嚐糖

Open Now

Now Closed

晚餐雖然食飽飽，但小編作為女仔有第二個胃就係食甜品經過哩間店望入去啲枱好有返中學既味道，所以就同朋友揀左哩間食甜品～佢地既menu係一本本功課簿既外形，非常有趣～首先係紅社^_^有士多啤梨味雪糕，味道可以接受～面頭有啲士多啤梨肉同藍莓，酸酸甜甜～ 下面有粟米片同cream，夾埋雪糕食一流～最底應該係牛奶布丁，有淡淡既牛奶味，唔會搶左上面既味，又中和到士多啤梨雪糕之後就係綠社～一聽就知同綠茶有關^o^有香濃既綠茶雪糕，加埋紅豆簡直就係絕配～除左cream，重有綠茶布丁夾係中間，又有小丸子中和返濃郁既味道～係綠茶控既你一定要試下總括黎講，哩兩款甜品味道同賣相唔差，想呃下like又想食下甜品，可以黎一試～重帶你諗返起啲校園回憶添

係格離食左個好想死既舖，深深不憤要食其他野安慰番個胃糖不甩嚴啲糖份小左啲，夠熱，内餡係芝麻燒賣好食丫，我鐘意食成舊粉咁既燒賣，以前已經成日俾屋企人話有料既唔食，係要食啲粉頭佢個甜豉油同燒賣好夾西瓜涼粉，夠冰涼，怒氣全消，係落啲花奶會好啲姐

這間甜品鋪的佈置是香港較有特色的，以校園的課室為設計，桌子座椅都採用中學時所用的，牆壁也有塊黑板寫上甜品名稱和價格，連餐牌和單都仿效學校的手冊書本，仿真度高！選了兩款甜品 — 椰汁什果豆腐花和自由配搭的芒果沙冰 + 花奶 + 西瓜。豆腐花也算滑，本身帶點甜，但可以冷藏一下令整碟甜品更清涼。芒果沙冰同是，很快就開始溶，變成芒果汁了。順帶一提，這家餐廳限制每人至少點一款甜品，本打算和朋友分享的，郤迫於無奈要點多一款...

嚐糖「黑白隊長」綿花冰🍧配料有小丸子、可可米及Oreo＋煉奶，配搭得好好，可惜綿花冰太易融掉，質感根本與雪糕無分別，食左五分鐘已經就黎融哂。另外「黑」同「白」嘅比例好唔均勻，雲呢拿味冰兩啖食完。鋪頭用教室的設定挺有心思的，但$45 的價錢，份量卻只有想像中的一半，大概沒有下次了🙁

我上星期嚟食野既，本來間鋪無咩人。見間店幾gimmicky幾cute，就入去試下啦。樓面得一個人男仔，見佢黑口黑面。眼見佢帶住個耳機，唔知傾緊電話定聽緊歌。落單個時態度好差，好似好唔想撈咁 。 真心我比錢嚟食野，但似買難受多 。 Btw，野食都okay既，但員工態度我覺得可以好少少，長遠嚟講好影響公司客流量咖。

食完晚飯之後同兩個朋友一齊去旺角搵甜品食, 行下行下我哋就搵到呢間叫做嚐糖嘅甜品屋, 之後我哋一行三人就決定入去試下啦! 甜品屋嘅內籠呢間甜品屋嘅裝修係而香港嘅中小學課室為主題, 裏面有中小學用嘅書枱同埋櫈, 牆壁上裝咗好似學校壁報板嘅餐牌, 而我個人覺得最具特色嘅就係SMC嘅天花風扇, 感覺真係好香港學校feel!習作簿餐牌甜品屋餐牌以習作簿作為設計概念, 餐牌內容設計都幾生動下幾有特色!糕主教因為我想食帶有雪糕嘅甜品, 所以我就選擇咗呢一個糕主教,佢嘅內容有椰汁, 紅豆, 麵條型涼粉同埋雪糕(落柯打嘅時候服務員同我講可以選擇雪糕嘅口味,而佢哋嘅口味分別有雲呢拿,朱古力,士多啤梨)我就揀咗朱古力啦!呢一個甜品係一個唔錯嘅配搭,紅豆同埋涼粉本身就係好match!而麵條型嘅涼粉亦都十分之巨特色,加埋雪糕就啱啱好喇! 呢一個甜品唔會太甜或者太漏! 但以41蚊嘅價錢食一個紅豆冰加涼粉嚟講價錢就有啲偏貴! 呢一間甜品屋寫到明每一位食客最少order一樣嘢!

喺旺角同friend食完晚飯，有下場是常識喇！行左去煙廠街甜品街，見到嚐糖有位，即入！其實佢嘅設計，一睇就知想玩校園課室主題。所有枱都係用小學雞嘅枱，舒適度就一般喇，不過回憶就爆棚喇。即刻諗返細個上堂啲曳豬野，吹下水笑下，都幾好架。同埋其他枱同我地好近，好似真係喺課室咁，嘈得黎好warm。 好入正題餐牌用拍子簿做賣點，入邊甜品都同學校有關架。天氣開始熱，就叫左個黑白隊長食，其實食落無乜雲呢拿味，朱古力味都有嘅。反而小丸子佢地煮得好，其他配料都可以現成買，我就唔特別評論啦。不過45蚊貨仔，都收貨喇。另一個叫左嘅甜品係西瓜涼粉，值得一提嘅喺佢個汁底係用西瓜汁冰，就算溶都繼續有好新鮮嘅西瓜汁，唔會搞到好水。西瓜同涼粉都新鮮，係爽口嘅

店員態度差 好似吾休做咁 砰一聲上菜 好有禮貌？啲野倒瀉哂 連基本禮貌同服務都冇 你話人多態度差啲 我體諒到 但個質素真係差 叫左個西瓜涼粉 真係好難食 好難食 好難食 因為太難食 所以要講三次 啲碎冰好吾碎 用人手整碎 西瓜擺明浸糖水 甜到吾敢食 價錢吾值囉 好過分😡😡😡😡

玩食字既糖水店，聽個名就知係以學校為主題，入面既檯椅都係中學時期個種木板鐵枝檯，令人非常懷念以前讀書既時光。今次試呢個楊枝甘露，驚喜地入口唔係死甜，芒果味同椰汁味平衡得剛剛好，入面有西米、芒果、小丸子、椰果等，入口好多層次，其實比起一般楊枝甘露更豐富。除左糖水，呢度老闆都好好人，落單個時見我地唔知揀咩，都有幫我地介紹下邊款好食，之後見到我地個日自拍玩得好開心，佢都有同我地一枱人傾下計，令到成個氣氛更開心。

一入門口就想起 "臨別要在這間愉快的班房起舞".. 充滿童年校園回憶的設計.. 令我勾起一幕幕校園生活.. 而且這樣的設計成本不高卻令人有共鳴.. 仲有特色的餐牌.. 我都不禁仔細睇左一陣.. 甜品名都改得好有創意.. 仲要係用以前既單行簿印.. 真係好多回憶湧出黎.. 哈哈..  我地最後點左個"益力多主席"同"廣抹涼子" .. 感覺好新鮮又期待個賣相會係點.. 益力多主席係由芒果同益力多沙冰組成.. 一入口即溶而且益力多味都好重.. 好吃.. 至少有賣點唔會周圍食得到.. 廣抹涼子主要都係由綠茶系材料組成.. 有綠茶雪糕.. 綠茶粒.. 綠茶湯要加涼粉同埋小丸子.. 綠茶味雖然不是太濃但種類總算多.. 樣樣都有得食D.. 我覺得總算不過不失.. 而且有一個好名.. 值得一試.. 

很用心設計又有創意的特色甜品店！每一張學生枱，每一款以學校為題的甜品名稱，如「楊老師」是以楊枝甘露為主的甜品，以及每一塊壁報也是以剪貼，紙雕等技巧來展示甜品的樣式，其用心確實令我衷心欣賞及佩服！而我點了一杯「啡社」，層次分明，有卜卜米，oreo，慕思等食材口感極為豐富！最重要係以為佢細細杯，份量都幾多架！值得推介！

行開旺角想食糖水就行左呢條多糖水既街,入到去學校課室佈置已經成日見所以唔覺好特別,同朋友叫左紫薯風暴,椰汁紅豆意大利涼粉紫薯風暴$38好似係新出既"學生作品"上面係紫薯下面係糯米糍, 側邊係脆脆,食落好膩,上面明顯地叮得唔夠熱，做唔到果個效果椰汁紅豆意大利涼粉＄2８第１次知意大利涼粉係咩，原來以為１粒粒，點知１條條好似麵咁，而椰汁好似湯，加紅豆味道好match,幾creative不過店員幾乎唔太理人。。。

食完飯同d朋友諗住去土屋食糖水，點知行到過去原來已經執左，咁見隔離其他都要排隊，見到嚐糖唔駛排隊就即刻入去坐低啦.一入到去d店員勁黑面,真係西面嫁!咁都坐低左囉照叫甜品食啦,我叫左個芒果西米撈....點知......伏到呢~ 真心如果爬左文先叫就唔會奶野囉無椰汁,真係冰底+芒果汁+芒果粒+西米，個感覺係好乾..食緊嘅過程d店員係後邊好似唔耐煩咁(個人感覺) 最後我同d朋友都未食哂忍唔住埋單走人了之前有個食評講得岩嫁，態度差都算，仲要d野食唔好食！真係無下次嫁

之前一早就聽聞過這間特色的甜品店，跟朋友在旺角逛街，吃過飯後有點意猶未盡，於是提意過來試一試這間「嚐糖」。它的舖位不大，大約就二三十個坐位左右，然而裝修卻很有心思，整間甜品店布置得跟教室一樣：桌子是讀書時代學校用的連櫃桶的那種書桌，還有locker，黑板，壁佈板，活脫就是一間教室。黑板上寫滿了店內的招牌甜品，甜品的名稱也跟校園有關：＂楊老師＂，＂涼校長＂，＂Mr榴＂，很有心思，讓顧客有回到學生時代，放學後跟同學一起吃甜品的感覺。我們點了＂Mr榴＂，＂楊枝甘露豆腐花＂及＂西瓜大笑＂。佈置得像教室一樣的店面，很有心思。Mr榴榴槤 + 紫糯米。榴槤啖啖肉，配搭紫米又香又有口感，榴槤迷要試下。楊枝甘露豆腐花清香的楊枝甘露，甜中帶微酸的芒果肉，配上嫩滑的豆花，甜度剛剛好，相當清新！最愛！西瓜大笑店中的招牌甜品，以西瓜作容器上檯，入面還加入椰果、小丸子、爆珠等配料，份量十足！西瓜汁多肉厚，下面還有用西瓜肉打成的西瓜冰，清涼解渴，最適合夏天逛完街汗流浹背的時候吃，暑氣全消！但這道甜品份量頗多，一個人吃可能有點太飽　^^"還有值得一提的是：我們幫襯的當天是星期五晚，比較多人，去到的時候已有人在門外等位

依個甜品舖好細間，舖入面的裝修好似以前中學課室咁! 有locker 有書桌! 仲有壁報板! 同番中學同學來未好似舊時上堂偷食野咁囉!🙈連甜品都係老師主任校長既名! 同朋友來真係好有共鳴😂 expert 試左四款, 其實味道好普通唔係特別好食! 只係可以搵番回憶的糖水都值得一嚐的!Expert rate: 6/10Price : about $30-$50