上美點

Open Now

Now Closed

晨早跑完步，又唔想一個自己去飲茶，只可買點心回家食！今次就介紹一下新墟街市的"上美點"！哪裡沒有堂食，只得外賣！$15 一籠，$26 兩籠， 仲要有鵪鶉蛋燒賣！燒賣：香菇鮮蝦燒賣，味可但香菇過重，肉太硬少蝦味！鵪鶉蛋燒賣：得3粒， 鵪鶉蛋太硬！整體性價比高，勝在價錢平！早餐又想平的確抵食！

08.05.2022 星期日 母親節下午上美點母親節嘅午餐，唔想同人迫，輕輕鬆鬆喺屋企飲茶食點心，於是上外賣平台，見「上美點」會員有七五折，真係好抵食，由最平嘅包點$3.8一隻，蝦餃$16.5一籠，以至各式盅頭飯也只是$21，比起其他酒樓平咗好多，而且上Open Rice全是好評，於是訂咗幾款點心。餐單款式不少，包括特式美點（例如蝦餃、燒賣、牛肉之類）、腸粉、粥類、盅頭飯、鹹點、甜點、甜包、麵類等，仲有每日一特，星期三古法馬拉糕$9三個。至尊蝦餃皇（3隻）$16.5皮好厚，但餡料足夠還可以。鵪鶉蛋燒賣 （3隻）$16.5唔係間間酒樓有鵪鶉蛋燒賣，而且整得好味，推介。蜜汁叉燒飽（4大個）個叉燒包真係俾佢笑死嚇親，個個大過我隻拳頭，唔知以為係傳統嘅大包，真係食包都食飽！但估唔到又幾好食，鬆軟好味，有意外驚喜呀，推介！魚肉釀茄子（4件）$16.5始終係外賣，送來已經淋哂，味道尚可。雜果沙律卷（4件 ）$16.5都係嗰句，即買即食應該好味啲，外賣來到個皮已經淋咗唔脆，但個沙律雜果餡真係好味。大大隻糯米雞（一隻）$19.5其實又唔係好大隻，正常大小，餡料也是平時有嘅肉、雞翼等，味道可。四寶雞扎本

屯門新墟的外賣自取點心店！因為見到盅飯外賣最平 $17 就有，又見都有人排隊，就買嚟試下！😝$14/碟，$24/兩碟蟹籽燒賣皇燒賣的豬肉饀幾多，但食唔出有蟹籽，面層的熟蟹籽無味～鵪鶉蛋燒賣都好大粒下～鵪鶉蛋好香，燒賣肉餡亦多鮮竹牛肉球幾大粒，肉厚，雖然同坊間好多家牛肉球一樣無牛肉味，但無過份落重調味！同無怪味或so味！而且幾彈牙！算幾好食！四寶雞扎都幾足料___________________上美點 (屯門)屯門啟民徑13號金麗樓地下H號舖___________________

無野可以阻止我搵野食既決心。能夠驅使我放假都換衫出街仲要搭車去買你就知我有幾想食，真係好想食點心，想左成晚。蝦餃 燒賣 鳳爪 雞扎係必須。竟然無蝦餃 嗚嗚😕沒有蝦餃的燒賣好失色🤣唯有要鵪鶉蛋燒賣啦。全部點心都好平！超抵食，出奇地海鮮卷炸完放咗喺度質素都唔差，自己翻熱幾好食！好飽啊😂呢個Lunch真係不得了，肥到不得了。疫情下慣咗少啲出去食飯，連同屋企人飲茶都好少。買點心外賣返屋企食一樣咁開心😙😙

經過屯門，順便找點吃的回家，走進大街小巷，發現有一檔點心點大排長龍，人頭湧湧得在等待外賣。由於疫情嘅關係很多人都會打包回家吃，所以外賣點心就成了焦點。首先我看一看餐牌，發現大部份的點心也只是10數元，非常化算。點了一堆點心和盅點飯，也只是百餘元！糯米雞厚實，餡料充足，吃一個已經可以當一個晚餐！腸粉大大條，牛肉腸裏面的牛肉份量也多！燒賣大大粒，餡料飽實，一盅4粒非常抵食！平時最愛吃鮮竹卷，所以也點了一籠，鮮竹卷非常大卷！也叫了個小食炸茄子，非常邪惡的小食，吃了一定要做很多運動，但炸得很不錯！還叫了一個鳳爪排骨飯，也是非常份量大！如果不想煮飯，在這裏叫幾籠點心也很飽肚呢。

其實我係一個好喜歡食點心的人，但平時就好懶去酒樓食，加上疫情就仲加冇得去啦！想食點心可以點？咪唯有買外賣點心。今次買左幾款回家同我個寶貝仔一齊食：⚛ 山竹牛肉 😊 ～ 咬落有馬蹄粒唔錯。⚛ 蟹籽燒賣王😊 ～ 唔會只有大粒肥豬肉，而係肥瘦適中的豬肉，所以我幾喜歡，面頭仲有幾粒蟹籽。⚛ 蠔油鮮竹卷😊 ～ 味道夠香入面包滿蔬菜。⚛ 四寶雞扎😊 ～ 入面的滑雞夠滑，火腿夠粗，口感唔錯，最正係有包芋頭。⚛ 鹹魚蒸肉餅飯😍😍 ～ 我最愛的蒸飯之一，呢到蒸的飯粒粒分明我最 buy 夠哂乾身，自己加小小豉油已經好味。⚛ 豉汁鳳爪😊 ～ 細細隻吸哂d味，拌落飯到食好味。⚛ 炸海鮮卷 ～ 好耐冇食過ok 。⚛ 煎羅白糕＋芋頭糕 都唔錯。

做完野，順便買啲外賣返去食，盅頭飯同蒸包呢類外賣點心店係近期嘅常客，一來方便，二來價錢平又幾多野揀。未食過上美點今日就試下佢啦，見佢都不停有人去買應該有保證。點心同盅頭飯都有每日特價款式，十幾廿蚊就有交易了。兩口子食，就叫左五樣點心同一盒飯，無上茶樓好耐，叫啲點心解下口腹。冬季限定嘅糯米飯，料就無乜㗎啦，但飯幾香口夠煙韌，而且唔油膩，大大盒㗎，一人半盒都好飽肚。炸韭菜角幾脆喎，勁多韭菜，可惜凍左，新炸起應該好正。雞扎大大舊，入面包左芋頭，豬皮，火腿同雞脾肉，味道正常，呢個價錢收貨有餘。燒賣都幾好，半肥瘦食落有口感。牛肉球好味喎，有芫荽馬碲等一啲都唔hea，可惜屋企無喼汁，少左啲神韻。仲有鵪鶉蛋燒賣，呢樣茶樓已經無得食，得返點心舖咋，下面舊肉幾彈牙鮮味吖，好味。自己沖壺茶嘆下點心，唔錯唔錯。

其實幾鐘意食點心，但唔鐘意去酒樓外賣真係啱晒我好多款選擇平時鐘意食嘅款都有仲要好平十幾蚊一個點心，抵到爛咁平可以嗌好多款返屋企食炸餃子🥟一向好鐘意食餃子炸咗嘅更加正外面炸到脆卜卜入面就係好香嘅韮菜餡配泰式辣醬就係perfect池蟹籽燒賣王中規中矩咁啦好似好少點心燒賣係唔好食四寶雞什佢有好多腐皮好開心蠔油鮮竹卷個餡好難得無我唔食嘅嘢潮洲粉粿、鮮竹牛肉球依兩樣我都唔食嘅但見被清晒，應該都唔差嘅菜肉包都係正常質素啦臘味糯米飯夠乾身夠入味整體嚟講，多款、又平又足料

在新墟街市原來都有點心外賣，平時路過以為只是賣蒸包，原來裏面還有兩大個蒸爐在蒸點心的。晚上7時多，很多人在買點心當晚飯，看看價錢牌，真的很便宜啊！全部點心$13一碟，竟然有鵪鶉蛋燒賣！盅頭飯$18,晚上特價時段還只是$15盅，我也外賣回家當晚餐。鳳爪排骨飯，飯蒸得夠煙韌，雖然盅頭飯的鳳爪排骨不算多，不過其實茶樓食一盅也一樣份量，而且價錢十分便宜呢！排骨幾好味，豬肉新鮮爽口，鳳爪炆得夠淋夠入味。最期待的懷舊鵪鶉蛋燒賣，真的超抵食！現在很少地方有得食呢！大大的鵪鶉蛋，見到都開心！食落又滑又香，燒賣的豬肉很鮮甜爽口又多汁，好鍾意！蠔油鮮竹卷，腐皮吸收了蠔油味，很多汁，但不會太鹹；裏面的什菜和豬肉餡也爽口，味道不錯。腐皮夠香，喜歡濕潤的口感，冬天吃喉嚨特別舒適。吃點心少不了燒賣和牛肉。燒賣的皮蒸得久了，冇咁靚，不過味道也不影響豬肉餡仍鮮甜爽口的；牛肉三大粒，忘了加喼汁，不過味道也不錯，有芫茜香，好像比茶樓份量還要大粒。和家人食完都覺得反正日日買外賣，間中食點心都不錯，而且街坊價，抵食大份，下次來要試試粉果！見到人地買一碟四大粒的！

來上美點買點心或蒸飯很多次了, 因為一個人又懶煮飯, 早餐午餐晚餐都適合, 加上附近有菜檔, 順便買個菜就比較營養均衡。經常都見到好多街坊來買, 因為每樣都是十幾元, 份量足味道又有水準, 在疫情下平靚正美食深得民心。炒麵的份量實在太澎湃了吧, 多得佔據埋蓋位置, 蓋形都出來了。麵條爽口帶有蘿蔔香味, 又有些菜做點綴, 超抵食的。鹹水角是我的最愛炸物, 雖然邪惡, 它很鬆軟香口, 內餡鹹香, 熱氣呀怕肥呀, 通通不理。牛肉球也是我必點的點心, 質感軟腍有牛香, 又有馬蹄和香茜, 製作認真。蘿蔔糕四件大大件, 一點都不粉, 咬下去吃到實在香甜的蘿蔔條。蝦餃也是好大粒, 內裡似是蝦膠混入蝦製成, 甚有蝦鮮味, 如果皮可以薄一點就更好。鵪鶉蛋燒賣都有賣, 幾特別, 豬肉餡幾爽口。雞扎以腐皮包著魚肚、雞件、火腿、芋頭, 十分豐盛飽足, 餡料實在, 雞件滑嫩。鱆魚肉餅飯飯量甚多, 鱆魚入口鬆化不死實, 味道也好夾易送飯。

好耐冇去酒樓飲茶，而家又唔可以一大班人去飲茶，我哋又好想食點心，俾我哋發現喺新墟都有外賣點心買。原來點心好平，唔怪得人山人海。點心都係$13，燒賣同牛肉超大粒，燒賣裡面大大隻蝦肉，好彈嘅口感。糯米雞夠大隻，一個人係食唔晒嘅。炸煎堆好好味，番到屋企仲暖暖地，裡面係我鍾意嘅豆沙餡。鵪鶉蛋燒賣，而家好多酒樓都冇得食，終於比我食到啦！其他點心都唔錯，仲叫咗煎蘿蔔糕、芋頭糕、雞扎、鳳爪排骨飯，全部都抵食又大份！

呢幾日疫情又嚴重左，都唔太敢同屋企人出街飲茶。但屋企人想食早點，於是係附近呢間外賣上美點外賣幾款點心返屋企食。店舖有不少特價點心，不少街坊都有幫襯。$32有兩盒盅頭飯，真係好扺﹗臘味糯米飯:最岩呢個暖笠笠天氣，糯米吸收臘味精華香氣四溢，保持黏糯性﹗豉油王炒麵:炒得根根分明，香口惹味﹗皮蛋瘦肉粥配牛肉腸粉$22:皮蛋瘦肉粥入面有不少皮蛋粒同肉絲，清甜養胃。腸粉豉油有分開裝住，牛肉饀料不少，豉油香甜，一包份量都好足夠。朝早一碗粥配腸粉，温暖又精神﹗蟹籽燒賣王$13:上面有少許蟹籽粒，饀料飽滿，冬菇配豬肉，食落彈牙﹗鵪鶉蛋燒賣$13:鵪鶉蛋燒賣點埋少少甜豉油，夠晒邪惡～蝦餃皇$15/3：餃皮晶瑩通透，入面蝦肉彈牙爽口。

最近疫情嚴重，都好耐冇出過去飲茶啦，有時星期日都好想飲返個茶，食吓點心咁樣，咁啱就見到呢度有間新開既外賣點心，價錢係超超抵食既，應該都係想做街坊生意，就決定試試佢啲點心呢度啲點心26蚊有兩味，好似呢個燒賣有4粒，牛肉球3粒，都係大件夾抵食既😜佢係現場蒸籠熱住，雖然平但質素都真係唔差茄子好推介，拎到返屋企仲好熱，極香口，茄肉軟滑岩岩好😋炒麵勁大份，值得讚係完全唔dry口，唔會食到吞到吞唔到，加埋啲菜幾有口感，真係做得唔錯

疫情下想同兩個老人家去飲茶都不敢，唯有外賣點比返去開餐。這間屯門街市內的上美點，點心真是平靚正，全部點心都是$13，還有盅頭飯及包點等，全部都是十多元起，難怪門前經常人山人海。外賣了幾款蒸點心、炸物及飯等，全部都是百多元，真是超級抵食。臘味糯米飯煙韌有咬口，臘腸油脂肉香濃。蟹籽燒賣王大大粒，豬肉唔會太多肥膏，感覺健康；鮮竹牛肉有些馬蹄粒，幾有咬口。鵪鶉蛋燒賣味道正常，反而四寶雞什餡料豐富，雞肉嫩滑。阿姐好好人幫將炸物每樣夾了兩件，可以食多幾款，鹹水角煙韌有蝦米香；沙律卷酸甜香脆。茄子大件足料；蘿蔔糕真結實有些蘿蔔絲。鳳爪排骨飯是老人家至愛，飲茶都係為了食盅飯，飯粒爽口不腍，排骨亦都唔會太乾。