成發餐廳

Open Now

Now Closed

傍晚時分到附近工作，中間有個break 急急趕趕情況下係成發餐廳嘅麵包店買咗兩個包醫醫肚。唔知係咪準備收工 所以麵包款選擇唔多勝在方便就手🤣腸仔包+菠蘿包Total:$14街坊小店比出面嘅麵包都價廉麵包既色澤幾好不過麵包店既衛生狀況似乎麻麻地😟麵包個箱油淋淋 好似好耐無清潔🧽

我非常喜歡食酸菜魚～因以前出差重慶～酸菜魚，麻辣火鍋，水煮魚，水煮牛肉.......等等，其中一度～酸菜魚～唔理係夏天或冬天食都各有不同的感覺～一個字～正。在香港大大小小酒樓，餐廳或小店都能食到呢度餸～但很多味道都不像在重慶食那一種～都比較失望～不是太酸就太重味精～食後好口渴～但有一次～朋友帶我去彩雲商場一家老店叫成發餐廳試它們的金湯酸菜魚後～就像我在重慶食一樣～湯是金黃色～飲湯不油又舒服～酸味不是坊間用醋精溝出來般嗱喉～魚肉好滑～非常好食～份量足～真的無失禮～香港是美食之都的聲譽～我會帶四川或重慶朋友去試試～香港也有好食酸菜魚，等我又可以威威😁

今日eatmug9 #85上個星期我去咗成發餐廳，聽講佢哋嗰個酸菜魚同胡椒豬肚雞唔差，所以我當然要去試吓啦。嘩，一入到門，啲香味就撲鼻而來，立即令人食指大動！先講嗰個酸菜魚。撈開嗰堆鮮艷嘅酸菜，一塊嘅魚肉就喺下面悄藏著，鮮嫩得來帶啲微嘅爽口感。酸菜嘅酸味同魚肉嘅鮮甜，啊，混合埋一嘗，真係夾得好驚人，令人唔自覺咁連續夾咗幾筷子！轉個頭，嚟埋份胡椒豬肚雞。呢個經典湯品，真係熱辣辣滿滿一碗，胡椒味剛好，唔會過分攝辣，但足夠溫暖你啲胃。豬肚切得細塊，咬落去呢，爽彈，啲雞肉更係軟滑得嚟，完美吸住了湯汁。一呷，係冬季裡面嘅一股温暖。成發餐廳，環境擺設都算簡潔，服務員都幾貼心。不過啊，最正嘅，當然係嗰兩道招牌菜喇。喂，下次想食得暖笠笠，又要正宗川湘風味，記得去試下喔！

一向係酸菜魚愛好者，見到呢度有酸菜魚食就同朋友嚟試一試，順手叫咗幾個小菜，順便聚下舊大大盤酸菜魚四人份量，應該都夠六個人食，份量足，魚片嫩滑，夠晒味，冇出邊嗰啲咁油膩粟米斑腩，斑腩啱啱炸起，外脆內嫩，餸飯首選大馬站煲，見個名幾得意叫黎試吓，味道又唔錯喎，好食過男人的浪漫豆腐火腩，啲燒肉都好香口，味道幾特別最後叫咗個菜，金銀蛋菠菜，鑊氣夠，菜同蛋都炒得好嫩口，湯汁都好鮮甜呢間真心推介，價錢又唔貴，可以一試

久唔久都想去成發食因為覺得廚師出品得唔差起碼有味有度而佢晚餐 59蚊有湯有飯有飲品我覺得價錢 已經算比較合理了但我幾次同 提出同屋企人一齊食佢哋都拒絕了因為佢哋話個地方好污糟其實我平時唔多覺的今次自己一個人去果然發現側邊地下坐位邊邊也是佈滿污漬有些事類似煙灰痕跡邊邊地下是食物汁水乾了的痕跡加上比較暗淡的和奇怪的裝修風格難怪會感覺差了一點拋開環境論食物質素我覺得係可以接受今次叫了金薯黑椒牛肉粒當時正常的一碗湯但可以煲得更加夠味道牛肉是番薯黑椒牛肉加上 用了蜜糖炒甜甜惹味如果在大排檔者肯定是非常熱門的一道菜今次是在成發第一次食，我覺得很滿意至於白飯今日比較乾身， 奶茶就比較淡可能是冰已經快溶水緣故， 不過乘用上刨冰也是出面比較少樓下街坊 茶餐廳本沒什麼好評論食飽就好但真的希望成分好好注意衛生如果唔係，就只會留返一批阿伯 人客越嚟越少

星期日經過見到手工腸粉二活不說整碟雞蛋肉碎腸，好食正，個豉油應該師傅秘制香！唔錯！太耐冇食再整多碟豬潤腸加辣，個辣粉非常唔錯．正！最衰冇堂食，如果嘆埋杯奶茶就Perfect啦！

人生第一次食午餐咖喱+白切雞飯包飲品及湯 $53但咁樣煮比人食 第一次見老字號茶餐廳咁樣做 始於1968 價錢上唔算便 屋邨茶餐廳來說只係方便 成餐飯咁樣食唔落大家記得唔好揀午餐既咖喱 呃錢

成發餐廳呢個名喺彩雲邨都被標籤為難食嘅餐廳自己都已經好耐都冇叫過但又得佢呢間餐廳可以叫外賣🙈喺我印象中仲記得佢嘅咖喱係好食嘅雖然隔咗幾年冇叫過今日突然間醒起就膽粗粗叫個咖喱牛肉飯試吓點知嚟到之後打開個盒發現原來佢連咖喱都轉埋以前嘅咖喱係偏黃色好傑嘅呢碗野啲咖喱好似沙嗲咁，又水又多油🤮食落去同以前咖喱嘅味道差好多一啲都唔香又唔辣成羹嚟撈飯都好似冇咩味咁真係出面隨便一間餐廳啲咖喱都好過佢😤估唔到佢連最後唯一好食嘅咖喱都要轉埋對呢間嘢真係徹底失望😔

點了一個晚餐，梅菜扣肉煲，還有例湯和飲品，只是$55而已。梅菜扣肉很好吃。扣肉未到足但不鹹，梅菜甜甜的，汁還可撈飯。這個是晚餐特定餐單，有幾款選擇。另外家人自選小菜，有很多款選擇，我們叫了粟米魚塊，份量很多，跟一碗白飯和例湯，$60。粟米汁用來撈白飯很適合。粟米魚塊小朋友很愛惜，但味道不太鹹，正好。另外我們叫了一個福建炒飯，炒飯份量有很多，$58，不過這個沒有跟例湯和飲品。

不要看輕這家街坊茶餐廳，其實他們的食物質素也挺高水準。它是我平常的飯堂，一個月偶爾會吃上2-3次。今天天氣超寒冷，所以吃羊腩煲的癮起了，就來了附近這家。點了小的羊腩煲，因為我們還想點一些火鍋配料吃。沒想到配料選擇也很多，而且價錢合理羊腩煲湯底夠濃，好香羊味，喝一口湯整個人都暖了。很舒服～羊肉好吃，不會腥！而且有大冬菇，枝竹和筍佢配菜，十分豐富好吃！另外配料要特別推介水餃，吃得出是不馬虎的！有蝦有豬肉和木耳絲！吃了很多顆推介附近街坊去吃吃看！店內也有好多人吃這個！好溫暖！

呢晚行到黎呢頭想食下小菜，地道茶餐廳d小菜就一定係最好食~睇下揀下就黎左呢間成發~ 我地叫左口水雞同埋梅菜扣肉煲! 口水雞一上枱個陣我以為佢上錯左 ,店員見我個樣咁驚奇就解釋話佢地鋪頭既口水雞d汁原來係另上…………….. 睇落就覺得麻麻地應該唔會好食得去邊，點知個汁又異常地出色，點少少都食到口水雞個味道！的確係唔錯！------------------------------另外個梅菜扣肉煲直頭係出色！！！！！！！！！！

上一編食評試過沙田一間茶餐廳占醬多士，今次再來試彩雲成發奶醬多士：煉奶＋花生醬，下午茶餐，一件多士+一杯飲品。Wow… 多士厚度是本人吃過多間茶餐廳以來最厚，目測有約2cm厚度，麵包鬆化，可惜烘底烘的程度不高，其實又真的不覺有烘過！哈哈！總之沒有多士的香脆質感。饀料：煉奶+花生醬，塗抹得不馬虎，醬料很多，兩者份量平均。厚度：厚！厚！厚！（真正厚多士）烘底：不覺有烘底饀料：多料，醬料混得平均

瞓醒早餐搵嘢食， 去到朋友屋企樓下等佢， 入到去呢間餐廳，見佢排面寫到自己好多年歷史， 我就叫咗個皮蛋瘦肉粥配腸粉 ，個粥味道有啲鹹， 同埋係味精粥嘅味道 ，不過勝在夠平，當打個和。腸粉夠曬多醬，普通貨色， 有緣再食。

食物水平不過不失，重點係店員態度差。今日打電話叫外賣，叫左兩個餐。聽電話的店員態度超差，語氣超級唔耐煩，感覺到佢覆單的時候D語氣差唔多想爆粗咁。我當時係電話真係想講唔食啦，但係佢已經急急腳收左線，一句多謝都冇。真係食個M記都好過食佢，俾錢買難受。送外賣的姐姐還算有禮貌，識講多謝。但係諗返起個電話，真係受氣。雖然係一間細茶餐廳，但都叫服務性行業，起碼要知道咩叫禮貌。作為顧客幫襯都要受氣，簡直食得唔開心。如果唔改善一下服務態度，真係唔會再光顧。

星期六朋友約我去彩雲村，成發餐廳食早餐，上次來飲下午茶，印像都幾好。估唔到，見到餐牌有a+b+c+d 好多選擇。叉燒麵 : 可以加錢選擇出前一丁，但我揀了普通麵，麵質都可以，叉燒夠大塊，不過比較乾身。煙肉煎蛋配厚多士 : 厚多士塗上牛油，又新鮮又脆，好味。但煙肉是合成的，又煎不夠，唔香 ; 雞蛋只是求其煎熟。奶茶 : 用黑白花奶，茶味濃郁又香又滑，可以再飲。abc早餐33蚊都可以，不過如果加埋嗰d，要條腸仔就要比多4蚊啦。