成仔記麵食

Open Now

Now Closed

今日放工經過成仔記門口, 諗起以前中學時成日黎食, 心血來潮下入咗去食碗麵, 好想懷念吓以前味道, 舖頭轉咗去隔離大d既舖位, 餐牌既野食比以前多咗好多, 仲記得初時只得雲吞、鯪魚同牛肉三款, 依家又有其他丸同撈麵.....入到去叫咗碗雲吞牛肉麵+豆漿, 好快就送到黎, 雲吞依然乒乓球咁大粒, 咬落去好似有好多蝦, 不過現在食得出其實經化學過令佢脹身同爽, 鮮蝦味欠奉, 淘大、灣仔比佢出色, 只係冇佢咁大粒牛肉又係化學過, 冇牛肉味, 又難咬, 有D似食橡根, 冇令我惜"肉"如金感覺豆漿係阿姐附加推銷而叫, 只想用來濕吓口, 反而幾好飲, 有豆味呢度既醋比較淡, 落好多先夠, 辣椒油就幾香, 湯底有大地魚鮮味, 仲幾濃, 出外食野落"將軍"一定少不免, 呢樣唔計佢數啦...臨走時見隔離檯叫我平時好中意食既淨鳳爪, 見阿叔食得幾之味, 都忍唔住外賣一份當俾多次幾會佢, 入面有6、7隻左右, 唔係我地平時出面食炸過再炆果D黎, 係鮮雞腳用來煲湯果隻, 用柱侯汁炆焾, 有少少生菜, 有D似食車仔麵感覺, 呢個煮得夠焾入味又冇散開晒, 唔錯如果計雲吞同牛肉我會俾中下佢, 但佢既麵, 湯,雞腳我

住係大埔的人,我諗好少人未食過成仔記,因為佢D雲吞係以大粒出名雖然現在冇以前咁大粒,但仍然不減它的魅力,因為雲吞($15)用料足,每粒雲吞裹面均有大大隻蝦,豬肉與蝦的比例是蝦多肉少,所以鮮味十口足,另外佢D牛肉($12), 鯪魚球($12)都好正,牛肉唔韌,鯪魚球絕對唔腥,辣椒油夠香辣,枌麵與湯底普通,不過以幼麵比較煙韌好味,而且阿姐手腳又快,唔駛2分鐘已經有得食

每次諗唔到中午食咩都會走黎呢度食..真係又平又抵食架D雲吞有4粒大大粒D 面又正彈牙架...一碗先15蚊...其實佢D 炸醬面都好食架...撈撈下又食完 一碗大家有機會可以去食...雲吞有得外賣不過幾錢一盒唔記得了

成日都好鐘意去食,就算加左$2都覺得值呀,唔會肉赤...細細個食到大..由伯伯碌麵食到佢個仔碌麵都係道食,只得一個正字可以形容.我同妹妹都特別鐘意佢個炸醬面..差唔多次次都食..餓咪叫米粉河粉囉..唔太餓就粗麵幼麵d啊姐超正,把聲又夠大,我鐘意..包云吞包得又快又靚

說起要在大埔食好的雲吞麵的話，我會推介這間的雲吞麵，這裏價錢不貴，只有雲吞麵才１５元，其他１２元左右。以前由一間細變成大鋪～當然有它的原因～紅叮坐下，叫碗雲吞麵和一杯豆漿～麵檔只有一個人，一個人足以應付～叫了，還不到一分鐘就上抬，真快碗內有４粒雲吞麵，紅叮先落這裏的辣椒油，辣椒油不算太辣，因為過辣根本食不到麵雲吞麵皮薄，餡份量多，有時食到２粒蝦，好爽．食完個麵也還有２粒雲吞。加豆漿才１７元～已經很難找質素好，價錢平的食物１５元經濟實惠，好食過我家樓下的富園的粉麵

耐唔耐我都會去成仔記食，因為價錢都算抵，而且我最鍾意就係佢戈度戈d雲吞，大粒得黎又多料，個皮又唔會太粉﹗其次就係戈度既牛肉同埋雲吞麵，牛肉好滑，唔會食到soda粉味，而炸醬麵個汁做得好好，酸酸甜甜的。唔好既地方就係有次試左戈度既墨魚丸，咬口真係麻麻，好淋，應該係浸左好耐，粒墨魚丸冇墨魚丸味，所以戈次之後都冇再食戈度d丸。

小弟食評絕不偏私, 好的讚, 差的稍為提點~自成仔記由隔離細舖搬黎現在大舖後, 都去過幾次, 不過都半年前, 物價未飛漲果陣幫襯.今日有假期, 行街路經此鋪, 就再去一去~環境光猛乾淨, 唔介意搭枱的話一定有位, 坐入面就涼d.呢間只賣幾樣平常野, 牛肉, 鯪魚球,炸醬等, $12有交易; 雲吞就$15; 河,麵,米同價, 雙拼就$18, 豆漿就$2(叫一碗就可叫一杯). 另外有生牛肉, 生雲吞外賣, 冬天用黎打邊爐就一流~叫左碗雲吞河及豆漿, 平心而論, 雲吞比以前細粒左, 幸好都見到半粒蝦, 名符其實鮮蝦雲吞; 豆漿我嫌唔夠凍, 但整體ok~以大埔區黎講, 呢間雲吞麵都係數一數二的好, 連豆漿$17仍算係合理價格, 始終物價飛漲($13→$14→$15), 生意真係唔易做呢! 若果未嫌飽, 隔離有兩間賣包子舖頭, 分別賣中包, 西包, 一樣好食! 食埋實夠飽!

食左雲tun面，雲tun好多蝦，又大粒，便宜又好食

次是第２次去食午餐\, 第一次食時感覺都ok, 但經過今天第2次食, 唔會再光顧, 態度勁道惡劣, 個位大嬸冇人的檯去清理, 我地張檯6 個人就唔去理, 叫佢重要大大聲反駁你: 等陣啦, 唔鐘意咪走囉..咁既人都有. 比錢重要受佢氣, 這間又不是特別好味, 價錢又不是便宜, 而且需要加10%服務費, 所以今次我地決定不會比任何貼士. 如各位想光顧: 你要考慮一下, 是否可以接受食個受氣的午餐平均這店舖食午餐\大約: HK$40.00-50.00/位

見到open rice對呢間食肆都有很高評價,便和愛人前來試試,果然沒有令人失望,招牌雲吞真係比市面上果d大粒一半,而且數量維持不變,內裏的鮮蝦真材實料,加2蚊有凍豆漿,價值便宜(於通脹嚴重下份外難得),不過衛生環境很有進度空間,該處位於街市附近.

之前已經去過一次，但那次只是叫了牛肉河，未試過它最出名的雲吞，所以今天再去試一試。叫了一個雲吞河和魚片米和豆漿打包，點知魚片變了牛肉，好彩雲吞沒變。d雲吞真係好大粒，入面不會只得肥豬肉或全是瘦肉，而是有好多蝦，小小肉，味道又不會太咸，剛剛好，湯底清，沒有太勁的味精味，食完都唔覺口渴。河粉即使拿回家，還爽口的。我等的過程中，也有不少人外賣雲吞。牛肉依舊的好食。有機會，下次會再來食。

中學時期．．餐\餐\ｌｕｎｃｈ為左慳錢都會係成仔解決！抵食嘛．．到依家雖然加左１蚊．．但都係咁抵食最愛成仔雲吞．大大粒爽口彈牙．買黎打邊爐一流呀！佢\既炸醬麵都係好正．食兩碗３０蚊都唔洗！最近返番去幫親下．間鋪大左闊落左又光猛．．果度ｄ阿姐仲有做，味道仍然不變～

好抵食,,大大粒既雲吞..好好味生牛肉就一般而家仲搬左過隔離幾間鋪,大間左, 依然咁多人食.

好多食評都話雲吞好味，但我本身又唔好雲吞，咁唯有搏下其他o野。所以叫o左牛肉麵，但竟然太太都唔食雲吞，叫o左鯪魚球麵！兩碗麵差唔多時間到，我先試下個牛肉麵，牛肉唔會太諗，不過牛肉味就唔太濃。麵幾彈牙，份量算ok，湯底好清，冇鹼水味。有水準！鯪魚球麵仲正，魚肉冇魚腥味，亦冇重胡椒粉味，質地柔軟易入口。通常麵檔o既辣椒油都係好o野，所以都專登試下，果然好辣！好彩叫o左杯豆漿，豆味唔濃，勝在仲算幾滑，而且跟麵只係加$2蚊，超值！有信心應該會再o黎試下佢地o既雲吞。

d雲吞超大粒好好味~好足料...一粒雲吞最少有兩隻蝦...不過d環境同衛生就mama~因為係街市個邊...不過擴充左之後都改善左好多~