茜廊餐廳 (天盛商場)

Open Now

Now Closed

茜朗西餐廳至開業以黎一直係小妹居住附近既至愛無論由環境、服務至食物都做得唔錯一日之計在於晨，今日小妹黎到食個醒神早餐🥣雞扒蕃茄漏斗通粉 呢個通粉既湯底係蕃茄牛尾湯，蕃茄味好香濃，絕對唔係罐頭湯，味道又唔太酸，配埋漏斗形既通粉簡直啖啖都食到湯汁精華雞扒肉質唔會煮得太老，依然保持鮮嫩跟餐煎雙蛋+牛角包🥐呢度既太陽蛋水準一直都保持穩定，蛋黃keep到5成熟，小妹最愛刺穿蛋黃放落通粉度食，正呀！牛角包味道微咸，夠鬆軟食完呢個早餐我即刻精神爽利滿分💯

黃咖喱薯仔雞肉飯 HKD 38 （連餐飲）黃咖哩有點辣，薯仔綿綿的，雞肉也嫩嫩的，雖然預了下午茶的份量會少一點，但真的少的有點誇張——只有兩小塊，比一口雞大丁點兒，圖中左上方十一點方向是其中一塊，而薯仔的份量是非常充足龍蝦汁蜆肉意大利粉 HKD 48 （連餐飲）龍蝦汁不太夠，後加了黑椒，味道剛剛好，蜆肉普通，份量尚可白酒煮藍青口 HKD 38雖然白酒的味道是很淡很淡的，但是味道是不錯的，值得讚賞的是，每個殻中都有藍青口，加上湯中有甜爽可口的洋蔥粒，性價比很高雖是下午茶時間，但餐廳裏座無虛席，而很多人都點了下午茶餐買一送一的西冷牛扒，所以下次下午茶來要點西冷牛扒或來吃正餐，心理上會平衡一點

疫情擴散下，我哋都選擇外賣多過出街食，呢間茜朗都有搞外賣優惠（85折），而且OpenRice 都搞信用卡優惠（$45-$15）真係好吸引。不過點餐就出現問題，午餐跟餐有飲品同湯，OpenRice 頁面冇得揀湯，又冇得揀飲品嘅冰的多寡，而甜度，餐廳會俾糖漿就唔洗揀。最後餐廳都係要打黎問我地飲咩湯，真係無奈。用咗我媽媽的新Acc買，有$30優惠！Openrice 嘅袋嘅質料比起其他外賣好，係比較硬身嘅膠袋！雖然話要30分鐘，其實十零分鐘就攞得，唔好太遲先去攞呀！蒜蓉包好脆但好硬，因為外賣好快就凍咗。乾炒豬柳河粉（$49）都炒得唔錯，但油咗啲啲。咖喱雞球飯（$49）好食😋！ 份量多，咖喱濃，雞滑！香煎雞扒拼豬柳配薯菜（$68）呢份比較失望，份量少，雞扒還不錯，滑嫩，但豬柳好乾，薯菜都好少，唔飽肚......飲品係俾糖漿，唔洗揀甜度。仲有湯飲，但比較稀，冇料......外賣Menu

兩大一BB去完屏山玩兒童遊樂室，就去再就近天盛揾食，見到有間西餐廳，地方夠大又有BB椅就選擇左叫左一份二人餐，先有湯就一般西餐廳紅白湯，夠味道合格，沙津就有睇頭，芒果新鮮無出水，黑醋亦好足，主食叫左西冷牛扒同埋香燒雞白汁飯，西冷牛扒夠多汁不過有筋，但我地覺得ok, 飯就完全比想像中大份好多，好抵食，夠2-3人食，雞亦多汁夠香，水準之上，另外叫左白酒青口，因為朋友餵緊人奶，叫左一定要煮沸同埋唔好咁多酒，出黎效果可以，最後餐既甜品係蛋糕，都係一般，但賣相可以唔馬虎，套餐$248,性價比高

今日第一次黎到sidewalk食佢個西式早餐，我叫左個雞扒黑松露炒蛋多士餐。多士好夠脆，加埋黑松露一齊食無得頂：雞扒就好軟身，唔會好鞋。呢到既西式早餐唔錯，會再試埋其他餐！

星期日同屋企人黎到天水圍搵野食晏就兩點幾既時間 見到呢茜廊餐廳有下午茶買一送一優惠 好似幾抵咁就走入去試下。買一送一就西冷牛扒揀 真係幾抵圍番起黎只係60蚊左右就食到西冷扒set 啦仲要個set係包埋餐湯 (紅湯 or 白湯) 脆脆既蒜蓉包同埋一杯餐飲 如果加錢都可以轉特飲架。西冷 我就叫左5成熟 個感覺上枱個下其實得3成熟左結果我自己切開晒再放係鐵板上加熱多陣先食。不過老實講 60蚊既價錢 有呢個size既扒食性價比真係算係唔錯！下次去我認為都可以encore

平時路過呢間餐廳都無乜點留意，今日想試下新野，就黎左呢間茜廊。我叫左個羊架黑松露炒飯，送餐湯蒜茸包同野飲。蒜茸包夠晒脆，點落白湯到飲一流！個炒飯都好有黑松露味，又唔會太濃，羊架就不過不失。可惜就在於啲配菜太生，唔係好岩我胃口。

在天水圍食物選擇少的情況下，我們選擇了吃這一間西餐廳那個屋村好像除了它，並沒有其他選擇似的🤣 而當天晚上約8點30左右。附近很多的關了門，所以是我們的最終選擇。首先，我們還沒有到門口，服務員見我們正在走過來，已經很熱情地詢問我們幾多位並帶領我們入座。 整個過程很舒適很不錯。我們點選了一份牛扒7成熟，一份意粉及兩隻焗青口制作時間也很快 20分鐘多而上齊了。還真的很有效率而食物味道我覺得還可以，不錯，而跟很多餐廳水準一樣。沒有太大的突岀。至於場內環境座位位置都非常舒服的位置非常闊落🙈唯一不好的就是結帪時，找續全是硬幣。我們只好放下當貼士吧。服務員都是想這樣(大概20左右是硬幣2蚊1蚊😂）不想有這情況發生建議大家用信用卡💳吧。

早幾日想同朋友聚舊，又想搵間坐得好少少既餐廳而又近西鐵站😂😂😂所以去左茜廊試試！估唔到十一點去都仲有早餐食！佢既早餐時間去到1130！都幾好😂岩哂晏起身既人😂我叫左個雞肉，煎蛋，羅宋湯米粉！份量都唔細，蛋仲要有兩隻！而且跟餐既牛角包都好大😂加埋一都係$44算係咁

芝士三色龍利柳意粉意粉不會太乾，醬汁都算多，芝士味就唔係好濃，個龍利柳都幾大個，味道都唔錯個薄餅味道唔錯，仲可以拉到少少芝士絲，蕃茄味都好濃，(不過食過兩次都有虫虫)....個蒜蓉包好碎 ，不過蒜蓉味唔夠濃，不過味道都唔錯忌廉湯分量好少，忌廉味唔係太濃，不過都唔錯牛排都算大塊，而且都唔係好多肥膏，不過肉質有啲乾，啲薯仔都好好味

午餐係度食 見一碟飯都係50蚊左右就入左黎環境非常黝暗，影嘅相可能都差啲。餐單有得加16蚊有沙律同甜品，如果呢兩碟野一早上晒黎，食完先食正餐，完全冇理我地感受。炸蝦沙律，得一隻，剛炸起非常熱，粉都多，中規中矩。菜就唔係太新鮮，食到一啲幾lum 。檸檬cheesecake 面頭加果jam。 我覺得酸酸味味幾好食都好開胃，朋友就品太欣賞，覺得唔好味。個size係mini cake超細件，餅底同個餡一切就係分開嘅。蒜容包。烤過龍。好似食薯片咁，咬一啖碎晒，仲跌到周圍都係。 我覺得係好過食餐包既。仲有餐湯，有羅宋湯同忌廉湯，我幾鍾意白湯，味道岩岩好，都幾滑同濃既，羅宋湯就少左啲肉味，唔夠濃。唔好以為呢度淨食西餐，我嗌左碟中式豬肉炒河粉，又幾好食，份量又幾大，唔會太油，豬肉份量都足夠，就係茶餐廳式河粉，令我幾意外。咖哩薯仔雞球焗飯睇落好似好乾，事實上都幾多汁，但唔太食得出咖哩味，又唔辣又唔係甜，椰香味重啲，飯撈埋汁好黏稠，食落好heavy，雞球就係得果幾粒，事實上好幾粒都係薯仔，薯仔就lum得濟既,又係唔好味嘅。最後都剩返幾多飯。唔洗加錢大大杯凍飲，本身都甜架啦但仲俾大大杯糖水我地落，我地中晒伏

午餐- 鐵板西餐牛扒薯菜$98望落就跨啦啦....牛扒又大件，又熱辣辣，仲用左好多新鮮蔬菜做薯菜，比一般的淋滋滋炸薯條健康得多。可惜牛扒太熟，叫左七成熟，但出來的效果係十成，而且好韌吓，牙力大挑戰。都有D牛味既，但食到好累。可能我唔好彩啦，但呢個 set , no encore .午餐白汁菠菜迷你帶子闊條麵 $65白汁同闊條麵都 ok 的，合水準。但敗筆在帶子，完全沒有鮮味而且充滿雪味。友人食到「頭另另」。最後見佢揀走囇D帶子，就咁齋食麵.......我唯有切兩件超韌牛扒俾佢加餸，好灰。呢個 set, 飽肚用。餐包同餐湯 （羅宋湯）都係得的！咖啡正常。裝飾都算不錯，樓底夠高，舒適好坐。服務一般啦，有時侍應會對客人視而不見，但睇得出佢地又真係忙既......

本人第1次嬲到要寫食評首先係情人節4日前訂咗位，俾咗$100 deposit男友先到，講咗訂咗位8:00，reception好似揾唔到booking定漏咗咁話等等跟住揾到booking又話張枱有人坐緊要等乜訂咗枱都要等位咁訂黎做乜？眼見walk in嘅人快過我地可以入座，已經燥燥地過咗10分鐘再行埋去reception,佢好似先記得未安排我地入座同入面職員講，最後好求其咁安排坐係一排枱嘅中間位，完全唔覺得係訂座首先黎湯同沙律都不過不失但飲飲下湯無啦啦上咗2個甜品我地O哂咀只好同佢講遲d先上，未食主菜主菜係羊架同天使麵，味道一般無影到相甜品算正常但食完之後2個鐘，我個肚就開始唔舒服，最後成晚無訓過，肚痾，痾咗5次男友可能強壯d，第2日先痾，都痾咗3次我地都覺得可能d食物唔乾淨或者節日廚房太忙冧檔令食物變壞

難得放假，訓醒放鬆心情黎到天水圍行下就搵左依間餐廳食午餐，見依間餐廳係其他地方都有分店今日可能因為平日關係？唔需要等位就入得位置都算闊落，比起平時茶記午市套餐都多選擇叫左一個菠蘿茄汁焗豬柳飯（$59）如果需要加配沙律同甜品，就要另外加$16價錢尚算合理，因為配埋忌廉湯同餐包豬柳飯雖然賣相唔太令，但豬柳唔硬身同埋配料比較多洋蔥，紅蘿蔔，薯仔，其實食哂成個餐都已經好飽，上餐時間都比較快再加埋一杯奶茶👍

其實之前都食過兩次架啦！如果星期六日過泥食就一定要等位架啦⋯⋯所以都只會選擇平日先過泥食早餐，之前下午茶時間去食，無乜人以為好差！人少少時，服務人員一般態度都吾差，但星期六日多左服務員但態度就......又會無視人！入翻正題其實食物係吾錯咼尤其係杯朱古力真係好好飲好可惜既係，我食過兩次早餐，兩次都叫熱朱古力，但淡到......好失望！！講翻個早餐先其實都幾特別！湯底係羅宋湯，所以食完個煙斗粉可以飲埋碗湯，真係大件夾抵食！另外餐包仲係大大件牛角包一定要趁熱食，因為好快凍左就好難咬四十幾蚊有湯、有粉、有兩隻蛋、有個包、另外可以選雞扒/腸！再加杯熱飲，真係幾抵架如果早餐杯熱朱吾會沖到咁淡，我諗真係完美了