屋台 (Moved) New Location

價格超值，牛肉厚得來有牛味，比起轉買牛井的店鋪份量都多和合理，本人不是食得太重的味道之人，覺得牛肉有少少咸，但它們做出來的牛肉，鹵水色調明顯自然，不是用重色素調配，而且飯的質感軟硬恰當，本人這日是第一次試食，下次會試下其它炸物。它們的店鋪細細間，也有少少設計，地方也干淨！

以前我們一家人都很喜歡到屋台食魚生飯，價錢平宜而且魚生的水準唔錯。相隔多月今天再去光顧，可惜已經面目全非，餐牌上一様魚生也沒有，換來所有的食材都是可以冷藏的。不好意思，我不會再來。🙏

疫情之下😅，已經好耐行過克街附近搵嘢食😉，今日剛好路過睇吓有咩新發現好食，見到有間叫屋台嘅日本嘢小店，舖仔細細又好多嘢食🤤，晚餐都係$72又唔係貴，一於入去試吓啦，舖內唔算多位，可能星期六灣仔無咩人啦，都算坐得舒服，同朋友各叫了個晚餐做當🍱，每個都有小食同兩款餸，跟埋白飯同麵豉湯🍚🍵，本身仲話加5元可以配飲品🥤，不過我哋剛剛飲完珍珠奶茶🧋就飲唔落啦🤣下次先再試啦，個泡菜牛肉炒得好香，我擇咗拼個咩揚物盛，入面有炸雞炸蝦同炸蠔，全部都係即刻炸好香口，小食仲係鴨胸沙律配麻醬，味道唔錯，朋友話個炒豬肉都好香好入味，下次再嚟試多幾樣啦😁

近日開始在灣仔返工，附近實在有太多好嘢食。星期一剛巧經過屋台，見到透過Openrice外賣自取有些款式有六、七折優惠，今日可以試吓啦。照燒雞扒半熟玉子飯$35、麵豉湯$5用Openrice優惠碼Rice$5，變相個湯唔使錢，哈哈！附近兩餸飯$25、$30有交易，要平同飽肚可能未到屋台份。但醃蘿白、流心蛋呢啲比較精緻嘅餸菜，兩餸飯就俾唔到你了。有紫菜、蔥同照燒汁調味，個飯都幾好味。至於雞扒、不過不失啦。麵豉湯有好多海帶，好好𡁻！

外賣自取咗個咖喱芝士牛肉丼，打開後睇落賣相已不佳，食落更加係唔掂到X街。個咖喱汁少得黎冇咖喱味，而個飯亦都勁濕黐埋一舊舊，咁又點可以令啲飯沾滿到咖喱汁呢？上面呢啲都可以話只係難食水準以下，但最不能接受嘅係入面幾舊呈黑色嘅紅蘿蔔都係酸嘅，不如呢間野轉賣韓國菜算，人地賣腌白蘿蔔，你可以扮賣腌紅蘿蔔。另外牛肉方面亦係食唔出有咩調味可言，唯一食到嘅都係得比起紅蘿蔔冇咁強烈嘅酸味。咁嘅一兜野賣58蚊，邊個幫襯。

食過好多屋台既午市套餐，抵食，質素好。今日想試下食新野，叫了這個三河鰻魚飯，好正，好用心做。有一件厚似鰻魚，兩件半煎炸脆魚柳，還有一個蛋卷包住魚柳，好味道！會再order.

Ordered the delivery through openrice and waited about 20mins before collecting. Female staff was rather impolite while male staff was reasonably polite. Cutlet was on the tougher side (texture) but taste wise it's acceptable. Portion is reasonably huge for the price. I would probably visit this place if I have no other options

今日係實習嘅第三日第一日食咗餐平嘅但係唔好食，諗住今日可以獎勵吓自己，不過呢一間野又係有少少令人失望。今日行過，見到呢一間出邊有人排隊等外賣，諗住應該都好唔錯，所以就同我兩位朋友一齊入咗去食，睇一睇個Menu五十幾$60喺灣仔區來講都算係咁，我哋嗌左咖喱豬扒飯、將燒豚肉飯、同埋將燒雞扒飯，佢仲可以加配小食，我哋嗌左鯖魚、同埋軟殼蟹沙律。首先講一講軟殼蟹沙律，真係非常之令人失望，上枱嘅時候竟然係霖！完全都唔酥脆，同埋佢下層嘅沙律醬真係好搶晒啲味道；前菜方面就係中華沙律，呢啲海草類嘅嘢不過不失啦；至於我朋友食嘅將燒雞扒同埋將燒豚肉飯，兩位食客都話味道可接受，不過佢哋男人老狗希望個飯可以大少少，而我嘅咖喱豬扒飯豬扒炸得好酥脆，咖喱汁亦都好夠，對於佢個飯我係滿意嘅。其實講到最尾最大嘅敗筆就係個前菜，其他嘢都可以接受；不過有一點想睇嘅就係佢嘅枱好細，我哋三個人食都有啲論盡。

森川丼$ 65（跟餐送凍綠茶）灣仔一帶不乏美食，不過每逢lunch hour就人逼人😖😖想搵個條龍短d既餐廳堂食都難！呢間日本小店位於小巷之中，主要做外賣生意，亦有少量堂食座位，正值lunch hour都有唔少位，夏日熱辣辣，見到有位本身嗌左外賣都即刻轉堂食🤣🤣🙈以$ 65黎講，食物超大份！細食d既女仔可能會食唔曬（我的女同事）🤣😌魚生亦好新鮮!!飯都好有水準!!凍綠茶好飲!!係可以食完再食的午餐飯堂🤙🏿🙋🏻‍♀️

今日Lunch time去左灣仔道後面既交加里發現左呢間日式小店未到1點已經有人係門口等緊外賣見佢堂食有位索性坐低慢慢食便當套餐可以揀飯或者飯加小食我就揀左後者和風燒肉飯配芝麻雞翼 ($58)所有套餐都係即叫即整見廚房密密做外賣單無停手上到枱好香牛肉味連埋日式燒汁同洋蔥青椒一齊炒送飯一流芝麻雞翼新鮮炸起仲熱辣辣雞皮夠脆，肉質又夠嫩滑前菜係青瓜沙律夏天食夠哂開胃便當套餐可以揀麵豉湯或者綠茶特飲我就叫左白桃茉香綠茶欣賞佢杯特飲唔會好甜消暑一流下次要再試埋佢其他飯同壽司先

喺openrice見到依家小店，見到價錢幾抵，所以嚟咗呢度幫襯，亦見到外國食客喺度幫襯，店面雖小但五臟俱全，見到有唔同嘅客人喺度食堂食，見到除咗有壽司飯之外，都有唔同嘅定食，仲有烏冬選擇，所以我都係嗌外賣自取。今次嗌咗個三色刺身飯，有三文魚赤貝同八爪魚，醋飯好好味，而且亦都比足wasabi，同埋薑可以清下味蕾先再享用呢個飯，而佢加幾蚊就會有一杯綠茶特音，我就選擇咗黑糖特飲，撈埋一齊飲十份清甜，分量都好大，大約50蚊已經有出面一百蚊嘅質素。

灣仔呢條街超多餐廳，多數都係做外賣多亦有少量堂食位，今次食呢間屋台，朋友都話外賣都好食，就試埋堂食，只有～8個座位價錢$48up 有便當，小食，套餐簡，性價比超高1️⃣炙燒北海丼 $88比三文魚丼稍遜色，但都好食，有海蝦，三文魚，左口魚裙邊，帆立貝，蟹棒；最愛入口即化嘅左口魚裙邊，海蝦都好食彈牙爽滑，但帆立貝、三文魚都較細、薄，食落冇三文魚盛丼咁爽😂😂😂2️⃣三文魚盛丼 $98性價比超高，三文魚爆多，滿滿都係三文魚刺身，仲要每一塊都好厚，食落真係超滿足，慰藉一下返工嘅心靈🤤🤤🤤

建議：位置都幾易搵，係正vtc tower 對面。條街仲有好多小店 😋出開港島又唔想食集團野，通常都會去番集成個邊搵啲小店試下 (交加里個邊丏係好多小店選擇)😌👍今次試左：京都醬汁吉列豚丼 $58 (上)大盛滑蛋吉列豚丼 $58 (右)丼飯份量正常，不過如果男仔淨係食一個丼就唔夠飽🙈兩個吉列豚丼只係等左一陣就有得食，好脆夠熱👍 食落唔會食到成口炸粉，塊豚肉比較瘦但唔係太嚡口。京都醬真係好開胃，唔太咸仲甜甜地。同行Fd 子話食完想睇下邊度有得買 😂溫泉蛋生薑燒豚丼 $55 (左)食到啲薑味即刻好和暖🤣 份量比吉列豚細 (個兜比較細啲) 溫泉蛋無過熟，好好味👍

I like eating salmon sushi! 😍 This one is delicious with thick piece of salmon! 😋 It definitely tastes better with their soy sauce. Apart from sushi, you can also order rice box and bento from this store. A great variety of choice here! 😛😛😛 食完飯再食手卷，呢個係三文魚腩好香魚油味，口感都豐富，三文魚嘅份量都多。仲可以有幾款豉油俾你揀！

本身見到個食評唔錯,所以想去試下,搵咗極耐之後喺橫街窄巷內,終於搵到呢間叫做屋台嘅日本料理餐廳。本身仲抱住一個期待嘅心情，結果超級伏! 我就食咗一個學生餐C餐-煙鴨胸湯烏冬配沙拉蟹棒手卷一共$40，首先嗰碗烏冬係用薄膠裝住，超唔環保又唔健康，然之後嗰四塊鴨胸塊塊都有一半係肥膏。超級無敵勁難食。講返個手卷啦 係中伏到不得了，又細份，啲飯又唔好食，而且分量極少 嗰塊蟹柳極細，完全不是火炙燒出來，成個餐最多值20元，性價比極低，超唔抵食嗰啲寫好評人唔該唔好害人!