職人壽司

Open Now

Now Closed

朋友介紹下黎慶祝生日，我哋兩大人叫左Omakase set, 兩位小朋友好在都有a la cart 叫烏冬、熟壽司。員工都細心，加茶都好密。第一道開胃菜係水母，酸酸爽爽第二係剝皮魚，用番個魚肝去漬個魚肉，有油香鰹魚味噌蒜頭（味道特別，唔會有辣味，同埋食完唔會口臭😂）、紅酒漬橋頭、牛蒡（個芝麻好香）、柚子蘿蔔（最清爽，我最鍾意❤️）刺身： 北海道活水足🐙- 3種食法，吸盤爽脆，中段腳位鮮甜彈牙，最後一段火炙過，帶香味蜜柑鯛- 條魚係食蜜柑大，入口柑味頗重，最後魚味先出黎好特別深海池魚- 上面放左少少薑蔥，食落好香口赤身、中拖- 唔識用食家既形容詞，但個赤身好好味，反而幾難忘生蠔- 海水味重，清爽，我個人覺得幾好，食完個中拖再食個creamy 生蠔應該會好溜帶子- 好新鮮，唔係急凍野，入口甘甜牡丹蝦- 上面有用蝦殼炒過既醬，隻蝦鮮味好出大拖- 油份重，入口即溶咁鯖魚卷- 呢個好好食，用紫菜包住食，紫菜好香，上面有層應該酸酸地既調味jelly咁，呢個散叫都係必食仲有海膽軍艦同個吞拿魚卷（下層吞拿魚蓉，上層炙燒過中拖）仲有湯同生果（蜜瓜、緹子同抹茶蕨餅）壽司飯用赤醋，所以好夠味，已經唔洗點用豉油

元朗廚師發辦職人壽司 呢間小店老闆希望用貼地價錢 提供 omakase 食材同服務 等大眾都試到香港比較少見嘅食材 （佢地ig不時都會更新食材資料 我望完佢地既影片 都比佢地吸引到）.呢日1800去到 佢地店面細細得幾台位置同吧台 好快就滿坐如果坐吧枱 同壽司師傅互動會多d同貴價omakase一樣 師傅會係你面前即製一件一件親手放上碟 再介紹食材望望餐牌見到好多係普通壽司店罕見既食材.呢次點左2個壽司set cp值高d 都係廚師發辦⭐️職人壽司八貫$178 今日有以下壽司日本文甲魷魚 三文魚 比賣知 鰤魚腩 火炙三文魚腩邊 汁燒赤蝦 中拖羅 拖羅蓉⭐️職人漁師八貫$288 今日有以下壽司北海道鮮帶子 魴鮄魚 蜜柑鯛 牡丹蝦 火炙金目鯛 深海池魚 中拖羅 三文魚籽.佢啲壽司飯用咗日本產嘅米飯用左非一般嘅赤醋 所以壽司顏色都比較深赤醋本身都有特殊嘅香氣 醋香突出所以全日壽司其實唔點醬油 味道都已經好有層次.今日覺得特別 個人最鐘意既幾款係👍🏻蜜柑鯛特別之處係 呢條魚由細食蜜柑食到大 魚肉真係帶有少少果香 有驚喜👍🏻牡丹蝦 本身已經好鮮甜 師傅用番佢本身既蝦殻炒香 做左個蝦粉 同蝦膏豉油係表面

元朗廚師發辦職人壽司 呢間小店老闆希望用貼地價錢 提供 omakase 食材同服務 等大眾都試到香港比較少見嘅食材 （佢地social media不時都會更新食材資料 我望完佢地既影片 都比佢地吸引到）.呢日1800去到 佢地店面細細得幾台位置同吧台 好快就滿坐如果坐吧枱 同壽司師傅互動會多d同貴價omakase一樣 師傅會係你面前即製一件一件親手放上碟 再介紹食材望望餐牌見到好多係普通壽司店罕見既食材.呢次點左2個壽司set cp值高d 都係廚師發辦⭐️職人壽司八貫$178 今日有以下壽司日本文甲魷魚 三文魚 比賣知 鰤魚腩 火炙三文魚腩邊 汁燒赤蝦 中拖羅 拖羅蓉⭐️職人漁師八貫$288 今日有以下壽司北海道鮮帶子 魴鮄魚 蜜柑鯛 牡丹蝦 火炙金目鯛 深海池魚 中拖羅 三文魚籽.佢啲壽司飯用咗日本產嘅米飯用左非一般嘅赤醋 所以壽司顏色都比較深赤醋本身都有特殊嘅香氣 醋香突出所以全日壽司其實唔點醬油 味道都已經好有層次.今日覺得特別 個人最鐘意既幾款係👍🏻蜜柑鯛特別之處係 呢條魚由細食蜜柑食到大 魚肉真係帶有少少果香 有驚喜👍🏻牡丹蝦 本身已經好鮮甜 師傅用番佢本身既蝦殻炒香 做左個蝦

呢間係朋友介紹其中一間元朗壽司 唔知係咪因為平日 所以無乜人一黎到已經有位Menu 午餐由平到貴都有 $100-$400揀左 火灼丼同雜錦魚生丼午餐包前菜同甜品 （ 冇影相）火灼丼份量比較小 兩片火灼左口魚 兩片三文魚同兩隻甜蝦男仔食既話應該會唔飽雜錦魚生丼 兩片吞拿魚 兩片三文魚 三隻甜蝦 兩片金鯛餐廳食物質素平平 不過不失

極嚴謹製作🍣超平民價錢 食到Omakase級用料！-唔知大家有冇試過，食完一間餐廳後，好想叫哂身邊啲朋友黎食，呢間小店就有呢種感覺。小店走貼地路線，師傅同客人打成一片，冇傳統Omakase嘅隔膜。而最緊要價錢一樣貼地，老闆話佢地嘅宗旨，就係想大眾都可以食到Omakase嘅魚料同製作。-🍱職人壽司八貫 ($288)- 蜜柑鯛、鰤魚腩、深海池魚、北海道鮮帶子、火炙金目鯛、牡丹蝦、中拖羅、三文魚籽1️⃣一睇就知，唔係一般壽司店用料，飯亦用上赤醋飯，每件都經精心設計，唔係普通刺身搭醋飯。2️⃣例如牡丹蝦，以蝦殼磨粉提鮮，深海池魚配上特調薑蔥蓉，鮮帶子紋理盡顯刀功，款款都極為精緻。3️⃣而如果係Bar枱，師傅同Omakase一樣，係食客面前即製，親手放係碟上，再介紹魚料，真係非一般。-🍙卷物：🥢磯燒平貝海苔卷 ($68)同樣係Omakase先較常見嘅用料，Size巨型，切片磯燒，同鮑魚同一道理，更突顯鮮味。🥢京都鯖魚卷 ($68 兩件) 師傅特地介紹嘅招牌菜，鯖魚經過長時間鹽壓同醋漬，以白昆布片提鮮，而所有紫菜亦經過烘脆，完全體現匠人精神。🥢火炙大拖羅卷 ($158)連拖羅魚油都用埋，拌以一同調味，配上魚蓉

第一次食呢間店 朋友介紹Omakase 抵食👍🏻估唔到元朗都有好野 食材新鮮 賣相精緻 員工態度好好 以$888價錢食到Omakase 又比想像中好好，一路食一路傾下計 原來都好飽！在元朗其他較出名嘅日本食店，價錢多一倍，呢度抵食又有驚喜，值得推介比朋友，食店座位不多 記得訂位！見到其他客人散叫食物一樣吸引 絕不馬虎 食物質素好好 我下次一定會再來！最後…..食嘅時候當去咗個日本旅行嘅感覺，咁嘅價錢 值得呀⋯⋯下次叫其他朋友仔一齊食

今次會介紹元朗較為小眾嘅omakase💁🏻‍♀️首先會介紹我嘅餐 — 職人·樂飲食記錄：職人·樂包括- 前菜- 時令小食- 10貫壽司- 香蔥拖羅蓉海苔卷- 味噌湯- 水果拼盤壽師司傅感覺好親切，所以今次用餐體驗幾relax，無特別記食物名，憑記憶及相片應該係（上菜次序由上至下、左至右排列）：① 依助木魚壽司② 彷彿壽司③深海池魚壽司④ 燒金線魚壽司⑤ 魷魚壽司⑥ 瀨尿蝦壽司⑦ 🐟壽司⑧ 赤身壽司⑨ 中拖羅壽司香蔥拖羅蓉海苔卷水果拼盤有網紋蜜瓜及火龍果整體而言，壽司整體表現平穩，雖然有較出眾嘅中拖羅壽司坐陣😋(入口即化，啲紋理好靚）但大致無好驚艷嘅感覺，以及瀨尿蝦質地實在硬實唔討好🙈 食嗰陣無數住食咗幾件壽司，睇返啲相先知俾漏咗一件😀印像最深刻反而係前菜及小食，睇到師傅嘅心思，但調味略嫌太重😅但都考功夫嘅👍🏻前菜係酸汁拌昆布絲昆布絲滑，但酸汁有啲太酸時令小食係魷魚麵🦑我係好鍾意食魷魚麵嘅，依度魷魚麵質地係我鍾意嘅質地，夠爽，調味都幾清新帶少少酸，但係海膽略嫌帶少少腥味(我好敏感依隻味)小食及味噌湯調味都係較重嘅😀男朋友揀嘅omakase係職人·天。據男朋友提供嘅意見，整體而言，職人·天表

用既料料好新鮮🍣🦪🍱，價錢亦都便宜（食個lunch set同係連鎖店元x食既價錢差唔多）。性價比非常之高👍🏻有評論話等餐太耐，🤔要快不如食M記？或者食返連鎖迴轉壽司店自己拎擺左好耐既壽司？而且見佢地都真係跟住每個先後order去出餐，侍應亦都有留意客人需要，不斷添茶🍵。雖然佢地鋪仔細細，但咁樣先好，人手足夠照顧到每檯客人需要。唔洗搵極都搵唔到侍應落單😊個啲就真係好浪費時間～🥀會再幫襯～

最近系openrice發現元朗比較新開既壽司店 睇相睇食評好似唔錯既小店 早兩星期透過openrice book位Book左12:30 去到既時候話要等一等 等一等變左20分鐘 甘請問我book位嚟做咩呢？🫣到到入座時 甘岩有人叫外賣，個店員就理叫外賣既客人。我哋坐低左完全冇人比menu，冇比茶我哋 ，10分鐘有個店員問我哋落咩。我連menu都冇 我可以點咩餐😆😂😂？最後叫左兩份職人壽司盛 12:58落單 等左15分鐘男朋友就問幾時野食，店員話整緊 因為店得兩個司傅要等🫠 再過多15分鐘先上個前菜，十分鐘後先上麵豉湯（仲要唔太熱的） 飲梗湯果陣就好快上左壽司（突然又好快）我同男朋友好快食埋個蜜瓜就走左本身睇食評以為有Omakase食 打開到見到個但去完全另一回事，所以冇食到$420嗰個餐由我哋開始坐低叫餐同埋走嘅時候，都不斷有客人係叫外賣。見到佢地出外賣仲快過出堂食😕如果我一心係去佢間舖食omakase一定唔知會等幾耐先食到 （根本就唔係omakase店）食物方面真係好一般 未至於好似openrice上面啲食評話好好食會再返轉頭，好似食梗park n shop😅😅😅 服務方面都唔算話好

—有日買嘢買到過晒鐘好彩餐廳下場時間係4點趕得切食返個午市定食有埋前菜 麵豉湯 水果三文魚吞拿魚蓉丼($78)本身以為係成個set一齊上點知係逐款嚟 前菜係胡麻豆腐之後先上丼飯魚生食落都幾新鮮冇腥味赤醋壽司飯?! 均勻上色但可以再酸d醋飯嘅溫度可以再攤涼d麵豉湯食到有牛蒡最驚喜係水果盤 令人滿足的一人份午餐其實幾抵食又唔洗加一————————————————————職人寿司元朗西菁街23號富達廣場地下1號舖

元朗區好少有omakase，就算有都係勁貴嗰啲，難得有間抵食嘅omakase，梗係要去試吓。雖然係小店，但睇得出師傅好用心，除咗用心處理每道菜式之外，仲好耐心咁介紹啲食材😊當日啱啱有新鮮嘅魚從日本送過嚟，而吧枱嘅位置有個好大嘅凍櫃，可以睇住師傅將啲魚一條條處理好再擺入個櫃嘅成個過程😍前菜有兩款玫瑰花瓣芝麻醬豆腐 -- 加咗玫瑰花瓣真係會多一重口感，增添花嘅香味，幾特別。用柚子醋醃嘅八爪魚、榮螺 、昆布 -- 柚子味好香，醃得好入味，酸酸地好開胃。岩手縣米崎蠔 -- 殼比較簿，肉就好厚，好肥美，日本蠔通常都係比較鮮甜，少啲金屬味，師傅係上面加咗少少蔥花，口感清甜。刺身新鮮日本帶子 -- 勁鮮甜，同平時食嘅急凍帶子真係唔同，仲食得出一絲絲嘅口感，好正。目鯛 -- 師傅將層皮用熱水淥咗下，有燙傷嘅口感，而肉係生嘅，好香好特別。三文魚 -- 一向鍾意食厚切三文魚，口感肥美香味十足。漬物牛蒡 -- 平時都鍾意食牛蒡，爽口嘅口感，食到最後帶少少甜味。木魚蒜頭 -- 估唔到蒜頭可以咁爽口，個汁醃得好好味，平時唔食蒜嘅人都會鍾意，好正。壽司新鮮赤貝 -- 好新鮮好彈牙赤蝦 -- 好厚肉，勁彈牙，好好味

2022 年親民級貼地呈獻嘅元朗小店🥳重要野講左先! 試業期間凡叫廚師發辦套餐，一律第二位做優惠半價😮🎉(最後兩天至2/1)即係以$680最高質一個餐為例，兩位只要平均消費$510! 就食到圖中嘅高質Omakase啦👏店主話因應1月中來貨價錢提升，整體價位亦會稍為提高，所以機會難得要早訂位啦💪話時話小編於元朗食廚師發辦都係第一次，熟悉元朗Omakase對某幾間始祖店唔會陌生，而今次新開業只有兩星期的職人壽司，有別於行高價位路線嘅一位難求旺店，反而行親民貼地人人都食到嘅優質套餐。事源原來係鐘意食壽司的店主，與認識十多年的總廚合夥，為求令區內街坊及外來客能夠隨時食到既經濟又高水準的新鮮食材。壽司師傅10多年做壽司經驗，加上店主親自搜羅品質好嘅日本來貨，論CP 值非常高，處理食材工序上的細心亦令人十分滿意。職人。天 $680推介:⭐️⭐️⭐️⭐️⭐️📸前菜先付是冷豆腐上面加上胡麻醬汁，而且加了玫瑰花令其芬香美感提升。小鉢是來自日本的木魚醬油茄子。📸日本之水產: 北海道仙鳳趾生蠔🦪 海中牛奶之稱的仙鳳趾肉身肥厚，鮮甜滑口，上面加上蔥花辣椒蘿蔔，師傅另加了滴酸汁令其提鮮。📸漬物：胡爐瓜&蒜頭漬 用麵豉及木

朋友介紹元朗新開一間Omakase, 價錢平民，食材新鮮，值得一嘗。聖誕前夕決定出馬，打電話預約暫不困難，輕鬆預約聖誕前夕食一餐好。當天準時到達，也許因為天氣較冷，並不是太多客人，幸運地服務員安排坐吧枱位置，並熱心介紹，餐單上有兩個套餐選擇，價錢約$400-700，亦可散叫。因為我們不好酒，聽到鄰座說，餐廳暫未有酒牌，想要飲酒嘅人可能要自己準備。我們一行二人都選擇了套餐「職人．天」套餐先上前菜、小鉢、漬物牛蒡絲、玫瑰花胡麻醬冷豆腐、味增漬大蒜、柚子醋白蘿蔔再來是日本水產，師傅讓我們自行選擇想要生蠔或者白子，我們點了不一樣的，好試試不一樣的東西。接着是一大盤的刺身，這份量是真的很足夠，食材也是妥妥的新鮮，平時很討厭吃赤背的友人盛讚這個赤背是鮮甜而不腥進入戲肉～壽司環節，師傅先細心問我們需不需要芥末，並逐件壽司介紹，這邊很抱歉忘記拍了一件非常好吃的灼燒吞拿海苔卷少不了的靈魂海膽丼，鮮甜無比～吃的飽飽，送上熱辣辣的味增湯，溫暖我的胃。最後用時令蜜瓜、果物為這一餐畫上完美句號。各方面都好評～這價錢就真的CP高，相信很快會越來越難預訂😂

無意中經過新開日本餐廳，看了午餐價錢合理入去試試，質素高質午餐包括前菜，湯，主食和水果。魚生很新鮮，壽司飯用糙米煮成，軟硬度適中，價錢由78至148左右好抵食。