勝利牛丸 @Freshlane (城市中心) (Closed)

元朗冇人吾識嘅「勝利牛丸」，我係由細食到大。搬咗出九龍住之後，每逢入元朗，一有機會就會食番碗。佢嘅牛係專嘅，因為佢一直以來堅持獨孤一味只做牛，係吖～只有牛丸、牛腩同牛筋。今次真係開心大發現，最近比我見到「勝利牛丸」原來已經進駐北角 Freshlane 外賣店。以後想食「勝利牛丸」吾使山長水遠入元朗了。今日試咗佢嘅雙丸河，就係牛丸同丸筋丸，原來牛筋丸元朗堂食店都未有供應。佢嘅牛丸真係特別彈牙，而且咬落有豐富肉汁。牛丸較爽滑彈牙，牛筋丸就較實肉少少，較有咬口。兩者各有特色，兩隻我都鍾意。除了主角牛丸正，湯底至為重要。店長話我知，咪睇佢碗湯好似好淡色，其實每碗麵嘅湯底都係沿用番打牛丸時嘅湯，難怪試咗啖湯真係又甜又原汁原味。勝利九牛另一不可少嘅就係加冬菜。係吖 ～ 吾好睇少呢喲吾起眼嘅冬菜，本人覺得係呢碗河粉嘅精粹。除了冬菜，店長亦主動跟埋自家製辣椒油，老老實實佢嘅辣椒油真係夠香辣，一碗原汁原味嘅勝利牛丸河，真係連湯都清曬，試過你一定會食過返尋味。

位於北角的雲端平台取餐店裡之牛丸麵食外賣店，除了元朗外，港島開設了外賣店，讓港島的食客也可一試元朗名物之真正的牛肉牛丸。餐牌選擇不多，就是牛丸、牛筋、牛腩等配料淨食或配粉麵飯。外賣的湯及麵分開兩層放，這樣拿回去也不會腍掉。雙拼粉麵飯：牛腩牛丸米粉牛丸以手打牛肉製作而成，帶牛肉味道，細細粒，一共三粒。還有少量的鹹冬菜，米粉淋上牛腩汁，令麵條更加有味。牛腩炆得很腍滑，而且味道入味。嗜辣的朋友可以一試他們的辣椒醬油，有一小包辣醬，加入湯底裡更添椒香惹味，過一過辣癮。

喺元朗好出名嘅勝利牛丸而家喺北角都食到喇freshlane 係一個全新嘅概念入邊有好多唔同嘅外賣店可以去之前就上網落定order到就自己喺佢哋嘅櫃桶度pick up方便又快捷之前成日聽啲住元朗嘅朋友推介嘅勝利牛丸原來都進駐左炮台山城市花園嘅Fresh Lane試咗佢哋嘅牛丸牛筋腩飯有三粒牛丸同埋好多舊嘅牛筋腩飯加咗腩汁令到啲飯都更加濕潤而且更多風味牛筋腩炆得好好煙煙韌韌又唔會太滑潺潺有豐富嘅骨膠原而牛丸一個字彈牙真材實料無點溝其他肉之前仲諗住叫飯唔叫麵會令到啲牛丸好乾但唔會wo 又難怪做到佢地招牌想試嘅朋友 唔洗去到元朗喇～

彈牙勝利牛丸番工有時食嘢都吾知食咩好！有時外賣店都好方便！例如北角freshlane 呢間專買牛丸，牛丸要彈牙先好食，如果唔係就會好似係食擦子膠感，試左呢間都確實幾好食！好彈牙又無筋!食落幾好味！好好咬口。一碗牛丸都好多粒，好味道！另外叫多碗牛筋面，好多牛筋牛腩，料好多，份量大，湯底都幾清甜，麵好彈牙，一個人食好夠飽，好滿足，配合埋牛筋牛腩都好好味！近年香港開左好多呢種外賣店，方便又實惠！下次再利幫襯下。

今日經過見到呢間專門叫外賣的，有好多餐廳可選擇。正喎， 有元朗名店#勝利牛丸 ，即時買番碗食。因湯跟食材分開上，保持了食物質素，拎到回家依然好味呀。點左三個餸配搭油面，牛筋、牛腩同牛丸，勝利✌️牛丸有3粒，爽口又彈牙好好味😋，牛腩、牛筋好淋調味剛剛好，唔會過咸或什麼的，而且係Freshlane 自助取餐真超方便！#hk852#飲食日記 #飲食記錄 #食評 相機先食 #手機食先 #食咗先講#唔怕肥

由細食到大的元朗勝利牛丸 ，細個食一碗蛋牛丸米粉已經好滿足。搬家之後，好少機會再入元朗食。而家喺北角都可以食到元朗名勝。有一部自動售賣機下單， 十分鐘左右就可以自取外賣，十分方便。12：30 左右到達，等了10分鐘就可以自取。人來人往，都好多人取外賣。淨牛丸好好彈牙$50 牛丸有9粒，就不至於抵食啦，雖然味道唔錯 ，但要除開$10 一粒， 真係物價通脹啦。再加個炸魚皮， 真係非常之香口。$30 呢個價錢都好抵食嘅，因為炸魚皮的分量都好多。

之前路過北角，見到呢間外賣店非常特別，門面唔顯眼，有個好似汽水機嘅自動售賣機。可以隨便點餐，而且有很多選擇，唔同國家嘅菜式都有。見到有元朗勝利牛丸，不嬲都知道呢間舖頭喺元朗光明堂好響，於是就一於試吓佢個牛丸牛筋腩麵。即叫即整，返到去屋企仲係熱辣辣，用100%牛肉打製牛丸非常彈牙，牛味香濃，牛筋炆到非常鬆軟，好似食咗好多骨膠原落肚🤩🤩🤩牛腩炆得非常入味，淋得黎又唔會散開。而家食勝利牛丸唔使入元朗咁遠了🎉🎉🎉特別一讚👍👍牛肉有空氣感超彈牙😌😌😌湯和料分開 保持質素又細心 份量雖然不太多，女仔一定夠😝😝下次再試下其他，不愧為牛丸始祖

Freshlane，留意到呢個名嘅原因係有朋友話我知而家北角有得食勝利牛丸。好奇的我以為呢個係勝利牛丸嘅副線，原來呢個係一個非常新嘅雲端廚房概念。可能你未必知道乜嘢係雲端廚房，但總言之你可以喺呢個Freshlane品牌買到正宗元朗勝利牛丸嘅出品，當然仲有其他幾間好出名嘅店舖，但係今日主要食勝利牛丸所以其他唔多講。牛丸牛筋呢啲當然一定有，而且仲要有飯食，同我喺元朗食嘅選擇多咗好多。今晚由於唔係好肚餓只係叫咗一碗剩牛丸，牛丸數量好多，而且仲要有冬菜，成個感覺同喺元朗食一模一樣。連湯帶牛丸全部食晒，感覺唔錯，下次如果有癮食勝利牛丸一定要過黎。當然仲有好多其他品牌，下次再講。

又去炮台山freshlane 叫外賣啦!發現愈來愈多餐廳加入，今次仲可以係北角食到元朗既名物!三送面，有牛丸、牛筋同牛腩，佢牛丸唔算大粒，一口一粒，但就爽口彈牙，連續吃幾粒都唔會覺膩，同埋佢新鮮有牛肉味，非常不錯。牛筋好腍感覺滿滿蛋白質，牛腩都正不過份量就唔算多。湯底都有牛肉味，食完冇口乾，應該冇加味精。滷牛肉燥飯，好多滷汁，撈飯好正!牛肉撕碎左，啖啖飯又啖啖牛肉，好惹味。價錢抵食! freshlane 自取方便!

勝利牛丸，而家喺北角都可以食！之前真係特登去元朗朝聖，佢哋嘅牛丸又真係特別好食嘅，因為真係用牛肉做😎😎住元朗嘅朋友都只係會食佢哋嘅牛丸粉面👍🏼用過Freshlane幾次，最近越來越多新餐廳選擇，睇嚟依種外賣自取文化都幾受歡迎👏🏼勝利牛丸喺北角出現，我梗係開心啦😁😁碗麵包裝得好穩陣，湯係分開的，完全冇倒瀉，返到公司慢慢嘆～取出上層，就可以到晒落去下面碗湯度。下次我會夾返少少冬菜出嚟先，因為d冬菜令到我啲湯偏咸🤔🤔牛筋丸！係元朗都冇嘅牛筋丸！牛丸肉質口感係比較滑，至於牛筋丸，比較實淨，爽彈，口感更加豐富👍🏼👍🏼真材實料，好食牛筋同牛腩都非常出色，有件牛腩直頭係入口即溶😋😋😋😋好入味，配埋滑滑河粉，滿足👍🏼

While walking past the street, I was attracted by their bright green decor at the entrance of the shop. Freshlane offered several restaurant brands for just takeaway service and Shing Lee beef ball was one of them. They were famous for their beef ball in Yuen Long and knowing i did not need to travel all the way there, I decided to buy it for lunch. Shing Lee beef ball @ Freshlane was located several minutes walk from Fortress Hill MTR.Once order from various restaurants were ready, it will noti

元朗的勝利牛丸聞名已久最近喜聞在北角新聞了外賣店身為港島人的我當然要第一時間試食餐廳採用自助落單自助取餐型式網上平台下單後就可以到店內自取而食物會放置於類似貯物櫃的地方保存是日點了魯牛肉燥撈飯和牛丸淨食魯牛肉像手撕牛肉非常入味白飯也淋上濃厚魯汁非常下飯勝利牛丸當然不能錯過牛丸啦淨食牛丸大概有九粒牛丸質感彈牙牛肉味頗重下次再幫襯會試試牛丸米粉不用山長水遠去元朗也能吃到元朗名物的確是港島東人的一大喜訊呀

勝利牛丸 @Freshlane (城市中心) (北角)北角電氣道233號城市中心1樓47A及59號舖Freshlane想食勝利牛丸就唔一定要去到元朗㗎，而家Freshlane都幫到你，咁喺講到想食100%手打牛丸都冇難度。包裝好好㗎，湯同粉分隔都做得唔錯，返到屋企食嘅時候都仲係保持到熱嘅水準。清湯牛腩粉三粒招牌手打牛丸，仲有自家製辣椒油。100%牛肉製嘅牛丸，消費者委員會都證實佢自家手打，真材實料，強。牛腩好有咬口，腩汁非常入味。牛丸Q彈，好似乒乓波咁，細細粒，好實淨。河粉細滑，食到雪雪聲，辣醬超惹味，算係中辣，香氣撲鼻，食落醒神，刺激五感，打開晒啲毛孔，好食到停唔到口呀，成個辣湯都飲晒。

今日去開北角城市中心附近，發現「勝利牛丸」開咗間外賣店，所以唸住買返去食，點咗個五香四拼麵！😊一打開碗麵見到，職員細心咁分開咗湯同麵，咁樣個麵唔會腍晒。🌟🍲湯底好濃郁，牛香滿溢，好味到差啲飲晒啲湯👍🏻🌟🍜油麵煮到軟硬適中，爽滑彈牙👍🏻❤️四拼包括⋯⋯🐮牛筋丸、牛丸新鮮彈牙👍🏻🐮柱候牛筋腩炆到好腍滑、好入味，牛味好重👍🏻🌟酸菜甜中帶酸，好醒胃，同牛腩麵好夾👍🏻🌟份量十足，只係$60，好抵食👍🏻

勝利牛丸一直都係元朗好出名嘅一間專做賣牛丸、牛筋腩麵嘅舖頭😃😃，佢哋嘅牛丸用100%牛肉去製造。💯💯💯近排見到係屋企附近開咗間新嘅外賣舖頭，所以一試。$50 牛丸、牛筋腩麵價錢認真親民，麵同湯底係分開上，非常貼心🥰🥰。拎到返屋企仲係熱辣辣。牛腩汁非常濃郁，牛丸爽口彈牙，果然夠新鮮👍👍。牛腩肉嫩可口，一啲都唔肥膩。牛筋非常入味。鍾意食牛嘅朋友除咗鋸扒之外，牛丸牛筋牛腩就係另一個選擇🤭🤭🤭