金翠苑

Open Now

Now Closed

周日也沒滿坐，叫的餸菜等了半小時還沒上。40分時再催了才在十分鐘後給了個炒菜，一碟菜快吃完時再催，最後不等了，1小時零3分鐘就只為了吃碗白飯炒青菜，還沒計落坐後等拿餐單的時間十多廿分鐘。阿姐一句唔好意思都冇，黑住塊面收錢第一次吃覺得味道不錯，之後印象一次差過一次，不會再去了

去咗呢一間喺麗閣商場food court嘅小茶樓,並且試咗佢哋嘅星洲炒米、棉花雞、燒賣同埋鮮竹卷,整體上味道超乎預期，拍得住大酒樓，雖然價錢唔平，但都算值嘅。炒米粉好香口，不過濕咗啲，而棉花雞份量足，咬落感覺鮮嫩多汁，燒賣嘅話餡料足,可以話係皮薄餡靚。鮮竹卷皮酒中規中矩。

這家酒樓，去過幾次，不過不失，本來都可以繼續光顧，但今日發生左件”小事”，令我不吐不快。本人很討厭芫茜，所以通常唔確定菜式有冇芫茜都會問清楚或者問有冇得走芫茜先會叫。今日想食叉燒腸，就先問下侍應有冇芫茜，佢重大大聲話無寫香茜嘅唔會有，或芫茜都唔平架。好啦，咁我叫啦，來到之後，一如所料，整碟腸粉都佈滿芫茜，然後我整碟都無掂過啦。個問題係我同個部長講番件事，佢連一句對唔住都無講，亦無提出任何解決方案。可能有人會覺得好小事，但態度好重要，碟腸粉唔值幾錢，你幫我換或免左我呢個碟錢，就算真係唔得，對唔住都要講句啦。而家係佢地內部問題，攪到我浪費左錢又食唔飽，想叫其他野食都唔益佢。可能佢覺得個客唔嘈就算，但我呢種客係我永遠都唔會再去。真係想講句，今時今日，咁嘅服務態度係唔得架。

地點係麗閣商場裡面，很容易就搵到，裡面其實係food court，門口大大隻字寫住《金翠苑》朝早去就最抵食，早市飲茶兩位連茶芥加一都係百零蚊，呢個數係食左兩個孖寶再加三個點心😋早市孖寶選擇多，推薦食鳳爪排骨飯，排骨陳川粉，雞扎，燒賣，牛肉球，叉燒包同流心奶皇包都係必食，另外午市炒粉麵都正，尤其個伊麵，我自己係勁鍾意食，但出面好多一係炒到好濕一係燶鬼晒，佢呢度有鑊氣之餘，乾身唔會燶，晚市就未有時間去試😆今次已經係第四次去食，每次去水準都保持到

舊既唔去 新既唔嚟！👋🏻🙌🏼同邨本身都有另一間酒樓，開左年幾（好似係）但可能太多人幫襯，點心外賣成日出錯，次次都要自己開來睇下有無錯漏，但估唔到連係堂食都錯，同好似差咗。仲有一間好耐既菜館早市都有賣點心既，不過不失！新這間金翠苑啲點心好似精緻啲，單張見到有豬仔叉燒包、金簿蝦餃，見到都想試！ 😃😃叫咗幾個點心、盅頭飯都唔錯，係鹹咗少少。有改善既空間。😆總括嚟講係可以再幫襯😋下次要試下其他野食。