上環食堂

Open Now

Now Closed

在鄰近工作，晚上6時多放工後與同事光顧，當時只得我們一抬顧客，同事叫了「乾燒依麵」及「熱奶茶少奶」；我叫了「洋蔥豬扒」小菜。5分鐘後，同事的乾燒依麵及熱奶茶先到，上抬已見乾燒依麵是「濕」的，滿佈老抽顏色液體濕滿整碟依麵，進食一口後，過度鹹味而不能繼續，於是向女職員表達情況，太鹹而不能進口，只見她支吾以對不作表示並且離開，走向厨房放聲謂「好鹹喎」！我們一值等待那女職員處理，值到我的洋蔥豬扒上抬，再詢問乾燒依麵怎樣處理，她很驚訝地表示為何還未有進食，那我們已知他們已不想處理。因不想浪費食物，於是要求職員提供一碗熱水，將過鹹的依麵浸過熱水後勉強進食一些！另外「熱奶茶少奶」，已要求少奶，但整杯是奶水一樣，並無茶味！至於我的洋蔥豬扒，上抬份量是「洋蔥豬肉」，味道亦是很鹹！現今香港的食肆，出品差、服務差、態度差、價錢貴，真是貼錢買難受！慨歎香港食肆的狀態之餘，難怪市民北上消費成風…！

本人對雜扒飯情有獨鍾，間唔中都食下。我喺上環區工作十年，我會間間試下佢哋D雜扒飯。最近就幫襯上環食堂（外賣平台記錄），今次應該係第四次。頭兩次還可接受。其實上一次都開始出事，明明寫明有豬扒，雞扒＋其他。但係只得雞扒+其他，而且份量少。好，咁我諗可能攪錯，一時失手，算啦。咁今次都過左一個月再幫襯，今次真係忍無可忍。只有更差，又係得雞扒+其他 （明明寫5樣，得3樣，上次係咁，今次又係咁），份量少到呢～～～凍奶茶變熱奶茶。我真係好想畀多D機會小店，但係水準真係可以嚇死人。講真啊～唔想賣就唔好賣啦！！！

Came back in March to find it’s all still the same. Friendly waiter, cute happy waitress, and really really good seafood. I’ll let you in on a secret.. their spring roll and shrimp cake in their deep fried platter is made just with freshly minced shrimp! Soooooooooo good!!! Gotta try it out!!!

工作好忙，兩點先食 lunch。我哋兩個人去左上環食堂嘆羊腩煲。見到有個羊腩煲二人餐，即刻嗌咗，等香港天氣轉凍，都等咗好耐啦，終於可以食羊腩煲。餐廳所有嘅員工都非常親切，特別是友善親切嘅女服務員，全程都招呼周到，好耐都冇試過有咁親切同人情味嘅招待啦。羊腩煲二人餐，超值好味。味道非常傳統，真材實料。椒鹽魷魚熱辣辣，新鮮炸，香氣四溢。女服務員見到我哋開始食羊腩煲嘅時候，主動問我哋好唔好開大啲冷氣，等我哋唔使太熱，呢啲咁細心同關心嘅服務，而家可以去邊度搵？呢間上環食堂，充滿街坊嘅人情味，非常值得推介。

There are many chic places in Sheung wan to sit and have a couple of drinks and a bite to eat but honestly this has to be one of my favorite place to have beer (the Hong Kong way) and have great chinese dishes to snack on. Ever since I found out about this place I’ve been coming back every Saturday for beer (blue girl) and the waitress (really cute and friendly) to give me her recommendation for the day. I prefer seafood and I leave the rest up to her to decide. For the quality and the friendly

求其入一間餐廳，試下個即炒既乾燒伊麵。連凍飲51蚊，杯凍奶茶好淡乾燒伊麵大家睇到，完全冇乾炒過，貪快加汁煮。我特別鐘情乾燒伊麵，睇到個廚師好冇心機。草菇又冇，料頭又少，又多汁。唔掂！

沒有餸的楊州炒飯A big mistake to try something new and go to this restaurant.  The food has not taste and the fried rice just contains rice.  That's all you need to know what this restaurant is like.  Avoid at all cost!

難得放假 同朋友去西環海邊打卡 咁岩路經呢間鋪頭 天氣熱熱地 想食啲辣野見到有烤魚就即刻入左去烤魚份量都幾大同埋落左好多配料整 魚無咩骨 辣辣地都幾開胃 之後再後加左我至愛既生炒骨 好夠鍋氣 酸酸甜甜生炒骨又唔會太多粉同埋企收銀個姐姐好有禮貌 一到步好快安排位比我地 同埋好快幫我地落單同飲品雖然見夜晚時段都有好多客人叫外賣係門口排晒隊但都唔洗等好耐就食得呢樣抵讚睇餐牌都好多小菜揀 同埋早餐都好平 只係$28份量大大份價錢同小菜款式算大眾化 勝價比高

服務態度：睇尼做熟客多，我比較陌生，態度一般，唔係特別好招呼，都想快快落單咁。環境方面：有10張4人卡位，都坐得舒服，4人枱約10張。食物質素：主要午餐都係食兩或三餸飯，但都有炒野，幾星期前試過外賣羊腩煲，都覺得唔錯，所以以今次再不光顧，今次試咗星米就只係一般，米粉都乾身，咖啡味唔夠，配料太多乾蔥。性價比：偏低，因為太細碟，本人就唔係好夠食。總結：我唔會再係度食星米。兩餸個樣都麻麻地，所以我再光顧可能性低。好味指數😋😋

是日精選 1號北菇雲耳雞&7號薯仔燒汁牛肉 &例湯  39元1. 北菇雲耳雞的北菇太少,雞件都幾足夠,味道幾正常好少係茶餐廳有薯仔燒汁牛肉,燒汁非常甜,令薯仔及牛肉好夾,好意外的一道菜~!2. 例湯幾好味,沒有味精,幾清又健康抵讚3. 飲品要加錢,既然已經有例湯就不再添加啦4. 米飯竟然會分開,證明抵食的程度,吃完好飽!40元的外賣午餐,在中上環絕無僅有,相當難得,而且味道幾好,又有老火湯,以後會成為我的飯堂吧?

這家店絕對是我近期的飯堂，能以$42吃到住家湯和飯菜，絕對是超值，是中上環區的恩物。餐廳每天提供9款菜式，總有幾款是合乎心意。即使不喜歡餐廳亦提供麵食和炒粉麵，全部價錢相宜。我對今天的芥末牛柳粒和瑤柱蒸蛋很感興趣，便二話不說前來享用。值得一提外賣可減$3，所以不少客人都選擇外賣，更加經濟。餐湯是老火例湯，木瓜雪耳海底椰豬骨湯足料清潤，很適合秋冬時節。碗內有好幾塊木瓜和紅蘿蔔及雪耳，配料很充足所以喝到非常香甜的食材味道，完全覺得無味精。飯餸都很快上桌，芥末牛柳粒用大量鬆肉粉醃制，牛肉質感鬆散，幸好醬汁惹味能拌飯，不過不失。瑤柱肉鬆蒸蛋非常香滑，瑤柱份量亦不少，有鮮味，不過肉碎有點肥，但光是雞蛋已可以下飯。我沒有點有蔬菜的菜式，餐廳很慷慨給予我幾棵小棠菜苗，更加健康的配撘。建議細食的朋友可以要求少飯，因為餐廳給的飯量有一大碗，絕不吝嗇的。除此之外，我亦試過煎釀茄子，有4-5塊，而且是大件的，茄子軟淋，魚肉很飽滿。蜜椒雞翼有4隻，雖然細小，但很入味，蜜糖黑椒味沾滿全隻雞翼，送飯一流。第三次來我選了魚香茄子和南乳骨，例湯是蕃茄薯仔魚尾湯。同樣足料，吃到魚肉碎，加了紅蘿蔔非常清甜。餸菜的魚香茄子

遠遠見到有間上環食堂，好好奇點解叫食堂，在我印象中食堂名好似日式輕食店或港式canteen 之類，既然見到就吃一round 探個究竟。 門口看來似茶餐廰，可能太早未到食午飯仍是早餐時段，裏面仍有較多空位坐得好寬闊。 叫了碗爽爆牛丸麵配凍奶茶，碗麵放上枱睇見都好吸引，好大碗又多菜丶多蔥好豐富。 叫得做爽爆牛丸，一定係第一時間食咗粒牛丸先啦，一咬落去真係有少少爆汁嘅感覺，口感都好爽同個名好貼切，估唔到一間收得唔貴食堂，牛丸都有咁嘅水準。

之前報了個course 要去上環區上堂，去到咁遠車費及學費也貴，就真的要食好D食平D先得。 上環一到食晏時間好多餐廳都好多人，但係以價廉物美又抵食又令我回味嘅就一定係上環食堂。 佢嘅座位雖然較為普通，而且時常也要排隊等位，但係佢食物嘅質素好平均，又有家庭餸菜嘅感覺及味道，而且選擇也算多，用幾十蚊嘅價錢就可吃到家庭餸嘅味道，真的很難找。個老火湯也不差，飲得出是煲了好多時間。椒鹽班腩及煎釀茄子，兩款也整得味道不錯，味道也不太濃味。

這幾天又被安排到上環分行返工，之前也少返這區。 所以一到放飯就頭痛去邊處食好，不過同問路一樣，可以問人知道邊度又抵又好食。 同事介紹如果想平上環真的可以好多選擇，今次就跟佢哋介紹去咗上環食堂食午飯。 上環食堂位置十分方便，內裏裝修較簡單，但係也十分乾淨企理。 午餐價錢方面真的價廉物美，只係$42就可以自選兩餸飯及包埋例湯。雖然用料較簡單但味道方面有家常飯感覺，而且份量又多，可以話用$42食一個兩餸午餐真的超值。

同樣是電台的飲食節目主持人介紹, 價位優先的選擇, 食物質素唔能夠講得太超乎現實般好味道, 始終付出的跟吃到的成正比, 但地方闊落- 可能同我們是星期六中午的關係, 有湯同好有份量嘅白飯, 要菜的話會有半碟滿滿毫不吝惜,蒸雞就當然無菜咁多啦, 另一碟係肉加肉打子孖上,鎮江肉排突出不到鎮江醋嘅特色, 另一個豬排則比較瘦嘅肉同實淨, 但食完餐飯已經飽到上喉嚨, 所以這裡是草根階層的食堂, 而且起碼食飽才可以再起動, 事實是在附近找不到同價位又坐得舒服的食堂, 好多茶記即使差不多價錢但就坐得極之唔舒服, 又要俾人收杯收碟逐客令, 面對冷酷對待大家可能選擇自己帶飯, 不過現在似乎有一線曙光, 希望這食堂能穩紮穩打, 堅守陣地,