Simply Bread (Closed)

放工成六點幾七點..好肚餓,立即去買個包黎食..見佢個磨姑芝士包出爐..所以要左呢款(本來想要推介既芝皮芝心包..不過見唔到有),好味好多mushroom~~不過似食緊supersandwich既mushroom & cheese飛碟,d味一樣咁滯,不過$7一個我覺得有d貴喎..都係A-1同Beckenheim果D好味D,又唔係太貴嘩..simply bread個肉鬆包成9蚊個..真係咁好食??仲有見到好多款bread,下次會試下d danish,~~亦見到好多款cake,賣相好靚,不過唔知好唔好食,有機會試下啦...

今日又嚟食包(都第N次)，之前次次都係出爐無耐，或甚"捕"住喺佢係個爐度拎出嚟"截糊"，至愛仍是creme cheese ball($8)但今日個已咗幾個鐘，其他包種影響唔大，但個creme cheese包質地就差咗好遠，成個口感、以至味道都跌晒，所以依款包一定要just baked / still very warm至買嚟即食------------------------------------所以今次扣分-------------------------------------另想話下佢唔好吹水有一百款包，頂多畀佢三十款咋

推介　－＞　芝皮芝心包鍾意食cheese既人一定要試超多芝士勁好味而另外一款肉鬆包...ok la但依度既包價錢就真係貴左D啦

今日行過又買0左d包,同樣有肉鬆包,另外買0左個蘋果丹麥酥.聽朝先食,唔知好唔好食呢~<br /><br />另外,佢個酸忌廉檸檬芝士蛋糕有得散買,18蚊件~

尋晚見到實在太開心喇,又肚餓喎,唔記得拎個相機出黎影完就切黎食,而家都番小小,唔緊要啦,好過冇得睇...!!

尋日情人節,老公買左個酸忌廉焗檸檬芝士蛋糕比我做情人節禮物,番到屋企緊係第一時間切黎食啦!嘩...好正啵,D生果都好新鮮,我最鐘意佢個餅底,好香朱固力味架!大家經過既時候,記住買黎試下呀,聽我老公講,佢好似有得一件件買架,價錢我就真係唔知喇...!!

佢d包真係唔錯,今日又番去買,但勁多人...唔知點解...下午6點行過,入面全都係女人,0係到買買買,揀揀揀....佢個肉鬆包真係好好味,佢好似有蜜糖痴住d肉鬆,d肉鬆又好鬆脆,個包又好味,總之好好味.<個蜜糖蘋果簡直係百吃不厭tim!!唉,唔怪得咁多人0既...

各位一定要試佢個酸忌廉焗檸檬芝士蛋糕,好好食架,好食到喊....另外個mousse cream cheese with mango jelly fresh fruit cup都好好食!!!同係清香0既蛋糕

今日LUNCH 唔夠時間﹐匆匆忙忙去SIMPLY BREAD 買幾個包醫肚就算﹐簡評如下﹕小忌廉棒- 長型軟包加脆皮面口感麻麻﹐整體上唔係幾“夾”﹐裡面的忌廉香甜軟滑﹐好味﹐不過份量少得可憐。基本上呢個包係失敗之作﹐如果忌廉多返少少﹐唔要脆皮面可能更好味。芝皮芝心包- 正﹗一個芝士餡包再加一塊侷完的類似卡夫芝士面的皮﹐配合得好好﹐喜歡芝士+ 麵包配搭的朋友不要錯過﹗咸水芝士麵包- 係一個OVAL SHAPE的扁身軟包入面加入芝士餡。如果無估錯應該係用FETA CHEESE﹐味道都OK架﹐但口感就唔係幾好﹐我自己唔太中意﹐要我揀我都係食“芝皮芝心”包了。但未食過的都可以一試﹐因為都幾特別。三個包盛惠二十二元五角﹐真係幾貴!

行過尖沙咀,就買左d飽食~佢個甜心蘋果好好食,7蚊個,中間有蘋果,唔太甜,又香口~另外,個花心栗子都好好食,好香栗子味,9蚊個但好好食~

今朝食過佢個三眼小子, 係三拼包, 三個小球體分別有朱古力,豆沙,同吉士餡, 黐埋一齊. 頭兩種不過不失, 但係個吉士唔好食!<br />

今朝試左佢個"番薯王". 即係一個面包裡面包住d番薯. o係包面鋪左一層肉桂粉, 所以聞起黎好香. 但係裡面d番薯蓉唔甜, 亦都唔夠多.銅鑼灣donq o係好耐以前已經有番薯包, 唔同之處就係donq用法國包, 唔係軟包, 仲有...donq o個個裡面o既番薯蓉又香甜又多, 好味過呢個好多!價錢都係差唔多嫁咋!

呢間SIMPLY BREAD 的意式香草包﹐質感非常唔得﹐又硬又“散”﹐不過味道就幾好﹐入面仲有乾蕃茄﹐好足料﹐可惜略為多油。唔知係唔係我買的時候係臨收工所以個包唔新鮮定係咩啦﹐但我諗呢個包新鮮出爐時會好食好多。但$15 個就真係頗貴﹐我覺得$12左右會較為合理。

已經試晒想食既好幾款，最好都係既"芝士忌廉球"(creme cheese xxx)，$8一個未試過依度啲cakes，但眼見唔太吸引到我呢度服務喺包店中之最好(分數淨畀個熱辣球)

事前唔知係under美心，但第一眼望落啲包度就估佢係美心，之後知道無估錯<br />試過幾款麵包，有好有唔好，講真就唔多抵，但而家啲嘢係咁0架啦，唔再係以前一食落去就有"本應該如此"既感覺<br />如果睇啱有咩啱自己，都值得試下的<br />(都係果句，味道分係整體計)