蛋白"就走左。劉華話齋"今時今日咁嘅服務態度點得架?" 落錯單咪同個客換過碗囉, 就算唔換同個客講聲"唔好意思"咪得囉, 係都要同個客拗話係個客錯, 咁又何苦呢?

第1次食lee間野~我叫左 其實都唔知咩黎食左一啖我覺得一般唔係噤好食，幾淡同稀~好彩d西柚都唔算好苦原來既意思就係加左蜜瓜同頭蜜桃原全唔夾lor~好怪但d mango 好甜服務好差成日掛住傾計你叫佢佢話等陣跟住傾左幾分鐘先黎招待我

個日想幫襯內間石磨坊，聽說石磨坊的黑芝麻糊不錯，所以個日想幫襯下。點左一個養顏黑芝麻糊同埋一個香芒黑糯米芝麻卷，個芝麻卷味道麻麻，食左第一口就唔想食了。黑芝麻糊算ｏｋ，唔知系唔系自己磨尬

時間過得很快，這樣又來到年尾，而年尾人又特別忙，遲了一天才與龍補慶冬至：一起吃湯丸!　元朗開了石磨坊，當然要來幫襯一下。新店採用了新logo與新餐具，感覺更年輕了，然而環境卻有點窄呢。　叫了芝麻湯丸，不濃不淡的薑汁正合我意，$13有六粒大大粒的湯丸，似乎抵食。可是湯丸中間的芝麻餡還未煮得融，似乎水準不及旺角店，令人有點失望。　希望，過多一段時間，新店質素會漸漸改良啦!

叫了個芒果撈河, o念住都算貴, 成$34 wor, 應該好味o卦, 個樣又ok, 想試o下, 但食o左第一啖之後, 面色一沉, d 河粉冇味o既, 怪怪的, 又唔滑, 口感都唔好, 好難吃, d 芝麻完全唔夾lor, 芒果汁又少, 幸好d芒果都唔算少, 如果唔係真係一文不值, 都唔知點解咁難食都可以賣比客人食, 真係唔知佢係退步o左, 定係根本就係咁難食, 我真係唔識欣賞>.< 以後都唔會再幫襯, 又唔係平wor||||