成仔記麵食

Open Now

Now Closed

唔興寫單嘅傳統粉麵店，由落單到埋單，全程都係大嗌，係香港已經絕無僅有!賣嘅野食唔多，但款款煮足料好味，重要嘅係價錢貼地！所以任何時間，鋪頭都成日人頭湧湧！我手最鍾意食佢地既雲吞麵，雲吞粒粒都係人手包，而且非常足料，每粒都有2-3隻大大隻嘅蝦，爽口彈牙！麵質亦非常好，煙韌有咬口，唔會太淋或太硬，配埋佢地嘅大地魚湯，23蚊就食到，真係抵到爛！唔少街坊打邊爐，都會嚟到呢到買料，因為新鮮又好味! 而除左雲吞，我都好鍾意食佢地既魚皮，酥脆可口，值得推介!

M佬雖然成日話自己唔浪漫，不過佢九唔九都真係幾sweet。今日，佢話要帶我去佢嘅成長地 – – 大埔，體驗一下佢細個嘅生活，行番佢以前行過嘅路。嘩！有無咁浪漫呀？！把口浪過油！M佬中學嗰陣為咗儲錢買波鞋，Lunch time就會走去食碗鮮蝦雲吞麵，有時加杯豆漿，咁就一餐。食過咁多間，都係最鐘意成仔記。雖然佢已經搬咗去大少少嘅新舖，不過M佬話同舊時嘅風味一樣，照舊係無咩特別嘅裝修，紅底黃字嘅招牌，仍然係唔興寫單，食完起身，樓面姐姐就會大嗌收幾多錢，十分懷舊。M佬話佢細個同姐姐鬥快計數，有一次姐姐爆響口話佢地原來會預先喺在心入面計定數，費時臨急臨忙計錯數或者計唔切！所謂貴精不貴多，成仔記無其他魚蛋粉舖咁多選擇，得雲呑、牛肉、鯪魚球、墨丸、牛丸五樣野揀。其中最出名嘅就係人手包嘅雲吞，粒粒入面都有隻蝦，足料新鮮。M佬話以前奶奶（哈！口快快叫咗做奶奶添，我唔係咁恨嫁㗎！）會外賣生雲呑返屋企打邊邊。另一鎮店皇牌就係鮮牛肉，佢地堅持唔用調味料醃，保持牛肉嘅鮮味。齋食可能會覺得比較淡，加埋醋同辣椒油就啱啱好，吊哂啲牛肉鮮味出嚟。其實我食魚蛋粉係為咗食辣椒油，呢到嘅辣椒油雖然唔係超辣，但勝在夠香，即刻加

雲吞麵走蔥，招牌雲吞快靚正無甩拖！大大粒巨形雲吞剛剛好塞得入我櫻桃小嘴，原隻海蝦好爽喎，不過咸左一點點，豬肉香口泛著微微甜美肉汁。鮮蝦雲吞，招牌雙殺，不過雲吞一哥地位已不保，個人覺得韮菜餃更勝一籌！幸好雲吞都好食，大大隻爽蝦加結實豬肉，係咸左少少啫。湯汁清徹見底，氣味芬芳，淺嚐一口略淡。幸好有勁香辣辣椒油打救，爽爽幼麵掛上大量辣椒肉夾著湯汁連雲吞衝入口，百味交雜，撞得精彩，滿意啊！鮮牛肉韮菜餃撈麵走蔥，幫襯成仔記都好幾年喇，睇住佢味道一次比一次差，只有勁香辣多肉辣椒油無變過，食咁多次最差既一次！師傅您係咪有心事呢？而且賣相可怕，真係太求其，亂糟糟的堆埋算數。腍劈劈滑潺潺超乸牛肉，唔係新鮮牛肉架咩？仲要外暖內凍，好高技巧喎！幼麵爽口，何解黏黏地又溶溶地？懶得過冷河？韮菜餃，睇唔出裡面熱騰騰，成粒啪入口，一咬爆破！淥到起水泡喇，但勁好味，肉汁菜汁都澎湃，滿分！我食到韮菜都只係近幾個月既事，以前一食就反胃，依家大愛！招牌韮菜餃梗係要買黎打邊爐啦！真材實料，份量滿滿，包得肥嘟嘟又脹卜卜，十分可愛誘人。皮薄滑滑餡又靚，大量甜甜菜汁混入微量豬肉香，爽嫩中又有少少咬口，好味非常！韮菜餃撈麵走蔥，藝術

中午收工返到大埔，約朋友食個午餐，點知大家都想食個麵，就走左去好耐冇食過既成仔記，叫咗碗雲吞米加蠔油芥蘭，碗雲吞米好似比以前米粉多左大碗左， 雲吞都同以前一樣係4粒嘅， 不過D雲吞好似比以前細粒左， 雲吞雖然細粒左但係都有大大隻嘅蝦喺度，個湯底就好似淡咗，呢度啲辣椒油都冇變同以前一樣好香同好惹味，令到個湯底惹味咗好多，米粉加辣椒油湯一齊食好好食， 蠔油芥蘭就麻麻地， 芥蘭煮度非常之淋唔好食，過蠔油有冇乜鮮味

最喜歡幫襯小店，成仔記聽朋友講係大埔冇人唔識，麥x,麥x記係好食，不過貴好多，佢話呢間成仔記，係又平又好食！好一於試下，乒乓甘大粒雲吞，蝦肉大大隻，蝦同豬肉比例剛剛好，又唔會太咸，啖啖蝦肉，又真係又平又好食！牛丸都比平常出面彈牙好多，仲有佢既辣椒醬都好正,辣到！不過朋友話我下次去食記得要加色，佢話仲正！好呢D小店一定有下次

同朋友係大埔中心行街，見肚仔餓諗緊食咩，朋友話去成仔記食大大粒雲吞啦，去到見到好多人，諗下食咩先，朋友話一定要食雲吞好好食嫁，我就叫做個淨雲吞(同朋友一人一半)+鳳爪河，重有凍豆漿， 見到個雲吞真係好大粒，食到大大隻蝦仁，不過同豬肉比例剛剛好，食落唔會散曬，蝦仁爽口彈牙，豬肉唔太咸，幾好食，不過加左佢地D有渣辣椒油，感覺粒雲吞完全升級左。鳳爪河，D鳳爪比較細隻，但煮得好入味同好淋，冇牙都好容易食到，不過D河粉就比較厚唔太滑，但可能加左D鳳爪汁，食落幾好食幾有味。杯凍豆漿就普普通通，唔知係唔係用粉開呢，我飲到有D粉狀物體，不過這裡價錢幾經濟，同雲吞真係好好食

炸魚皮，第 1 次試味先齋啪啦，唔浸湯直接咬，非常香脆喎，而且咸度適中，難得幾好呢。掉落湯既時候穩約聽到魚皮索湯啪啪聲呢，但就無麥奀記、池記炸魚皮咁誇張會裂裂聲咁勁 ﹗我就鐘意放湯食，半脆半腍，又可以索埋湯既香甜味，更好食 ﹗淨雲吞，遠近馳名既雲吞，係大埔黎講囉。一向都非常好食，我都十分欣賞。不過今晚馬有失蹄，似乎強差人意，味道無以往咁鮮味香濃又出眾噃。係咪因為差不多收工呢？趕收檔？賣剩蔗？成仔記招牌雲吞每次都必食 ﹗蝦仁大大隻又爽口，豬肉味香又唔會太咸太嗆，完全係鮮味 ﹗整粒咬落結實，唔會散開。用雲吞盛著大大篤辣椒渣塞入口，滿足 ﹗原隻爽口海蝦加香濃豬肉包係薄薄滑滑雲吞皮裡面，一咬爆漿。熱辣辣一口雲吞整隻啪入口，口感實淨、肉汁豐富，非常美味 ﹗蝦籽湯跟雲吞既味道襯到絕，係一個美味親子雲吞湯啊 ﹗雲吞麵走蔥，轉眼年幾無黎食野嚕。雲吞還保持水準，蝦爽肉甜皮滑。一口雲吞原隻大蝦爽口，豬肉味濃帶甜有咬口，包得實淨又結實，口感一絕。幼麵就腍左少少，我要食爽彈架麻。雲吞麵走蔥，湯底越來越淡呢，湯底堅係有點淡，偷工減料？要撈勁辣成仔記自家辣椒渣先得，屬大辣程度，夠香夠辣 ﹗即時個湯好飲左啦。牛丸麵

唔使多講，本人覺得係最好食嘅雲吞街坊鋪。就連每次打邊爐都要專登入黎買雲吞。雲吞河雲吞係無可挑剔，不過面好食過河粉，因為河粉有d厚（供應商問題？）不過一定要加色（鳳爪汁），咁至天衣無縫。鍾意是食辣嘅話，佢地嘅辣椒油都不得了。記得一試。

食麵好比生命的幻變，星期日來到大埔買餸，肚子餓了，我決定食一碗麵。在大元街市附近，要食麵，選擇的確是很多的，但最就手的，一定是面對著街市的這一家老字號《成仔記麵食》啦。聽說這兒的雲吞很好，所以一入來就立即叫一碗雲吞麵。這兒，專門請了幾個姐仔，坐在收銀處方旁，不斷地包雲吞，而我在食麵時，也有不少人專程來這兒買生雲吞。這可見得，《成仔記麵食》的雲吞是出色的，甚受街坊的擁戴。說回我的麵，粗麵入口爽，湯底帶點梘水味，感覺到雲吞麵獨有的香味，而且雲吞除了是夠大粒之外，肉味香，大地魚味重也是美味的關鍵。夠好味。輕輕地一碗，買完餸充饑，《成仔記麵食》不錯。

We had an early taste experience (round 11 am) for this small eatery specialized in Wonton Soup and located at the Tai Po Jade Plaza Shopping Centre.The service is quick with reasonable clean tables, utensils and chairs. We ordered both the Wonton Soup with dried fish skin. First impressions are the portion size; 4 Wontons, enough broth, noodles and scallions. However the taste is far from sublime or even good. The Wontons are too thick as shown on the enlarged picture while providing enough shr

有時回大埔就會想食番碗成仔記既墨丸米，雖然成仔記最出名係大雲吞，不過呢度雲吞餡料的蝦肉鮮紅得很奇怪，而且彈牙得過份，湯底亦頗鹹，每次食完喉嚨都覺得唔舒服，唔知係咪我對呢種蝦有敏感。(我係對白灼蝦有敏感的，但其他煮法一般都無問題，唯獨這裡的雲吞我吃後就會喉嚨發癢)墨丸米$15墨丸米有4粒墨魚丸，這是行貨墨丸，但今次吃的同以往吃的不同，以前的墨丸很彈牙同有少許墨魚粒在內，不過今次的只係一團粉，很淋又沒味道，至於米粉份量都夠一個胃口小的女仕吃，男士應該要吃兩碗才夠飽，至於湯底一如以往的味精水味道，勝在味精不多，吃後都不用狂灌水~雖然味道一般，但只是$15 一碗，吃飽就足夠了!

上星期6朝早要陪ar妹去交form,之後行左去附近既大元街市搵食,估唔到無黎年幾呢頭變化咁大,街市乾淨企理左好多,連以前經常食個呢間成仔記亦如是,由於懷舊心癮起,就拉左ar妹黎食個早餐.我叫左以前經常食既炸醬河$15,好開心味道依舊,不過就比以前辣左少少.1碗蔥花湯跟炸醬河.點食好睇個人,我個FD每次食都鍾意加晒D湯落去先食,話咁樣會無咁咸wo!不過我就鍾意加1半湯就ok,1黎唔會沖淡左炸醬既味道,2黎我唔鍾意太水. 炸醬既材料有豬肉、洋蔥、肥膏,河粉底仲會送條菜心,菜心好爽,半熟到食岩岩好,仲好有菜味ga!我今次只加左3分1湯,撈云之後食.豬肉好鞋,洋蔥雖然已經爛晒,不過味道依然好濃味,河粉係淋與爽之間,剛剛好!配埋醬同湯食口感好滑,每啖仲有陣洋蔥既香味,好食!我分左匙俾ar妹食,佢話好辣,不過幾好味.鍾意食墨丸既ar妹叫左碗墨丸麵$15,問佢好唔好味就話ok lo.不過我試左粒墨丸,感覺not good lo!!!唔彈牙唔爽口亦無乜墨魚味. 係呢度食野好抵,亦好有街坊味.食食下聽到個'靚姐姐'叫住個客話:喂~漏左袋野wo!!

中午嘅時候其實都會幾多人，不過次次去都早少少，就唔使等。呢度D雲吞真係好夠分量，一口咬下去啖啖蝦，一D都唔誇張，經常都是要一碗雲吞麵或者淨雲吞，有時加多一份魚皮，魚皮都炸得好脆，幾好食。只不過炸物都好熱氣，就唔敢食咁多。呢間嘅雲吞真嘅不錯ga，價錢亦都公道實惠，推薦食吓~

上星期第一次幫襯，一試難忘，好想食多次，試真啲先得。凍豆漿，有豆香亦不太甜啱晒我，解辣最啱。星期六下午真係超多人呀，搭枱係必然既事，好采剛好有一個位唔洗等乍。雲吞撈麵走蔥，招牌菜雲吞真係名不虛傳 ﹗蝦仁爽口彈牙又唔會太咸，豬肉味濃肉汁豐富夠香口。蠔油經自家調製過，撈麵不咸而且更加鮮甜，麵質嚥靭彈牙，好味道 ﹗送埋幾條菜芯，低食呀 ﹗只不過見到佢地一路收錢一路包雲吞有點嚇人，硬係有點不安。 自家製辣椒油，味道沉實帶甜，質感較厚，辣度為中上級，辣味好快會係口腔消散。在我黎講，辣椒油永遠都係食麵既主角，其他食材通通都係配角架乍。成仔記辣椒油辣度為中級數，但都幾辣，我一羹渣剛好送一碗撈麵。有緣地撞到吧友仔大傑，見佢三四羹狠狠地撈落碗麵度，估唔到食得咁辣，勁我好多喎。

每次行過都聞到香噴噴既蝦籽湯味 ﹗自家製既辣椒油夠香夠辣，味道沉實，都不錯 ﹗招牌雲吞高水準 ﹗唔洗出巿區搵池記、雲吞世家喇，又唔洗過海食麥奀喇 ﹗菜式簡單，價廉物美，真係平喎 ﹗雲吞麵走蔥，終於可以一試喇 ﹗呼聲高，睇下點解咁多人追捧、咁大熱先。一口雲吞，size 最適合，一啖一粒。非一般的蝦 ﹗味鮮、爽彈，唔會一陣強烈咸味，真材實料 ﹗豬肉香帶肉汁，不肥不膩。蝦籽清湯底配雲吞係絕配，又香又濃又夠熱，不會過咸，美味 ﹗麵質爽彈不過火，太好了 ﹗