茜廊餐廳 (樂富廣場A區)

Open Now

Now Closed

星期日一點半左右去餐廳堂食叫左個特價鐵板西冷。特價，午市，忙，成間餐廳都好忙，鐵板唔熱，用手摸都可以。係全餐廳嘅鐵板都唔熱牛扒叫左七成，來到5成都冇，係未到5成呀咁咪同佢反映下囉，點知店拎入去唔夠3分鐘又拎返出嚟，都見到個扒嘔白泡，睇得出係微波爐叮出嚟嘅，78蚊明嘅，但叮到熟哂硬哂哦。理解午市係忙嘅，真心建議唔好忙果時去食啲廚房差過大家樂大快活，啲野食大家樂大快活都不如，點搞呀。人地大家樂大快活忙又忙過你，做出來個效果又好過你，冇咁嘅能力唔好搞咁多嘢啦

过来乐富站找朋友叙旧，第一次来这家餐厅吃东西。这里的服务员挺勤快，收台面用的完餐具比较及时，价格合理，就是餐厅环境稍旧。食物味道也不错，分量很足，这里罗宋汤比我在别的餐厅吃过的要浓郁，好味道！可以再去！

朋友吹水 無無聊聊揾個地方坐下 行過樂富 見到SideWalk 見佢幾實惠 好快就坐低咗 有啲意思 估唔到大衆化價錢 反而要讃下D店員 禮貌友善 居然say hello 還會提醒小心熱水之類 簡直係香港餐飲嘅清泉 好多時其他餐館都忙到忘記笑了 不貴 坐咗Hea咗好耐

唔知係經理定乜 唔係著制服既一入門口就勁惡劣態度趕你出去既語氣叫你拎飛，拎完見號碼，出面顯示係已過左，就想再入去好有禮貌咁問，無答不特止，又勁惡叫返我地出去唔係話客大哂，亦都見怪不怪有啲店太忙會係語氣重，但令到我第一次差評係呢間

【夏日優惠！高CP值！餐湯+蒜蓉包+西冷鐵板+凍熱飲‧多人嗌到，餐廳用曬鐵板😱】#MC帶你去樂富. 港式鐵板餐，最平最平去連鎖快餐店食，都起碼要$70，仲要無得嗌幾多成熟、又薄到成張紙咁📄今日小編食到間超高CP值，回頭率極高嘅西餐廳。.🍽️鐵板特級西冷牛扒套餐做緊夏日慚閃優惠，原價$168減到$78嘅Lunch 套餐。可以揀紅/白餐湯、幾成熟、凍飲唔加錢。包埋咁多樣野，仲平過佢自己Menu啲Lunch Set。🥩 西冷牛扒（5成熟）配意粉，黑椒汁西冷扒又大又厚，無為左減價而肉量縮小😱依個真係值得讚，對得住個價錢有突👍🏻上到枱，鐵板西冷都變7成熟，都明白嘅。食落都鬆軟，坦白講肉汁就真係無乜嫁啦，不過蘸黑椒汁嘅話，食落都幾惹味😋🫕 餐湯（忌廉湯）套餐包埋免費餐湯，分別有忌廉湯同羅宋湯。忌廉湯無配料、配菜，略為失色。🥖蒜蓉包餐包喺蒜蓉包，依個補返餐湯嘅失色。蒜蓉味好香🧄烘得好乾身好硬，咬落十分脆口，蘸返個餐湯就啱啱好，又好索汁🫶🏻⚡ $78蚊嚟講真係超值，人氣嘅程度，基本上每枱都喺嗌依個餐，搞到最後無鐵板用🤷🏻‍♂️我一枱4個餐，得兩個有鐵板上西冷，另外兩個就普通餐碟上西冷，就有啲失望☹️唯有提提

遇上風球想吃牛扒，來到發現正價有折扣，真是驚訝！有些套餐，main course 要另外加錢購買湯和熱飲，來了肉眼扒和燒春雞，味道很好，肉眼扒軟淋，春雞也鮮嫩美味，薯條是新鮮炸的，不會淋軟。pizza就較為單調，除了芝士和幾粒菠蘿外，差不多沒有餡料。還有一個看似簡單但很香口的豬扒焗飯，飽肚感升至100%。

牛扒無肉味，乸到梅哂，連個黑椒汁都係無味嘅！待應（女）落單時全程背住你望門口，淨係望住佢個背脊落單講嘢。因為叫咗湯同飲品，埋單問清楚轉特飲收費，收錢嗰個（比較矮四眼男）好似欠佢錢咁，唔願意解答，比完錢仲要話唔準走住，佢要check吓單先，客人已經食飽，埋單走，真係唔知有乜單仲要check呢！原來呢間餐廳係唔比問問題！仲可以大聲喝住個客人唔準走嘅！

今日見到呢間餐廳都有好多分店，價錢都好大眾化，午餐都有十幾款，每款都價錢都好實惠，食得豐富又唔肉痛。黑松露野菌雞肉燴特式飯這個味道都唔錯， 意大利飯十分creamy，黑松露和芝士味道十分香濃，但配料唔算多，米粒偏硬。黑椒雜扒飯份量都唔錯，雜扒有豬、牛同雞，都算OK，軟腍肉汁多， 熟度剛剛好，不會煎得太老，黑椒汁又不會太咸，而且薯菜的份量很多。特級肉眼扒配薯菜牛扒份量都足，算夠大份，肉質幾腍，但煎得唔夠香，牛脂味唔算重，以呢個價錢來講，都幾有誠意。整體而言，價錢非常合理，我地幾個都食得好飽。

11點09分同屋企人一齊叫咗兩碗麵， 我叫左個雪菜雞絲雙蛋麵， 最後又嚟咗個沙爹牛肉雙蛋麵， 本人因信佛及身體問題， 已經講咗我唔食得牛肉， 千叮萬囑叫廚房要重新煮一碗， 但廚房依然都係照用返果碗麵，只係求其攞走幾塊牛肉，之後換左果碗麵入面都係有牛肉， 再叫佢換返一碗嘅時候又等左十幾分鐘，已經講左好趕時間， 但最後足足等咗三十幾分鐘， 換返一碗只有雪菜同一粒雞絲嘅雙蛋麵， 店員態度極hea， 有問題又唔及時跟進， 最後因趕時間加上一肚火已經食唔落叫佢退錢 。打去公司投訴態度唔好亦都冇回覆返電話過嚟， 呢間公司啲人明明做錯左都完全冇心幫顧客解決問題！（ 雖然我都唔想浪費食物， 但入面仲有牛肉同埋有沙爹牛肉味！）

經過呢頭，搵早餐食，發現有呢間餐廳。有好多選擇，主要食西式早餐，揀選左羅宋湯雞扒粉，羅宋湯辣辣的有黑椒味，有兩塊厚雞扒。咖啡香濃，奶是另外分開上，可以給顧客按自己需要添加。

今日諗住去行山，所以上山之前去食個早餐，因為人生地不熟，所以求其搵間餐廳就入去食了，點知竟然有驚喜😻。今日就叫左個香草腸羅宋湯煙斗粉配牛奶炒蛋同多士（$38）牛奶炒蛋食入口非常嫩滑，重牛奶味🥛，一D都唔馬虎。最令我驚喜係，除左牛油外，餐廳竟然提供埋士多啤梨醬🍓俾你塗多士，真係唔係每間餐廳都做到，十分貼心❤️。香草腸羅宋湯煙斗粉煙斗粉平時比較陌生，但食入口又幾好食😋，呢種粉好索湯汁，令你每一啖粉都有濃濃羅宋湯味，而且煙煙韌韌，幾得意。最重點係呢個餐廳既羅宋湯十分好飲👍，濃郁得黎，仲有少少辣辣地🌶，岩晒鐘意食辣既我，仲要有好多配料，例如洋蔥🧅，青椒🫑同蔬菜🥬等，十分有誠意，如果我下次再黎樂富食早餐，一定會encore呢間餐廳😍。

今日中午行過見到有平價牛扒想同小朋友試下，一入囗梳打粉味多到嘔 我同小朋友已經食唔到第二啖好彩叫左一份 想食pizza佢又話冇貨 事後覺得好彩無貨又伏多一樣 意粉水煮一D味都無，無諗過可以做到連大快活質素不如

咁辛苦返工！中午食餐好先😜行過茜廊門囗～咦！抵食喎！又可以有唔同的選擇添～試下一於試下先～$76蚊鐵板西冷牛扒250gm～最驚喜竟然係嗰黑椒汁同雜菜😋估唔到南瓜巧有南瓜味呢😉黑椒汁完全帶起加$6蚊雞的意粉👍哈哈～主角又點呢？又真係唔錯😜整杯凍檸茶添睇埋張單添

第一次嚟樂富茜廊，之前都食過九龍灣嘅分店，算係連鎖式嘅西餐廳。今日午市時段嚟呢度，本身係想食壽司郎但係排大隊。呢間餐廳就算午市都冇乜人，所以都好容易搵到卡位坐，餐牌都有幾多選擇同埋都有優惠，都幾抵食！香草燒雞髀配鮮茄燴意粉$58- 午市套餐包埋餐湯同麵包、飲品，飲完羅宋湯同食完大大塊蒜蓉多士之後，其實已經飽咗幾成。蒜蓉包烘得太硬，點住羅宋湯一齊食會比較好。炸雞髀嘅雞皮非常邪惡，邊邊嘅肉就乾咗啲。意粉意外地好食，質感好滑，推介！鐵板西冷牛扒$76- 加$15有餐湯、麵包同飲品。本身想食肉眼牛扒，可惜賣晒冇貨。牛扒俾鬆肉粉醃到冇晒口感，五成熟啱啱好唔會鞋，夾燒肉汁幾好。炸薯條$6- 新鮮炸起嘅薯條永遠好食，點燒肉汁好味過點茄汁。

前兩日和朋友去食下午茶，前後腳叫了兩份西多拼雞翼餐，結果上餐時一個餐係四隻雞翼，另外一個餐只有三隻雞翼…………有點過分……貴公司的食物份量這麼兒戲嗎？？……煮食物難道是要看心情來做？……下次再來食是不是只有兩隻雞翼？？……真的很搞笑沒有在其他地方食野試過發生這樣的事，真的亂來……………打去九龍灣茜廊餐廳問，經理說他們那裡沒有這個餐，講了一大堆說話，原來店不同，食物種類也不同……下次不會再幫襯…………