石澳泰

Open Now

Now Closed

黎到石澳食咩好呢☺️3個女仔決定走入石澳泰食泰國大餐 （意思係想食什麼叫什麼🤣）整體來說質素係不錯的 夠Chill同有風味，好多旅客同本地人都黎食味道比較突出既係香葉肉碎炒飯佢唔會好辣 鹹味適中 夠惹味佢既豬頸肉夠厚身 但個醬汁太鹹生菜包無咩芫茜味 但都幾香薄餅再脆d就更好軟殻蟹米紙卷好重裡面d蔬菜味雖然軟殻蟹變得無咁突出但食落都幾Fresh!!菠蘿冰好好飲 原汁原味但芒果冰可能因為本身芒果太酸 所以就酸左d🙈

Pad Thai 炒得好香，賣相好好！有好多配料，蝦，豆腐乾，韭菜豆芽等等，配有辣椒粉和花生碎，加小小青檸汁，加埋一齊，酸酸辣辣的！好味過市區好多既泰國餐廳！小食拼盤既醬汁有3色，好特別！炸蝦有粉絲包住，之前未試過分量好多！蝦餅魚餅好彈牙！春卷好脆口，唔油膩！另外菠蘿沙冰，酸酸甜甜，沙冰綿綿地好好味！

今日同朋友去左石澳沙灘行，因為朋友有揸車，所以行到夜晚就順便係石澳換野食再返屋企啦。石澳沙灘係香港黎講算大，d沙都算幼細，踩落去好舒服。行到出停車場外面就見到呢間舖，其實沙灘周邊都有燒烤之類食，但唔係好想食果d，就黎左食泰國菜。一開始以為旅遊景點做旅客生意一定又貴又麻麻地好食啦，點知出人意表咁好食，價錢係旅遊區真係算抵！椰青清甜好飲，椰子肉都好軟滑❤️好有泰國味，味道濃得黎又唔會過鹹👍個飯都好好食，飯粒分明又香口👍個咖哩用黎配麵包岩岩好😋下次再黎石澳都要黎食多次😋😋😋

今日去看山竹過後的石澳～石澳情人藍橋真係不見了，而出名的沙灘重嚴重被破壞（不過～應該好快會回還原之前的畫面的。好今日同屋企人行完石澳景點後，就去了迴旋處位依間石澳泰食午餐，鋪內地方大而且又看到街外景都好舒服，看過餐牌都幾多選擇。點了（泰式拼盤，香茅豬扒，燒魷魚🦑同香葉青口）。不得不讚所有食物的醬汁都配得好好味，而且每樣食物送黎都係熱上的。先來泰式拼盤蝦同蝦餅個敏感所以無食，只食了魚餅同雞肉，最好味係春卷勝在無肉清清地。再來香茅豬扒撈檬豬扒都切好給你就知淨用叉啦～香茅豬扒不錯配醬汁同撈檬食幾好。香茅青口青口都幾多，用九層塔同洋蔥包住食都幾特別。最後燒魷魚🦑我本人覺得最好味的一個菜，先點上酸酸地帶點辣的醬汁去食魷魚好新鮮，而且配啤酒真係一流）有機會會黎試下晚餐如何先

當第一次試過這間泰國餐館之後，便愛上了它！食物方面，很有地道泰國菜的口味，價錢非常合理，餐廳氣氛隨和之餘，亦有點在外國用餐的格調。試過數次，每次都依然保持食物水準😋，順帶一提，這餐廳是沒有冷氣的，但四邊間隔大開，透風度亦足夠，可以接受。 到石澳遊山玩水之餘，亦可享受一頓美味的👍最愛它的柚子沙律，很清甜還配上大蝦，一點苦瀝味都沒有；還有炒金邊粉，粉的味道和乾濕度適中，配有花生碎和辣椒粉，可以自行撈入調配..... 試過很多不同菜式，每次的經驗都非常滿意😋

與朋友到石澳遊玩，玩到晚飯時間見到呢間餐廳裝修算係咁多間餐廳裡面叫做唔錯，就入內試吓佢啦～聽啲侍應講原來呢度係新開的，咁就等我試吓先啦～ 每樣餸嘅味道都出奇預想的好，尤其是椰汁雞湯（可惜掛住飲唔記得影相😓)真係好好味~所有餸菜都好有水準，菠蘿炒飯係用新鮮菠蘿的，仲有佢哋嘅芒果糯米飯，絕對有令今晚畫龍點睛的效果，食埋就真係完美了。雞奕青木瓜絲沙律~雞奕香脆之餘仍然有很多肉汁，不會像有些餐廳，外脆但內乾 啖啖肉的沙爹~ 泰式蝦餅~ 個蝦餅有很重的蝦味，食得出用料新鮮，最鍾意佢哋個甜酸醬，好味到食咩都想點一點佢 😂泰式炒肉碎~畫龍點睛嘅芒果糯米飯~真係好好食呀～ 😋

本人一向都唔寫食評，今次真係忍唔住一定要寫。因為老闆娘嘅熱情款待👍🏼，好客之道。仲有老闆Chris對食物、飲品及服務嘅堅持👍🏼🍹🍻估唔到呢度仲有得叫雞尾酒🍸、紅酒🍷白酒！仲有原來老闆係一名品酒師🤵🏻！教我邊隻紅白酒pairing！巧pro呀🤩😎