順記潮州飯店 (Closed)

一早訂左2圍,一行20幾個親戚6:40p.m.到,先飲番杯潮州嗲,唔係好夠味,但d酸菜就好好食喇,食完再要多碟~間鋪寫住潮州私房菜,地方細細,加埋都無10張枱,得兩三張大枱,雖然地方唔係咁好,但係睇得出呢度間係一間老字號~d野食既價錢都好經濟,$1480倒2大圍~order左十幾樣野,大致如下:1. 豬頭&豬腳凍(我覺得頭好過腳,因為有口感多d)2. 鵝中mix豆腐(咸左d)3. 墨魚mix豬腸胃病花生(d汁咸左d)4. 煎蠔餠 (多蠔好食,唔會太多粉漿,煎得幾干身,唔會油立立,食完碟底無咩油)5. 煎水瓜洛(好好食,水瓜新鮮有d甜味)6. 大芥菜排骨煲(芥菜好"林"好好食,個湯好鮮甜,因為有金華火腿)7. 蠔粥(大大鍋,好鮮味)8. 牙帶魚(有d汁,有芹菜&大蒜,好味) 9. 海參鵝掌煲(咸左d)10. 蝦"早"&蟹"早"( 即係炸蝦膠&蟹膠,蟹膠較好味)11. 胡椒豬肚湯少辣(雖然叫左少辣,但依然辣,但幾惹味,豬腸多但豬肚較少)12. 水晶包(即蒸即食12個,size細細粒,豆沙蓮蓉各半)13. 綠豆爽清心丸(熱食,d清心丸唔係太好食,合成好好多)P.S.有位亞姐講潮州話,感覺好親

wah. this is a very nice and good restaurant, with the most traditional Chiu Chow food. All the dishes are very delicious, esp the soup and fish noodles. the price of the food is very reasonable.. hahahahha

呢間打冷店一D都唔起眼，正常行過你都唔會為意，但我每隔一排就會掛住佢地整既蠔餅，真係好好食，唔油，有蠔味，啖啖蠔口感一流，唔似第二D潮州食店咁，似食炸薯粉多過食蠔餅，好多時2條友去都要食一餅，重要唔係細碟個隻，最離譜重只係三十零蚊碟。除左蠔餅外，佢地炒既菜既味道，我覺得好食過好多大酒樓，我既推介係川椒雞，水瓜烙，胡椒豬肚湯，春菜煲。不過我覺得佢地D 鹵水野就無乜特別，唔會話勁好食，亦唔會唔好食，OK咁啦。每次3~4條友去，個個食到捧住住個肚出來，都係兩百零蚊埋單，只可講句"平靚正"。

不日食潮州菜會覺得好油, 不過今次食, 感覺完全不同. 我推介水瓜烙, 好好味!糖水都好正, 有個馬蹄xx綠豆..唔記得個名.. 好好味! 好清, 夏天食真正!