Sick Burger (MOSTown新港城中心(5期))

Open Now

Now Closed

喺銅鑼灣行街，竟然搵到呢間新開無耐嘅漢堡包店，店面唔算好大，行美式快餐店風格，一入到去有個半開放式嘅廚房，可以見到廚師喺度整漢堡包同小食，先落單，然後再搵位坐低！Combo Set 套餐 (漢堡，小食，飲品）Sick ! Burger 單層牛肉漢堡 $62Double Sick 雙層牛肉+$28Triple Sick 三層牛肉 +$48我就選擇咗雙層牛肉漢堡，漢堡包，烘到好鬆脆，夾咗新鮮嘅生菜、半熔嘅車打芝士、焦糖洋蔥，梅子果醬等等，酸酸甜甜中和左安格斯牛肉嘅肥膩，牛肉份量十足，肉質豐富！同埋值得一讚嘅係呢個漢堡包唔會一食就散，代表啲配料份量都恰到好處！套餐加薯條加$32如果想再邪惡啲食金沙紫菜薯條 Salty Egg FF 加$42鹹蛋黃鹹香十足，味道濃郁，而且因為係新鮮炸起，每一條都脆卜卜，令人忍唔住一口接一口！Sicki Satay Burger 沙嗲牛肉芫荽漢堡 $78 喺茶餐廳食沙嗲牛肉公仔麵就食得多，但係擺喺西式漢堡包就真係第一次見！ 漢堡上面鋪上芫茜炒滑蛋，仲有香濃嘅沙嗲牛肉，味道新奇有趣！炸雞翼+$36 有兩件大大件嘅炸雞翼，用左咖哩香料醃製，外面嘅炸粉好香脆惹味，好有

Sick Burger在銅鑼灣開分店, 這是我預計不到的, 特別是馬鞍山的本店開了不久, 就成功在香港島其中一個飲食業的核心戰場, 銅鑼灣擴充生意, 只能說真的很厲害, 在引證了馬鞍山現在已不是美食沙漠的污名. 馬鞍山本店風格依然不變, 就是很細間的一間漢堡包店, 以外賣為主, 在收銀前有一張長枱, 最多容納兩至三個堂食顧客, 在哪裏吃完會有一陣油煙味, 也就是煎漢堡扒時散發出來的味道.今次點的是我最喜愛的炸蝦餅漢堡, 味道依然保持到水準, 充滿牛油香味而且口感軟熟的Brioche, 沾了醬汁後沒有糊起來, 蟹餅外表香脆而內裡蟹肉層次豐富, 鮮味也夠, 醬汁的運用也夠出色, 在蟹餅上面是酸甜帶微辣的紅醬, 下面的牛油果香菜醬, 醬的質感夠濃厚而沒有影響麵包和蟹餅的質感, 味道配合也夠出色. 配菜點了炸雞塊, 同樣外脆內嫩, 雞肉也夠肉汁, 只是炸衣有點厚, 和漢堡包的出色水準, 就是差了少少!Sick Burger is one of the miracle in MOS F&B scene as it operated for a short period of time but a

In between job 的1月，開始在沙田同馬鞍山發掘一下有沒有美食。這一天，接了阿仔放學，我就拉佢來陪我食野。當日，我們有兩個選擇，一是新開的麵店，二就是新開的漢堡包店。當日，大家都以漢堡包店為首選，若不能堂食才去食麵。當我們來到《Sick! Burger》門前，店員說可在店內堂食啊。這樣，兩父子就一於望著街，食手打肉漢堡。《Sick! Burger》名字怪怪的，一看就會聯想到這一句話 "你冇病呀!"。的確，大家是沒有病，不然店方及我們，在當時仍可以說是疫情嚴峻時，除下口罩，在這細小的餐室開口大吃。Sick! Pork 豬肉漢堡。入到來才知道，這店的豬肉漢堡是名物，是廚師以手撕豬肉再壓煎製成的漢堡豬扒。吃入口的感覺是一絲絲的。以前在外國食過手撕豬肉的漢堡，口感好鞋，不喜歡，但這一次阿仔說食試，就試下吧。沒想過此店把手撕豬肉改良了，整碎少少再壓煎成漢堡豬扒，有手撕豬肉的 texture 但沒有手撕豬肉的鞋口感覺，非常好。喜歡牛肉的我，就要了招牌的 Sick! Burger 牛肉漢堡。當日，我們見證了店員把鮮牛肉攪碎來製作準備用的漢堡肉料。就是這一個舉動，令我們知道，這店用的是新鮮

朋友推介呢間burger小店，長假期專程入馬鞍山試，果然冇介紹錯！叫咗3人set，三個漢堡分別揀單層牛肉漢堡，雙層牛肉漢堡和魚柳漢堡。所有漢堡即叫即做。此店招牌是牛，個雙層牛肉漢堡真係好impressive, 漢堡肉好香好juicy, 配合芝士，味道非常濃郁！至於魚柳漢堡係其他漢堡店食唔到的，用炸魚薯條那種炸魚，特別地方在配菜，酸酸的和其他店很不同！三人set可以試四種不同小食，最好味的小食係雞翼，雞翼醃得好入味，另外三種小食係蕃茄芝士，炸薯條和炸洋蔥圈，全部都正常發揮，好味！小店的服務很出色，最驚喜係小店送我們椰菜沙律，個沙律非常好吃，原來呢個沙律先係最配合burger set的小食，在吃完好多肉,芝士和炸物之後，呢個沙律為口腔帶來一種refresh的感覺。一邊吃一邊觀看店員處理食材，用的材料也是靚肉。總括來說性價比高，值得再去！

Sick! Burger $68牛肉漢堡扒用smash手法煎，有肉汁之餘，令漢堡扒邊邊位煎得更香脆，但略嫌舊肉冇咩牛肉味。配料有生菜、酸瓜、洋蔥等，幾fresh，可以中和漢堡扒嘅油膩感。Sick! Pork $68Sick! Pork係豬肉漢堡扒加上慢煮嘅BBQ手撕豬，BBQ醬味濃郁，偏甜。配料有生菜、酸瓜、漬物同芝士，食落都唔會太膩。〰️〰️〰️〰️〰餐廳係用心經營嘅小店，堂食座位得3個，上一次買外賣返到屋企，個漢堡焗到淋哂，所以今次見到有位就試下堂食，堂食好好多嘅，不過都要盡快食，因為個包好快又會濕變淋，係太熱定太多醬？😅 餐廳係同區嚟講，算比較少有而且質素唔差，係可以再回訪嘅，但如果唔係住附近，我覺得就冇專登過嚟食嘅必要😗〰️〰️〰️〰️〰️食物: 4/5性價比: 4/5 環境: 3/5服務: 3/5Revisit: Yes

放左工本來諗住同男朋友去食老爹，但沿途行去老爹既時候，經過sick burger 既burger 味好香俾佢吸引左，鋪唔算大但都可以容納到兩三個人堂食。我地叫左兩個burger set, 有burger, 小食，湯/飲品。我同男朋友叫左個洋蔥圈，沙律，beef burger, double beef burger, 洋蔥湯同可樂。洋蔥湯有驚喜，都幾清甜不過帶小小油，但洋蔥圈就唔得啦，我未食咁難食既洋蔥圈，佢炸得超差，炸得太耐啦之後到主角burgers , 同出面cafe 食既burger 冇得比，料唔夠多，beef唔夠香，呢個價錢我同男朋友都覺得m記好食過佢，真係食過一次就算

其實自己都幾鍾意食漢堡包不過馬鞍山都冇一啲有質素嘅漢堡包可以食之前開咗一間mos，不過嗰間價錢貴得來份量，亦都比較細，而且相比起食連鎖店，我始終都鍾情於食小店服務：店員同老闆都親切友善，我叫完個漢堡包坐低之後個店員仲好震驚咁問我你坐低食㗎？笑死我食物：有啲趕時間，而且又得我一支公，所以淨係叫咗一個牛肉漢堡，當我第一次黎試左d 基本野先啦。見到佢拎個漢堡扒響鐵板上面煎嘅時候，果陣牛香味簡直衝出黎咁，口水直流。到上檯，麵包軟熟，芝士，配菜汁醬等都配合得好好，雖說唔係驚為天人，但漢堡來說響馬鞍山就應該無乜對手，而塊漢堡扒仲要煎到有d 脆邊，食果陣唔好咁快吞，舊肉都要停響口幾耐d 味先發出黎，頭兩淡食果陣仲好好奇點解煎果陣咁香食落無乜味會再返去食埋其他款式再寫食評總括而言，呢間舖頭值得我再幫襯完

一路而黎喺馬鞍山想食burger就只有快餐店嘅選擇Sick burger開咗就好似漆黑中嘅螢火蟲咁每次行過都香氣撲鼻 食指大動☝🏼👋🏻成日夜返都見到入面有人準備食材/研究新食譜或者就播歌吹水 好青春🥂入面舖位得幾個吧枱位 所以幫襯幾次都係買外賣大約要等十至十五分鐘就有啦signature sick beef burger 🍔牛肉用左smashed 方法整所以薄身 個邊會脆脆地😋包帶有牛油香🧈上面紫洋蔥帶返啲甜味加埋個醬 一口食哂幾種口味層次朋友點嘅係魚堡 🐠🍔炸魚好厚！好moist不過啲青芒果relish就唔係好啱我哋口味個堡酸味材料較多用嘅醬都唔係平時嘅他他醬叫咗combo 配薯條同蕃薯條🍟🍠佢哋啲薯條好好食重薯味 (認真mode)粗過m記 但幼過fish and chips個種不過好飽 食唔哂要留返下午茶🤪係到同sick burger嘅員工講返句：新年快樂呀🥰

呢間主打burger嘅餐廳最近喺馬鞍山都好紅🥰 馬鞍山果然多咗好多好食嘅餐廳🧚‍♀️ 佢哋係主打外賣嘅~ 所以鋪面好細~ 主要都係用咗來做廚房, 出邊只係有幾張bar枱位! 不過今次就係堂食嘅! 後尾試過一次外賣, 就覺得真係堂食好食好多🥹 因為佢有好多都係炸嘢~ 如果外賣嘅話, 唔單止冇咁脆~ 仲會令食物好多濕氣🥲 最近因為有好多媒體都有報道過呢間餐廳~ 所以當日去到雖然即刻有得坐低~ 但都要等多個30分鐘先有嘢食~ 睇得出佢哋已經好盡力去整burger🥹 不過因為有好多單排緊隊, 所以有好多客都有啲不滿~ 希望之後去食嘅話大家都會俾啲體諒佢哋!! 💪🏻 因為佢哋都係即叫即整而且人手都唔係好夠~ 佢哋嘅食物質素真係好高!! 食得出好有誠意🥹 雖然款式唔多, 但就可以更專注去做好每一款食物🥰 menu主要都係Burger同炸物小食! 另外比較特別嘅係佢哋跟餐飲品有kombucha🥰 果次試咗荔枝玫瑰紅茶☺️ 真係好好飲!!🤍SICK! FISH 魚柳漢堡 $68魚柳漢堡係最有驚喜🥹 一上菜已經見到嗰個魚柳嘅厚度🥰 雖然成個burger都好厚身! 但食嘅時候一啲都唔會麻煩! 魚柳炸到外脆

雙層牛肉漢堡睇落顏色豐富，生菜翠綠又新鮮，漢堡層次分明，線條玲瓏浮凸。店面細細，等緊ge時候已經聞到陣香煎牛肉漢堡ge香味，十分吸引！可能期望太高，入口覺得味道係好食ge，但係無期望中會wow一聲咁勁好味，而且漢堡有d油，加上類似牛角包ge包就會油上加油，略嫌油膩。但係牛肉係juicy，醬汁調配就差少少🤏，可能我個人鍾意濃味多d，同埋如果酸瓜可以多少少就好喇，可以幫助減低油膩感，整體黎講都係中上的。貪心叫左雙層牛肉，最後食唔曬，建議女仔都係食翻單層好喇。

今日早收工，於是又去漢堡包小店試食。之前食過佢最基本嘅牛肉漢堡，亦試過佢今期嘅signature蟹肉漢堡，味道都相當不俗。今日試食佢嘅雞肉漢堡，原來雞肉漢堡嘅餡料，係咖哩味嘅脆雞，入口有咖哩嘅辣味，而雞肉則外脆內嫩，味道果真有驚喜！除咗食漢堡包之外，今日亦試咗佢嘅黑啤炸洋蔥圈，同埋鹹蛋黃薯條。洋蔥圈表面嘅顏色稍深，食落除咗脆口之外，無甚特別，反而佢嘅鹹蛋黃薯條有驚喜，外貌看似平平無奇，跟一般薯條無甚分別，但食落有好濃郁嘅鹹蛋黃味。我好奇問老闆點樣可以整到咁有鹹蛋黃味，佢話佢哋嘅做法跟其他店鋪唔同，佢哋會先顏碎啲鹹蛋黃，然後再加牛油去調製，所以先至有咁濃嘅鹹蛋黃味。

評分係比個services，唔關食物事本來聽人講唔差諗住叫個外賣試下🙃去到見無乜人應該好快，但因為即叫即整都要啲時間，所以坐喺cashier 前面等然後愈來愈多人，就廢事吹佢。結果一等就等半個鐘，直到我見到幾個外賣遲黎先上岸走左我先問下，原來佢地係整完放係到唔叫號碼，同埋就算我坐係佢前面、佢又知個餐係我的都好，都係唔知叫你🙃由得你9坐係到直到你問佢，原來係要係咁吹先得的，唔可以見佢忙唔問佢。咁的服務真係無下次

睇過好多網上食評都讚好，今日滿懷希望去試，點左漢堡、薯條同沙律。漢堡：包算軟熟但係塊肉唔係咁有肉味，芝士有加熱整溶但係唔算香薯條：薯條係即炸但係薯味唔係咁濃沙律：普通Caesar Salad無乜特別整體感覺：所有食物係即叫即整夠新鮮，但係明顯食材用料一般，如果同Five Guys比係有啲距離，portion亦算細，估計都係成本考慮，當支持本地小店可以，但真心講性價比唔高。

早前睇完X紙介紹馬鞍山美食, 趁放假練車就即刻去試試🚗💨店面不大, 只有一張長枱可供4個人坐低食, 以🥡外賣為主🍔漢堡選擇✔️牛豬雞魚, 另可加$轉套餐(小食🍟＋飲品🥤)🔸Sick! Burger 牛肉漢堡🍔 $68 7/10安格斯牛肉堡｜生菜｜番茄🍅｜車打芝士🧀｜洋蔥🧅｜酸瓜｜沙律醬➕另外也可根據個人喜好再加extra配料~牛肉juicy, 煎得唔乾有肉汁~😋包都幾鬆軟, 仲用🧈牛油煎香過🤩整體配搭👌🏻口感豐富😽當日單量都多, 要等約30分鐘如果踩單車🚴‍♀️過開嚟馬鞍山, sick burger 都係一個唔錯的充饑選擇

在自己Sick之前再來Sick Burger, 意頭一般, 但能夠品嚐到其招牌炸蟹餅漢堡, 真的夠高興. 蟹餅外表酥香, 就算有大量蔬菜, 水果和醬料, 也沒影響其脆度. 內裡蟹肉份量十足, 不會以其他餡料濫竽充數, 價錢不便宜, 但吃完會覺得物有所值. 洋蔥圈件頭夠大, 同樣外脆內爽, 原件厚洋蔥吃起來微辛, 如果炸皮可以再薄一點, 就更完美.雖然炸蟹餅和炸洋蔥圈相當熱氣, 但漢堡包內裏充足的菠菜和西柚中和其肥膩, Brioche吸收當中的水份和醬汁, 底部相當濕潤, 但不至於糊化, 依然保持牛油酥香, 表面依然乾爽而光滑, 沒因菠果而破壞整個包的結構. Top-Up了海膽作為漢堡包的配菜, 當然夠Luxurious, 海膽沒有臭味, 咸鮮味ok, 只是質感比較稀, 有點像附加了的醬料, 可能在漢堡包的配料上, 特別是蔬果上的份量作調整, 更能突出這Signature Burger.The deep fried crab cake burger at Sick Burger is nice. With the excellent quality of crab cake that i