Video
5-min walk from Exit C, Central MTR Station; 入口位於砵甸乍街
continue reading
Telephone
28544557
25448776
61438593 (WhatsApp Only)
Introduction
A Chiu Chow-style restaurant offering a variety of fresh seafood, classic Chiu Chow cold dishes, and clay pot congee. The Chinese-style interior design is cosy, ideal for food lovers seeking authentic Chiu Chow flavours.
continue reading
Opening Hours
Today
11:30 - 15:00
17:30 - 23:00
Mon - Sun
11:30 - 15:00
17:30 - 23:00
*Last Order: 22:00
Above information is for reference only. Please check details with the restaurant.
About
About Reward Scheme
雖然小弟喺潮州人，但香港出世，潮州話唔識講，亦唔識聽，不過，一樣好喜歡潮州菜。最近就約咗同晌中環返工嘅朋友聚一聚，結果嚟到「尚盛潮州海鮮飯店」嘆吓潮州菜，大家都話好耐未食過。中環食晏一向人頭湧湧，入到嚟餐廳裡邊，當然座無虛席啦。一入門口先喺「潮州滷水檔」，滷水嘢當然喺食潮州菜嘅亮點啦。再望入去，大堂一字形去到尾，睇唔出個鋪位原來都幾大、幾深，整體裝修感覺樸實，右邊牆身掛有一幅古畫，非常有雅氣，左邊有好幾個廂房，有客人用餐，就唔多方便影。而枱上嘅餐具同樣透出一股氣質，非常別緻。眼見基本上全部侍應都喺上年紀，同老友傾開，先知喺以前上環嘅「尚興」原班人馬再起東山，難怪門面寫住50年老字號啦。鹹酸菜 $10有理無理，坐低就放碟潮州前菜名物「鹹酸菜」，入口爽口，味道微微酸，好醒胃，無過鹹。順帶一提，茗茶又收$10位，咁仲有加一服務費呢。趁朋友未到，翻一翻餐牌先，大類而言，分別有滷水、魚翅、海鮮、潮州小菜、魚類、湯類、粥粉麵飯、甜品……等等。選擇非常之多，不過呢度無午市套餐，全部嘢都喺散點。潮州滷水鵝 $158滷水喺潮州菜嘅經典，點可以錯過，滷水鵝單睇外觀已經非常誘人，鵝片堆得滿滿，切片大細厚薄均一，肉質柔軟，好有鵝嘅肉香，滷水醇香沉實又入味，果然喺老店嘅手勢。墊底嘅滷水豆腐，口感滑溜，有豆香，同樣滲出醇香滷水味。方魚肉碎粥 $65有一碗或一窩份量嘅選擇，嗌一碗其實都夠晒兩、三個人分，咁嘅份量正正啱晒我哋。潮州粥又喺有其獨特性，粥底唔會太綿，但米粒亦爆晒花，食起嚟有粒粒感，而加入咗方魚、肉碎，除咗食味豐富咗之外，添加咗一份好似柴魚嘅香味，伴滷水及春菜嘅濃味菜式好夾。春菜煲 $108呢記道菜喺朋友最想點吓，因為，佢好喜歡潮州啲家常菜。春菜即喺芥菜，不過，就會切得細條啲嚟做菜，再拌以炒過嘅豬肉，確喺好有家常風味，味道鹹鹹香香，幾唔錯，拌飯或粥都好。菊花石榴雞 $148潮州菜中都有唔少精緻手工菜，石榴雞就喺其一，因為造型特別，形態似石榴，又以雞肉入饌，所以叫「石榴雞」，外皮喺煎蛋白薄皮，再以西芹條紮實「袋口」，但又真喺估唔到煎蛋白可以做到層皮咁有柔韌性喎，包起咁多餡料都無穿無爛。內裡包裹著喺雞肉粒、蘿白粒、冬菇粒、冬筍粒、唐芹粒，每樣都刴得好細膩，又喺一番心機，至於口感上有細緻，有清脆，有濃香，有清爽，慢慢細味真喺感受到嗰份層次。最後淋晌石榴雞嘅芡汁，喺雞湯芡，甚具畫龍點睛之效。綠豆爽最後，竟然仲奉送甜品，雖然喺普普通通嘅綠豆爽，不過，亮點喺後面樽嘢。當時小弟見個侍應放低甜品時都奇怪，做乜多樽樽油，一問原喺陳皮醬，陣陣陳皮果香，甘甘哋，加咗落啲綠豆爽度真喺唔同晒。敢用得老字號做排頭，當然，自認有番咁上下實力，試咗幾道菜，食物嘅質素確喺唔失禮，有水準，師傅啲手藝紮實，唔喺花拳繡腿。
continue reading
由上環50年老字號｢尚興｣二代重新經營嘅尚盛，本身對呢餐頗期待，但無論服務定食物質素都不達預期水準🥹訂咗位但去到發現餐廳無安排到枱🤯員工推個波俾老闆娘，老闆娘就只顧住處理鬧情緒嘅女，又推個波俾另一位員工(老闆?)，經過一輪擾攘，加咁啱有另一booking no show，先安排到一張細枱。座位十分迫，食物質素都一般，碟頭好細，不會再光顧。🐮沙嗲牛肉炒河全晚最符合預期嘅一道菜，沙茶醬香濃，牛肉嫩，但好細碟，大約3碗 🪿潮州滷水鵝片鵝片肉質不柴但不算嫩，墊底豆腐入味🦀乾炸雙棗$160/10粒，偏貴，無嘜驚喜👎🏻雙色晶包水晶包好迷你，用碟上並不是蒸籠，而且水晶包表面好濕，蓮蓉餡味道也怪怪的另外點了白飯魚煎蛋及川椒雞球，調味偏鹹。
continue reading
位於中環的潮州店，無疑是香港食客心目中的熱門選擇。雖然店內的客人絡繹不絕，侍應的服務速度或許有所延遲，但這份忙碌的氛圍也讓人感受到餐廳的受歡迎程度。我們點了幾道招牌菜，首先是滷水鵝。滷水醬汁，味道比較清，搭配醋會好食啲。接著是椒鹽白飯魚，這道菜的口感十分鮮脆，椒鹽的香氣恰到好處，讓人忍不住多吃幾口。沙嗲牛肉菜心，牛肉用新鮮牛肉，口感煮得恰到好處，沙嗲醬香濃。而荔芋鴨則是潮州菜一道必試的手工小菜，由於做功繁複而家喺街上已經買少見少。最後，我們點了紅豆蓮蓉水晶包作為甜品。這道點心的皮透亮，內餡的紅豆和蓮蓉香甜可口，口感輕盈。雖然服務上可能會因為人流而稍顯緩慢，但這間潮州店的食物選擇多樣且美味，值得一試。
continue reading
今日去咗間好有溫度嘅潮州菜館，呢度應該有啲歷史，裝修樸實，大部分侍應都係中年人，好nice 又風趣，時不時過嚟傾兩句，加下茶水，人情味十足。食潮州嘢，梗係先飲功夫茶。功夫茶好夠熱，茶色清澈透亮，味道醇厚帶甘，準備好味蕾食大餐！先講滷水鵝片併豆腐，呢度嘅拼盤絕對抵食，鵝片份量好多，色澤誘人，肉質嫩滑，味道甘香濃郁，送飯一流😋我哋喺蠔仔烙同水瓜烙中間掙扎好耐，最終決定定點後者。水瓜烙賣相一流，外皮煎得香脆，入面好足料，每一啖都有水瓜，仲有好多蝦仁、肉碎、花生等等，口感同味道都好豐富，而且水瓜烙唔會太過油膩，輕鬆食晒一碟😌之後侍應推介椒鹽鮮魷，果然係色香味俱全😍 魷魚炸得金黃酥脆，炸漿已經調味，唔點任何嘢都夠味！鮮魷肉質鮮嫩，真係食到停唔到口，呢個絕對係必勝推介👍糖醋麵色澤亮麗，我自己唔鍾意加醋，脆麵加埋砂糖已經好好食🤤最後仲有綠豆爽送，不過我哋真係太飽，婉拒咗～ 最後飲埋熱辣辣嘅功夫茶作結，今晚真係好滿足。
continue reading
最近越來越少正宗潮州菜可以食，所以今次就搵間正宗50年老字號！首先叫咗招牌滷水鵝$158，鵝片肉質嫩滑，輕易咬得開，而且連同底下豆腐都滷水汁十分入味，非常好食。然後嗌咗蠔仔粥$65，即使一碗份量都幾多，可以兩個人share食，有大量肉碎、柴魚、蠔仔、都幾鮮甜。潮州蠔烙$118 ，蠔仔份量超多，咬落去啖啖蠔肉，充滿蛋香，胡椒味道較重。
continue reading