茜廊餐廳 (天盛商場)

Open Now

Now Closed

今日一行8人去左哩間餐廳食晚飯！可能時間尚早，大約6點鐘，所以唔需要等位！坐低後各人自行點餐，我哋仲叫咗一份一呎長大pizza, 揀咗三種味。pizza先上枱，初時以為一呎長係連續一條過，點知原來係分咗三分，呢點有少少失望， 不過三種味道都唔錯，最好食係松露蘑菇，好香松露味！另外自己叫咗個意大利飯， D飯軟硬適中味道都好好。

因為上次食完有Coupon, 所以再去食!(但係張coupon得15日有效期....)因為要叫滿$150蚊先可以用,我地就叫左個set dinner, 蘆筍雜菌意粉,食落都唔錯, 不過味道偏淡, 落番d鹽調味就好食好多,份量都幾多!餐湯同上次一樣, 好足料!本身男朋友想飲白湯, 但係諗起上次係"結達達"就不了....包都係不過不失啦~再叫左份雞翼小食~ 好似$3x? 有6隻~!!辣辣地又幾好食....!再叫多2杯特飲~一杯芒果,一杯士多啤梨!芒果男朋友話好好味, 我試過都覺得幾香芒果, 不過陣味就有d假士多啤梨以為顏色都應該唔差呀...點知就勁淡....最後燒雞出場~!用coupon都有成隻真係意想不到!!不過最差勁係, 一上到黎, 勁大陣油膱味....原來出處係d薯條, 真係食唔到就叫換過碟等多3個字到, 終於換左碟~D薯條雖然無左油膱味, 但都係唔好食....反而雞好驚喜! 好滑, 外脆內滑又JUICY! 味道又夠!! 推介~PS 上次食西冷好失望,今日再食, 咁岩隔離台叫西冷,結果人地鐵板上既西冷,落汁真係有"滋滋"聲,我果次食係無! 結論係: 唔好咁夜去食, 可能趕收工!!

好少會在天水圍西餐廳食飯，一半是因爲好奇心而去試茜廊，另一半是因爲裝修感覺舒適，加上朋友評價可以。晚市套餐，價錢唔算貴，而且選擇應覺吸引。因為比較早食未算好飽，只叫左一個套餐再加小食share.跟餐的湯味道普通，冇咩印象；反而蒜蓉包香得黎好脆，唔錯飯老實講有少少失望，奶油味太重蓋過左其他調味，加上好多油，好快就膩；帆立貝幾大隻，不過鮮甜味欠奉。田螺大大隻，味道唔錯，薯蓉香滑亦都好夾田螺，唔錯。薯條少少油，但好香脆，本身鍾意香口野所以明知肥都食唔停；松露醬沙津醬比較多，松露味唔太出，其實有少少似m記嘅點jack醬不過味道真係唔錯價錢唔貴，小食比較滿意，天水圍朋友都可以黎一試相信會再黎試試扒類味道如何！

本身想黎試下海南雞, around 9 點泰國師傅就收左工?最後叫左個西冷牛扒 5成.. 出面睇落仲粉紅色, 但係食落都係熟過頭, 同埋好"un"..T_T羅宋湯唔錯, 酸酸地好開胃~ 唔記得影個餐包, 蒜茸包! 個包夠香夠脆, 唔錯的!個set好似$11x, 再+1以份量黎計價錢都合理, 不過味道再改善下就好啦!** 冷氣好凍!! **服務態度無乜, 坐係角落頭無人理, 可能準備收工...仲有抹檯果張布好臭好臭, 一抹過果陣臭味+清潔劑味勁大!!!希望注意下衛生情況

《茜廊》這家店我已經來了好幾次店家的下午茶和晚餐也做得不錯喜歡店家的環境夠大夠舒服有休閒的感覺這次是我第一次來嘗午餐卻讓我失望極了平常我都很欣賞店家下午茶的蒜蓉吐司香濃蒜味外脆內軟但今天換成了多士卻硬得快咬不開溫度也是涼涼的白酒煮青口就只有芹菜的味道火腿雞絲炒讚岐烏冬除了鹹味還是鹹味茄蓉滑蛋吉列豬扒飯味道比較正常滑蛋炒得不錯夠滑溜總括而言今天的這份午餐不是我平常吃到的水準#我覺得好吃不等於你#純屬個人意見愛分享

三點半，食今日第一餐見到餐廳門口話下午茶買一送一好似ok, 兩個人就入去食係門口話兩位前後三個人帶位去到最後個waiter 根本冇話我知坐邊我明白有啲可能俾你選擇坐邊但個waiter 完全冇出聲我企係到等左陣距先話你想坐邊咁你帶位泥做咩呢？打開menu 我地叫左兩個set 先到既係西湯加麵包兩款湯平平無奇不過個羅宋湯都重手胡椒至於個包，好脆不過唔夠熱飲品叫左普通既凍檸茶主菜出場意大利飯同想像中既好大出入味道好淡帶子細粒到見唔到唔知點解會有碎菜粒另一個主菜係三色芝士龍脷柳焗意粉諗住距會濃味既點知都係好淡好淡因為份量唔算細同埋個意大利飯好失望我食唔哂個飯男朋友唔想浪費叫左個要加$2既外賣盒打包個盒係燒味飯既發波膠盒環境係幾靚但啲waiter waitress既態度可以好返少少食物令人有感失望

呢個星期都落足咁多日雨... 就好似我既心情咁 /_\不過食到滿足既一餐 總算令心情可以好返少少 : )夜晚7點幾 要等位 但都係等15分鐘以內~落咁大雨 我諗少左好多人出街食飯喇...我覺得佢menu整得幾靚...又有好多圖 令人好有心機睇XDD最重要既係佢多款揀~ 意粉扒類pizza沙律樣樣有~見到佢dinner set都唔少選擇, 好快就揀到岩心水既食物!跟餐既蒜蓉包同忌廉湯蒜蓉包真係好好味!!! 黎幫襯既話, 我覺得就算唔食其他野都要食呢個!!! XDD烘得香脆非常! 面頭除左塗上蒜蓉牛油之外, 仲見到有一粒粒感覺好似香草味既顆粒... 有冇人知道係咩黎架?__?我覺得係呢d籽粒令到個包咁香咁好味!!烤百里香春雞 $98 跟餐湯,蒜蓉包及凍/熱飲品其實每次出街食飯 揀燒春雞之前都有一絲恐懼因為實在中過太多次伏...!!>< 唔係太乾身就係太淡味但係呢隻春雞比返信心我!! : >外皮烤得好脆 適量既鹽為春雞提味 雞肉一d都唔會"鞋"口 肉質軟嫩更重要既係佢唔會太細隻 仲有薯條同沙律菜拌碟隸屬高性價比之選~~ $v$黎個close up~~ 真係好香脆♥美國

本身想叫牛扒，但因為驚太飽食唔落叫左意粉。野菌天使麵呢一個天使麵係我食過最淡味嘅意粉，真係淡到咩味都無，連啲配菜都係冇味架😅。吞拿魚焗意粉呢個意粉真係好好食，首先吞拿魚唔會因為焗得太耐而淋左，食落好似啱啱係罐頭新鮮開出嚟嘅咁，抵讚，意粉亦好味。

今日一早起身已經覺得好肚餓，突然好想食茜廊的早餐，諗起以前係九龍湾返工的時候成日都會去茜廊食，九龍湾個間的茜廊D野真是好好食，於是搜尋見到原來天水圍都開左一間，望一望時間早上十點半仲趕得切，於是嗱嗱臨落街去天水圍，去到坐低望一望個餐牌，價錢比以前貴左好多，考慮左一陣於是就叫侍應幫我落单，叫左個烤雞扒、黑松露炒蛋、多士連一杯橙汁！唔知係咪知我肚餓，不到三分鐘侍應就好快上左份早餐比我！首先試下個黑松露炒蛋先，嘩！真是從未食過甘難食的炒蛋，食落唔單止無蛋香味，竟然會食到有陣怪味！跟住唯有食塊雞扒啦，真是唔好食，唯有食多士啦，諗住多士甘簡單的野應該唔會太差卦，嗱嗱臨 搽D牛油落塊多士度，一試，塊多士唔夠脆，呢一份早餐真是令我失望！最後成份早餐我只是食左小小同埋飲左杯橙汁！

平時與家人也會去樂富的茜廊享晚餐，不過未試過其他分店。今天與同事在天水圍下班，相約好了下班一起吃晚餐，做決定一試這間茜廊。我點了份 西冷牛扒 要六成熟。 羅宋湯和麵包很快就送到了， 它的羅宋湯與樂富分店一樣好喝。 又濃又多料，很夠味道。 餐飲也很快就上到了。主菜等了好一會，終於來到了。 看見牛扒表面燶燶的，十分之熟，心知不妙。 當我切開時， 牛扒韌得十分難切開。 這個牛扒是十成熟的感覺呀！ 幾經辛苦，把牛扒切完後， 便開始品嘗。 牛肉非常鞋，而且烤得很乾，沒有肉汁，本身的肉質變到很老。 而這間分店的配菜十分之少，只有少量菜，也沒有樂富分店的紫薯薯蓉呢！本是期待著像樂富一樣的質素，現在真的有有點失望了。

趁著有數天復活節假期、這天特意早點起床跟家人到屋苑商場內CP值高的餐廳食個早餐早餐C3:經典羅宋湯湯粉系列---兵加腸、煎農場雙蛋配羅宋湯煙斗粉、牛角包+熱咖啡 $35😋（很香濃的羅宋湯、配上煙斗粉、很夾啊）早餐A4:歐陸系列---吉列豬扒，黑松露炒蛋、多士+熱奶茶 $43（這個黑松露炒蛋真的好好味，很香、用來配多士吃，一流😋😋😋）早餐A5:歐陸系列：吉列魚柳早晨全餐+熱咖啡 $48👏👏👏（一望就知道相當豐富啦😂睇見都飽晒😆種類多、啱晒咩都想試既我😅）總括來說：很滿足的一份早餐，無論是味道或是份量都相當合我心意。下次會再試其他早餐款式🍳☕️🍴

復活節長假🍡🍭同媽咪食中午見入面佈置好可愛餐湯（有忌廉同雜菜）我試左忌廉 好creamy好rich下次可以試雜菜黃咖哩龍脷柳飯（$56）好濃咖哩口味對中意咖哩朋友吸引力好大魚幾新鮮 值得一試份量好多 以一個女仔來說半碗就飽了蒜茸彩椒焗雞球飯（$48）媽咪叫左呢個焗飯平時吾食芝士既佢都比like飯好多cream吖 芝士仲拉到絲 ！💕💕👀凍啡平時我真系唔會評餐飲不過杯啡真心正一點也不苦下次一定會再光顧

服務態度極差，叫左2個午餐等左30分鐘餐湯都可以未到，咁咪問經理追追佢既回覆係：「知喇！等等喇！枱枱都要等嫁喇！」衛生完全惡劣桌面完全無清潔油漬多到咩！紙巾係用過重放係枱到比人用！

一行四人響天水圍睇完戲會合埋家人一齊食飯，阿女又話唔食中菜，表妹順佢意思去食西餐啦！佢上網搵到呢間話試吓，是旦啦！睇完戲搭埋車行過去，表妹訂咗7：30,家人先到達，我地一行九人被安排門口側嘅長枱，有自成一角嘅感覺，坐位都闊坐得舒服！睇完一輪餐牌叫咗兩個扒餐，一份復活節兒童餐；意粉飯各一，同埋驚天嘅pizza雖然嘢食味道麻麻，兒童餐有嘢飲同雪糕，侍應唔記得，我地又唔記得，到埋單先醒起提佢地！食滿80蚊送一張擦擦卡，但最多三張！但家人傾得開懷，總算係開心啦！

住了天水圍多年、終於都有一間CP值很高的西餐廳了👏👏👏趁住今天是星期六、就試試下午茶啦。（2-6pm)龍蝦汁蜆肉意大利粉 $48 (味道濃郁，但一定要趁熱食喔！*放涼了才吃會感覺很滯*）青口蜆肉薄餅 $52 （芝士控必定喜歡，因為薄餅上撒了大量芝士。另，因即叫即焗的關係，所以等候時間相對較長）***因為是茶餐、所以此價錢已包了飲品***整體來就、以這個價錢食到這水準、本人覺得是超值了。☺️若果大家有機會來天水圍遊玩的話、可前來一試。