銀城金閣海鮮廚房

Open Now

Now Closed

今晚，我們約了跑友食團年飯，好友介紹呢間，我們給出預算，餸菜由菜館發辦。🦋杏汁燉豬肺湯好香杏仁味，一大碟煲湯材料就知道點解個湯咁好飲。🦋茶燻太爺雞一隻新鮮雞，好香好重的茶燻味道，正👍🦋冰川咕嚕肉淨係個賣相都贏晒，咕嚕肉好爽脆🦋避風塘瀨尿蝦肉第一次咁樣食瀨尿蝦，唔使剝殼，味道啱啱好少少辣，成碟炸蒜好惹味🦋薑蔥美國桶蠔煲嘩！真係超大隻桶蠔，煮得生熟程度啱啱好，好正！🦋上湯花甲浸豆苗🦋清蒸海石斑🦋生炒糯米飯真係生炒出嚟的。奉送的甜品是雙皮奶，做得好滑！

熟客，食物不嬲有水準，介紹過幾枱朋友嚟食，都好滿意，今日同朋友來慶祝，平時個經理不在，一嚟又sell海鮮，無叫，最後6個人叫9個餸，慢慢食傾兩句，最後好食都一肚氣走，知你早收工，麻煩趕客都有技巧啲，10點半收工咪客氣啲講，去緊廁所又熄埋燈，叫支啤酒又搏命斟滿，不如唔好俾我叫啦，難得生意好返啲就唔好打自己個招牌啦，可能我唔係你哋嗰啲豪客啦，哥哥食到谷住個肚仲谷住啖氣走😤😤😤（利申之前未試過咁，唔好打錯人）不快回憶一篇

正到冇朋友， 剛剛遇上推介 - 龍蝦伊麵半隻伊麵底, 再加兩隻瀨尿蝦。茗茶只係每位四蚊，地方舒適整潔寬敞，員工招呼有禮貌。物超所值，午餐吃龍蝦加瀨尿蝦再加煲仔菜 都係唔使三百蚊

平民有鑊氣午餐， 小菜及午餐夠大碟。 茶味亦濃郁，沒有加一茶芥 平過茶餐廳。選擇亦不少，有小菜套餐 ，有炒粉麵， 極力推介。以往只做晚飯現在加開午餐平靚正 ，座位亦舒適。 初加開午市人不多 但也有人穿專誠外賣回家 好過自己煮

成個食過程極不滿 盡量 point form 1. staff無能， 全部好似新手甘。 問佢 d野黎未又唔應你 自己衝去睇 又唔知得唔得 , 點個啤酒都要兩個人落， 對 menu極唔熟 都唔知邊 d餸有邊 d冇 . 經理更甚 ,.唔知點解佢可以喺番工時間同屋企人食飯 可能佢係老板有股份 , 但當我投訴 d野慢既時候 佢都可以繼續同屋企人食飯 唔出黎哂個冧尤得 d staff 俾我話 ， 少少責任都唔負 我真係好佩服佢呀！2. 出菜速度超慢 極不公平大細超 , 成個鋪 廳得4 成滿 入面 d房就 full. 明明房入面有客人遲過我到 , 佢就煮哂成圍野俾人先 . 我早點 淨係點三個家常小菜 梅菜扣肉 黑椒牛柳粒 糯米飯 成1個鐘頭25 分鐘都黎得兩個， 嬲到我取消最後一個糯米飯轉做2 碗白飯 ,. 而最令我嬲既係 我取消時 個 staff同廚房講完番黎同我講 <係咪真係唔要 佢而家會煮> , 甘即係唔催你就唔煮 完全當唔坐房既客人冇到 如果係甘 不如除左房唔接生意 好冇？ 3. 野食求其接番頭先第二個 point , 第一碟菜黑椒薯仔牛柳粒等左我半個鐘 薯仔太林 牛粒幾

平常什少叫蒸蟶子因為容易蒸過火。今次冒險叫了，真是覺得可能係呢世人食過最正的蟶子。火喉剛剛好，肉厚，味道較得很好，爽夾諗。真是正到冇朋友👍👍👍另外避風塘瀨尿蝦肉也是一絕👍👍太爺雞冇得輸👍👍以前常幫襯佢哋總店，但因為舖細，有時好難 book 尤其週末，銀城可能新開，book 位不是問題。佢哋送的甜品，薑汁燉奶也是冇得彈，絕對不是免費就求其做👍👍👍無論是龍門金閣或銀城金閣，服務態度都是值得一讚👍👍👍

朋友話新開左間餐廳，食完覺得唔錯，推介比我地去試，而且話焗魚腸必食，我提前卜左父親節正日，同屋企人一齊黎食。《雞蛋焗魚腸》$158呢個係一個懷舊菜式，魚腸加上芫荽、薑等配料，同雞蛋撈勻放入缽仔，再以蒸焗方法煮。焗完面頭系脆身嘅，魚腸好新鮮，唔落胡椒粉食都唔會過腥，水準唔錯。《上湯龍蝦配剪米粉底》$498澳洲青龍果然好食，龍蝦肉鮮甜，好重龍蝦味，再加埋煎米粉底（另加$50），索曬龍蝦汁嘅鮮甜，好好食，推介大家轉剪米粉底。不過由於父親節正日，價錢偏貴，朋友話之前餐廳做優惠，只系$298。《黑醋一字骨》$155一字骨都幾大條，而且蚊到肉質好腍，配上黑醋汁，酸酸甜甜，好岩送飯。《金銀蛋浸白菜仔》$148白菜仔好新鮮，加上清雞湯，味道一定好味，可以當系一個菜湯，飲落去都清甜，唔會過咸。《欖菜肉鬆炒菜心》$158菜心鮮嫩，炒得岩岩好，唔會過老，加埋欖菜同肉碎令味道更豐富，而且都系一碟好岩撈飯食嘅菜式。《生炒糯米飯》$158糯米飯味道不錯，好香嘅臘味味，但略嫌炒得唔夠乾身，偏濕。《薑汁撞奶》（免費）薑汁味岩岩好，唔會過濃唔會過淡，而且好滑身，甜而不膩，系個唔錯嘅甜品。