盛記盆菜&盛記麵家

Open Now

Now Closed

今日同朋友去咗沙田食飯，乍暖還寒，都仲係想食啲暖粒粒嘅嘢，一於就去打邊爐啦！呢度嘅門口都幾隱秘，睇落好似一間士多，好懷舊。二入面嘅環境都幾得意，真係好似一間雜貨鋪，乜都有咁，連車貸都可以當裝飾吊起。仲有啲圖書啊雜誌啊俾你拎黎睇。嘢食都未點，侍應姐姐就已經俾咗調味醬汁我哋，真係好快手。同朋友叫咗椰子雞鍋，裏面已經包埋半隻雞，份量好充足，所以侍應姐姐叫我地都唔使點太多嘢食。雖然我哋都覺得唔係叫咗好多嘢食，但係場面都幾壯觀，又係叫到一枱都係。之前喺內地食過椰子雞鍋，會將雞肉抌晒入去湯度，煲到雞肉熟咗，就飲一飲雞湯先。不過我覺得呢度嘅椰子雞湯冇深圳嘅咁鮮味，比較淡，不過清淡有清淡嘅好，唔會蓋過其他食物嘅鮮味。十分鐘內雞肉就食得，唔好擺太耐就如果唔係就會鞋口。除咗十分細嫩嘅雞肉之外，我都幾鍾意佢個手切先肥牛，淥幾秒就食得，好有牛肉嘅香味。除此之外，黑豚肉都唔錯㗎。雖然係豬肉，但係我都淥一分鐘左右就食，咁先有返佢自身嘅肉香味，亦有陣陣嘅椰子香。叫咗半隻象拔蚌，侍應姐姐話好新鮮，叫我地一定要試吓。象拔蚌有兩種食法，可以生食做刺身，又可以淥幾秒熟食。唔知有冇人同我一樣，都係唔敢係打邊爐嘅地方食生野？所

再次幫襯，食品保持高水準，難得👍👍，我同女友之前試過三次，琴日發癲兩人試$888,4~6人餐。店員同老闆提幾次拍我地食唔哂，叫好！似老闆嘅老人家又行埋嚟叫我地先食啲精嘅等等，湯底叫鯊魚骨同麻棘，足料。 手切牛，黑毛猪唔會差，放鯊魚骨湯好鲜味，鵝腸唔係乸到乾哂似象筋果啲，菜肉餃都好好食，蝦滑弹牙👍👍👍👍👍最後结果真係食唔哂。姐姐比幾個盒我地拎走，盒不收錢。呢度服務好，親切街坊feel. 推介。

沙田瀝瀝邨是最早期公共屋邨之一，在屋邨內熟食中心，都有一個歷史悠久的食肆－盛記盆菜。午市時間的盛記，跟一般茶餐廳無異，都是賣一些碟頭飯，但晚市則轉做火鍋，火鍋配料價錢尚算合理，牛肉一百多元至二百多元，其他一般配料四十元至六十元不等。胡椒豬骨湯－適合一大班朋友，清得來有點胡椒辣，豬骨多，味道香。什錦菇拼盤－份量十分大，有金針菇、雞肶菇、冬菇和秀珍菇。手打鮮墨魚滑－打得爽口彈牙，墨魚含量高。韮菜餃－大大粒，餡料多。炸腐皮卷－炸得鬆化，吸盡湯底精華。手切鮮牛肉－牛肉新鮮，牛肉突出，富口感。

第一次同朋友黎呢間食打邊爐，叫了一個胡椒豬軟骨湯。個湯配料十足，有好重的胡椒味加上有粟米、豬骨等作配料，味道很好。之後叫了炸魚皮，韮菜餃，什錦姑等。但我最愛的是肥牛，這𥚃的肥牛不會太多油脂，而且切的厚薄十分適中，所以一放入爐中數秒左右已經可以入口。可能由於跟平常打邊爐的牛有點不同（感覺厚一點），在口中十分有牛味（可能其實係店鋪用的牛比較好）。今次一行四人，大家都比較細食（連個姐姐都話我地細食）平均每日都不用200，價格合理

今晚凍凍地就同屋企人出家打個邊爐䁔吓胃先一於去幫襯吓d良心和有人情味既食市尋食一番，呢間食店老闆有時會免費請d公公婆婆食嘢，值得去幫襯支持入到去見有好多懷舊裝飾感覺好舒服，我哋叫左個粟米蕃茄豬骨湯底，手切鮮肥牛、肥鵝腸、黃喉、豬肉眼筋、盛記炸腐皮卷、雜錦菇拌盤、手打鮮墨丸、自製韮菜餃、自製蠔仔餃和老友鬼鬼（釀油條）粟米蕃茄豬骨湯㡳，好足料，粟米好甜，豬骨還有肉連住，唔係齋骨手切鮮肥牛，需然冇乜雪花食落唔夠甘，但牛味好鮮甜肥鵝腸，真係條條都好肥美，食落囗感甘香肥美盛記炸腐皮卷，入囗鬆化手打墨魚丸，爽囗彈牙自製韮菜餃和蠔仔餃，隻隻都好足料好大隻，韮菜餃好嘢味，蠔仔餃入囗啖啖蠔仔老友鬼鬼（釀油條），蝦膠好彈牙，可惜油條就唔脆今晚既火鍋配料都好好，又食得開心都係一千蚊左右，下次可以再試其他配料

一向都知呢度難訂位，野食又勁快無哂，我地成班朋友13人。所以一早訂定枱同野食。湯底：雪梨鯊魚骨(香濃滋潤)、皮蛋芫茜(普通，不用encore、麻辣(夠麻、辣味後勁強勁👍🏻)食物：手切肥牛日本黑豚肉(竟然好食過肥牛👍🏻)桂花蚌脆鯇魚腩炸腐皮卷(似響鈴)👍🏻極好味，無油益味墨魚滑蝦滑(好食到冇朋友👍🏻)韮菜餃蠔仔餃(出名食物，但我覺得無咩特別)野菜籃生菜鱆紅魚刺身1條🐟(一早訂咗，但去到都冇得食，失望)象拔蚌刺身(鮮甜彈牙👍🏻）老友鬼鬼(就咁食好味過放湯)炸魚皮午餐肉手打丸薯粉（一般）出前一丁麻油麵（勁吸湯，正👍🏻)飲品：酸梅湯、啤酒、汽水食到打烊，好味又滿足。阿姐服務態度好，又攪笑。除左無左條預訂的鱆紅魚刺身，令人失望之外，其他都唔錯。整體評語：正到痺👍🏻

點個樣冇個樣野！ 生菜藍又話冇 牛肉又話冇 墨丸都係冇 咁其實有咩係有得食??完全5明白一間餐廳可以叫咩冇咩？ 咁其實客人走到仲可以食咩野?? 聽到最多 我地冇啦！ 幫你轉其他啦！ 想食就做定心理準備啦~

此店之前只食過粉麵, 未試過晚市火鍋, 舊同學團年飯, 食得開心及暖心. 此店的服務態度很好, 環境乾淨,有特色, 讚. 食物水準高, 野菜籃的菜是滿滿的, 又新鮮, 手切肥牛,大聖子皇, 一定要食, 椰子鮮雞湯底真的好鮮味, 多次加湯後仍是好味, 此處不會有人催客走, 但我們食夠了就走, 門外還有很多人在等呢.

很久之前在日間的時候已來過，吃著早午市限定的粉麵，當老闆娘知道我是拍攝該店電視紀錄片其中幕後一小員，還請了我吃幾粒韭菜餃。經過好些年，人間聚餐，選了這裡。盛記的藝術裝置是它的招牌菜，連TVB劇集《誇世代》場景都要抄考。原本「不關門」的店已圍上透明膠板，盛記盆菜也變成盛記火鍋。湯底有十來二十款選擇，胡椒豬手湯略賺胡椒味不夠濃，但當中的圓肉和粟米十分清甜。「老友鬼鬼」（$8×），即釀油炸鬼，是小食，但沉湯比較好食。手切牛（$198），脂肪紋好靚，及肉味不算濃。反而牛腱和黑豖肉肉質爽口彈牙，更有驚喜。炸腐皮日式菜籃$18一瓶的酸梅湯，內有一粒話梅，酸甜味道非常平衡。食物全部新鮮大份（連碟底菜都特別新鮮過人），賣相吸引，服務優質。每人二百頭幾，物有所值。全港獨一無二又屋邨又街坊又文藝的空間，真心推介。

仲記得我細個既時候，盛記都未有賣火鍋。後黎領展加租之下，被逼轉型先得以生存，開始發展出朝早做麵、茶餐廳，夜晚就打邊爐。而最令我印象深刻既係，為左令盛記呢個童年回憶得以繼續保存，街坊都出左力，捐出屋企唔要既舊物，堆砌成呢個充滿社區回憶既食肆，所以其實我地宜家食到既唔單止係食物，更加係街坊同老細之間緊密既關係，暖暖既人情味。今日約左成班中學同學打邊爐，當然揀返呢個充滿回憶既地方。我地揀左個番茄牛腩湯底，入面有幾舊牛腩煲得好腍，番茄未徹底煲出味，湯底都靜係有微微酸甜味。蘸醬自己可以自行調配，中意落乜就落乜。我地一行人5個都叫多人，order左呢個盛記炸腐皮卷($35)，其實就係我地食開既炸響鈴。呢度既響鈴係自家炸架，唔似出邊d打邊爐食肆，響鈴雖然炸得通透又酥脆，但係1 d油膉味都冇，我中意灼3秒先再食，軟中到酥，口感岩岩好。呢度d手打墨魚丸做得好出色，雪白通透既墨魚丸上面鋪住粒粒蟹籽；鮮蝦滑就爽口彈牙，蝦味好濃。兩者煮熟之後咬落口依然好有嚼頭，又咬到粒粒墨魚肉/蝦肉，非常有口感。盛記既手切鮮肥牛唔係咩和牛、美國牛，而係用左本地牛，牛肉呈鮮紅色，油花唔算多，但灼好後食落肚一陣牛肉味，雖然脂肪唔

沙田盛記呢間餐館好奇怪，裝修好似好有特色。無論點，呢位老板都幾識做生意，早上是冰室，晚上就是打邊爐，做生意時間一點也沒浪費。晚飯時間打邊爐，最好先訂位否則好易模門釘。湯底，幾十款，好多款唔同，又雪㴝，又蕃茄蟹，又麻辣，又雞咁。今次我試咗蕃茄蟹鍋，不算貴，湯料子也不錯。推介指數：7/10牛，有成7-8種選擇。當然首選手切肥牛，見到都知靚，牛味香濃。不過唔平，一分錢 一分貨⋯⋯推介指數：9/10肥鵝腸，一條咁，幾新鮮，爽口。推介指數：7/10生菜，洗得乾乾淨淨，好翠綠。推介指數：7/10

店員同食物水準都高，物有所值。每一種配料都新鲜，份量亦合理。最欣賞手切牛拼金錢，牛味十足。麻辣湯底不算最好亦有番咁上下，其它湯底無試過，兩次都叫麻辣，不過應該都唔差 。店員亦係保持有禮貌，快手快腳。沙田區計唔錯嘅。做乜要修？又無粗口又無開名話人

14-10-2017(Sat)傍晚,同老公成班friends唱完K後,就出發o黎 呢間良心食肆打邊爐,男友人IN之前已幫我o地book o左枱同預訂o左$788.00o既原隻象拔蚌刺身,然後就點o野食,我o地揀o左$98.00 o既雪梨鯊魚骨湯底,要$888.00 4-6人o既特惠套餐.咁o岩,只幫趁一次o既IN,個老闆認得佢,佢就好到送半打酸梅湯俾我o地,多謝老闆. 個酸梅湯好好味,酸甜度適中,而且好飲到停唔到口.雪梨鯊魚骨湯材料十足,鯊魚骨唔少,豬骨o既肉仍有咬口,正.然後我o地先食原隻象拔蚌刺身大大盤,連兩個罕有,食得o既內臟都冇拎走俾埋我o地,肉質鮮甜,左上角o個啲幾爽,而左下角o個個要淥熟至食得,由於冇切開,熟o左後就俾我老公食,我食一啲,內裡粉,有啲似生蠔,但完全冇鯹味.冰鎮番茄正,竟然一啲酸味都冇.(其實冇呢個餸,佢只係伴o係原隻象拔蚌刺身o既盆o度.)之後食套餐裡面o既o野,先食日式活鱆紅魚刺身(例),肉質煙韌新鮮,亦冇鯹味.然後正式食火鍋喇.另叫$44.00o既盛記炸腐皮卷大大舊又脆.唔見有手打鮮墨魚滑,唔知係咪改o左手打蝦滑(冇影到相),嚴格o黎講唔係蝦滑,因為佢o

盛記最旺場當然係晚上的打邊爐啦。聽說想黎到盛記打邊爐的話，就必先要提早好多訂位。我個人食野比較喜歡即慶，所以都未有機會試下呢度的打邊爐。每次黎到盛記都俾呢度的佈置吸引住，四圍都係充滿藝術氣息的裝置，除左好多東西係回收裝置之外，仲有好多都係環保物料整的佈置，相當有心思。今日黎到盛記食午餐，其實有好多選擇，有快餐，亦有粉麵等。如果飲品選擇飲汽水的話，仲係玻璃枝裝果隻，懷舊之餘，用玻璃樽飲係特別好味的。醬爆牛肉飯+凍檸茶$44凍飲同熱飲同價午餐分量都算大。食物色香味都有齊。醬爆牛肉夠哂味度，仲有適量的翠肉瓜及娃娃菜，一個午餐有肉有蔬菜，好味到不得了。餐廳全場幾乎坐滿人，證明呢間餐廳的確係正。平日午餐都坐滿人，晚餐真係要提早d訂位呀。

聽聞沙田區有一出名雲吞麵店好耐，終於今日試到，但結果係完全非常失望，原來你出名唔掂囉！叫了一個菜肉雲吞，一夾，夾不起😧原來他是預先煮雲吞放在碗中，待有客人order 的時候才加入湯，根本啲餃子痴實哂隻碗，爛哂，皮都硬哂。之後叫了牛腩河，好普通，唔好食。仲有個雙丸粗麵，又係痴住隻碗😡😡😤3樣嘢食左$120，仲要唔比冷氣位我坐，我地初時行入裡面，冷氣涼點的位置，但侍應話因為我地得2位，入面係大枱，所以一定要坐出面，但後來我見只有一兩個的人也走入去冷氣房坐，後來走時，再問侍應, 佢話大概要預留幾多人客坐，但我話都唔滿😤😤😤仲有大把位喎⋯⋯佢話係呀⋯⋯係咁。哼！好嬲