Video
Opening Hours
Today
07:00 - 21:30
Mon - Sun
07:00 - 21:30
Above information is for reference only. Please check details with the restaurant.
今次去了比較住宅區的地區—樂富 午餐點了法式香草燒雞（半隻）配鮮雜菌忌廉燴意粉另外嗌了喳喳林特色雜扒蒜蓉汁配薯菜套餐包蒜蓉包、湯和餐飲選擇很多，性價比都高。📝茜廊餐廳 (樂富廣場) (樂富)📍樂富聯合道198號樂富廣場A區UG1樓L105-108號舖🚇樂富地鐵站
continue reading
姐姐🧍♀️放假🏖️，落山買外賣🥡，喺屋企㩒定網上外賣平台有折買樂富茜廊。皓彩一落邨巴就有外賣🥡即上返邨巴返屋企。叫咗兩個下午茶☕️餐，第一☝️個炸脾配薯條🍟，炸脾唔夠脆肉唔夠滑，薯條🍟都唔脆，另外個餐芝士🧀焗金粟魚柳意粉🍝，芝士🧀焗皓香，兩個餐都叫咗凍檸茶，餐具🍴要加錢，所以用返自己嘢環保
continue reading
自從新冠疫情到而家已經好耐冇去過Sidewalk食嘢，以前去開九龍灣嗰間，因為試過有一段時間我覺得佢哋啲嘢食麻麻就冇再去。今日有嘢喺九龍塘做，諗住嚟樂富食啲嘢先，行過見到於是入嚟試吓。今日餐廳入邊唔係好多人，都幾寬敞，裝修唔錯。睇完餐牌見到佢哋下午茶選擇都幾多，望吓附近枱人哋叫嘅嘢食份量都唔細，五點幾食個大大份嘅下午茶，應該可以當晚餐。我想食咖喱雞扒飯配熱奶茶。原來加$8可以有個餐湯同蒜蓉包，咁又真係幾抵喎。我聽到隔籬枱有七至八個人話，用手機落單好混亂，揀揀吓嘢食突然間hang機，然後啲嘢冇晒，最後都係要人手落單。😂 不過我好成功咁用QR code落咗單，但係想加湯同埋蒜蓉包就搵唔到邊度有得加入購物籃，終於問餐廳職員點入，佢話呢樣嘢冇得入，係要人手落單㗎。🤣🤣🤣 最搞笑係，我明明同餐廳職員講要白湯，點知嚟咗個紅湯，我點咗熱奶茶，送嚟嘅係凍奶茶。滴汗！😅😅再送來嘅熱奶茶都幾好飲，不過個忌廉湯就一啲都唔熱，我覺得暖暖哋嘅忌廉湯好難飲，好似飲緊啲漿糊落肚咁。好彩咖喱雞扒飯夠熱，啲咖喱汁唔係好辣但係好夠味，撈飯一流，我差唔多食晒成碟飯，啲咖喱汁咁好味，碗咖喱雞餸梗係食晒啦。😂😋我個人覺得無論裝修同食物質素，樂富呢間都比之前去開嗰間嗰間好啲。至於服務就……註：呢間餐廳係有收加一服務費嘅。
continue reading
今晚端午節假期，傍晚6：00多和家人到了附近樂富茜廊晚餐，此段時間比較人少，但店員卻好像十分忙碌。此店是需要自助點餐，但竟然在app中所有牛扒都售罄，等了一陣終於有店員肯過來，比較粗聲粗氣的：‘’講，吃什麼？‘’，最後都是要人手落單才叫到牛扒，落好單後，她就將幾份餐牌放在其他未有人我枱上，但比較大力，是‘’掟‘’上枱面，所以比較大聲...這間餐廳好像只有九龍灣店比較似樣，但價錢是比較貴，其他的屋邨分店都不值一提，選擇在屋邨開分店，價錢又不能太高，食物質素當然就不能和九龍灣店比了。但至少你的加一服務費，都做返一些基本服務吧。感覺此店的路線實在不太清晰，又不算平價，又不算很親民，但又講不上高級，感覺就是不倫不類。最近發覺屯門田景邨的分店已關門大吉，隔鄰的幾間茶餐廳仍然做緊生意，再不改善這種內部問題同冇一個清晰的市場定位，恐怕在現今香港的飲食行業生態，都很難長久經營下去。
continue reading
今晚8/6/2024一家人去食晚餐，點了牛柳，雜扒，意粉，咖喱牛腩（唔掂）及薄餅（推介），我想講的除了食物外員工的工作很混亂，尤其是收錢的一男（對眼對唔到焦點）一女，控制唔到情緒在店內不斷指罵新手的員工，希望呢間舖頭嘅老闆，可以看到這個留言
continue reading