SHY Dance Cafe (Closed)

下晝出去做野, 有時間又經過駱駝漆大廈， 就去咗shy dance cafe食啲嘢， 唞一唞！ 佢喺一樓，旁邊有樓梯行上去唔使等lift好方便.閒日下午茶時間唔多人，一到就有位。 散叫咗份蛋牛治烘底， 一落完單，幾分鐘就有啦， 即叫即整， 上到台仲熱辣辣，好嘢！望到份蛋牛治好開心， 因為好厚好足料， 牛肉滿到瀉咁濟， 拎上手嗰陣牛肉汁嘅香味，堅離地三尺都聞到。香！牛肉汁點滴地滴到碟上，好juicy ! 一口咬落去, 牛肉嗰份澎湃 多到由口兩邊瀉出嚟， 好欣賞多士及蛋能將牛肉嘅汁充分地吸收鎖住， 能夠食到牛肉之餘，多士及蛋都好有牛肉汁嘅味。 本身個炒蛋係冇乜味，但 吸收咗 牛肉汁嘅鹹味之後， 令到成隻蛋嘅層次豐富咗， 呢份蛋牛治都幾好食！

午餐食得唔太飽, 於是揾間餐廳食下半場, 突然間想起有家新派茶餐廳“SHY Dance Cafe.”認識這間茶餐廳是因為早幾個月前有幸抽中Openrice舉辦的有關茶餐廳文化的活動。地點位於觀塘駱駝漆大廈內的 “SHY Dance Cafe”。原來創辨人是無綫兒童節目的伍文生(筆者的童年是譚玉瑛姐姐及麥包哥哥, 因此對文生哥哥印象不深刻)。當日活動講述文生哥哥進入飲食業的經過, 又由文生哥哥講解一些行外人鮮為人知的茶餐廳冷知識, 以及由文生哥哥親自示範製作蛋牛治。文生哥哥當晚談少風生令筆者留下深刻印象, 而且蛋牛治只試了少許因此種下再光顧的念頭。日間是茶餐廳, 晩間變成排舞室。其實餐廳不太大, 只有十多個坐位。周末坐滿客人, 地方有些擠迫。“SHY Dance Cafe” 的食物選擇不太多, 三文治、多士及蛋包飯類。真係貴精不貴多!坐底第一件事當然要叫這裡的招牌菜《蛋牛治烘底》 一般的茶餐廳用免治牛肉的, 但 SHY Dance Cafe 用新鮮牛肉切絲而成, 牛肉嫩滑, 味道醃得夠入味。牛肉份量真多, 每口都啖啖肉。蛋雖然不是什麼日本蛋, 但勝在兩面煎得金黄。蛋包飯都是這裡的招牌菜

在駱駝漆返工今日3:30左右外賣全日餐返公司食路程不用5分鐘之前已經食話蛋牛治➡️味道OK!在葵芳店食過蛋包飯➡️唔夠熱，味道麻麻，唔會再試所以今日食普通的➡️腸仔+餐肉+蛋牛+出前一丁配 凍檸茶少甜凍檸茶比一般茶餐廳大杯，驚喜！另外麵食用盤食又是另一驚喜但未必人人喜歡我自己就無咩所謂好的地方是湯是用熱飲杯分開嘅味道就是一個正常出前一丁沒有技巧可言但作為皇牌的蛋牛我覺得蛋太乾身牛肉有啲un 如果再幫襯點蛋牛治便可食左大半個麵一拎起個外賣凍飲杯少少驚好鬼軟身⋯食物盤同熱飲杯嘅質量則不錯

同事話見到有推介所以我哋嚟咗呢間食午飯，去到門口發現原來係藝員開嘅cafe，等左差唔多半個鐘先有位，冇咩野食選擇，主要係食蛋包飯，同埋三文治。我自己就order左一個咖喱汁吉列豬扒蛋包飯加凍唂咕咖喱味唔香，吉列炸皮同豬扒完全分開，豬扒薄如紙，還有豬扒完全冇味道蛋包飯裏面嘅飯係用咗茄汁來煮，茄汁味一啲都唔襯，個飯仲要係唔熱嘅⋯⋯成個飯只能夠講有一啲離譜嘅感覺好失望唯獨是係杯唂咕，（唔係好多地方都有得飲）呢杯唂咕，夠凍，朱古力味香濃，有適當嘅咖啡味，好味

今天在openrice search咗出來, 見到蛋牛治好開心, 細路時係茶餐廳好鐘意食! 但有點後悔沒有睇多幾個食評,睇多幾張相! 來之前也不知什麼名堂開... 走時在門口才看到些介紹, 但其實又如何?上到去, 感覺已麻麻, 細唔緊要, 但像是周圍也放滿雜物. 不過算啦, 一場到了, 即管一試! 點了雞扒咖哩撈丁同埋蛋牛治, 兩個都係餐, 要熱咖啡(+$3), 撈丁到了, 凍的, 吓?! 可否在餐牌寫明或落單時講聲? 真係接受唔到凍冰冰嘅咖哩撈囉! (你話麻醬撈就一定知係凍, 或者我見識少啦) 於是就叫waitress幫個忙叮熱, 最吹賬嘅地方係, 我個位係望到微波爐, 見裡面個位員工從微波爐拎出來放係水吧面, 再見waitress 拎過來, 我眼見佢就咁拎時都奇怪, 唔熱咩?!? 點知再食, 原來係未叮過, 咩事呢? 又無爆場, 得兩三枱客, 餐廳細細數埋都成七個員工, 發夢就唔好返工啦! 之後拎去再叮, 我見微波爐熄咗幾分鐘都無人理, 吹先識去拎! 跟住我已經無哂心機食, 若果件蛋牛治係溜單, 我就打算取消走人!!點知食食吓就來了, 都無咩特別, 仲原來係用鮮牛....呢樣係自

80後會認識的伍文生哥哥，閃電傳真機年代主持🐭 離開tbb 後，轉戰飲食業，另創一番事業💪🏻💪🏻阿華田趣脆朱古力西多士 $39西多士本身炸得很香很酥，淨吃已經好味！表面加上了阿華田粉和朱古力醬，超邪惡的😈😈😈 切開了原來中間也夾著朱古力醬😱😱 阿華田和朱古力味道很夾，但因為都是甜的，建議不要再落糖漿了招牌蛋牛治 $24無錯，名叫招牌又怎能不試！麵包軟，炒蛋香，牛肉滑，加上足料，又即叫即做，要襯熱吃喔！另外，這裡的蛋包飯也頗有名，所以也點了美式牛扒蛋包飯 $45可惜，水準只是正常，味道不是不好，但就是沒有很吸引，蛋還是不錯，但牛扒真的一般整體來說，食物的性價比很高，很適合當「飯堂」

話說，將軍澳人同學生年代脫節左大大話話都有2年，但到今時今日，佢依然每日都畀同一個問題「晏就去邊食!?」纏繞住。當將軍澳同朗屏人諗著頹頹地又一餐之際，畀我地知道左樂富少女要同北角大叔撐枱腳好食西，即刻開啟最高亮度，做電燈膽。識食，梗係臨上去之前刨下Openrice食評，幾乎每篇都見到吱吱鼠xx、吱吱鼠yy，三個90後仲係咁討論，點解啲食物名要加埋「吱吱鼠」？ 北角大叔解答，原來間鋪係當年至Net小人類其中一隻吱吱鼠—伍文生開的，我地仲好好彩咁見到佢本人。SHY Dance Cafe，其實都唔係好洗睇menu，入到去望下牆身掛圖都就應該點啲咩黎食。1號主打—招牌蛋牛治聽北角大叔講，吱吱鼠堅持免治牛肉要用人手啄，唔用機攪。朗屏人咬落去，啲牛肉又真係幾有咬感，份量仲多到跌哂出黎。將軍澳人呢，就比較欣賞佢既蛋牛治咬落夠多汁，夾埋兩塊烘得夠哂鬆脆既麵包一齊食，真係唔可以唔講句「青出於藍勝於藍」。1號主打(進階版)—超級蛋牛治超級蛋牛治，比招牌蛋牛治多左一塊餐肉&芝士。樂富少女繼續讚好，而北角大叔就覺得，餐肉略為搶左蛋牛本身既味道，配搭令招牌既蛋牛治顯得有點失色。2號主打—蛋包飯我地total點左

蛋牛治在我心目中的印象，就是平平無奇，碎牛加蛋的三文治可以有幾好食？最近同事們的熱討話題，正是關於文生哥哥弄的蛋牛治，仲話食完會返唔到轉頭。今天3點3的時候突然想吃個tea, 便決定試試這個神奇蛋牛治！最出名的蛋牛治烘底，以牛油紙包好，不怕油膩。打開紙袋，賣相奇醜可能餐廳跟公司有點距離，拿到回公司麵包已經開始'淋'身不脆了，下次還是在餐廳吃像做人處事一樣，總不能以貌取治，不吃不吃還需吃。一口咬下去蛋牛治十分足料，涵料多到漏捨，完全扭曲了我對蛋牛治的平庸印象。牛肉是切粒而非肉碎，經過沙爹奄制，帶微咸十分惹味。蛋煎得厚厚，配上牛肉一起吃又很夾，層次非常豐富。原來只要用心去做，就連平凡無奇的食物也可帶來驚喜。

行完觀塘,想休息吓,想起之前好多人介紹呢間店,一於試吓 位於工業大廈內,門面佈置都幾吸引人入來,地方需然唔大,一眼見晒大約坐到五十人,牆上面都幾多藝人簽名 下午茶時段都坐左十幾人,睇吓餐牌都幾多嘢食,我唔太肚餓關係而且一直想試蛋牛冶,見到有散叫或套餐,於是叫個餐 呢個全日餐叫超級蛋牛冶餐,唔同蛋牛冶既地方應該加多一件餐肉和芝士,餐飲都多選擇,我就叫左谷古,等左大約十分鐘倒就有得食,我想好味d就加$2烘底,睇個三文冶d牛肉唔係用罐頭鹹牛肉,係用鮮牛 食落去個口感同味道真係吾同 有咬口個汁幾野味唔太鹹,之於加左件午餐肉就唔到佢個味,比個牛和芝士味蓋左 但加左芝士就好 杯熱谷古就好濃可可豆味,佢比熱朱古力苦,可接受,兩者有唔同既感覺,呢個下午茶都幾滿足,最後找數$44

繼續係官塘發掘美食,一早約左舊同事就要麻煩佢就一就我啦. 今日就來到這間食蛋包飯,店鋪都環境都唔錯座位都舒服 我就叫左個紅酒牛利蛋包飯; 舊同事就叫左個瑞士汁煙鴨胸蛋包飯午飯都包一杯飲品, 價錢都$45, 咁既價錢係同區都差不多. 2個飯來到份量都夠架, 男性朋友都夠飽既.特別在個飯旁仲有D日式配菜而且份量都好多. 平時去壽司店都要十幾蚊得少少啦..這間店認真慷慨...蛋包飯最重要就係個蛋啦, 一睇個樣都知滑仲有少少蛋汁好好味, 而飯底係蕃茄炒底都唔錯...我最喜歡我自己個牛利..煮得夠淋身配埋個咖哩汁, 好快就KO晒成個飯啦..下次有機會再來睇下可以試埋其他款式既蛋包飯先.地址: 觀塘駱駝漆大廈三期1樓i室

每天早上吃甚麼成了起床的動力！這家餐廳開在工廈中，位置比較隱蔽，要吃早餐就要花點時間找了。點了招牌蛋牛治烘底 ($26) 我個人覺得比新香園更好吃！鮮牛肉切得工整調味唔過咸而且嫩滑，牛落得足料，蛋中間半熟而邊位煎得焦香! 超好食! 如果蛋再多點會完美。麵包比新香園厚身烘完好香脆再塗上牛油。配埋香滑帶點澀的熱奶茶，呢個早餐好好好好好醒晨。

是晚有幸得到OPENRICE的邀請，參考文生哥哥茶餐廳工作坊。首段時間為簡介本土食物文化及新香園趣事，文生發揮主持天份以搞笑方式推廣茶餐廳飲食及工作轉變生涯上所見所聞。雖然沒有親身感受過，卻因活動了解更多食物知識。交流會大概歷時45分鐘，之後就由文生親身烹煮名菜 - 蛋牛治每個步驟都細心講解，又用純熟手法示範。炒蛋香味十足，蛋邊金黃微微煎脆卻不是過熟，而有少許蛋液由於不是冷藏牛肉，新鮮牛冧肉同樣嫩滑，整件三文治全以最快速度上碟。新鮮方包，厚薄適中，配上微油的餡料 就能減少膩感。PS: 吱吱鼠好好人而且對話有趣，為時個半小時絕無冷場。感謝OPENRICE及SHY DANCE CAFE給予此機會。

這個weekend去了觀塘，午飯後行左陣outlet, 之後開始肚餓，諗起呢間cafe便過來買左個蛋牛治烘底外賣。早幾年食深水步新樂園都會撞到cafe老闆係茶餐廳幫手，個度既蛋牛治一樣出色，而家佢自立門戶，當然要支持下。$22, 以呢個價錢，本人覺得算抵。蛋牛治係即叫即做，新鮮熱辣。非常重料，蛋牛治好厚，女仔好似我咁，食哂成份會好飽。平時茶餐廳食開既蛋牛治係用礶頭咸牛肉，仲要係凍既。Dance cafe出名在用鮮牛肉，所以喜歡食牛既一定會愛上。牛肉好多，有肉汁，加上煮得剛好既蛋，夾係脆口既多士入面，入口層次豐富。我地d女仔怕肥，略嫌多士加太多牛油，比較膩。咁當然，d喜歡牛油既朋友就有福了。總言之，CPI值高，聽聞老闆開新店了，會繼續支持！

假日去駱駝漆閒逛，經過shy dance cafe。之前已經睇過其他食家既推介，一直想試下。望下時間，都已經5點，又唔想食太飽，就決定外賣一份最聞名既蛋牛治外賣包裝比一般外賣三文治美觀貼心，有一層厚厚牛油紙包住，唔會整到成手油，仲有靚靚logo貼紙。一打開香味撲鼻！最重要係即叫即整熱辣辣。蛋牛入口非常滑溜juicy, 牛肉唔un, 烘底既麵包夠脆又可以食到牛油香味，一個字，正！下次encore要坐低堂食(≧∇≦)

是日又到觀塘覓食，知道前藝人開了間餐廳，特地前往一試。點了雞排蛋包飯及友人點打餐蛋面。 蛋包飯份量很大！四十多元有如此分量很抵！蛋滑，不俗！飯是蕃茄炒飯底，不太重味，很不錯，有蕃茄鮮味。 配合雞排，可以幹掉一整碟飯。可惜雞排分量不多，不過雞排皮煎得鬆趣，挺好食。只是燒汁有點咸。 另外友人點的餐蛋面，用的是出前一丁日本版！面質彈牙，欣賞店家選用比較好的公仔面！餐肉煎得香口，配合出前一丁，幾好。～午餐時段一點左右不用等位。可以再去一食