銀浠烘焙包餅店

Open Now

Now Closed

之前都吃過這裡的蛋撻,質素早知一般,記得剛開張時,很多人買,現在每天經過都看見沒太多人買蛋撻,恰巧經過見出爐,買了兩個蛋撻,一吃之不,蛋撻的蛋是糊狀的,完全沒有凝結,也沒有蛋味,想信內裡蛋的成份不多,就是cookie皮和糊狀的東西而已,最後吃了點外皮其他都掉了,本來想拿回去跟餅店講,最後因行了很遠,算了,blacklist 佢

今日經過烏溪沙站，見到呢間唔係連鎖大集團嘅麵包店，就即刻入去望下，見到麻糬波波都係$6/2, 而且仲有我最愛嘅朱古力同芝士味，於是我就買左每款口味兩粒試下。兩款麻糬波波嘅賣相都唔錯，都係脹卜卜咁。芝士味望落外面有唔少橙色嘅車打芝士粒粒，感覺上都會幾重芝士味，但其實食落就唔覺有芝士味，而且偏甜左啲，口感方面都幾實，似冇乜發過嘅感覺，做唔到外脆內軟嘅效果。朱古力麻糬亦冇任何朱古力味，同樣只係似食緊一舊幾實淨粉糰。

前幾日去這間餅店買芒果糯米糍返到屋企咬咗一啖嘅時候見到入面係芒果肉加少少cream好難食，以前都幫襯過這間舖頭買芒果糯米糍都不是這樣的是很好吃的，我諗我下次都唔會幫襯佢囉。

平時見到啲造型蛋糕幾得意，今次貴少少多來試吓病，好耐冇慶祝過開心吓啦！個造型好特別大家都會好驚喜，不過入邊嘅雜果鹹就麻麻哋，一嚟太甜，二來就冇乜特別，因為嗰啲雜果都係罐頭浸過糖水嘅菠蘿果類.. 收得四百幾蚊除咗係手工方面，材料都應該祝少少會好啲，譬如有多啲新鮮嘅生果，士多啤梨，每類或者哈密瓜西瓜咩都好， 而唔係全部都係罐頭，而且份量唔多今次順便試埋糯米糍老婆餅同蛋撻，蛋撻唔使再試曲奇餅正常，但係簡章好薄好少，而且冇乜蛋味完全嫲嫲糯米糍同老婆餅浮意外地好味！唔怪得知個男人買半打糯米糍！唔鍾意食花生鹹嘅我都覺得幾好味，因為佢個皮整得好煙韌又唔會太晏，花生餡亦都唔會太甜，花生合桃醬嘅份量比例啱啱好！而老婆餅痞嘅厚度適中，餡料少許煙韌但係又非常軟熟！唔會太甜， $6一大個非常抵食會encore!

呢間麵包舖係呢一區好難得嘅街坊麵包店，所以覺得佢開得唔錯有生意頭腦同埋平時都見到好多人買，畢竟周圍都係連鎖嘅麵包店所以我都搵日嚟試吓可以麵包，但係食過蛋糕仔，蛋糕，同埋方包等， 都唔覺得有傳統麵包店應有嘅味道～首先唔同款嘅蛋糕都唔係太有蛋味，蛋糕仔好乾身偏甜，冇牛油香～其他特色斑斕蛋糕或者朱古力蛋糕都係冇乜特出嘅味道但係一定唔係難食嘅只係唔吸引～可能你會覺得佢係冇落味精或者點樣所以探微啲，但係佢應該係乜嘢材料都冇乜點足？或者我唔識食啦🤣🤣不過如果係少啲防腐劑都值得食嘅

美食沙漠都有好味嘅蛋撻，熱辣辣新鮮出爐最好味！位於烏溪沙站的銀浠餅店，附近的居民都會來這裡買麵包店裡販售多款糕餅和麵包，長時間都有麵包出爐第一次品嚐曲奇皮蛋撻，剛好遇到新鮮出爐撻皮好脆，牛油味很香，喜歡曲奇皮的不要錯過店員姊姊很好人，還幫我夾（因為剛出爐很燙）吃蛋撻的重點一定是蛋漿，這個蛋漿很滑，富有蛋香甜度亦都掌握得很好，不過甜也不會太淡吃完一個好想再吃第二個下次經過不妨支持一下街坊餅店題外話：他們的菠蘿包也不錯，包體鬆軟，不是空氣包

烏溪沙麵包舖唔算多，呢間係少數非連鎖嘅麵包舖就當然要幫襯下！👀 呢間舖新開張無耐嘅時候，我有買過佢哋嘅芒果糯米糍，香甜軟糯幾好味，價錢平！👌🏻❤️ 蛋沙律三文治 $15蛋沙律顏色偏橙色，味道係有些少甜，分量都幾多，每咬一啖啲蛋沙律就會擠出嚟！價錢嚟講都合理，幾飽肚！好食度：⭐️⭐️⭐️ (3/5)餐廳推薦度：⭐️⭐️⭐️ (3/5)個人都幾推介佢哋嘅糯米糍！😛 呢間啲包唔止價錢平，比起連鎖麵包舖嘅麵包足料！支持！

其實我已經買過呢道嘅包幾次 味道都ok 正正常常而家疫症嚴重 就算係小店都應該有衛生意識 頭先我去咗買一個菠蘿包 一個餐蛋包 一個蛋撻 然後收銀個女人 佢係帶住手套 以防自己掂到銀紙 然後佢打開個袋打算入個包 但打開唔到 一手捅入個袋 係用佢對千年手套捅入去 我眼都突埋 然後入第二個嗰陣我忍唔住話 wa你咁樣都幾污糟㗎喎 然後佢話 ：其實我唔介意㗎 係你地介意污糟 我心諗 你講緊咩啊？我係介意你整污糟啲包 手套掂完勁多菌 然後有個表情好惡嘅長髮女人 一手搶左佢個夾 桶開袋夾我第三個包入袋 然後比我 好似覺得我好搞事咁 其實我都係講左一句咁大把 同埋都唔係錢嘅問題 嗰三個包我會掉咗佢 廢事食菌落肚啦 諗起都飽哂 唔會再幫襯 講出來係我覺得大家需要小心謹慎

6蚊一個，次次經過都買，好好味，原來要打夠八十字先比寫食評...嗰次經開烏溪沙見到有間新開面包店就入去睇下，都係賣啲腸仔飽、菠蘿包、雞尾包嗰啲，冇特別札試，見到有花生糯米糍一試難忘，經過親都買～～

糯米糍（$6）真切好食， 曲奇（$10）又脆又香又懷舊，蛋撻（$5）同樣好食， 值得支持， 唯一啫喱杯（$15）貴左啲。麵包方面， 火腿蛋包好食。另熱狗包外觀吸引，明天早餐先試。

銀湖街市外的麵包舖尋日開咗啦～區內一直缺乏呢一類港式麵包店，無論早上返工前買個早餐，或者同學仔放學食下午茶都非常適合。今日行過聞到好香麵包烘焙味道，雖然見到好多人，但都忍不住入內行下。見到有菠蘿包剛剛出爐，個個脹卜卜，非常吸引。另外也有椰絲奶油包、鹹甜餐包、叉燒包、芝士條等，亦有蛋糕仔、杏仁條、合桃酥及懷舊曲奇餅等。買咗花生糯米糍，入口好軟熟，餡料有原粒花生，好特別，幾好食呀～最後都多買了款懷舊曲奇，以後有新鮮出櫨蛋撻食啦～