尚點 小籠包.上海麵館 (置富第一城) (Closed)

話說同老媽子上次睇完醫生就去咗呢度食晏，媽媽鍾意咗佢地嘅麵食，我就話下次再嚟。咁昨日就同媽媽加工人姐姐三人去食，因為媽媽對腳無力，需坐輪椅，咁有個著白衫四眼仔（已記不清有無載眼鏡），一見我地就話，有輪椅坐門口啦，但明明大把位，做乜要 set 我地坐門口，咪阻住人囉（證明呢條友唔識安排位，點做飲食呢行呢？！）仲未完，跟住就拉枱，當佢拉好我地被安排入門口左手邊第三同第四張二人枱，我就 set 好媽媽坐（媽媽係坐在輪椅，我係泊佢張椅去fit 張枱），泊好之後，我就拉開隔離張枱入去坐，但我坐底後，條友又嚟拉我 set 好媽媽嗰張枱話我有客可以坐隔，咁你咪拉返開隔離張枱囉，做乜要拉你之前拉好嘅第三張枱呢，係咪玩嘢呀！淨係話我有客可以坐隔離，但係當時係20%入坐咋咊？！你係咪唔鍾意人哋老人家坐輪椅，所以特別製造麻煩呢，勁趕客！！請記住，飲食業，除咗味道，服務態度好重要！各位請記住，如果有坐輪椅屋企人，請三思去唔去呢間店！我就已經幫佢寫咗「句號」🙅‍♀️

前排入左沙田探親，大家都話好耐冇食上海菜😁於是就去左附近呢一間上海菜館度踩場😎🔹金網生煎鍋貼：賣相好特別，真係第一次見😍鍋貼皮唔會好厚，連埋金網一齊食，口感變得脆口👍🏻入面啲豬肉餡仲好juicy添🤤🔹香煎牛肉包：包底因為煎過，所以食落外脆內軟😍入面嘅牛肉餡仲保留咗有肉汁🤤味道唔錯！🔹招牌小籠包：同普通版嘅小籠包有少少分別，呢個入面就加左姬松茸🤩食落味道更鮮，仲帶有菇菌嘅香味！🔹上海擔擔麵：有好濃郁嘅花生香味，帶有小小辣味，食落都幾開胃👍🏻湯底唔會太稀，亦唔會太杰☺️調教得幾好🤩🔹紅油抄手：呢味菜最考功夫嘅係個辣汁！而呢間嘅辣汁我就覺得一般🤔 咸左少少！🔹菜肉餛飩麵：呢個真係普通到不得了😪賣相同味道都冇乜特別😓同係屋企樓下商場食果啲差唔多，唔建議大家試😑整體都唔錯！價錢仲唔會算貴😎環境算係幾好，但枱同枱之間嘅空間唔算好闊，有少少壓迫感🙄評分味道：4/5服務：3.5/5環境：3.5/5性價比：4/5回頭率：4/5

今晚家庭飯局，由於有長輩出席，那當然要揀吃中菜啦。最後，我們一家人選擇到上海菜館「尚點」慶祝父母結婚週年紀念。菜單選擇多元化，有麵食、菜蔬、點心、湯羹和小菜等。剔好食物，交給侍應，不一會佳餚就逐一上場。雞絲粉皮（$48）粉皮滲出啖啖麻醬香味，作為前菜很開胃！尚點招牌小籠包（$56）一籠四粒，皮薄汁多；跟普通版相比，招牌版加了姫松茸，多一份清香！生煎包（$40）包底佈滿芝麻，煎得香口；豬肉餡料肥瘦啱啱好！香煎牛肉包（$42）皮脆金黃，牛肉餡料帶少少辛辣，很惹味！豆沙鍋餅（$40）即叫即造，新鮮熱辣，放入口時小心被豆沙蓉辣親嘴唇！元貝賽螃蟹（$88）蛋白香滑，清新的味道混有元貝鮮味！蜜桃咕嚕蝦球（$98）季節限定，以蜜桃伴蝦球很少見；跟菠蘿相比，蜜桃的甜中和了咕嚕的酸，味道更夾！金華火腿津白（$65）娃娃菜煮得很稔，少吃菜的我都覺得特別易入口！跟大商場的上海菜館相比，住宅區的價錢較親民，每人150元左右就可以吃到飽，抵！

一周內兩次專程和家人乘港鐵去幫襯！印象甚佳。一般的上海菜，對廣東人口味來說，會有點偏甜和多油；但這間的不會。感覺健康、清淡和美味間，取得很好的平衡。西湖牛肉羹、油豆腐粉絲湯、雞火炒飯、牛肉包及豆腐花等等都非常值得推薦！燻蛋則略遜色。不過論起位置來，較難找；第一次去，拖著兩個七旬老人家，竟在商場兜了兩三圈，最後要問清潔阿姐才找到！原來在商場洗手間左邊角落。裝潢尚新淨，座位間隔也合適舒服，晚飯過了七點就座無虛席。

点菜，加水，买单 🙌举手都看不见的吗？？？？？？？都买完单了，还不给加水？？？？还是旁边的小姐姐人好，帮忙用粤语叫服务员！！！感觉到被歧视！！！再也不来了。味道也不怎么样，小笼包里面好多肥肉，葱油饼真的不是饼

媽媽話今晚不想煮飯，輕鬆地出街食，就相約我去到家裏附近沙田銀城街置富第一城（尚點 小籠包.上海麵館）食上海嘢，餐廳十分寬敞同時坐得十分舒服，交通也十分方便係馬鐵第一城站落，再行幾分鐘便到達，食完飯又可以輕輕鬆鬆行下商場。鮮肉小籠包$42每籠四隻，最好就係小籠包上枱時仲係熱呼呼的，皮薄肉香，湯種爆瀉，仲可一口一隻，食在口中十分有滿足感 ，超正。蔥爆牛肉，將大量香口的京蔥再配上軟滑淋的牛肉一起爆炒後，而醬汁又剛剛好，令到牛肉十分惹味。上海擔擔麵，麵條煙韌十分 清甜，湯底配料分別有花生碎、肉碎、蔥花，將擔擔麵拌勻後先食，更加入味。餐牌上的食物，有好多種類同款式，而且仲係每樣都細細碟，最重要是可試多幾種味道時而又不會浪費食物，真是兩全其味值得 一讚。

媽媽話今晚不想煮飯，就去到家裏附近沙田銀城街置富第一城（尚點小籠包.上海麵館） 食晚飯， 餐廳地方寬敞坐得十分舒服，喜歡餐廳的食物每樣不會太多太大碟，對於細食的我們，最好不過就係試多幾款， 又不會浪費食物。鮮肉小籠包$42 湯種滿瀉，皮薄鮮甜， 最重要係夠熱辣辣。上海擔擔麵$58 麵條夠煙韌 湯底加有花生碎、肉碎、蔥花等。蔥爆牛肉將大量京蔥再配淋滑的牛肉炒，十分惹味。餐牌上的美食有很多款式，而且係每樣都小小碟，方便試多幾種味道。

開學後小編少左出去食好西，平日食lunch通常都係頹頹地附近解決～ 不過講真第一城黎黎去去都係食嗰幾間😂，今次介紹嘅尚點係其中一間餐廳，主打上海菜，呢度嘅午市一人套餐好豐富，無論係前菜、主菜、定飲品都選擇多多。先講前菜，小編最喜歡就是涼拌粉皮，食落滑溜溜，花生醬都好香～ 好開胃！主菜方面，我地叫左嫩雞煨麵、擔擔麵、雪菜肉絲炒年糕一齊開心share。嫩雞煨麵唔錯，雖然雞肉唔算嫩，但勝在夠清，湯底都好好飲；至於擔擔麵，唔食辣既小編好欣賞可以揀唔辣，食落花生醬好濃郁；炒年糕係煙韌控之選，好好咬口！總共有成10款主菜配搭可以揀，唔夠仲可以加小食添，試過紅油抄手都幾正！再加埋個養顏既黑芝麻豆漿做飲品就perfect池啦！

放工後一家人只想快速醫肚，在第一城有好多餐廳，今日好想食小籠包，所以就揀左呢到食飯。一行4人叫了一個三餸set，包括兩個小食、一個湯、三個主菜、一個炒飯/麵，同埋一款甜品。個set只需$395蚊，價錢麵算ok可以接受。小食我地叫左蒜泥白肉同生煎包。蒜泥白肉唔夠蒜亦不夠咸同酸，略為失色！要再另加醋先好咪少少。肉也不夠薄，有d厚身。反而生煎包非常有驚喜！包身軟熟，唔會硬，調味適中，又唔會太咸。雖然只煎左底面，但我覺得剛好，起碼唔會成個包都係油！粟米魚肚羹，少粟米，過咸，麻麻地。椒鹽排骨，呢個反而唔夠咸！不過不失啦！回鍋肉，有屋企自制既感覺，好似少左d野，但又講唔出少左d咩甜酸炸魚，反而呢個值得一讚！魚塊炸得香脆！吸左汁亦唔會變得林晒，仲可以keep到個脆度！可以一試呢個餸！老上海炒飯，比較油！同咸！食完狂飲水！木桶即製豆腐花，本身已有甜味，可以不用再落黃糖，口感順滑！我地另加左客小籠包，size都算大粒，亦多湯汁，但就冇一咬落去會嘩既感覺，不過不失。街坊醫肚黎講都可以接受，但調味一時太重手，一時輕手就需要改善！

呢日要去沙田呢邊出席一個教班活動，完左之後就跟左同事黎到呢度食上海野~~除左可以散嗌食物，中午時份亦有套餐提供！！睇完meun之後，我要左個N2既“雪菜肉絲炒年糕”HKd$62+10%之後要左兩籠小籠包一齊share先到既係跟餐既是日前菜“麻醬粉皮”之後我個“雪菜肉絲炒年糕”都好快送到上黎份量唔少啵，除左肉絲同雪菜，仲有d筍絲添！！Q軟既年糕夠飽肚跟住就到我地所嗌既“鮮肉小籠包”HKd$42+10%同“尚點招牌小籠包”HKd$56+10%每籠四顆，兩款都皮薄内多汁而兩者既分別就在於後者加入左方魚同姬松茸，所以食落既味道更鮮，仲有散出其菌香跟餐可以加20蚊有兩件高力豆沙做甜品，當然不能放過啦最後再飲埋杯豆香十足既凍豆漿，超滿足

呢排好友忙緊一個大Project，我就多了跟佢入沙田食食食~~~沙田置富第一城的尚點位置都算方便，鐵路站行去都只係幾分鐘，裡面的座位都算舒服~~~我和好友點了二人自選套餐~~~粟米魚肚羹，魚肚唔會韌，食落咸度適中，份量比較多，可以分三、四碗~~~見到夏日優惠豆漿$20/2杯，我和好友分別點了豆漿和黑芝麻豆漿，甜道適中，飲落有淡淡的豆味，感覺不錯~~~金網生煎鍋貼，原來金網係一塊黃金色的薄塊，感覺好脆，跟它相連的鍋貼食落肉夠水份唔會乾，味道幾好~~~上海粗炒，這個炒到不太油，我和好友吃了感覺有點飽肚~~~蔥炒牛肉，這個牛肉厚薄適中，食落感覺都算夠穫氣~~~在店內發現只要做了問卷就可以獲得甜品一份，所以乘機做了~~~免費甜品係椰汁糕和桂花榚，好友初初誤會係套餐甜品= ="豆沙鍋餅，上碟時感覺幾熱吓，由於係即叫即整，個人建議趕時間的話，最好早一點叫服務預備，感覺豆沙夠蓉，食落感覺唔太甜~~~，剛剛好這店整體感覺不錯，有機會可以再光顧~~~

今晚好想食上海味道的晚餐，三人行來沙田的「尚點」。 天氣悶熱，先來醒胃前菜，鎮江排骨$52。再來一客香煎牛肉包$42，每人一個啱啱好，牛肉包香氣熱騰騰不油膩，肉餡鮮美有肉汁，並帶有少少辣味可以刺激味蕾。清清地的津白肉絲湯年糕$56，奶白色湯底很惹人喜愛，湯味清甜柔滑最宜配年糕一起吃。 津白肉絲炒年糕$65，獻汁味道香濃恰到好處，不會過鹹！上海排骨粗炒$82，有肉有菜有冬菇，排骨啖啖肉又嫩滑，上海粗炒很受港人喜愛，加埋排骨口感更豐富！

TGIF好耐冇陪屋企人食晚餐黎到第一城嘅尚點 人氣都幾高座無虛席 好彩有訂位先唔洗排隊.元貝賽螃蟹🦀️可謂功夫菜整得好滑啊 味道都岩岩好 賣相好靚同平時食嘅唔同 少了一個蛋黃反而灑左好多元貝絲 鮮味十足仲有數隻蝦仁 幾爽口彈牙.招牌小籠包💛黃色架食親中菜都會叫 好考師傅手藝呢度都算皮薄多汁饀足 可以一試.蒜泥白肉🥓份量好多腩肉煮得好爽口 辣度適中配合蒜泥好惹味 岩哂重口味(氣)人士.金網生煎鍋貼🥟好吸睛個金網真係好靚 鍋貼煎得夠脆.紅燒獅子頭🍢少少失望呢個就同預期有出入…獅子頭消失了？由球狀變左肉餅 聽人講係因為轉左師傅但味道係okay 希望可以改變一下啦之後.只要掃QR code填寫意見 就會有甜品送好正啊 feel到佢地用心聆聽 想不斷進步👉🏻桂花糕&椰汁糕 好香又足料免費黎講真係滿分💯唔可以要求太多.環境幾乾淨 牆貼滿了老上海的照片每枱之間有足夠空間 裝修以白色為主所以坐得舒服唔會迫 適合慢慢食 傾下計.店員手腳幾快 上菜/加茶都唔洗等好耐同食客關係不錯 有講有笑 有機會再食

那天下午在沙田第一城逛逛走行到餓餓地一於去尚點吃個午餐🙋‍♀️🙋‍♀️🙋‍♀️叫了一個唐芹水餃麵套餐 ($52)前菜🥗 + 麵 (粗/幼麵)🍲 + 湯羹/飲品🥤前菜: 涼拌粉皮 🥣涼伴粉皮上枱時是微暖的，不是凍冰冰的但正因為佢是暖暖的更方便將麻醬拌好🥢均勻的撈到每一條粉皮也有醬汁亦是因為粉皮微暖麻醬的香氣更特出~~~🤤🤤🤤麻醬粉皮配上爽口的青瓜絲🥒很不錯~好吃~🤗🤗🤗唐芹水餃麵🥟🍲唐芹水餃共有4大粒~餃子皮厚度適中，餃子餡有唐芹香也有肉汁~~但味道較清淡~~😗麵底則叫了粗麵即是上海粗炒那款麵，麵質彈牙有嚼勁~~~麵量對女士來說剛剛好😬😬😬但對男士來說則應是輕食午餐一個不俗的選擇~~😝P.S.朋友的前菜是涼拌茄子🍆味道也是不錯的🤭🤭🤭

踏入6月, 天氣熱到唔會想喺屋企食飯, 梗係出街嘆住冷氣食😌. 同屋企人例牌中餐, li間都食過好多次了.>自選尚點涼菜 (HKD65)我地揀左燻蛋, 涼拌海蜤, 雞絲粉皮, 燻蛋勁流心呢仲有少少微燻味; 海蜤同雞絲粉皮就一貫水準好味. >尚點菜肉炒飯 (HKD65)連阿b都食哂一碗仔即是真係好好食, 佢嘅小棠菜切得平均食起上黎有口感, 飯粒炒得均勻, 當中火腿味道仲醎香十足, 食哂見到碟上無咩油.>尚點招牌小籠包4件 (HKD56)咦個小籠包好似好黃色？肉汁係勁豐富gei.>上海菜肉大餛飩6件 (HKD38)推介, 每粒餛飩都足料勁大粒, 肉味好重, 紫菜蛋絲湯底清清的好啱飲.>炸銀絲卷 (HKD28)熱辣辣嘅炸銀絲卷外皮金黃脆, 點煉奶超正.>麻醬拌麵 (HKD42)好重麻醬好好味, 撈匀啖啖麵都充滿麻醬味道, 麵質好厚實添, 飽肚之選.>豆沙鍋餅 (HKD38)飯後甜品YummY好多豆沙呀.