Silver Mine Bake

Open Now

Now Closed

❥ 肉鬆麻糬波波($35/6粒) 麻糬波波口感微微煙韌，中心位置有一啖鹹鹹香香嘅肉鬆，加上有少許芝麻混入外皮當中，食落嘅味道好類似肉鬆蛋捲個種傳統風味🤣❥ 朱古力麻糬波波($35/6粒) 雖然呢間麻糬波波嘅質感唔係我食過最Chewy嘅，但我好中意佢地嘅外皮會有脆脆嘅口感😍而且唔會中間空空賣空氣🤣特別推薦同喜歡呢款朱古力口味，有粒粒朱古力佈滿整粒波波球，岩岩買即刻食，係微暖狀態下仲有軟心朱古力效果🍫

前排經常見到ig有人介紹呢間麻糬波就bookmark咗📌個日好好彩去度係岩岩出爐所以有哂3種口味😚可惜個日冇芝士味😣🔺朱古力麻糬波波🍫 $35/6pcs 呢個好好食,朱古力係會流出黎會見到朱古力醬係中間😍朱古力味真心頗濃🤎麻糬波波都大大粒同煙靭🫣🔺肉鬆麻糬波波 $35/6pcs第一次食肉鬆麻糬波波😳係見到有肉鬆係入面但肉鬆嘅份量比較少,只有一少舊🤓但都頗特別的!!麻糬波波同樣係好煙靭😆🔺原味麻糬波波$25/6pcs 原味就係有芝麻粒粒,芝麻令成個麻糬更香😉但呢個就相對普通少少但係個好食嘅麻糬波波🫶🏻

長期人龍店🔥公司好多人買嚟做早餐或者下午茶✨之前試過原味同朱古力🍫都好食😋今日等咗半個鐘終於買到肉鬆好好食🥹表面脆脆地，入面煙靭又有肉鬆，$35/6粒，抵食👍🏻不過一直以來都唔知究竟幾時有得買邊一款味道，每次都係排隊嘅時候要望下前面嘅人買咗啲咩🥺係咪可以定返邊款味道嘅出爐時間?🤔靚景指數：不適用好食指數：💛💛💛💛💛抵食指數：💛💛💛💛💛

係附近拎野就順便去買，因為好似話幾出名，見唔駛排隊就入去買。味道是比連鎖店較為好，但2款（原味+肉鬆）各咬開一半睇見到咁多空間，都呆左一下。食落一D都唔煙韌反而比較硬，同平時食開既都有d分別，當時見到店中寫明最多mix 2款口味，第一次光顧咁樣叫比較安全。外形比連鎖店大，肉鬆咬開就係咁多原味 ，無咩特別呢間鋪等緊職員執好期間都好多人湧入去買既、我就食過一次就算了，反正每人口味唔一樣，我自己就比較喜歡煙韌有咬口個種。

今日行到這間專賣麻糬波波的舖頭，看見多人排隊，每人都買一兩打，滿以為很好吃，所以我也買了。我買了半打原味麻糬波波回家吃，覺得真的麻麻哋，很乾硬，完全冇煙煙韌韌嘅口感，真失望！

之前同屋企人講 呢間麻糬波波由梅窩hit到去中環開分店 但係平時放飯時間太多人買唔到 佢上星期六經過就買咗比我食🥹 因為我隔好多個鐘先食 所以就焗翻熱啲麻糬波波黎食～😌 以為會一般 但係好驚喜！🤩 聽屋企人講 啲麻糬波波係可以mix兩隻味 咁就可以咩都試下🤍✨ 肉鬆 （💲35 / 6粒）第一次聽肉鬆味既麻糬波波😹 以為會伏 但係好有驚喜！焗完之後麻糬波波外皮脆身 入面就煙煙韌韌 絕對唔係空心的 成個口感好正🥹入面塞滿肉鬆 鹹鹹香香 原來同麻糬波波好夾🤩 見到有review話偏油 但係我又唔覺🤔✨ 朱古力 （💲35 / 6粒）焗完之後朱古力味係流心㗎！😋 朱古力味好濃郁 唔會太甜～🍫 好似好誇張咁 但係每食一啖都覺得好幸福🤣✨ 原味 （💲25 / 6粒）中環未開舖之前 男朋友喺梅窩買過比我食🤍 原味有少少芝麻粒 味道就無乜驚喜 但係同其他味道一樣煙韌😗

❀ Silver Mine Bake #中環 ❀❗️梅窩人氣麻糬波波開到嚟中環 肉鬆味最有驚喜❗️——————————————————梅窩人氣麻糬波波最近開到嚟中環，掀起一陣熱潮，每日都人流不斷🔥好彩佢哋製作量多，所以唔使排好耐都到😆嗰次平日收工時間去大約排咗20mins就買到(PS因為咁啱等緊朱古力出爐，所以先耐咗。).✷𝑀𝑒𝓃𝓊✷☞ 麻糬波波♥ 原味 $25/6pc♥ 朱古力 $35/6pc♥ 肉鬆 $35/6pc♥ 芝士 $35/6pc♥ 抹茶 $35/6pc♥ 原味＋其中2款味 $32/6pc♥ 原味以外其中3款味 $35/6pc一共有五款口味，一定要一袋六粒咁買，但可以混合不同味道。.當日冇曬抹茶，其他每款要咗三粒~就咁望落去，覺得同傳統麵包舖嘅麻糬波波差唔多，好似比較乾身空氣咁重嗰種🙈點知幾有驚喜，外皮脆脆地，內裏比想像中煙靭🤟🏻新鮮出爐，熱辣辣咁食就更加正！.最推薦肉鬆味，肉鬆係有少少脆非常香口，外皮仲有少少黑芝麻。而芝士味就鹹香味十足🧀朱古力味幾香濃微微苦澀，熱辣辣仲有流心效果🍫——————————————————✨整體味道: 4.1/5 ✨環境裝修: 3.5/5✨服務態度

呢間人氣麻糬波波店，起源於梅窩嘅路邊小檔，上環開左分店之後，就長期吸引左上班一族黎買，基本上中午打後條隊都係唔會消失嘅…🙈因為太受歡迎，而且係新鮮出爐🥧，所以同一開張嘅時候唔同，呢家係不設預購，要門市排隊買，每人只限購三袋，每袋6粒，而味道就分別有原味、朱古力、肉鬆、芝士、抹茶，可以每袋一隻味，或者mix都得～\ 🍫朱古力 ($35/6pcs) /岩岩出爐嘅關係，裡面嘅朱古力係有少少流心，而且外脆內煙韌，好食！\ 🌮肉鬆 ($35/6pcs) /食落有咸香味，肉鬆有口感，呢個口味出面比較少有，所以覺得好特別，而且佢外皮有加芝麻粒，會有少少芝麻香\ 🧀芝士 ($35/6pcs) /係有芝士餡，不過覺得比較普通\ 🍵抹茶 /每次黎都Sold Out，應該係限定\ 原味 /暫時未試過鐘意食麻糬嘅唔好錯過，好適合做早餐 / 下午茶 \(≧▽≦)/ 但如果唔想排長龍，建議避免Lunch Time / 下午時間黎，因為真係好多附近返工嘅人黎買🙈🙈

前晚(21-3-2023 Tue)同老公食完晚飯後,佢拎咗一袋嘢出嚟,話就算飽都要食一個佢老闆食唔晒俾佢嘅麻糬波波,咁我哋食啦.一打開袋,已經嗅到香味,拎出嚟睇,原來有三隻味,我哋先食外面有芝麻嘅,唔知係咪擺得耐,所以都算幾韌,味道係鹹鹹地,食到最後嗰啖有啲唔同,係有餡嘅,幾好味.𠲖o家睇返人哋嘅食評,呢個應該係肉鬆.味道:5分然後食朱古力味,口感都唔使講,內裡嘅朱古力餡都幾滿,唔甜但覺得似燶味.味道:2分最後嗰個原以為原味,掰開睇,原來係芝士餡,有少少鹹香.味道:4分抵食係2.8 分

Sliver Mine Bake 源於大嶼山的梅窩碼頭, 十分欣賞它的鮮奶吐司, 吐司的組織充滿奶香和有彈性, 不過如果你宜家去梅窩, 應該再買唔到佢哋做嘅吐司, 因為而家佢哋喺中環開咗店舖, 主坆「麻薯波波」。麻薯波波有五種口味: 原味、朱古力🍫、肉鬆、芝士🧀和抹茶🍵， 一袋有六個， 原味$25， 其他口味$35。今次試咗原味、朱古力和肉鬆味。 推介肉鬆味🐷， 口感煙韌的麻薯波波， 配合鬆化的肉鬆， 有層次感，和肉鬆的味道很配👍😋。

本身就好鍾意食麻糬波波，舊年12月第一次食嗰陣簡直驚為天人，可以話係啖啖肉鬆，結果第二次去已經要排隊，肉鬆就已經減半，今個月再買….剩返第一次食的十分一都可能無….好失望lor….

聽聞本身係梅窩已經係非常出名嘅一間麻薯波波店。今次係中環開多咗間鋪！平日下就都已經大排長龍，足足要等40分鐘‼️✨原味麻薯波波 ($30/3pcs+朱古力3pcs)表皮少少鬆脆，咬落煙煙韌韌。而波波中間係半空心狀態，好有口感☺️✨朱古力麻薯波波 ($30/3pcs+原味3pcs)波波外皮有朱古力色水，但朱古力味就唔太大。相反入面嘅朱古力係呈現半流心，食落係好濃郁嘅朱古力味但又唔會話太甜👍🏻✨肉鬆麻薯波波($35)新鮮出爐，咬落口熱辣辣。表皮有芝麻而波波入面係鋪滿肉鬆，肉鬆好香口，意外地好夾！可惜嘅係肉鬆有少少油，但都可以接受🤩✨芝士麻薯波波($35)一樣係新鮮出爐熱辣辣，芝士鋪滿半個波波，食落除咗帶咸香味外，仲食到淡淡嘅咸蛋味。幾有驚喜🤪———————————————————————🌼評分：5個🌕為滿分🫧味道：🌕🌕🌕🌕🫧環境：🌕🌕🌕🌕🫧性價：🌕🌕🌕🌗🫧回頭：🌕🌕🌕🌗

幾鍾意呢間嘅麻薯波波，原味$25/6粒、朱古力/肉鬆$35/6粒，都幾大粒，行外脆內煙韌路線，非空氣感路線～原味好香芝麻味，肉鬆鹹鹹甜甜都唔錯，朱古力就正常。唯一挑剔係等好耐，前面十幾人，都要排30-45分鐘😥望落條隊未必好長，但因為得一位cashier，而且效率一般(唔係麵包舖個啲超快手嘅姐姐🤣)，如果每位客人都排到先諗買咩/點mix埋裝一袋，又要等埋其他口味先一次過埋單，就更耐…😢

我係附近工作既，成日都起附近餐廳食飯，一個星期都會排兩日買呢間嘢嘅麻薯波波，仲介紹埋身邊同事買黎食啦，我都食得好開心，次次都覺得好好食，都真係值得排隊買既，因為頭幾次食都係實心，冇諗過今次得個外殼入邊完全冇野。寧願去返連鎖店買都冇甘嬲。今次勁勁勁勁失望失望失望，話曬都真係用左半個中去排隊幫襯啦，點知咬落去得啖空氣，食到一肚氣，無對比無失望囉，入面既餡料縮晒水囉，應該話係冇餡料治岩，唔會再幫襯架啦，完

聽到同事講上環嗰邊有間好好味既麻糬波波店😋講到咁好味當然要買嚟試下啦！趁午飯時間過去，去到已經有接近20人排隊，最後我等咗30分鐘先買到。點解要等成30分鐘咁耐！？原來係賣哂要等下一批出爐，排到我咁啱要等下一轉，但就可以買到暖笠笠嘅麻糬波波。中環店一共有5個，有原味、肉鬆、朱古力、芝士及抹茶。我去到嘅時候，抹茶味已經賣哂，所以今次我買左原味、朱古力同肉鬆（原味2粒+另外兩個味各兩粒/$32）。外脆煙韌，唔係空心款，口感滿滿🥰