新沙洞 (Closed)

第一次來到杏花新城在地下食街逛來逛去搵野食，最後俾新沙洞門口食物圖片吸引左入去。果然無令人失望😍 我地叫左兩款牛肋骨，$78 一大窩主菜牛肋骨、一碗白飯、一個前菜仲有得選擇再來一杯凍/熱特飲+$18 有一客大大隻雞翼（有柚子味選 好食又juice）無論賣相、味道、份量到一流👍🏻另外帶眼識男員工態度好好又友善，自己一個忙裡忙外又無黑面👍🏻整體用餐體驗非常讚不是一般商場餐廳交行貨，餐廳裝修都不錯既有特色又舒適， 俾個like👍🏻

今日係杏花邨行完山，到左新沙洞食lunch，午餐種類好多選擇，唔同既韓國菜式，石頭鍋鐵板都有。我叫左韓式炒雞肉配白飯，仲有碟小菜加飲品送。上到枱就真係大大碟，特別係新鮮炒起既雞肉好入味，而且雞同菜既份量都唔少，就算行完山好肚餓食完都覺得飽肚，好抵食！而且餐廳夠大，撞正lunch time好多客人都仲有位，疫情下唔洗搭枱真係食得舒適。

新年期間，因為探朋友難得要到港島杏花邨搵嘢食。 本身諗住都係啲難食連鎖餐廳，點知比我搵到間正正常常嘅韓燒！😍四圍都有好韓feel嘅壁畫，即刻我諗起好耐以前有一套韓劇，係講一個話呢啲人像嘅畫家媽媽🤣🤣不過好似真係好耐我同朋友兩個叫咗個豬肉拼盤、海鮮煎餅同韓式炒烏冬。泡菜煎餅同韓式炒烏冬食食吓唔記得影相🤣🤣豬肉拼盤，價錢正常，醃料豬肉味道都唔錯👍🏻泡菜煎餅，都幾厚身而且整得好香脆👍🏻海鮮炒烏冬好足料👍🏻👍🏻勁多八爪魚腳腳😍最後想講之前見到有食評寫拉麵好難食🤔🤔但我哋就唔見餐牌有拉麵，係得烏冬，問職員都係話只有部隊鍋有即食麵跟😝唔知係咪比人點錯相呢？

本住嚐鮮嘅心情打算去食下，平時都食完都唔會比評論。但呢間嘢嘅難食程度簡直係震撼人心，我真係未食過咁難食嘅拉麵。呢個價錢我係完全可以出去食好食好多嘅拉麵。個湯底一味得個鹹，仲要個拉麵係公仔麵質地。完全唔明佢憑咩收咁貴

除左蘿蔔湯牛肋骨，其他真係唔推薦…午餐價格算平但質素麻麻，千祈唔好加雞翼…食完今次應該短時間唔會再嚟，有個四眼哥哥態度唔係幾好，食個飯仲好似嚟受氣情願去小西灣食

今日點了一份蕃茄牛肉粉絲湯年糕，見到感覺幾健康又飽肚😂😂，上到枱賣相唔錯🤓大大碗但一開動。。。。個湯底超級甜😟好似糖水咁😳😳😳😳年糕就有啲煮得過時。。粉粉地不過啲粉絲就好爽口，都算係咁啦🤭

陪媽咪去完東區醫院覆診，諗住搵間坐得舒服嘅食肆，就搭咗的士去杏花新城(要大約$50)，行咗商場一個圈都無乜心水，於是食返試過一次唔錯嘅韓燒。🥢羊肉 $138⭐️⭐️⭐️⭐️呢碟羊肉係散叫，份量都算幾多，醃得幾好味幾入味，入口有些少羶，啱晒我胃口，不過食到後期，有好多超細塊碎羊！🥢午餐9 - 寡人燒烤 $80⭐️⭐️⭐️寡人餐真係好貼心，雖然質素麻麻，但勝在乜都有啲，雞、牛、豬、魷魚、素菜各兩件，仲包前菜、湯同白飯一碗，份量剛好滿足寡人。二人共消費：$240

落左杏花村食飯 呢度商場主力都係餐飲為主,樓下好多餐廳選擇今晚決定食韓餐 一條友走去食韓燒應該好少見吧!估唔到一個人食佢都照上足韓式漬物前菜,真係食完2件燒肉加生菜同前菜已經飽曬員工態度好有禮貌 幾款前菜有辣有唔辣,最好食都係泡菜 仲有芽菜,好開胃叫左一份韓燒厚切豚肉 個油花比例都幾高,燒起黎幾搶火,但食落肉味濃之餘有自然既肉甘甜味照習慣都係用鹽調味就夠,而家新式食法係生菜加泡菜加豚肉片一齊食有泡菜既濃辣又食到生菜既爽脆仲有豚肉既味道 口感豐富又唔會咁油膩下次會再試其他菜式,今次就幾滿意食材同服務態度新沙洞杏花邨盛泰道100號杏花新城地下G43B號舖評分7/10消費$220

9月4号下午到新沙洞食午膳，叫左豬肉豆付石頭鍋飯，等左廿分鐘仍未到，再催促才到，但非常失望，豬肉完全冇味，飯有燶味，反映比經理聽，只說吾好意思，未有任何補償，下次不再來

韓式炒牛肉配白飯　配餐湯加泡菜 $61 價錢合理 份量幾大 牛肉不過不失🙌韓式醬汁甜甜地咁 配埋白飯就恰到好處❤️韓式泡菜牛肉飯 配餐湯加泡菜有好多菜增添口感 牛肉不錯～ 泡菜汁甜甜酸酸 用白飯中和啱啱好😆茄子雞肉飯 茄子好入味 ❤️韓式海鮮烏冬$60 配餐湯加泡菜烏冬軟硬適中 如果海鮮配料可以更多就更佳～

上個月去king parrot 旗下某餐廳食飯，比promoter 游說join 會員。老實講，餐廳數目唔多，仲要比成千蚊做會員都唔係好抵。問promoter:而家疫情好少出街食飯，外賣自取有冇得用85折。佢話有我先join... 前兩日去杏花邨新沙洞外賣自取，叫正價主餐牌食物，職員話外賣冇得用會員85折。會員卡後面明明冇寫，原來要去網站睇terms and condition 先話外賣服務除外⋯⋯ btw... 咩叫外賣服務？外賣自取有咩服務？個外賣杯野飲包到45度傾斜，仲叫我小心啲拎就得。我面有難色，個女人就好晦氣咁問：咁洗唔洗再包過呀？我話最好啦，佢塊面即刻黑到炭咁。我發誓以後都唔會再幫襯king parrot 任何一間餐廳！！！

我地唔係住杏花村，入黎本身睇吓運動衫褲買嘢，行行下肚餓見到尼間韓國餐廳就試吓。😛侍應服務態度好好，令人有賓至如歸嘅感覺。👍🏻 最期待嘅栗子燜牛肋骨煲一上檯已經聞到牛肉嘅香味。啲汁仲滾緊🔥然後試一淡之後真係停唔到。🤤🤤啲蘿蔔嘅甜溶曬落嗰汁度，啲汁又索番曬入啲冬菇度，再加埋超好質地同口感嘅牛肉，真係超好味，滿足度100💯💯💯💯💯💯❤️

經過好多次啦午餐時間見客多，即管試吓佢。 點咗個芝士牛肋條炒辛辣麵。 等左好耐見前面遲過我入坐枱客兩份石頭煱類餐都上埋，我嗰份影都冇！吹咗兩次終於見佢熱辣辣噴哂煙就算數唔再炸佢型。 點知夾第一口食條菜先至知係燶㗎！ 唔係呀嘛！ 食多啖都係燶，有芝士都冚唔到！ 比機會佢再食多啖，D麵係發晒！ 再夾開D料睇吓，景然見到好很細塊紅色有D帶銀色反光東西好似錫紙咁.....係辛辣麵調味包裝！ 無辦法接受！ 今時今日都可以做到咁！叫咗經理埋嚟表示咗我嘅不滿，佢冇收我錢，Good Luck， 完！

同朋友黎食，叫左兩個燒烤牛肉同一個石鍋飯，個 牛肋骨肉條 超好食！好入味！一定要食！！！！牛舌都好有牛味～一定會再返黎有個女經理人好好！好有passion，到就黎俾錢嘅時候仲俾左個學生八折我地，因為佢下次一定返黎！如果個個服務行業嘅人都咁就好啦

話說疫情開始嚴峻，所以都揀尐少人啊，又近既地方去食，今次就揀左係杏花村呢間韓國野試下~係咪好好食呢？唔係，係咪好難食呢？都唔係不過人地可能係食鐵板野，lunch做埋咁解瓜牛More王三寶飯 $60牛飯，汁唔算多，係好普通既牛飯，就係咁嫩牛肉粉絲湯配飯 $63唔辣，又係好普普通通囉，可能反而就咁牛肉湯既仲有甜甜的韓國味~ 唔知啦～炸芝士年糕 +$18嘩! 呢個真係好唔ok, 油膩到一個點! 完全食唔落...炸雞翼三隻 +$18就係諗住個年糕唔得，所以試另一個，結果只係無特別overall,可能係街坊既，只要無期望就應該ok既，個湯都唔錯既不過不得不提... 因為我地兩個餐一人可揀3款諗住可以試多幾款，結果其中都覺得無特同伏伏地咁囉...