Sick Burger (MOSTown新港城中心(5期))

Open Now

Now Closed

今日早收工，於是又去漢堡包小店試食。之前食過佢最基本嘅牛肉漢堡，亦試過佢今期嘅signature蟹肉漢堡，味道都相當不俗。今日試食佢嘅雞肉漢堡，原來雞肉漢堡嘅餡料，係咖哩味嘅脆雞，入口有咖哩嘅辣味，而雞肉則外脆內嫩，味道果真有驚喜！除咗食漢堡包之外，今日亦試咗佢嘅黑啤炸洋蔥圈，同埋鹹蛋黃薯條。洋蔥圈表面嘅顏色稍深，食落除咗脆口之外，無甚特別，反而佢嘅鹹蛋黃薯條有驚喜，外貌看似平平無奇，跟一般薯條無甚分別，但食落有好濃郁嘅鹹蛋黃味。我好奇問老闆點樣可以整到咁有鹹蛋黃味，佢話佢哋嘅做法跟其他店鋪唔同，佢哋會先顏碎啲鹹蛋黃，然後再加牛油去調製，所以先至有咁濃嘅鹹蛋黃味。