霸王川莊 (Closed)

呢間川菜，元朗Yoho mall個間未結業前，我成日都去食，差不多都一個月一次！事關一大盤魚已經好夠飽，再加多個小菜就十分滿足☺️☺️☺️呢到嘅招牌水煮魚分兩個Size，普通同珍寶！普通已經好大盤，入面嘅配料亦都好多！魚就可以揀鮮魚片或者係桂花魚都得，桂花就滑啲同無骨，但價錢就貴啲！水煮系列就可以加多4項配料，我地就叫左午餐肉、豬紅、水晶粉皮等等！呢至嘅午餐肉同平時食嘅唔同，係炸左再放落去煮😍 魚片好滑，唔會太辣，好香麻味，蒜味！紅油好清，唔會係萬年油！真係食過翻尋味！

我同貓生都鐘意食川菜，自從青衣開咗霸王川莊後一直都想試下，不過見到d嘢都幾大碟，同貓生兩口子晚市試唔到d咩，今日行過見到有下午茶就啱曬啦星期一至五都有下午茶 $35up有加一，不過下午茶就免茶錢有八寶茶，配以各種乾果以及中藥材沖泡而成，輔以冰糖，我哋都覺得幾特別，好飲啊每個set可以揀三個小食，推介紅油牛肚絲賽螃蟹炒拉麵-$60賽螃蟹即係炒蛋白，都幾考功夫，估唔到下午茶有得食，配埋醋再撈埋個蛋黃幾開胃，不過似系撈拉麵多，個名叫炒就怪怪地四川麻辣桂花魚紅薯粉-$79本來想試酸菜魚，點知貓生叫錯咗Waiter哥哥以為佢哋搞錯都想幫我換驚太辣食唔到，不過錯有錯著都試下啦桂花魚片好滑，紅薯粉彈牙，但都幾辣，要等冇咁熱先食到好彩有杯冰茶解下辣本來想試埋川燒，不過已經飽啦！下次再試

係門口見到個二人餐幾吸引就入左黎食川菜，入到餐廳內裝潢都幾雅致闊落，我諗就算坐滿都唔會迫。坐低就有八寶茶飲，個人唔喜歡菊花 所以無飲到，但男朋友覺得好飲嘅。我地叫左手工啤【再來】，係果香味嘅，聞落飲落都好香二人餐裡面有酸辣粉皮同皮蛋豆腐做前菜，兩道前菜都係酸酸地幾開胃。之後有串燒，雞牛豬串各一，仲有我成日都好想試嘅七彩顏色嘅串燒有蕃薯仔+玉子串，脆肉瓜+青瓜+彩椒，仲有煙肉秋葵串本身deford係唔辣嘅，如果鐘意食辣，佢有4隻辣度嘅辣粉，可以自己調較。主菜我地就揀左辣嘅酸菜魚啦～真係不得不讚真係好好食好大碗好香濃好好食，魚片好滑，我地仲加左牛肩胛，都好嫩滑。裡面仲有薯粉，2個人夠曬飽最後仲有好特別嘅甜品作結，我唔太記得個名，大概係有桂花，陳皮，杞子係裡面，口感好特別值得再去

超大盤水煮魚！$208成都水煮鮮魚片，可以揀4款免費配料，我地揀左豆卜、水晶粉皮、秀珍菇、白蘿蔔，仲加左$75要埋牛肩肉。一上嚟就勁香麻辣味，魚唔錯，不過我更中意食牛肩肉！豆卜吸哂水，勁辣～白蘿蔔好甜好爽！推薦+水晶粉皮，肥嘟嘟又粗，岩岩好唔會太冧無口感。重慶BBQ 跟4色4辣調味粉，有辣有唔辣，川椒粉係最辣但係好香好好味煙肉年糕串、一口和牛、孜然雞肉，加埋調味粉好Yummy粉紅西柚菠蘿冰沙 特別大杯 唔會好甜 味道岩岩好，紅梅玫瑰特飲 比較酸其實每位都有杯特色八寶茶，入面有菊花、杞子好多配料，都好解辣但我地唔夠飲，後來又叫左個新鮮果茶塔！好巨型，夠幾個人飲，好清新~糖醋松子桂魚，酸酸甜甜開胃，停唔到口haha，都幾大碟，抵食！辣子雞同平時食個D唔同，我覺得以炸多過炒？但食落好脆，又唔會好乾，極快被我地食哂。雖然成碟辣椒，但唔係好辣，應該好多人都食到。於是我食左一條辣椒，好香，以為唔太辣，點知個辣味會慢慢出嚟，辣喉，真係有層次感七色雞翼有3隻係辣嘅，我食左韓式辣味，甜甜地少少辣。芝士味都好食。

食一次霸王川莊已經令我上癮😍除左快餐店 好少一星期內食同一間廳廳兩次返完一日工咁辛苦 搵下有咩好野食 呢排又想食辣野一於試下霸王川莊既辣辣水煮魚啦環境好寛闊，樓頂好幾層樓高 感覺似去左酒店裝修簡約古中國式中國特色茶已經準備好係餐枱上叫左例牌水煮桂花魚 揀左辣度2辣另外可以揀四款配料叫左雞肶菇 牛肚 午餐肉 水晶粉皮等左10分鐘侍應傳上一大盤水煮桂花桂花魚肉香 肉質煙韌方形既午餐肉非常好食 必點黎食雞肶菇切細塊片 薄身 岩我鍾意細細塊咁食 有口感牛肚都係切成細塊 易入口 唔會太韌 沾上辣湯超惹味 又係必點水暗粉皮 ok不過朋友想食 個人鍾意食條狀紅薯粉多d愈食愈辣 叫左杯水果茶飲 好大杯但都好快飲晒再叫杯芒果沙冰 都係好大杯 味道超香 飲過最好飲既芒果沙冰 必叫！唔食得太辣既人應該叫1級程度辣 因為2辣都好訓7啦仲叫左名鎮乾鍋雞 真係好乾身 乾到好難食 味道差 份量都好少雞件之後過左幾日，個腦對水煮魚好回味 放假又叫左朋友同我去食霸王川莊今次叫左水煮牛肩肉 辣度揀1 因為前幾日食太辣啦4種配料揀左午餐肉 雞肶菇 白蘿蔔片同紅薯粉牛肩肉好香牛肉味 薄身食落唔會太韌 半肥瘦肉比例今次又係叫左

琴日生日正日去咗呢間食生日飯 有好多優惠 又有杯嘢飲送 還可以加大變珍寶酸菜魚 會多100g魚 叫了小辣 辣都非常適中 吃得很飽很滿足 那個蒜香豬頸肉 很濃的蒜香味 下次去我再試試其他串燒等都好吸引😉

於OPENRICE網站訂座八五折，星期一七人行沒有限時，地方寬敝舒服，服務員有禮，當晚是本人生曰酸菜魚少辣升級極大大大盆（豪華版），有辣惹味酸菜較酸，桂花魚一般可接受，薯粉好彈有質感好食，醋香皮蛋豆付丶手拍黃瓜木耳，燈影牛肉質感有趣似脆身牛肉乾但掛汁，孜然牛腩丶樟茶鴨丶京蔥牛肉一般冇驚喜，霸王炒飯丶奶油娃娃菜可以，帶子賽螃蟹滑嫩好食，拔絲香蕉出色（拔絲涼了會變硬＆下沉要快吃），八寶茶如能改用茶壺焗會出味好多（水不夠滾），$1340找數每人不用200元OK啦。

屋企人好喜歡水煮魚同酸菜魚🐟見霸王川莊幾吸引😍點知⋯·🐟南充特式酸菜魚（$208）唔酸又唔辣😟👎🏿真係唔得wooo😖薯粉過淋欠彈性😖還好魚片唔腥～·🥒黃金翡翠（$103）秋葵同四季豆加入咸蛋黃炒過好香口💓平時唔愛秋葵既我都愛上了·🐮京蔥爆炒牛肉（$108）醬汁咸左少少😣我地點左手抓餅夾住食，即時好味左🤣·🥠家鄉手抓餅（$34）熱辣辣⋯酥脆香口👍🏻·🥘韭黃肉絲炒粉條（$99）略油～整體一般·🥟紅油龍抄手（$65）賣相靚～～大大粒但味道略甜😣如果再辣d就好啦·🍵八寶茶 一向喜歡💓感覺養生🤣🤣·📍霸王川莊青衣青敬路青衣城1期地下G22-G23號鋪

伏點一：蒜泥白肉冇蒜泥，無味，得6舊伏點二：手撕丁香雞，猶如白切雞仲要毫無雞味，加上綠色不知名帶有苦味嘅醬，堅難食伏點三：蔥油拌麵，甜到呢⋯⋯伏點四：名鎮乾鍋雞，真系好乾又冇味，仲要配薯條系咩玩法，薯條鬼死咁多，雞得幾舊伏點五：系最不能接受既一點，態度差唯一可以讚嘅系手工啤同埋酸菜魚入邊嘅薯粉⋯⋯又貴又難食，服務態度又唔係好，香港食肆林立，以貴公司嘅質素想有回頭客真係好難。最後⋯4個人埋單$1111但係食咗啲好難食嘅嘢，仲要唔飽，完

近來少咗出街食，經常找外賣速遞公司送食物過來，今日點左霸王川莊，青衣店，其實之前都食過一次堂食，已經覺得幾好，尤其是服務質素，環境又好舒服，食物份量都OK，食物唔會有小辣，一係唔辣，一係好辣，今次點外賣都係，燈影牛肉係好好食，不過真係幾辣好鬼正嘅燈影牛肉，每一塊都整到半透明，入口是甜的，隨後辣味湧上，越食越想食我唔識得太辣，叫啲唔辣嘅瓜菜中和下，新鮮爽口孜然羊腩，外賣黎到冧左，味道還可以，呢種食物都係留返堂食穩陣

雖然見Open rice有好多負評，但之前食過旺角朗豪坊分店，覺得幾好食，見青衣城開咗又可以book位又唔限時，一於試下青衣城分店la食返之前食過嘅野食，點知...............超失望個$178嘅脆皮黃金烤鴨只有十小片，仲話已經係半隻鴨（佢Menu張圖又真係得10小片喎，中伏）旺角店嘅份量多佢超過一倍京蔥爆牛肉、蒜烤豬頸肉、招牌炒飯.....味道尚算正常招牌酸菜桂花魚，叫咗辣（可以揀唔辣)越食越辣，可能因為叫咗辣嘅，冇大家講嘅又腥又鹹

睇到平日唔洗茶位咪入去試下見佢有小食同野飲最平都系35起（仲要系我中意食既酸辣湯面）小食仲可選3樣 叫左甜話梅小紅茄（😋酸酸甜甜好食） 涼皮都好食個酸辣湯就冇樓上3樓個間好食 太杰撻撻個湯汁推介系佢個茶真系好好飲 忍唔住問系咩茶 系八寶茶一定要水夠熱茶先香 有餐飲都要飲幾杯茶 好香☺️☺️

從未喺openrice寫過comment，第一次寫竟然係因為難食到忍唔住要寫！之前喺元朗店食過幾次，都好好味，成日都想再食；諗住行經青衣，就試下呢間分店啦，點知中哂伏！坐低左，啲staff都唔會主動攞水嚟，要問左幾次先有，但啲水就喺我地隔離張檯！叫左個醋香辣蘿白，清炒芥蘭，酸菜魚（走辣）加豬紅雞脾菇，拎起筷子準備食野啦，嘩，對筷子係污糟到令人嘔心㗎，同啲staff講，睇都唔睇咩事，攞過另一對嚟就行開左啦！啲餸得個芥蘭正常啲，其他都接受唔到，酸菜魚啲酸菜太酸，魚有泥味，另加嘅豬紅有腥臭味，連啲雞脾菇食入口都覺腥，未試過食酸菜魚食淨一大半㗎，咩胃口都無哂，絕無回頭之意！

上次同老公食過呢間霸王川莊，老公一直對佢嘅干鍋雞煲念念不忘，所以再陪佢返黎食～我最鍾意食佢嘅配菜土豆，干扁土豆，整得好好，土豆夠粉，調味又香，雞肉應該係炸過下既，脆脆地，好惹味，但都幾辣，雞肉份量都幾少。因為有左BB, 唔食得太辣，所以叫個担担麵醫肚，好香花生味，湯底又唔會太杰，麵夠彈牙，好食～老公叫多個麻婆豆腐送飯，好濃味，都係幾辣既，我就覺得鹹咗少少！兩個人食唔係好多嘢，埋單差唔多4百幾蚊，小貴～

未試過食酸菜魚，會咁腥，以為會好出色！很失望！樟茶鴨幾好味，串燒（羊，大腸）都幾好！可以去但唔洗食酸菜魚了，而且等上菜等了30-40分鐘，唔怪得今天端午節不用等位，可直入！