Simply Bread (Closed)

家姐買0左几款佢0既包做早餐.我今朝同佢一齊試0左3個包,一個係芝士雪人,一個芝士菠菜,一個係朱古力包.個芝士雪人入面有2款cheese,一款係blue cheese一款係camembert cheese,細細個但芝士味勁!!不過我嫌芝士少0左d,唔夠候~同埋呢個包份量好少,入面空蕩蕩,實食唔飽.個菠菜芝士又係好細條,我2-3啖食哂,冇咩菠菜味,呢個一般.個朱古力包賣相有d特別,似潮州月餅(個面),一層層咁,但原來只係個面一層層,我用刀一切,面d一層層甩哂....變0左個普通包....不過包都叫鬆軟,入面朱古力醬夠多夠濃,呢度加番少少分~不過之後要食番碟上面0既包面都几麻煩....

星期六食完霸王山莊既tea time 後,路過望見此店勁多人買麵包,於是同女友好奇入去望望.嘩...間鋪真係好多人,呢一種人潮實在唔應該0係一間麵包店度出現,實在好難理解.由於見到女友望住賣相靚靚既麵包對眼好似著左火一樣,所以就算有八成飽,都揀個包來邊行邊吃.由於法包剛放出來,且見包內夾住一大"pat"芝士,於是就要芝士法包($15)啦.付錢後要求收銀將法包斬件亦有禮照做,店員train 得唔錯。法包雖然唔熱,但係包面極脆,幾好喎.芝士配麵包一向都係一流,加上芝士足夠,實在美味.下次等少人一點再黎試下其他款,皆因實在唔習慣人迫人咁去夾麵包呀..

琴日講過佢個雞沙律盒子,都ok 0既~今朝終於試埋毛毛虫同3色小甜包~全都係同姐姐分一半食.先講個三色小甜包,3款面頭0既食物分別係黑芝麻,朱古力粉同白芝麻.我先試個朱古力,入面有一層朱古力醬,我覺得几好食,個包好軟(雖然放0左一晚),朱古力又唔會太甜,上面0既粉少少苦食落去感覺唔會太滯咁.白芝麻入面係d黃色0既醬,好似係吉士咁,但我唔sure,因為食完都唔太食得出係咩...黑芝麻入面係紅豆,我覺得麻麻地,個味唔太夾咁.我同姐姐都講得係朱古力0個款最好食.個毛毛虫好勁,好大條~~個樣樣都做得好靚~几似毛毛虫.我同姐姐+媽咪3個人食先食得完,好大條(可能之前又食0左3色包).毛毛虫上面係d肉鬆,個包本身就係扭紋型,中間夾住d香腸黎扭0既.個樣已經加哂分.食落覺得都唔錯,9蚊咁大個喎,d香腸都唔係普通包店香腸囉,佢條腸都几香,而且個包都做得好軟好香包味~呢個值得一試!

今晚0係度買0左d包番屋企,買0左個毛毛虫,雞沙律盒同一款夾0左3個小甜包0既包,唔知叫咩名.總共$23.5個雞沙律我覺得几抵食,好似8.5一個,都几新鮮,頭鮮番黎即刻食,都几好食,不過粟米粒多過雞,而且個酥皮底可能俾d沙律汁浸住,lum 0左少少,但味道係ok的個毛毛虫好大條,另外0個3粒小包個樣好吸引,不過係聽朝早餐,所以未試呢~

Not so tasty !<br />Not so valued !

我家姐食過佢個芝忌芝皮包同埋芝士naan bread. 佢覺得個芝忌芝皮包okay,不過唔係話特別好食! 至於個naan bread,佢覺得有d怪!由於佢食完之後個肚唔舒服,而家話見到芝士包都怕怕添呀!

的確連個芝皮芝心包都無甘好食﹐最初以為係心理作用﹐間鋪開左一排欠缺新鮮感所以無甘滿意﹐完來真係差左﹐上個禮拜買左3個包﹐共$26蚊﹐但係食完直頭係覺得唔抵﹗可能人為TURNOVER少左﹐個包凍冰冰﹐餡料就肯定比以前少左﹐食落感覺同東海堂一類麵包店分別不大﹐只係多左個特別名稱﹐同埋俾其它店賣貴一厥。如果照呢個跌WATT速度﹐試多兩次水準都無“谷底反彈”的話我諗我未必會再幫趁了。差唔多價錢我不如去家家樂買芝士漢堡仲好味。

sorry for thatgive it a >_<

我不嬲都係佢既cream cheese bun捧場客，又會試下新嘢但今次試咗個豬扖包($13)，幾難食下而佢個一定要just baked先食得既cream cheese bun($8)既包質都有微跌

味道幾好,方包都唔錯.不過唔平.<br />推薦忌廉條.<br />

一早就想試呢度d 野gala～咁早幾日行過尖咀,梗係去買下野啦!!去到勁多人呀~不過真係好多包包,有好多款ga,不過真係幾貴下!!我自問鍾意食cake多過食包,so就走去揀cake 啦..都有5~6款ga,重款款都好靚tim.佢個個都有個好靚ge名ga~我自己就睇中左一個黑白朱古力cake(唔記得左個名lu)~$128,唔貴呀(我覺得)~~買左返屋企之後真係即刻同d fd分啦,一食,嘩....激難食呀!!個面包住個cake果d 朱古力好似擦膠咁(似東海堂果隻),cake底又硬,cream就鞋十十,d朱古力就甜到爆呀!!!一句講哂,一定無下次呀.....><~><

呢度啲danish(s)認真麻麻，又唔平，今次畀"喊"--------------------------------------因為都成日經過，所以喺唔同時段都食過個人意見係，鹹既包凍咗都仲食得下，但甜既包就一定要佢啱啱出或者仲熱熱地果時買嚟即食應該係用料同製法唔同，呢度仍以港式為主調，而A1集團、little mermaid則以西日式為主

今朝買左黎做早餐~~好好味啊~~勁多cheese,叮左之後簡直係美味~~~~d cheese溶溶地.正~~原來淨係cheese既包已經有成5.6種,一定要試晒佢...雖然價錢較貴..但係太中意食cheese 啦..哈哈哈

今朝買左個芝士雪人($8)做早餐. 裡面有blue cheese同埋camembert cheese. 一早都知blue cheese以臭聞名, 但估唔到佢真係咁臭...我叮完個包之後, 成間公司都彌漫住陣臭味...哈哈...不過雖然係臭, 但係d芝士味夠濃夠鹹, 係幾好味!不過就細個左少少, 唔係好夠飽!

佢係美心集團開o既一間貴價麵包舖，只係多o左一個open kitchen & 豪華裝修。我諗佢o地用o既麵粉係一樣，所以凍o左就一d都唔好食。其實間間麵包舖d出爐麵包都好好食，唔值得用咁貴o既價錢買個小包仔。open kitchen & 豪華裝修呢d都係宣傳方法，好成功。不過最好都係改量o下d整包用料，凍o左都好食先值咁貴。