白熊咖哩 (Closed)

約左二名好友午餐自己唔熟地區，一早到，見到個餐廳無乜人但又好舒適，是吃日本咖喱的，相信會是一個好選擇入座見到餐牌，就頭痛，無乜野啱心水，價錢唔咪貴，但唔值我的是日餐湯，是我最愛的corn soup, 嘩！幾難飲的開粉湯，咖喱也是一般，總結是有失望我二位的朋友對我一樣，食物真的不好味這類型的店會聯想起 COCO Curry ...如相比，CoCo 有4星的話，呢間最多得1星 ⋯

第一次黎食，叫左個吉列炸蝦疏菜咖哩。中午好多人排隊，兩點黎食就差不多啦。都幾好味，熱辣辣上菜，啲吉列蝦好香好脆。但略嫌啲咖哩汁唔夠多。最仲意係啲咖哩入面有幾粒疏菜，食落唔會太"漏"。佢仲有好多款雪糕，下次要黎食

白熊除左咖喱外, 其實佢的北海道雪糕都好正的每次去開信德食飯, 都會留少少肚買杯白熊雪糕食雪糕有杯裝同筒裝, 筒裝會平D, 但杯裝會大杯D因為唔中意食餅乾筒所以每次我都揀杯裝 (綠茶味HK$25)綠茶味足夠, 牛奶味又唔會過重, 質地好軟滑25蚊一大杯其實夠2 個人分CP值高過好多綠茶雪糕專門店, 亦唔洗大排長龍

自小喜愛日本料理的TastyBuddy經常四出找尋出色的日本餐廳，上星期在上環工作時巧遇白熊咖哩，就立即被白熊的咖哩味迷倒。TastyBuddy和同事分別點了咖哩吉列豬扒飯和咖哩牛肉飯，白熊的咖哩十分濃郁，味道比一般餐廳好，吉列豬扒味道ok，豬扒夠厚，炸皮也不會離開豬扒。不過，咖哩牛肉飯就跟盅頭飯的肉餅有異曲同工之妙，外表不太討好。同事表示肉餅其貌不揚，但味道還好。總括而言，咖哩味道很好，吉列豬扒值得一試，而肉餅味道更勝外表，份量亦夠多。

本人很喜愛吃白熊咖喱，已經是第四次來了。^_^雞肉咖喱吉列豬排烏冬·吉列豬排-脆卜卜的，又不係太油膩·雞肉咖喱-香噴噴，鹹鹹地又不係說太鹹·烏冬-軟淋淋幾岩我炸雞脆卜卜，送出來的時候香噴噴，熱辣辣北海道牛乳Youghrt 冰冷的，吃到我起雞皮疙瘩 總體來說是很好吃的。 強烈推薦！

經過呢度, 見到佢地標示雪糕用富良野3.7牛奶個人口味叫左兩款試齊奶味濃郁, 有少少冰粒感, 不過整得都算幼滑但可能用富良野3.7牛奶所以蓋過左綠茶味無咩食到有綠茶味係當中, 但唔會話唔好食, 只係普普通通一個雪糕, 不過同平時十蚊幾球個啲當然無得比啦, 但佢呢個價錢就偏細喇個雪糕, 加上兩款味好似貴啲試原味可能更好

今日午餐想食好D, 選間貴少少, 但係極失望, 漢堡扒有筋,從未食過會UN既漢堡扒, 好難食, 全店最貴最難食, 落單前三思, 我而家係食唔落打呢份食評好想俾十個crying 服務態度又唔好

我很喜歡食咖喱，無論南亞式、南洋式、中式、日式我都很喜歡。所以，身體感覺良好的一天，我好多時會點上咖喱為我的中午時間充飢。是日，因為手上有一張保險公司送的 voucher，所以便專程來到上環的信德中心，找那指定的日式連鎖咖喱飯店，名叫《白熊咖哩》(シロクマカレー)。《白熊咖哩》，來自日本的北海道，據他們自家的網站介紹，《白熊咖哩》源自北海道當地的一間拉麵店，原本是該拉麵店的員工膳食，後來經由熟客同員工廣傳，令咖喱成為了拉麵店的名物，再而開始了《白熊咖哩》這一個品牌，並且衝出日本，在香港的屯門市中心開設了首間海外分店。執筆日又經過，可能是天雨關係，店子是絕對的人山人海，而我到的那一天，未到中午一點就直接安排到坐在吧檯位，食到近一點，又人山人海了，這可能是信德一帶比較少食肆的關係吧。那個指定的套餐，有一個沙律作為前菜，這是一個最簡單，任何人都識得整的沙律，雜菜、粟米加上日式沙律醬，已經令人覺得充滿和風。如果我說好好味、好好食，這就是哈日的力量。湯，是一個基本上只有麵豉的味噌汁，隱約中看到粟米粒。幸好味道可以，作為一個用餐的小配套，都接受到既。主食，就不同的，我面前的吉列豬扒奄列蛋咖喱飯，未

下午茶時間卻無下午荼餐牌, 散叫豚肉咖哩飯加吉列豬扒, 另加$20可選兩款:汽水, 湯, 沙律或 雪糕 (讚!), 咖哩汁足夠, 但內裡五花腩太肥, 完全吃不到, 豬扒也不錯。

個名好可愛既白熊咖哩,終於有機會食到了簡左$39蚊雞肉咖哩變套餐加$20加芝士蝦薯餅加$20佢地話咖哩無辛辣度既選擇,如果要辣,請自行加台面上既油先講咖哩,當然係日式甜甜地既風味,香料味不會重,係個平易近人既口味,但就真係好家庭既風味,好似我自己去超市買盒咖哩磚既感覺.再落埋那個油,落左好多,都只係BB級既辛辣....亦唔見得有咩特別.最神奇係塊芝士蝦薯餅送上來既速度,係食完個餅先黎....睇黎呢o的咖哩飯都係留番比白熊食....比較好

相信大家都知道正宗的日式咖哩飯是只有咖哩汁的飯，而且所謂的牛肉咖哩、雞肉咖哩、豚肉咖哩亦只是味道而已(肉的份量只有好少），如果要有肉做餸就一定貴少許，但我們同事有個好方法，叫咖哩飯之餘加個小食就最抵食又夠飽^^ 而且炸南瓜餅係超正^^結果一致通過全部一人一份炸南瓜餅^^ 香脆南瓜味濃郁，配上咖哩汁和飯一起一啖啖食真享受^^但這店好味的其實是免費添加的酸泡菜，有白菜、青瓜、香菇和小蓮藕片，混在咖哩汁中，味道特別香，特別開胃，好好味👍👍👍另外特別的辣椒油也要試啊，入口香，以為不辣，但其實辣油在喉嚨才有辣的感覺，所以係越食越辣的，試少許吧，有辣才是咖哩呢😜飯後一杯宇治抹茶紅豆特飲，耐唔耐獎勵一下自己吧😍

今天是我的長假期、最後一餐在香港吃的午餐吧~ 跟我姊和外甥一行三人先吃午餐再到澳門，本來是要吃拉麵的，但我的外甥被招牌上的白熊吸引了進來。店裡頭有不少與熊有關的裝置，就連桌子上都有小熊的掌印呢!我們點了兩個套餐，包括了兩個咖哩飯、一湯、一沙律、一凍飲和一雪糕，兩大一細根本吃不完，還害我到晚上也沒吃多少...這個咖哩芝士豬肉漢堡蛋包飯芝味不太濃不會太膩、蛋很滑、豬肉漢堡很厚實，裡面放了香菇。重點推介咖哩吉列豬扒蛋包飯，吉列豬扒很厚很鬆軟，牛肉咖哩味很夾，有空記得試試啊!

從澳門回到香港後，立即在信德中心覓食。首次來到白熊咖哩，感覺好像不錯。店內裝潢以熊熊為主，連餐枱上也有熊熊腳印呢，不過只是供應普通日式咖哩食物。每款都好像好吸引，最終單點了板燒雞扒咖哩飯。板燒雞扒咖哩飯貌相不錯，不過沒想像中般好吃，燒雞扒肉及皮都比較淋，而咖哩只得咖哩味，一點也不辣，而咖哩味道亦不夠重，整體不太難吃，尚算OK。而朋友點了吉列豬扒奄列蛋蔬菜咖哩飯，也覺得咖哩一般，味道不夠濃，不過幸好吉列豬扒脆口。

呢間店在上環開業不久，好容易發現，基本上由澳門回港，左望就見大大隻熊 ，本來無打算食，行到店前，望下餐牌，心思思想食，白熊咖哩特色是張張桌都有對熊掌印 ，之前青衣店食過一次，印象麻麻，肉似即食罐頭開，今次上環店試招牌菜吉列朱扒蛋咖哩飯，又唔錯 ，朱扒外香脆，內嫩，有肉汁，咖哩唔辣， 正宗日本咖哩味，另外叫了個白熊拼盤，有洋蔥圈，茄子，芝士條，餃子，芝士條好味 ，中間全是芝士，餃子都ok,但茄子和洋蔥圈油份太多，總結來說，食物質數都在合理價格內，而服務都尚可，員工友善，和帶笑容

通常d得意嘢都會吸引到我，今次都係被隻bear bear吸引來試，枱面有熊掌印好可愛呀Lunch set價錢由六十幾至八十蚊，加$10有小食。我要咗個什菌煙肉omelet咖哩飯，我初頭以為係蛋包住d什菌煙肉，原來係分開的，蛋炒得好滑好好味，什菌煙肉咖哩都好香，唔辣的，喜歡食辣的朋友這個絕對唔係你杯茶，不過我覺得好味！另加$10要咗個炸餃子，有3隻，係即叫即炸的，因為好熱，香脆。個餐包一杯飲品，有玄米綠茶、凍綠茶特飲或熱柚子蜜可選擇，我要咗杯凍綠茶特飲，原來係蜜桃味嘅綠茶，少少甜，清新。