白熊咖哩 (Closed)

通常d得意嘢都會吸引到我，今次都係被隻bear bear吸引來試，枱面有熊掌印好可愛呀Lunch set價錢由六十幾至八十蚊，加$10有小食。我要咗個什菌煙肉omelet咖哩飯，我初頭以為係蛋包住d什菌煙肉，原來係分開的，蛋炒得好滑好好味，什菌煙肉咖哩都好香，唔辣的，喜歡食辣的朋友這個絕對唔係你杯茶，不過我覺得好味！另加$10要咗個炸餃子，有3隻，係即叫即炸的，因為好熱，香脆。個餐包一杯飲品，有玄米綠茶、凍綠茶特飲或熱柚子蜜可選擇，我要咗杯凍綠茶特飲，原來係蜜桃味嘅綠茶，少少甜，清新。